Category: Gündəm

Büdcə xərclərində müdafiə qabiliyyətinin güclənməsini düşünürük. Amma ölkənin içi də gücləndirilməlidir. Bu gün sosial müdafiədə, məmur-vətəndaş münasibətlərində problemlər var, bunu gizlətmək lazım deyil.

Axar.az verir ki, bunu Milli Məclisin bu gün keçirilən iclasında “Azərbaycan Respublikasının 2022-ci il dövlət büdcəsinin icrası haqqında” qanun layihəsinin ikinci oxunuşda müzakirəsi zamanı VHP sədri, millət vəkili millət vəkili Sabir Rüstəmxanlı deyib.

Deputat bildirib ki, Ordunu gücləndirməklə paralel ölkənin daxilində əhalinin sosial müdafiəsi də gücləndirilməlidir:

“Qazilərə münasibət məsələsi var, onlar hamısı bizim müdafiə sistemimizin içindədir. Mən sual etmək istəyirəm ki, DSMF və İşsizlikdən Sığorta Fonduna artımların neçə faizi bizim burada qaldırdığımız məsələlərin həllinə yönəldiləcək? Biz dəfələrlə qazilərin işsizliyi, ümumiyyətlə işsizlik problemi, məmur-vətəndaş münasibətlərində narahatlıqları qaldırmışıq”.

Deputat ailələrin uşağı uşaq bağçasına qoya bilməməsindən də şikayətlənib:

“Ailə uşağını bağçaya qoymaq üçün qapı-qapı gəzir. Niyə belə olmalıdır? Məktəblərdə uşaqların qəbul olunması qəsdən çətinləşdirilir. Uşaqlar qəsdən rus məktəblərinə yönəldilir”.

Tarix təbiətdən daha mürəkkəb bir sistemdir. Təbiət torpağa düşən toxumu yetişdirir və təkamül nəzəriyyəsini hesablayaraq da nəyin nə zaman yetişəcəyini öncədən demək olar. Tarixdə isə belə deyil. Məşhur bir misalda olduğu kimi ən qüdrətli imperiyanın taleyi belə sərkərdənin atının nalından asılı ola bilər. Buna görə də, bəzən çağımızın, yaşananlarının kökünü yüz illərin o tayında axtarmaq lazım gəlir. Elə bu məntiqlə Məmməd Araz yazırdı ki, “Xətainin qılıncını suvardım, Məmməd Araz karandaşı göyərdi”. Tarixin yetişdirməsi bu qədər mürəkkəb və uzun bir yollardan keçir. Tarix təbiət qədər sadə bir mexanizm deyil. Tarix torpağı Vətən, Vətəni dövlət edən bir sistemdir və bu sistemdə təbiət qaydaları işləmir.

Bu torpağın, Vətənin yüzillərinin toxumu, yağışı, gübrəsi ilə göyərən bir KİŞİ – SABİR RÜSTƏMXANLI! Şair, Savaşçı, Lider, Dövlət adamı… Bax tarixin illərlə yetişdirdiyinin budaqları beləcə hər biri bir şəxsiyyət ömrünə bərabər olur və bütün bunları bir ömürdə yaşatmaq sıradan bir olay deyil.

Gələcəkdə onu Doğudan Batıya Türk Dünyasının Aydını edəcək bütün xüsusiyyətlərini – halallığı, dürüstlüyü, vətən sevgisini, insani dəyərləri, azadlıq sevdasını o ucqar sayılan Hamarkənddən almışdı. Elə bu mənada “Bir ətəyi Xəzər olan,dəniz olan, bir ətəyi Təbriz olan” yurd ucqar yox uca idi və Sabir Rüstəmxanlı bu ucalıqdan yol almışdı üzü Bakıya.

Artıq universitet illərində Sabir Rüstəmxanlı «torpağı ot deyil, kişi göyərdən» Vətənin tarixinə, xalqın milli dəyərlərinə yaxından bələd olan, güvənən, müqəddəs adət-ənənələrimizin yaşadılması zərurətini dərindən dərk edən, «bir kənd məhəbbətinin tələsən sürəti» ilə milli varlığımızın ifadəsinə can atan ziyalı gənc kimi formalaşmışdır. Tələbəlik illərində qələmə alınmış şeirləri bədii nümunələr olmaqdan başqa, həm də şəxsiyyətin ideya-mənəvi yetkinləşməsi prosesinin təkamül notları təsiri bağışlayır. Bu mənada Sabir Rüstəmxanlının tələbə ikən yazdığı “Təbriz xiyabanı”, “Yardımlı yollarında”, “Müqəddəs adətlər”, “Bir yol istəyirəm” və s. kimi şeirləri onun sonrakı vətəndaşlıq poeziyasının möhkəm, etibarlı təməlidir. Ali məktəb dövrünün uğurlu poetik bəhrəsi olan «Vətən» şeiri Rüstəmxanlı yaradıcılığının ilkin parolu və tutumlu bir səviyyədə proqramı kimi səslənir.

Sabir Rüstəmxanlı “sovet cəhənnəmində” doğuldu, ancaq mövcud quruluşun zəhərli havasında boğulmadı, onun əsir-yesirinə çevrilmədi, şirin ana dilində, ata mülkündə özünəməxsus, bənzərsiz söz qalasını kərpic-kərpic, daş-daş hördü. “Ruhumuz sərhədsiz olduğu üçün” deyə-deyə möhtəşəmliyə yüksəldi – gah poeziyada, gah publisistikada, gah da nəsrdə “qızıl qələm” işlətdi, millətinin dərdlərini pıçıldaya-pıçıldaya oxudu, yaralarına məlhəm axtardı, ən yüksək tribunalardan çəkinmədən “mən türk oğlu türkəm, şah nəslindənəm” söylədi. Milli mənsubiyyəti ilə öyünə-öyünə bütün cahanı dolaşdı, əski Turan ellərini gəzdi, öyrədə-öyrədə, yaza-yaza Böyük Əqidə Yolunun həmişəlik yolçusuna çevrildi, ədəbiyyatımıza Sabir Rüstəmxanlı möhürünü vurdu.

Sanki hansısa gözəgörünməz bir qüvvə ona “Böyük Savaşa çox az qalıb, bu savaşa çağırışın vaxtıdır”-deyə diqtə edirdi. O dövr ədəbi mühitində şerlərinin potik gücü, forma və məzmun vəhdətinə görə öncüllərdən olan bir şairin birdən birə “Ömür kitabı” adlı nəsr əsəri dərc etməyinin başqa bir izahı yoxdur. “Ömür kitabı” Azərbaycan kitab çapında partlayışa bərabər bir hadisə oldu və bu hadisənin müəllifi Bakıda Azadlıq alovunun başında dolanacaq, min ilin başında bu yurdun səsi olan şair bir Lider, bir Sərkərdə olaraq bütün dünyaya MEYDANdan Azərbaycan həqiqətləri duyuracaq. Dədə Qorqud müdrikliyi, Babək qətiyyəti, Nəsimi Fəlsəfəsi, Xətai hünəri, Mirzə Cəlil düşüncəsi, Rəsulzadə ideyası bir ruhda birləşib Azərbaycan səsini duyuracaq. Meydanda Sabir Rüstəmxanlının “Əziz bacılar və qardaşlar” xitabı… 17 noyabrda Azərbaycan tarixinə qızıl hərflərlə yazılan meydan hərəkatının altındakı imza məhz ona məxsus idi. Dünyanı heyrətə gətirən və bir çox cəhətlərinə görə nə o zamanadək, nə də ondan sonra təkrarı olmayan Meydan hərəkatının qəhrəmanı Azərbaycan xalqı, lideri Sabir Rüstəmxanlı idi!

Sabir Rüstəmxanlı Tanrı tərəfindən cızılan yolu getməkdə, tarixin ona biçdiyi missiyanı daşımaqda idi. Həm də özündən əvvəl yaşanan tarixi ruhu yaşadaraq gedirdi bu yolu. Yaranan qəzetin adının “Azərbaycan” olması bir tərəfdən bütün Azərbaycan dərdini çəkməyə bağlı idisə, digər tərəfdən 1918-1920-ci illərdə Xalq Cümhuriyyəti dönəmində, daha sonra 1945-1946-cı illərdə Pişəvəri dönəmində Güney Azərbaycanda “Azərbaycan” adında nəşr olunan qəzeti davam etdirməyə hesablanmışdı. “Xalq və Lider” olaraq ideal tandem kimi Meyan dastanı yaradan, Meydandan dağıdılsa da Xalqı bir cəbhədə təşkilatlandırmağa səsləyərək buna nail olan, amma iddiaları beyinlərindən böyük, niyyətləri əməlləri qədər qara insanların hədəfində olan Sabir Rüstəmxanlı beləcə dövlətin ən üst zirvəsi ilə açıq döyüşərək öz savaşından geri durmurdu. Azərbaycan dövlətçiliyinin ideoloji təməli Dədə Qorqud dastanı qədər qədimdir, bu təməlin ilkin tikililəri isə Babəkin Bəzz qalasında, Şah İsmayılın Təbriz taxtında, Səttərxanın inqilabında, Rəsulzadənin Cumhuriyyətində qurulub. Tarix boyu Azərbaycan xalqının istiqlal və hürriyyət istəyinə qarşı dünyanın şər imperiyaları dayanıb. Amma bu xalq nə yolundan dönüb nə də hədəfinə çatmaq ümidini itirib. 1991-ci il 18 oktyabrda parlamentdə ayaq üstə yumruqlarını düyünləyərək Azərbaycan Respublikasının yaranışına şahidlik edən Sabir Rüstəmxanlı şəxsiyyəti yüz illərdən bəri gələn yolun qələbə zirvəsindəki təsdiqi idi!

Sabir Rüstəmxanlı 1992-ci il sentyabrın 26-da Vətəndaş Həmrəyliyi Partiyasını təsis edir. VHP 27 illik siyasi fəaliyyətində tədrici inkişafın, siyasi mübarizənin sivil qaydada aparılmasının tərəfdarı kimi çıxış edib. Partiyanın yarandığı zaman irəli sürdüyü “Nicatımız Vətəndaş Həmrəyliyidir” şüarı bu gün də Azərbaycan siyasi mühitində ana xətt kimi öz əhəmiyyətini saxlamaqdadır. O zaman VHP tərəfindən Azərbaycan cəmiyyətinə gətirilən “vətəndaş həmrəyliyi”, “vətəndaş birliyi”, “milli birlik” kimi ideoloji prinsiplər aradan illər keçəndən sonra genişlənərək böyük ictimai gücə çevrilib. Vətəndaş Həmrəyliyi Partiyasının yarandığı dövrün siyasi təhlili və çağdaş siyasi mühit bir daha təsdiq edir ki, Azərbaycan üçün gerçək xilas yolu vətəndaş həmrəyliyinə bağlıdır. Vətəndaş həmrəyliyi dedikdə siyasi və ideoloji baxışlardakı fərqlər nəzərə alınmadan bütün qüvvələrin Azərbaycanın milli və dövlətçilik maraqları ətrafında birləşməsi nəzərdə tutulur ki, VHP 30 illik fəaliyyətində bu prinsipi qoruyub saxladı. Yanlış yürüdülən siyasi xəttə qarşı bütün müxalif birliklərdə ön sırada olan partiyamız, düzgün və ölkənin inkişafına yönələn addımları açıq dəstəkləyən mövqe ortaya qoyub. Bəzən bu siyasət qeyri-stabil kurs kimi yanlış yozumla təqdim edilsə də zaman milli maraqlara və qurtuluşa yönələn ideologiyanın məhz bu olduğunu təsdiqlədi. Zəfər savaşı dönəmində ən radikal mövqe sahiblərinin belə bu prinsipi qəbul etdiyinin şahidiyik. Siyasi lider kimi qurtuluşun tək yolunu göstərən Sabir Rüstəmxanlı şair kimi də Zəfər savaşın ilk müjdəçisi oldu. Vətən uğrunda savaş başlayandan Ordumuzun misilsiz qəhrəmanlığından, döyüş xronikasından bəhs edən əsərlər gözləyirdim. Sükutu həmişəki kimi yenə də Sabir Rüstəmxanlı oxuduğunuz bu poema ilə pozdu. Sanki aydın səmada şimşək çaxdı. Tarixə qısa ekskurs, Ali Baş Komandanımızın xalqımızın həsrət və sevinclə gözlədiyi tvitləri, əsgər və zabitlərimizin sücaəti, işğaldan azad edilmiş rayonlarımızın hər birinə virtual səyahət, o bölgələrin görkəmli şəxsiyyətləri, şair və yazıçılarına verilən dəyər poemanın daha məzmunlu, daha mükəmməl olmasını səciyyələndirir.

Sabir Rüstəmxanlının öz şəxsində hər bir Azərbaycan türkünün dəqiq həyat amalını kodlaşdırır. “İcazəli cəngavər, qalstuklu qoyunlar mənim ruhumu duymaz!” deyən şair Türk ruhunu anlamaqdan ötrü elmli, savadlı olmağı, gənclik və ya ahıl yaşı da əsas tutmur. Bəs o nədir? Onuharam nütfədən doğulan, haram tikə yeyən, “bir çiçəyin mehrinə sıxılıb ağlamayan” kəslər anlamaz. Göylərə bağlanmayan, sərhədsiz düşünə bilməyən, Çindən Qobustanacan yazılı daşların toz basmış güzgüsünüsilib həqiqi tarixi görə və Ərgənəkon eşqindən yeni günlər doğa bilməyənlər bir şairin – bir Türk oğlu Türkün böyük ruhunu duya bilməz. Tanrıya qədər yol çəkmək arzusunda olan böyük ruh daşıyıcıları olaninsanlar əbədi sevda aşiqləridir. Sabir Rüstəmxanlı onlardanbiri, bizimüçün öndə gedənidir. Öndə gedən şəxslərin nurundanyollar işıqlanar, ziyası gələcək günlərə, illərə qədər çatar. Bizə isə “Bir adam yol gedir bizdən qabaqda” demək qalır… YOLUNA UĞUR, TANRI QORUSUN, BƏY!

Vətəndaş Həmrəyliyi Partiyası

Cəmiyyətə, dövlətə, millətə   fəaliyyətinin heç bir növü ilə xeyir verməyən insanlar var ki, yararsızlıq və bekarçılıq onları sosial şəbəkələrdə özlərindən gündəm yaratmağa, bu yolla “mən də varam” özünü aldanışa yuvarlanmağa vadar edir. Belələri bəzən də başqalarının fikrini təftiş etmək, yanlış təqdimatla səs küy yaradır, gözləyirlər ki, onlara cavab verilsin. Elə bu səbəbdən bəzən onlara cavab verilmir və zənn edirlər ki “samanlıq seyranlıq olub”. Amma elə məqamlar da var ki, gərək susmayasan, çünki ya saymamazlıqdan, ya anlamamazlıqdan milli maraqlar baxımdan təhlükəli məqamları “həqiqət aşiqi politoloq” kimi dilə gətirirlər.

Demək parlamentin son iclasında millət vəkili Sabir Rüstəmxanlı Türkiyədəki seçkilərlə bağlı danışıb ötən seçkilərdə Azərbaycanda olan Türkiyə vətəndaşlarının 25 faizdən çoxunun HDP-yə (Xalqların Demokratik Partiyası) səs verməsindən narahatlığını ifadə edib. Sabir bəyin “Azərbaycanda yaşayan HDP dəstəkçiləri ilə bağlı araşdırmalar aparılmalıdır. Aşkara çıxarılmalıdır ki, terrorçuları kim dəstəkləyir. Təklif edirəm ki, HDP-çiləri dəstəklələyən kəsimi bizim xüsusi mühafizə orqanları nəzarətdə saxlasın” – fikri kimlərinsə kürkünə birə salıb. Adamlar o qədər uzağa gediblər ki, bu ölkənin Milli Azadlıq Hərəkatında, Suverenlik və Müstəqillik aktında əvəzolunmaz imzası olan fikir müəllifini az qala siyasi savadsızlıqda ittiham etsinlər. Bəs deməyəsən HDP Türkiyədə qeydiyyatdan keçmiş partiyadır və ona səs verməyə görə kimisə nəzarətə götürmək, hətta bu mövqeni dartışmaq belə olmaz. Sizin polotoloji və tarixi savadınıza … “əhsən”! İllərlə can qoyduqları partiyada 3 səs yığa bilməyib bir milyonluq Meydanı idarə edən liderə nəyi irad tutduğunuzun fərqindəsizmi?! Adam qeydiyyatdan keçmiş yox eee, Sovetlər kimi imperiyanın idarəçi təşkilatı olan Kommunist Partiyasına meydan oxuyanda hələ “partiya” sözünü tələffüz edə bilmirdiz. HDP-nin PKK teror təşkilatının siyasi qolu olduğu bəlli, PKK-nın Azərbaycan düşməni, erməni yanlısı olmağı da bəlli. İndi Türkiyədə qeydiyyatdan keçmiş, seçkiyə qatılmaq hüququ qazanmış olsa belə Azərbaycanda bu təşkilatın bunca tərəfdarının (Türkiyədə 13 faiz, Azərbaycanda 25 faiz!) olması doğurdanmı bu qədər normaldır?  Heçmi düşünmədiniz bu şəxslərin bir hissəsi burda restoran və tikinti biznesi ilə məşğuldur və bu biznesdən gələn gəliri PKK-ya ötürülüb ötürülməməsi gerçəkdən araşdırılmalı və nəzarət altına alınmalıdır?!  Sabir Rüstəmxanlı elə həmin parlamentdə “Azərbaycan PKK-nı terror təşkilatı kimi tanımalıdır!” tələbi irəli sürəndə də eyni mövqedə idi, bu gün də. İran adlanan ölkənin sizin təbirinizcə desək “qanuni, qeydiyyatdan keçmiş” ali dini rəhbərinə məşhur məktubunu yazanda da eyni mövqedə idi, bu gün də. Bakıda mədəniyyət mərkəzi və digər leqallaşmış adlar altında İranın kəşfiyyat şəbəkəsi fəaliyyət göstərirdi. İndi bunlar ifşa olunur. Amma illər öncə Sabir Rüstəmxanlı onlara adı ilə “terror və təxribat yuvaları” deyəndə belə çıxır ki, siyasi savadsızlıq göstərib, amma siz müdrikcəsinə susmusuz və gözləmisiz ki, bu gün xora qoşulub eyni mahnını oxuyasız?! Haqq bildiyini susmaq, milli yol üçün vacib bildiyini deməmək siyasi peşəkarlıq deyil. Bu da bir peşədir, amma qədimdən gələn adı başqadır.

Bütün bunları millətimizin, dövlətimizin gələcəyinə yönəlik minalardan birinin koordinatının dəqiq göstərildiyi üçün yazdıq. Yoxsa sovet və fars-molla rejiminin haqqında ölüm hökmü verdiyi, xalqın duası və sevgisinin qoruduğu Sabir Rüstəmxanlının müdafiəyə ehtiyacı yoxdur. Onun öz sözü ilə desək “mənim taleyim Bakı küləyidir, böhtançıların tüpürcəklərini öz üzlərinə yaxır… “

Nəsimi Şərəfxanlı

“Bildiyiniz kimi bir müddət əvvəl Güney Azərbaycanın Xoy şəhərində dəhşətli zəlzələ olmuşdu. Xoy və Türkiyənin zəlzələ baş vermiş bölgəsi bir-birinə çox yaxındır. Ona görə də əvvəlcədən Türkiyədə də bu cür zəlzələnin baş verəcəyi ehtimalı var idi. Qışın bu mövsümündə  bu cür zəlzələnin baş verməsi təbii ki, faciədir. Türkiyənin bütün dostları, qardaşları bu faciədən təəssüflənir”.

Bu sözləri Vətəndaş Həmrəyliyi Partiyasının sədri,  millət vəkili Sabir Rüstəmxanlı Musavat.com-a açıqlamasında deyib. Millət vəkili qeyd edib ki, dəfələrlə bu cür zəlzələyə şahidlik etmiş Türkiyə bu fəlakətin də qarşısında sarsılmayacaq:

“İndiki zamanda böyük bir yüksəliş dövründə olan,  Türkiyə Cümhuriyyətinin 100 illiyi, seçkilərin keçiriləcəyi ərəfədə birdən-birə bu cür faciənin baş verməsi hamımızı yandırır.

Məlum olduğu kimi zəlzələ Türkiyənin 10 bölgəsini əhatə edir, insanların yatdığı bir zamanda sübh çağında baş verib. Buna görə də dağıntılar altında xeyli insanın olduğu ehtimal olunur. Bu zəlzələ 4-cü dərəcədən yuxarıdır, bu o deməkdir ki, dünya yardıma gəlməlidir. İlk dəstək Azərbaycandan gəldi və bu qürurvericidir.

Türkiyə xalqına böyük keçmiş olsun deyirik. Qardaş Türkiyə bundan əvvəl də daha dəhşətli faciələr yaşamışdı. Ümid edirəm ki, bu bəlanı,  faciəni də geridə qoyacaq, yarasını sarıyacaq.  Hesab edirəm ki, zəlzələlər,  təbii fəlakətlər Türkiyə xalqının iradəsini sarsıda bilməz.

Ərdoğan başda olmaqla, bütün Türkiyə xalqına başsağlığı verir, ölənlərə Allahdan rəhmət, yaralılara tezliklə şəfa diləyirik!”

Avropa Parlamentinin 2023-cü il yanvarın 19-da xüsusi prosedur qaydasında qəbul etdiyi qeyri-obyektiv və ədalətsiz qətnamə Azərbaycan ictimaiyyətində ciddi etirazla qarşılanıb. Məsələ ilə bağlı münasibət bildirən millət vəkili, VHP sədri Sabir Rüstəmxanlı bildirib ki, bu qətnamə Avropa Parlamentinin adına və statusuna yaraşmır: “Azərbaycan ərazilərinin 30 illik işğalına göz yuman Avropa Parlamentinin bu hərəkəti Avropa dövlətlərinin özləri haqqında yaratdıqları demokratik, ədalətli, insan haqlarına sayğı göstərən mifini vurub dağıdır. Qarabağın 30 il davam edən işğalı dövründə Azərbaycanın Xocalı şəhərində ermənilər tərəfindən törədilən soyqırıma, şəhər və kəndlərimizin, tarixi abidələrimizin,  mədəniyyət obyektlərinin dağıdılmasına qarşı biganəlik göstərildi. 30 il ərzində heç bir beynəlxalq normaya və insani dəyərlərə sığmayan əməllərə görə Ermənistanı qınamadılar, ermənilərə qarşı heç bir tədbir görmədilər. ATƏT-in Minsk qurupu bu faciələrə göz yumub, vaxtı uzatmaqla, işğalçıyla torpağı işğal ediləni eyni hüquq müstəvisində göstərməyə çalışdı, özünü yalandan iş görürmüş kimi göstərməyə çalışdı. Bu gün Azərbaycanın öz ərazi bütövlüyünü təmin etdiyi, bölgədə sülh yaranması üçün mühüm şərait olduğu halda erməni diasporasının əsirinə çevrilən avropalı deputatların mövqeyi yalnız yenidən gərginlik yaradılmasına xidmət edir”. S.Rüstəmxanlı qətnamənin tamamilə yalan və saxta əsaslar üzərində hazırlandığını vurğulayaraq belə bir mövqenin bölgədə barış mühitinin yaranmasına xidmət etmədoyini, sanki İrəvanda hazırlandığını bildirib:  “Biz 44 günlük müharibədə çoxlu dezinformasiyalar gördük. Ermənistan Azərbaycanda muzdluların olduğunu iddia edirdi. Biz sübut istəyəndə bir söz deyə bilmədilər. Saxta xəbərlər təkcə mediada yox, siyasətdə də olur. Avropa Parlamentinin qəbul etdiyi qətnamə də dezinformasiyaya əsaslanır.  Laçın yolunda keçirilən aksiya blokada deyil və bunu xarici media mənsubları da görüb, dünyaya yayımlayıblar. Söhbət blokadadan gedirsə, əksinə 30 ildən artıqdır Ermənistan tərəfindən Naxçıvan Muxtar Respublikası blokadada saxlanılır və Azərbaycanın qərb rayonları ilə Naxçıvan arasında nəqliyyat əlaqəsinin bərpa edilməsi və yeni nəqliyyat kommunikasiyalarının inşası ilə bağlı 10 noyabr öhdəliklərini Ermənistan  yerinə yetirmir”.
Zəfər savaşından sonra yaranmış yeni geopolitik durumda Azərbaycanın dövlət olaraq bu kimi əsassız qətnamələrə sinə gərmək gücündə olduğunu da qeyd edən millət vəkili artıq dünyanın  yeni siyasi düzənə qədəm qoyduğuna diqqət çəkib: “Bu gün Azərbaycan tək bölgədə deyil, qlobal arenada mühüm strateji mövqeyə malik bir dövlətdir. Həmin qətnaməyə səs verən avropalı deputatlar iki məqamı unutmamalıdır. Əvvəla, Avropanın enerji təhlükəsizliyində Azərbaycan mühüm rolu var. Digər tərəfdən hazırda dünya siyasi düzənində Türk Dünyası yeni bir güc mərkəzi kimi formalaşmaqdadır. Tarixi bağlar üzərində qurulmuş Türk Dövlətləri Təşkilatı çərçivəsinfə ölkələr arasında iqtisadiyyat, ticarət, nəqliyyat-logistika və digər sahələrdə əməkdaşlığın inkişafı üçün böyük imkanlar yaranıb və Azərbaycan bu  zəncirdə böyük önəmə malikdir. Anadoludan Uzaq Şərqə qədər böyük bir coğrafiyada hakim olan  millətin gücünün qarşısında heç bir iqtisadi və siyasi imkana malik olmayan bir ovuc erməniyə əsir düşmək siyasi naşılıqdır”
Sabir Rüstəmxanlı sonda 20 Yanvar şəhidlərinin əziz xatirəsini yad edərək, onlara rəhmət diləyərək, Bakıda Qanlı Yanvarı törədənlərlə, Avropa Parlamentində Azərbaycanı günahlandıranların ermənipərəstlikdə eyni mövqedə dayandıqlarını və qırğınlarla soyqırım və savaşla Azərbaycan xalqının əzminin heç vaxt qırılmayacağına,  Qələbə ruhunun davam edəcəyinə əminliyini bildirdi.