Vətəndaş Həmrəyliyi Partiyası

Category: Xəbər

  • Ermənistan ABŞ və Rusiyaya eyni vaxtda yarınmağın təhlükəli olduğunu anlamaqda çətinlik çəkir

    Ermənistan hakimiyyəti iki böyük gücün – Rusiya və ABŞ-ın arasında qalıb. Bunu Ermənistan rəsmilərinin səfər trayektoriyasından müəyyənləşdirmək olar. Ermənistan Xarici işlər naziri Ararat Mirzoyan Moskvaya yollanıb. Moskvada rusiyalı həmkarı Sergey Lavrovla görüşən nazir regional təhlükəsizlik, sabitlik, o cümlədən Ermənistan-Rusiya müttəfiqlik münasibətləri ilə bağlı məsələləri müzakirə edib. Görünür, Mirzoyan liderlərin Brüssel görüşünün detallı hesabatını Lavrova verib. Ermənistanın Müdafiə naziri Suren Papkiyan isə əks istiqamətə, ABŞ-a gedib. 
    Onu da Pentaqona çağırıblar. Belə çıxır ki, amerikalılar da İrəvanın Rusiya ilə hərbi əməkdaşlığının səviyyəsini öyrənmək istəyirlər. Üstəgəl, Qarabağ separatçılarının “xarici işlər naziri” David Babayanı da Konqresdə gözləyirlər. İki gün sonra isə Baş nazir Nikol Paşinyan Kreml sahibi Vladimir Putinin hüzurunda olacaq. Paşinyan Putinlə birgə iqtisadi forumda iştirak edəcək. Ekspertlərə görə, Paşinyan və hökuməti Rusiyanın ağalığından imtina edə bilmirlər. Ancaq Vaşinqtonun da şirnikləndirici təkliflərindən vaz keçmirlər. Vaşinqton Ermənistanın Rusiyadan tam imtina edə bilməyəcəyini anlayışla qarşılayır. Kremlin isə bu məsələdə mövqeyi qəti və güzəştsizdir.
     
      Vətəndaş Həmrəyliyi Partiyasının sədr müavini Samir Əsədli “Şərq”ə açıqlamasında bildirib ki, İrəvan həm Moskvaya, həm də onun qatı düşməni Vaşinqtona hesabat verir. Partiya təmsilçisinin sözlərinə görə, Ermənistan indiki qəliz geopolitik situasiyada çaşqın vəziyyətə düşdüyünü qətiyyən gizlədə bilmir: 
    “Rəsmi İrəvanın atdığı son addımlar xaotik xarakter daşıyır. Gələcək nəticələri də kifayət qədər ciddi suallar doğurur. Ancaq rəsmi İrəvanın unutduğu çox önəmli məqam var.
    Ermənistan ABŞ və Rusiyaya eyni vaxtda yarınmağın həm təhlükəli, həm də mənasız olduğunu hələ də anlamaqda çətinlik çəkir. İki dövlətin eyni vaxtda Ermənistanı birlikdə müdafiə edəcəklərinə yalnız sadəlövhlər inana bilər.
     
    Digər tərəfdən, Cənubi Qafqazda reallıqlar ciddi şəkildə dəyişib. Regionda həm Rusiyanın, həm də Qərbin öz maraqlarını təmin etmələri üçün Ermənistan həlledici faktor deyil.
     
     Ermənistanın geopolitik əhəmiyyəti çoxdan beynəlxalq siyasi iradə mərkəzləri tərəfindən ciddiyə alınmır. İndi Cənubi Qafqazda maraqları olan super güclərin ilk növbədə Azərbaycan-Türkiyə tandemi ilə anlaşmaya ehtiyacı var. Ermənistanın gələcək taleyi də məhz bu ittifaqdan birbaşa asılı vəziyyətdədir”.

  • VHP-nin bölgə iclasları davam edir- FOTO

    Şəmkir/ Vətəndaş Həmrəyliyi Partiyası Şəmkir rayon təşkilatı Məclisinin növbəti yığıncağı keçirilib. Toplantıda çıxış edən rayon təşkilatının sədri Ülfət Zeynalov ölkədəki ictimai-siyasi durum, partiya qarşısında duran məsələlər, rayon təşkilatının fəaliyyətindən danışıb. Ölkədəki ictimai-siyasi durum haqda danışan Ülfət bəy Qarabağ cəbhəsində qazanılan hərbi və diplomatik uğurlara rəğmən iqtisadi-sosial sahədə ciddi problemlər yaşandığını bildirib: “Sürətli qiymət artımı fonunda işsizlik vətəndaşların sosial durumunu həddən artıq ağırlaşdırıb. Korrupsiya və məmur özbaşınalığı ölkə iqtisadiyyatına ciddi zərbə vurur. Xüsusilə kənd təsərrüfatı sahəsindəki problemlər, aqrar sektorun inkişaf etdirilməməsi ərzaq təhlükəsizliyimizi sual altına alıb”.
    Daha sonra təşkilat sədri VHP-nin yaranmasının 30 illiyi ilə bağlı fikirlərini bildirərək qeyd edib ki, VHP həm siyasi yolu, həm də ideologiyası ilə Azərbaycan siyasi sistemində özünə xüsusi mövqe qazanmış bir partiyadır. Təşkilat sədri məclis iştirakçılarının yubiley münasibəti ilə təbrik edib və partiya üzvləri qarşısında duran vəzifələrdən danışıb. Məclis üzvləri səsləndirilən fikirlərlə bağlı mövqelərini bildiriblər.
    Sonda VHP sıralarına yeni üzvlər qəbul edilib və iclas başa çatıb.
    ***
    Qazax/  Vətəndaş Həmrəyliyi Partiyası (VHP) Qazax rayon təşkilatı Məclisinin növbəti yığıncağı keçirilib. Yığıncaqda ölkədəki ictimai-siyasi durum, qərarların icra vəziyyəti, qarşıda duran işlər və təşkilati məsələlər müzakirə edilib.

    Rayon təşkilatının sədri Qoca Qocayev ölkədəki ictimai-siyasi vəziyyət, partiyanın və rayon təşkilatının fəaliyyəti, Qazax rayonundakı vəziyyət barədə geniş çıxış edib. O, bildirib ki, hazırda əhalini narahat edən əsas məsələ işsizlik, qiymət artımıdır: “Demək olar ki, gündəlik tələbat məhsullarının qiyməti hər gün artır, bu da insanların dolanışığına, yaşayışına ciddi təsir edir. Gənclər iş tapa bilmirlər, bu isə kənd yerlərinin kütləvi boşalmasına gətirib çıxarır ki, nəticədə kənd təsərüfatına ciddi ziyan dəyir. Digər tərəfdən kəndli də əkdiyini, biçdiyini istədiyi kimi sata bilmir. Monopoliya, rüşvət, məmur özbaşınalığı da buna təsir edir. Kəndlinin məhsulu maya dəyərindən də ucuz alınır, mərkəzdə, böyük şəhərlərdə marketlərdəki qiymət isə od tutub yanır.Hökumət buna ciddi əncam çəkməlidir, bu məsələlər qaydasına düşməsə kənd təsərrüfatı daha da bərbad günə düşəcək. Cünki kəndli əkir, biçir faydasını işbazlar, böyük market sahibləri görürlər”.
    Təşkilat sədri bildirib ki, bu il VHP-nin 30 yaşı tamam olur. Bizim üçün ələmətdar, böyük gündür. Qazax rayon təşkilatı da ilk təsis edilən partiya qurumlarından biridir. VHP 30 illik nümunəvi fəaliyyəti ilə bütün partiyalara örnək təşkilatdır.

  • VHP-çilər bölgələrdə toplantı keçirdilər- FOTO

    Lökbatan/ Bu gün Vətəndaş Həmrəyliyi Partiyası Qaradağ rayon təşkilatının Məclisinin növbəti toplantısı keçirilib. Yığıncağı təşkilat sədrinin müavini Aydın Həsənov açaraq təşkilatın fəaliyyəti, konfrans hazırlıqları barədə danışıb. Bildirib ki, konfransa hazırlıqlar davam edir. Özək təşkilatlarının ümumi yığıncaqları keçirilir, konfrans nümayəndələri müəyyənləşdirilir və işlər yekunlaşandan sonra Qaradağ rayon təşkilatı konfransının iclası keçiriləcək.

    Rayon təşkilatı nəzarət-təftiş komissiyasının sədri Siyavuş Ağayev, məclis üzvlərindən Xanhüseyn Hüseynov, Salman Əhədli və digərləri çıxış edərək təşkilatın fəaliyyəti, VHP-nin 30 illik fəaliyyəti barədə danışıblar.
    Yığıncaqda iştirak edən VHP-nin Mərkəzi Nəzarət-Təftiş Komissiyasının üzvü Saleh Salayev çıxışında ictimai-siyasi məsələlər, bölgədə və dünyada baş verən proseslər, VHP-nin fəaliyyəti, siyasi-iqtisadi məsələlərə münasibəti barədə danışıb.
    Çıxış edən Məclis üzvləri bildirib ki, 26 sentyabr tarixində VHP-nin təsis edilməsindən 30 il ötür. VHP-nin hədəfi milləti birləşdirmək, ölkədə vətəndaş həmrəyliyinə nail olmaqdır. Vətəndaş Həmrəyliyi- insan haqlarını yüksək tutan xalq ideallarına bağlı, dövlətçiliyə xidmət edən və bu istiqamətdə bütün siyasi- ideoloji dəyərlərdən səmərəli dəyərlənən bir xəttdir.
    ***
    Qobustan/ Vətəndaş Həmrəyliyi Partiyası Qobustan rayon təşkilatının Məclisi növbəti yığıncağını keçirib.

    Yığıncaqda Partiyanın təsis edilməsinin 30-cu ildönümü və qarşıda duran məsələlər müzakirə edilib. Rayon təşkilatının sədri Eminağa Niftəliyev tədbirdə çıxış edərək, məclis iştirakçılarını VHP-nin təsis edilməsinin 30-cu ildönümü münasibəti ilə təbrik edib: “26 sentyabr 1992-ci ildə Vətəndaş Həmrəyliyi Partiyasının ilk təsis qurultayı keçirilib. Elə həmin tarixi gündən də VHP Azərbaycan cəmiyyətinə “vətəndaş həmrəyliyi”, “vətəndaş birliyi”, “milli birlik” ideologiyası ilə daxil oldu. Aradan keçən bu illərdə ideologiyamızın genişlənməsi üçün mühüm işlər görüldü, partiya öz siyasi xəttindən bir dəfə də olsun yayınmadı. Hazırda bütün siyasi qüvvələr bölgədə baş verən prosesləri nəzərə alaraq, ölkənin nicatının vətəndaş həmrəyliyində olduğunu vurğulayırlar. Bu, VHP-nin irəli sürdüyü ideologiyanın nə qədər gərəkli və strateji baxımdan əhəmiyyətli olmasının göstəricisidir”.
    Təşkilat sədri çıxışı zamanı qarşıda duran işlər, təşkilatın fəaliyyəti və rayonda baş verən olaylar barədə də danışıb.
    Məclis təşkilati məsələlərin müzakirəsi ilə yekunlaşıb və sonda VHP sıralarına yeni üzvlər qəbul edilib.

  • VHP təşkilatları toplanıb- FOTO

    Bakı/ Vətəndaş Həmrəyliyi Partiyası 30 illik yubley tədbirləri çərçivəsində təşkilatlanma və bölgə təşkilatları işinin gücləndirilməsi istiqamətində fəaliyyətini davam etdirir. Bu gün partiyanın mərkəzi qərargahında partiyanın Qusar, Qax, Yardımlı, Goranboy və Beyləqan rayon təşkilatı üzvlərinin iştirakı ilə toplantı keçirilib. Toplantıda rayon təşkilatlarının fəaliyyəti, bölgələrdə təşkilati işlər və qarşıya çıxan çətinliklər müzakirə edilmiş, qarşıya qoyulan məqsədlər əıtrafında fikir mübadiləsi aparılıb.

    Goranboy rayon təşkilatının sədri Zaur Məmmədli, Qusar rayon təşkilatının sədri Elşəfa Məmmədov, Beyləqan rayon təşkilatının sədri Ədalət Quliyev, Yardımlı rayon təşkilatının sədri Azad Rzazadə və Qax rayon təşkilatının sədr müavini Roma Rayonoviç rəhbərlik etdikləri rayon təşkilatlarındakı durum haqda məlumat verib və təkliflərini səsləndirib.
    VHP sədrinin müavini Samir Əsədli toplantı iştirakçılarına ölkədəki ictimai-siyasi durum haqda məlumat vermiş, VHP-nin mövqeyi haqda fikirlərini bildirib. VHP Siyasi Şura üzvləri Asif Şəkərli və Səlahəddin Əsgər partiyanın təşkilati işləri və yubiley hazırlıqlarından danışıb.
    ***

    Tərtər/ Vətəndaş Həmrəyliyi Partiyası (VHP) Tərtər rayon təşkilatı Məclicinin növbəti yığıncağı keçirilib.

    Təşkilatın sədri Nizami İsmayılov iclası açaraq çıxışında bildirib ki, bu il VHP üçün ələmətdar ildir, partiyanın 30 yaşı tamam olur. Yolumuza, əqidəmizə və ideyamıza sadiq olaraq şərəfli yol keçmişik. VHP-nin məqsədi millətə xidmət yoludur, amalımız, yolumuz birdir. Vətəndaş Həmrəyliyi, milli birlik xalqın xilas və barış yoludur. Bu gün VHP ideoloji partiya olaraq milli birliyimiz üçün çalışır. Tərtər təşkilatı da ilk təsis edilən rayon təşkilatlarından biri kimi yubiley tədbirinə ciddi hazırlaşır.
    Məclisdə ölkədəki mövcud ictimai-siyasi durum, sosial-itisadi vəziyyət və kənd təsərrüfatı sahəsindəki problemlər müzakirə olunub. Bildirilib ki, Azərbaycanın son vaxtlar Qarabağın qanunsuz erməni silahlılarından təmizlənməsi istiqamətin gördüyü tədbirlər və Ermənistanla bağlı diplomatik fəaliyyəti təqdir olunur. VHP hər zaman olduğu kimi indi də ümummilli maraqlar kəsb edən məsələlərdə dövlətçilik mövqeyində durur. Məclis üzvləri müzakirələrdə qeyd edib ki, kənd təsərrüfatına, yerli fermerlərə diqqət artırılmalı və kənd insanının öz təsərrüfat subyektlərini yaratması, əkib becərdiklərini sərbəst bazara çıxarması ilə bağlı müvafiq tədbirlər görülməlidir. Tərtər aqrar rayondur və əkib-biçinə xüsusi diqqət ayrılmalıdır.
    Sonda təşkilati işlər müzakirə edilib, partiya sıralarına yeni üzvlər qəbul edilib.

    ***

    Cəlilabad/ Vətəndaş Həmrəyliyi Partiyası Cəlilabad rayon təşkilatı Məclisinin növbəti yığıncağı keçirilib.

    Təşkilatın sədri Əliqismət Əlibəyli ölkədə baş verən siyasi-iqtisadi vəziyyət, Cəlilabad və bölgədəki durum haqqında danışıb. Təşkilat sədri Qarabağda yerləşdirilən sülhməramlı ruslardan, erməni təxribatlarından söz açıb. Qeyd edib ki, rus əsgərləri bölgədən çıxıb getməli, ərazi tam olataq Azərbaycan ordusunun səlahiyyətinə verilməlidir. Bundan sonra bölgədə əbədi sülh və birgə yaşayış olacaq.
    O çıxışında bildirib ki, işsizlik və iş yerlərinin olmaması kəndləridən, rayonlardan insanların köçüb getməsinə, kənd təsərrüfatının isə bərbad hala gəlib çıxmasına gətirir. Bu gün gənclər işsizdir, iş yeri yoxdur. Hər gün ərzaq, bütün dolanışıq məhsullarının qiyməti sürətlə qalxır. Bu da işsiz, aztəminatlı ailəlırin dolanışığını, durumunu bərbad hala salır.
    Məclisdə partiyanın 30 illik fəaliyyəti ilə bağlı da müzakirə aparılıb. Əlavə edilib ki, Cəlilabad təşkilatı da ilk təsis edilən təşkilatlardan biridir, bu gün də Cəlilabadda monolit, aktiv fəaliyyət göstərin, insanların etimad edib qoşulduğu təşkilatlardandır.

    ***

    Tovuz/ Bu gün VHP Tovuz rayon təşkilatı Məclisinin növbəti toplantısı keçirilib.

    Rayon təşkilatının sədri Nəsimi Tovuzlu ölkədəki ictimai-siyasi vəziyyət, Vətəndaş Həmrəyliyi Partiyasının fəaliyyəti, bölgədə və dünyada cərəyan edən olaylar barədə geniş məruzə ilə çıxış edib. Ermənistanla sülh prosesi və Azərbaycan ərazilərinin boşaldılması haqda danışan Nəsimi bəy bu məsələdə rəsmi Bakının qətiyyətinin təqdirəlayiq olduğunu və VHP-nin bu mövqeyi dəstəklədiyini bildirib. Daha sonra sosial iqtisadi vəziyyət barədə çıxış edən təşkilat sədri son vaxtlar bahalaşma, xüsusən gündəlik tələbat məhsullarının qiymət artımından danışıb, qeyd edib ki, bu bahalaşma əhalinin dolanışığına ciddi mənfi təsir edir.
    Sonda təşkilati məsələlərə baxılıb, VHP sıralarına yeni üzvlər qəbul edilib. Həmçinin yeni təsis edilən 8 özək təşkilatının səlahiyyətləri təsdiq edilərək, məclisdə qeydiyyata alınıb.

    ***

    Masallı/  Vətəndaş Həmrəyliyi Partiyası Masallı rayon təşkilatı Məclisinin növbəti yığıncağı keçirilib. Təşkilatın sədri Faiq Ağayev çıxışında ictimai-siyasi məsələlər, VHP-nin 30 illik yubileyi ilə bağlə qarşıda duran işlərdən danışıb. O çıxışında bildirib ki, bu il VHP üçün ələmətdar ildir, 30 il öncə VHP təsis olunub. 1992-ci ilin payızında daxili və xarici təhdidlər qarşısında dövlətin varlığının belə sual altında olduğu bir vaxtda yaradılan partiya çoxları üçün siyasi səhnənin ötəri iştirakçısı təsiri bağışlasa da zaman əksini sübut etdi. Əslində, o zaman yaranan bütün partiyaların, xüsusilə milli demokratik düşərgəni təmsil edən siyasi qurumların ideoloji əsasında “milli birlik” xətti mövcuddur. Ancaq VHP bu ideyanı, dövrün ictimai-siyasi şəraitinə uyğun olaraq, siyasi mübarizəmizin əsas priaritetinə çevirdi və nəticə etibarilə nəinki yeni ideologiya yaratdıq, həm də partiya olaraq fəaliyyətimizdə onun praktik formasını göstərdik. Artıq vətəndaş həmrəyliyi ideyasının zəruriliyini anlamayan yoxdur və bu ideologiya dövlətçiliyimizin təminatı statusunu alıb.

    Sonda təşkilati məsələlərə baxılıb, VHP sıralarına yeni üzvlər qəbul edilib.

  • Faiq Balabəyli: “Ermənilərin Laçında törətdiklərinə dünya birliyi də biganə qalmamalıdır…”

    Laçın şəhərini, eləcə də Laçının Zabux və Sus kəndlərini tərk edən ermənilərin törətdiyi vandalizm aktları həqiqətən də tükürpədicidir. Bunlar iddia deyil, həqiqətdir. Laçında erməni vandalizmini, bütün baş verənləri PUA-larımız lentə alıb.

    Medianın yaydığı məlumata görə, Laçının, demək olar ki, bütün ərazisi boz dumanla örtülüb, yanıq iyi rayondan çox-çox uzaqlara yayılır. Buna səbəb təkcə ermənilər tərəfindən yandırılan yaşayış binaları və sosial infrastruktur deyil, həm də Laçın rayonunun 22 min hektarında yanan meşələrdir.
    Yanan meşələrin tüstüsü uzaqdan seyr edilir, eləcə də orada qanunsuz məskunlaşan XXI əsrin erməni barbarlarının Laçın, Zabux və Susdan çıxarkən nə etdikləri görünür.

    Qeyd edək ki, ermənilər Laçında ekosid törədir, evləri, meşələri yandırır, məzarlarını söküb aparırlar, kilsəyə zərər verirlər, silahlanırlar, bu azmış kimi ərazini minalayırlar ki, daha çox azərbaycanlı həlak olsun.

    VHP Siyasi Şurasının üzvü Faiq Balabəyli “Bakı-Xəbər”ə şərhində bildirdi ki, baş verənlər ermənilərin bir toplum kimi hansı xarakterə malik olduğunu göstərir. İşğal dövründə soydaşlarımızın evlərini ələ keçirən ermənilərin sonradan onların varidatına sahib olduğunu deyən F.Balabəylinin sözlərinə görə, indi də gedərkən özlərinə aid olmayan evləri yandırırlar. F.Balabəyli deyir ki, ermənilər meşələrə, evlərə və başqa sahələrə dağıdıcı, ziyanverici münasibət göstərməklə həm terrorçu olduqlarını, həm də bu yerlərin doğma sakinləri olmadıqlarını sübut edirlər. “Ermənilərdən yaxşı nəsə gözləmək xəyalpərəstlik olardı. Bu canlılar haqda xoş sözə çox az təsadüf olunur. Dünyaya gəlişləri fitnə-fəsad, paxıllıq, oğurluq, ləyaqətsiz davranışlarla müşahidə olunub. Onların bizimlə qonşu olmaları Tanrının bizə qəzəbi kimi də yozula bilər. 30 ilə yaxın bir müddətdə havadarlarının yardımı ilə torpaqlarımızı işğal altında saxlayan bu icma, nəhayət ki, xalqımızın yurd sevgisinin, düşmənə nifrətinin sonucunu gördü. Məğlub oldular, yaşamalarına izn verildi, ordumuz hücumu saxladı, razılaşmaya əsasən verilən şansdan istifadə etmək əvəzinə düşmənçiliyi əldən qoymadılar, pis xislətlərini bütün dünyaya sərgilədilər və sərgiləməkdədirlər. Onlar təkcə insanlığa deyil, bəşəriyyətin özünə, təbiətə vəhşi münasibətlərini nümayiş etdirirlər. Meşələrin yandırılmasına, evlərin viran qoyulmasına, alova bürümələrinə təkcə bir ad vermək olar – ermənilik. Bu gün ermənilik vəhişi, vandal, oğru, qatil, terrorçu sözləri ilə assosiasiya olunur. Bu söz təkcə bizim yox, onları yaxından tanıyan bütün millətlərin dilində söyüş kimi ifadə olunur. Kəlbəcəri tərk edəndə də eyni hərəkətləri etmişdilər. Dünyanın qınağına tuş gəldilər, dərs götürmədilər, iyrənc xislət və əxlaqları imkan vermədi. İndi də elə. Laçının kəndlərini boşaldırlar, amma bu kəndləri yandırıb, talan edirlər. Çünkü bilirlər ki, bu torpaqlar, bu evlər, bu meşələr onların deyil. Fitnə və namərdlik toxumu cücərdən kilsələrə ziyan vururlar, demək onların imanları da yoxdur. Ən dəhşətlisi isə, bir müddətdən sonra bu vahşiliyin, guya ki, bizim tərəfimizdən törədilməsi haqda nağıllar uyduracaqlar”.

    F.Balabəylinin sözlərinə görə, torpaqların, yol və tikililərin kənarlarını minalamaq da onların insanlığa nifrətindən doğur. “Ermənilərin bu talançılığının, anti-insani münasibətlərinin kökündə onların insanlığa nifrəti dayanır. Düşünürəm ki, ordumuz bir daha qəzəbini onlara göstərməlidir. Hər hansı bir ev, yaxud meşə zolağı yandırılırsa, dərhal antiterror əməliyyatı ilə onları məhv etmək gərəkir. Rusların sülhməramlı adı altında erməniyə dəstək olan ordusundan təzminat tələb etmək də yerinə düşərdi. Hesab edirəm ki, ermənilərin Laçında törətdiklərinə dünya birliyi də biganə qalmamalıdır, beynəlxalq təşkilatlar onlara həddlərini göstərməlidir”.

    F.Balabəyli xatırlatdı ki, bir müddət əvvəl ermənilərin “liderləri” ermənilərə Laçını tərk edərkən yanğın törətməmək, evləri dağıtmamaq barədə təlimat verildiyini desə də, tam əksi baş verdi, ermənilər öz xislətlərinə uyğun davrandılar.

    İradə SARIYEVA

  • VHP Təşkilatları Məclis yığıncaqları keçiriblər- FOTO

    Kürdəmir/ Vətəndaş Həmrəyliyi Partiyası Kürdəmir rayon təşkilatı Məclisinin növbəti toplantısı keçirilib. Toplantıda təşkilati işlər və ölkədəki ictimai siyasi durum müzakirə edilib.
    Təşkilatın sədri Əliqulu Cəfərli ölkədə və bölgədə baş verən siyasi olaylar, Kürdəmirdəki vəziyyət və partiyanın fəaliyyəti barədə geniş məruzə ilə çıxış edib.
    O, çıxışında Qarabağ və Ermənistanla sərhəddə son baş verənlərə toxunaraq Azərbaycan tərəfinin qətiyyətli addımlarının təqdir edildiyini, ermənilərlə məhz bu dildə danışmağın gərəkliyini bildirib. Əliqulu bəy həmçinin işsizlik problemindən söz açaraq qeyd edib ki, gənclərin çoxu işsizdir, bölgələrdə iş yerləri yoxdu, bu da əhalinin vəziyyətinə, gündəlik dolanışığına pis təsir edir, hər gün qiymət artımı, ərzaq və gündəlik təlabat mallarının bahalaşması az təminatlı, işsiz insanların durumunu daha da ağırlaşdırır . Xüsusən pandemiya və karantin tədbirləri bu vəziyyəti daha da pisləşdirir .
    RT sədri qeyd edib ki, hökümət ciddi iqtisadi tədbirlər həyata keçirməli, yeni iş yerləri açılmalı, kənd təsərrüfatına xüsusi diqqət yetirilməlidir.
    Məclisdə ölkədə və dünyada baş verən siyasi olaylar müzakirə edilib. Təşkilatın fəaliyyəti barədə məclis üzvləri təkliflər veriblər. Sonda VHP sıralarına yeni üzvlərin qəbulu ilə yığıncaq yekunlaşıb.
    ***
    Laçın/ Vətəndaş Həmrəyliyi Partiyası (VHP) Laçın rayon təşkilatı Məclisinin növbəti toplantısı keçirilib.

    Rayon təşkilatının sədri Həmzalı Məmmədov ölkədəki ictimai-siyasi vəziyyət, qarşıda duran məsələlər barədə məruzə edib.
    RT sədri son günlər Qarabağ, Şərqi Zəngəzur və sərhəd zonasında yaranan durumdan danışıb. Bildirib ki, Laçın və Zabux kəndlərinin boşaldılması , ümumən Laçına insanların geri qayıtması prosessinin başlanacağı rayon sakinlərini düşündürən, daima diqqətdə saxladığı məsələdir. 30 ildir vətən, el-oba həsrəti ilə yaşayan insanlar öz doğma yurdlarına köçmək istəyirlər. Laçının azad olmasından sonra, hazırda Laçın şəhərinin həmçinin Zabux kəndinin də düşməndən azad edilməsi laçınlıları sevindirir. Erməni təxribatlarının qarşısı tam alınmalı, bölgədə əbədi sülh yaradılmalıdır. Separatçı, təxribat əməllərinin kökü tam kəsilməli, Azərbaycan ərazisindən düşmən quldur silahlı dəstələri tam çıxarılmalıdır. Suveren dövlətimizin ərazisində yalnız Azərbaycan dövlətinin silahlı birləşmələri olmalıdır. Heç bir ölkənin, qrupun və hər hansı bir maraq dairəsinin bizim ölkədə silahlı dəstəsi olmamalıdır , ola da bilməz.
    Həmzalı Məmmədov Laçın və Zabuxun boşaldılması zamanı evlərin, yaşayış və digər yerləri yandırmaları, təbiətə və ekologiyaya ziyan vurmaları onları narahat etdiyini bildirdi. Bir daha erməni vandalizmini gördük, 1992-ci ildə ev-eşiklərimizi talan etmişdilər, indi də eyni təxribatları törədirlər.
    Təşkilatın Ağsaqqallar Şurasının sədri Füzuli Heydəroğlu çıxışında bildirib ki, onların ən böyük arzusu Laçına köçməkdir və böyük qayıdışı, vətənə köçmə günlərini gözləyirlər.
    Daha sonra Məcis üzvləri ölkədəki ictimai-siyasi durumu müzakirə etmiş, iqtisadi-sosial məsələlərə xüsusi diqqət ayıraraq işsizlik və qiymət artımının əhalinin yaşayış səviyyəsinə mənfi təsir etdiyini vurğulamışlar.
    Toplantıda təşkilati işlər, partiyanın yubiley hazırlıqları və qarşıda duran işlər müzakirə edilib. Sonda partiya sıralarına yeni üzvlər qəbul edilib.

  • Türkiyə-Ermənistan münasibətləri əvvəl-axır normallaşacaq

    Proses Azərbaycanın maraqlarına tam uyğundur və Qarabağ müzakirələrində Türkiyə Ermənistana daha səmərəli təzyiq etmək imkanı qazanacaq
     
      Türkiyə Xarici İşlər Nazirliyinə istinadən yayılan məlumata görə, Türkiyə və Ermənistanın xüsusi nümayəndələri Sərdar Kılıç və Ruben Rubinyan arasında növbəti görüş sentyabrda keçiriləcək. Lakin Ermənistan tərəfi bunu təkzib edib. Xarici İşlər Nazirliyinin mətbuat katibi Vahan Unanyan deyib ki, hazırda Ermənistan və Türkiyənin xüsusi nümayəndələrinin yeni görüşü ilə bağlı razılıq yoxdur: “Ermənistan-Türkiyə münasibətlərinin normallaşması üçün xüsusi nümayəndələrin görüşləri barədə ictimaiyyəti vaxtında və qabaqcadan məlumatlandırırıq”. 
     
      Qeyd edək ki, bu günə qədər Ankaranın təmsilçisi səfir Serdar Kılıç və Ermənistan parlamentinin sədr müavini Ruben Rubinyan 4 dəfə görüş keçirib.
    Vətəndaş Həmrəyliyi Partiyasının sədr müavini Samir Əsədli “Şərq”ə deyib ki, Türkiyə və Ermənistan arasında münasibətlər əvvəl-axır normal qonşuluq münasibətlərinə çevrilməlidir. Lakin partiya rəsmisi vurğulayıb ki, İrəvanın sərsəm iddialarının aradan qalxması, Azərbaycanla münasibətlərin qaydaya salınması vacibdir:
     “Ermənistana gəlincə, son dönəmlərdə onunla münasibətlərdə “normallaşma” ifadəsi tez-tez işlədilsə də, önəmli problemlər hələ də qalmaqdadır. Ermənistanın 1990-cı il avqustun 23-də qəbul etdiyi Müstəqillik aktında Türkiyənin ərazi bütövlüyünə zidd ifadələr yer alıb. Hələ də qondarma “erməni soyqırımı”ndan bəhs olunur. Azərbaycan torpaqlarına iddialar davam edir. Erməni diasporunun türk dünyasına qarşı fəaliyyəti, Ermənistanın PKK-PYD-YPG kimi terror təşkilatlarına dəstəyi münasibətlərin normallaşmasına mane olan amillərdəndir. Türkiyəli diplomatların ASALA terrorçuları tərəfindən qətlə yetirilməsi, Azərbaycan türklərinə qarşı həyata keçirilmiş Xocalı soyqırımı, Ermənistanda Tələt Paşa üçün təhqir sayılacaq heykəlin mövcudluğunu da bu sıraya əlavə etmək olar. Azərbaycanın maraqlarının tam təmin olunacağı anlaşma imzalanmadan tələsməyə dəyməz”.
     
      Ekspert bildirib ki, Türkiyə Ermənistanla əlaqələrin normallaşdırılmasına 2009-cu ildə edilmiş cəhd zamanı Azərbaycanla münasibətlərdə yaranmış problemlərin təkrarlanmaması üçün tələsik addımlar atmamalıdır:
     “Diqqətli olmalıyıq. Bu vacib dönəmi Azərbaycanla davamlı məsləhətləşmələr aparmaqla keçirməlidir. Kasıb erməni əhalisinin dolanışıq üçün Türkiyəyə üz tutması halında Ermənistanda xalqın dəstəyini almaq istəyən siyasi qüvvələr mütləq bu faktı nəzərə almalı olacaqlar. Bu yolla da Türkiyə ilə münasibətlərin qorunması xalqın istəyi, tələbi olaraq Ermənistan siyasətində bir faktora çevriləcək. Bu da Azərbaycanın maraqlarına tam uyğundur və Qarabağ müzakirələrində Türkiyə Ermənistana daha səmərəli təzyiq etmək imkanı qazanacaq”.

    Şərq qəzeti

  • VHP təşkilatlarının iclası keçirilib – FOTO

    Vətəndaş Həmrəyliyi Partiyası (VHP) Binəqədi rayon təşkilatı Məclisinin növbəti toplantısı keçirilib.
    Təşkilat sədri Zakir Kərimov çıxışında ölkədə baş verən siyasi olaylar, qarşıda duran vəzifələr və partiyanın fəaliyyətindən danışaraq son günlər Qarabağda, həmçinin sərhəd boyu ərazilətdə erməni separatçıların törətdiyi təxribatlardan danışıb. Bildirib ki, bu təxribatlar sülh prosesinə, birgə yaşayışa maneə, 10 noyabr razılaşmasını pozmaqdır. Bu mövzu ətrafında müzakirələrdə məclis üzvləri bildirib ki, Rus sülhməramlılarının nəzarətində olan ərazilərimizdəki separatçı silahlı qruplar tərki silah edilməlidirlər. Ərazilər tam formada Azərbaycan dövlətinin tərkibinə verilməlidir. Azərbaycan öz vətəndaşlarının təhlükəsizliyinə təminat verəcək. Bütün hallarda bu təxribatlar sülh nizamlamasına maneə olmağa hesablanıb. Maraqlı qüvvələr bu prosesi dayandırmağa çalışırlar. Toplantıda həmçinin ölkədəki sosial-iqtisadi durum müzakirə edilib, hökumətin gözlənilən böhranın qarşısını almaq üçün təxirəsalmaz tədbirlər görməsinin vacibliyi bildirilib.
    Təşkilatın Qadınlar Şurasının sədri Aytac Məmmədova çıxışında təşkilatın fəaliyyətindən danışıb. O partiyanın yaranmasının bu il 30 iliniin tamam olduğunu bildirərək, bu tədbirə ciddi hazırlaşmağın və təşkilati işlərin gücləndirilməsinin zəruriliyini qeyd edib.
    Sonda təşkilati məsələlər müzakirə edilib. Partiyaya yeni üzvlər qəbul edilib.
    ****
    Vətəndaş Həmrəyliyi Partiyası (VHP) Sabirabad rayon təşkilatı Məclisinin növbəti toplantısı keçirilib.
    Məclis yığıncağında dünən Londonda Azərbaycan səfirliyinə edilən hücumla bağlı müzakirə aparılıb.
    Təşkilat sədri Elman Əliyev çıxışında bu olayı siyasi terror hadisəsi kimi qiymətləndirib. Bildirib ki, səfirlik dövlətimizin ərazisidir və bu hadisə birbaşa dövlətə təcavüzdür. Xüsusən bayrağımızın o şəkildə çıxarılması heç bir formada qəbul edilə bilməz və bizimlə heç kim təhdid, hədə və təzyiq dilində danışa bilməz. Heç kim Azərbaycan bayrağına o şəkildə davrana bilməz. Bu açıq formada terrordur və terrorçular ciddi şəkildə cəzalandırılmalıdırlar. Üç rəngli ay ulduzlu müqəddəs bayrağımız üçün minlərlə igid övladımız can verib. O bayraq müqəddəsdir və bayrağımıza uzanan kirli əllərin sahibi mütləq cəzasını qanun qarşısında almalıdır.
    Məclisdə həmçinin ölkədəki ictimai siyasi durum, cəbhədəki vəziyyət müzakirə olunub. Sosial iqtisadi böhranla bağlı fikirlər səsləndirilib, hökumətin təcili tədbirlər görməsinin vacibliyi bildirilib.
    Məclis üzvləri eyni zamanda Azərbaycan ordusunun son əməliyyatlarını sevinclə qarşıladıqlarını bildirərək, ərazi bütövlüyü və suverenlik məsələlərində VHP-nin hər zaman dövlətin yanında olduğunu ifadə ediblər.
    Sonda təşkilati məsələlər, partiyanın 30 illik yubiley tədbirinə hazırlıq müzakirə edilib. VHP-yə yeni üzvlər qəbul edilib.

    ****
    Vətəndaş Həmrəyliyi Partiyası (VHP) Zərdab rayon təşkilatı Məclisininn növbəti yığıncağı keçirilib. Yığıncaqda ölkədə baş verən siyasi olaylar və təşkilati məsələlər müzakirə edilib.
    Rayon Təşkilatının sədri Kamran Musayev çıxışında ictimai-siyasi olaylar, partiyanın Zərdab təşkilatının fəaliyyətindən danışıb. O erməni hərbçilərinin son vaxtlar cəbhədə törətdiyi təxribatladan danışmış, Azərbaycan ordusunun cavab zərbəsini yüksək qiymətləndirmişdir. Kamran bəy həmçinin dünən İngiltərədə səfirliyimizə olan hüçüm barədə də Məclis üzvlərini məlumatlandırmış və qeyd etmişdir ki, Vyana Konvensiyasına görə səfirliyin yerləşdiyi bina təmsil etdiyi ölkənin ərazisi hesab edilir, buna görə hüçüm Azərbaycan Respublikası ərazisinə təcavüz və suverenliyimizə təhdid olan terror aktıdır. Cinəyatkarlar mütləq cəzasın almalılar.
    Toplantıda VHP-nin qarşıdan gələn 30 illik yubiley tədbiri ilə bağlı müzakirə aparılıb. Sonda təşkilati məsələlərə baxılıb və partiyaya yeni üzvlər qəbul edilib.

  • VHP-nin təşkilat yığıncaqları keçirilib- FOTO

    QUSAR: Vətəndaş Həmrəyliyi Partiyası Qusar rayon təşkilatı konfransdan sonra ilk Məclisinin toplantısını keçirilib. Toplantıda təşkilati məsələlər və ölkədəki ictimai-siyasi durum müzakirə edilib.
    Təşkilatın sədri Elşəfa Məmmədov çıxışında ölkədəki ictimai-siyasi vəziyyət, qarşıda duran işlər və partiyanın fəaliyyəti barədə danışıb.
    Natiq son vaxtlar ölkədə bütün məhsulların, digər tələbat mallarının bahalaşması, işsizlik problemindən danışaraq qeyd edib ki, işsizlik insanların, xüsusən rayn əhalisinin dolanışığına mənfi təsis edir. Xüsusən sərhədlərin bağlı olması amili də buna təsis edir. Hökumətin bu məsələlərlə bağlı ciddi tədbirlər görməsinin vacib olduğunu deyib.
    Təşkilatın nəzarət təftiş komissiyasının sədri Məzahir İlyasov və məclis üzvü Elmira Mursaliyeva çıxışında rayon təşkilatının fəaliyyətindən danışıb.
    İctimai-siyasi məsələlər və təşkilati işlərin müzakirəsi ilə iclas davam edib. Edik Hacıxanov sədrin birinci müavini, Əfsanə Rəsulova və Elman Gərayxanov müavin təyinatı təsdiqlənib. VHP-yə yeni üzvlərin qəbulu ilə iclas yekunlaşıb.

    ***

    HORADİZ: Vətəndaş Həmrəyliyi Partiyası Füzuli rayon təşkilatı Məclisinin növbəti toplantısı keçirilib. Toplantıda ölkədəki ictimai-siyasi durum, Qarabağ ətrafında baş verən olaylar və təşkilati məsələlər müzakirə edilib.

    Ölkədədi ictimai-siyasi durum, Ermənisnanla sərhəddə və işğaldan azad olunan ərazilərdə baş verənlərin müzakirəsi zamanı son günlər erməni hərbiçilərinin atəşkəsi pozması, rus sülhməramlılarının nəzarətində olan ərazilərdə də separatçı dəstələrin törətdiyi təxribatların narahatlıq doğurduğu bildirilib. Tez bir zamanda məcburi köçkünlırin yurd-yuvalarına köçürülməsinin vacib olduğu vurğulanıb. Həmçinin Xankəndi, Xocalı, Xocavənd, Ağdərə və Şuşanın kəndlərinə də tez bir zamanda Azərbaycanın nəzarətinə verilməsinin vaxtı gəldiyi ifadə olunub. Xüsusən erməni hərbi birləşmələrinin, təxribatçı silahlı dəstələrin tez bir zamanda ərazidən uzaqlaşdırılmasının önəmi vurğulanıb.
    Təşkilat sədrinin müavini Qurban Namazəliyev təşkilatın fəaliyyəti, qarşıda duran işlər barədə məlumat verib. Təşkilati məsələlərin müzakirəsi ilə iclas yekunlaşıb.

  • “Ermənistan nəyə nail olmağa çalışır?”

    Ermənistanın keçmiş ombudsmanı Arman Tatoyan Azərbaycanın rus sülhməramlılarının müvəqqəti nəzarəti altında olan hissəsində Ermənistan hərbi birliklərinin olması faktını tamamilə təkzib edib. Erməni və rus mediası bir neçə gündür onun əsassız iddialarını təbliğ etməklə məşğuldur. Məsələ ondadır ki, Ermənistanın Baş Qərargah rəisinin müavini Qarabağa bundan sonra çağırışçıların deyil, muzdlu əsgərlərin göndəriləcəyini və oradakı həqiqi hərbi xidmətçilərin müqaviləli hərbçilərlə əvəzlənəcəyini bildirir. Bəs, bu cür məlumatların yayılması nəyə hesablanıb?

    VHP-nin Mərkəzi İcra Aparatının rəhbəri Samir Əsədli Demokrat.az-a açıqlamasında vurğulayıb ki, Arman Tatoyan rəsmi şəxs deyil və onun fikirləri rəsmi mövqe sayıla bilməz.

    “10 noyabr atəşkəs bəyanatının 4-cü bəndində deyilirdi ki, Rusiya hərbçiləri erməni silahlı qüvvələrinin çıxarılması ilə paralel yerləşdirilir. Proses nə vaxt başlayır, yaxud başa çatır? Əsas sual budur. Çünki indiyə qədər belə informasiyalar yayılsa da, çıxarılma gerçəkləşməyib.

    Bu haqda dəqiq informasiya hələ ki yoxdur. Əslində Ermənistandan Qarabağa gedən hansısa hərbi nəqliyyatın, yaxud personalın hərəkəti də Azərbaycanın nəzarətindədir. Bu baxımdan, Ermənistandan hərbçiləri, yaxud Ermənistana qayıdan hərbçiləri ora göndərmək mümkün deyil”.

    Analitik deyir ki, Ermənistan hərbi kontingentinin tam şəkildə çıxarılmasından sonra Qarabağda silahsızlaşdırmanın birinci mərhələsi tamamlanacaq:

    “Bölgədə qalacaq “yerli ermənilərin” təqribi 5 minlik silahlı dəstəsi artıq növbəti mərhələnin işidir və bu, daha asan olacaq”.

    Aynurə
    Demokrat.az