Bu gün nəslimizin sonuncu Mogikanı – Alış əmi 93 yaşında dünyasını dəyişdi… 1921-ci ildə doğulmuşdu. Dörd bacı və dörd qardaş idilər. Bir-birinə bu qədər bağlı, bu qədər mehriban bacı -qardaş tapmaq çətindir. 2006-cı ildə böyük əmim Balaşın 100 yaşını qutlamışdıq, bütün kəndi, dostları dəvət etmişdik. Alış əmi onun yüksəldiyi zirvəyə çata bilmədi. Özü də etiraf etmişdi ki mən böyük qardaşım qədər güclü deyiləm… Ancaq dünyanın bu vaxtında 93 il ömür sürmək də qəhrəmanlıqdır. Ölümünə bir ay qalana qədər hafizəsini itirmişdi… Son 200 ildə bölgədə nə olmuşdusa, kimlər gəlib keçmişdilərsə hamısı onun ensiklopedik yaddaşındaydı, üç il öncə mənə göndərdiyi bir məktubda İkinci Dünya Müharibəsinin iştirakçısı kimi, tələb və təkliflərini yazmışdı. Öz dediyi kimi, “Qardaş ünvanına yox, millət vəkilinə ünvanlanmışdı. Latın qrafikası ilə yazmışdı. Diqqətli oxudum və ha axtardım bircə səhfini belə tapa bilmədim. Ən maraqlısı sonuncu qeydi idi: “Bu məktubu öz əlimlə eynəksiz yazıram”. Cəhalətdən, mövhumatdan uzaq, çağdaş hadisələrin mahiyyətini görən, dünyada gedən oyunları diqqətlə izləyən, incələyən, haqsızlığa qarşı üsyankar, biraz da acı dilli bir adamdı… Müharibəni Leninqradda, blokadada keçirmiş, ağılasığmaz faciələrlə üzləşmişdi. Bu şəhər haqqında elə danışırdı ki, sanki bütün ömrünü bu şəhərdə yaşamışdı və dünən ayrılmışdı oradan. Blokadadan çıxıb vətənə qayıtmasını talehin bir möcüzəsi sayır və bununla qürur duyurdu. Savaş təhsil almasına imkan verməsə də əsil aydın, kəndin işıqdaşıyanı, işıqyayanı idi… Bu gün ona baş çəkməyə gəlirdim. Daha öncə halallaşmışdıq ancaq son görüşə çata bilmədim… Bu dünyada kimsəyə pislik etməmiş, əli haram kisəyə dəyməmiş, zəhmətiylə alnıaçıq, üzüağ yaşamış bir insan da getdi… Bir yaxsı insanın da yeri boş qalacaq… Bütün itkilə ağırdır, ancaq məncə belə insanlar gedəndə kədərlənməkdənsə qurur duymaq lazımdır…
Bu gün Azərbaycan Xalq Cümhuriyyətinin qurucularından olan Məhəmməd Əmin Rəsulzadənin anadan olmasının 130-cu ildönümüdür.
M. Ə. Rəsulzadə 1884-cü il yanvarın 31-də Bakının Novxanı kəndində anadan olub.
Gənc yaşlarında sosial demokratlarla birgə «Hümmət» təşkilatının yaranmasında iştirak edib. Çarizmin təqiblərinə məruz qalaraq 1909-cu ildə İrana mühacirət edən bir müddət orada “İrane-nou” qəzetinin baş redaktoru kimi çalışıb, məşrutə inqilabı yatırıldıqdan sonra Türkiyəyə mühacirət edib.
O, 1911-ci ildə Müsavat Partiyasına üzv qəbul edilib və 4 il sonra Müsavat Partiyası Mərkəzi Komitəsinin sədri seçilib.
1918-ci ildə Fətəli Xan Xoyski ilə birgə Şərqdə ilk respublikanın yaradılmasını rəsmi şəkildə elan edib. 1920-ci il aprelin 28-də bolşevik işğalından sonra həbs edilib. Az sonra Stalinin göstərişi ilə M. Ə. Rəsulzadə həbsdən azad edilərək Moskvaya aparıb. Stalinin təkidlərinə baxmayaraq, happy wheels demo sovet hakimiyyəti ilə əməkdaşlıqdan imtina edərək SSRİ-ni tərk edib.
M. Ə. Rəsulzadə 1955-ci ilin martın 6-da Ankarada dünyasını dəyişib.
1992-ci il dekabrın 24-də Azərbaycan prezidenti Əbülfəz Elçibəy “Görkəmli ictimai-siyasi xadim Məhəmməd Əmin Rəsulzadənin totalitar sovet rejimi dövründə repressiyaya məruz qalmış ailə üzvlərinin Azərbaycana qaytarılması və onların sosial-məişət məsələlərinin həlli haqqında” sərəncam imzalayıb.
29 dekabr 1993-cü ildə Azərbaycan prezidenti Heydər Əliyev “Azərbaycanın görkəmli ictimai-siyasi xadimi Məhəmməd Əmin Rəsulzadənin anadan olmasının 110 illik yubileyinin keçirilməsi haqqında” sərəncam imzalayıb.
22 noyabr 2013-cü ildə isə Azərbaycan prezidenti İlham Əliyev Məhəmməd Əmin Rəsulzadənin 130 illik yubileyinin keçirilməsi haqqında sərəncam verib.
Sərəncama əsasən, respublikada və respublikadan kənarda silsilə yubiley tədbirləri keçirilir.
As is known, Omar Mamedov ,young activist and blogger, was arrested youth activist at noon on Jan. 24, . Civil Solidarity Party issued a statement.
We should note that the young activist Omar was born on February, 26th in 1995. He is the student of the “Cyprus International University” located in the Turkish Republic of Northern Cyprus.
He’s been a member of Sabunchu district of the CSP since May,11th,2013. He established “ Axin “ movement together with a group of some young people. Omar was arrested on drug charges; it is so ridiculous and regretful, the young activist didn’t even smoke. On the contrary, he was actively engaged in public life and has high intelligence. Condemning this illegal arrest we expect the law enforcement organs to be unbiased on this matter.
The Civil Solidarity Party considers Omar Mamedov’s arrest as baseless pressures against the young activists. We are seriously concerned about the unfair persecution and systematic arrests led against them. We demand the release of imprisoned young activists and challenge the relevant government structures to prevent illegal actions and to change the attitude that violates civil solidarity and creates an artificial conflict within the society.
Vətəndaş Həmrəyliyi Partiyası ( VHP) Siyasi Şurasının toplantısı keçirilib. Partiyanın mətbuat xidmətindən verilən məlumata görə, toplantıda ölkədəki ictimai siyasi vəziyyət, Xalq Cümhuriyyətinin qurucularından olan Məmmədəmin Rəsulzadənin 130 illik yubileyi ilə bağlı tədbir, VHP üzvü Ömər Məmmədovun həbsi və digər məsələlər müzakirə edilib.
VHP sədri Sabir Rüstəmxanlı ölkədə və bölgədə baş verən siyasi proseslər barədə ətraflı danışıb. Sonra Ali Məclisin sədri Rafiq Manaflının, Mərkəzi İcra Aparatının rəhbəri Samir Əsədlinin, partiya sədrinin müavinləri Elxan Mirzəyev, Arif İsmayılbəyli və Yusif Salmansoyun məlumatları dinlənilib.
Siyasi Şurada VHP üzvü Ömər Məmmədovun həbsi ilə də bağlı fikir mübadiləsi aparılıb, fəal gənclərin həbs və təqibi pislənilib. Bu tendensiyanın ölkədə vətəndaş həmrəyliyini pozduğunu və hazırkı vəziyyətdə gənclərin milli vətənpərvərlik ruhuna mənfi təsiri vurğulanıb. Həmçinin Ömər Məmmədovun həbsinin gündəmdə saxlanılması, bu işlə bağlı bütün hüquqi işlərin Siyasi Şura üzvü, hüquq müdafiəçisi Əlövsət Əliyevə həvalə edilməsi qərara alınıb.
Rayon təşkilatılarının hesabat seçki yığıncaqlarının keçirilməsi, qurultay məsələsi də müzakirə edilib. Qurultaya hazırlıqla bağlı məsələləri həll etmək üçün fevralın son həftəsində Ali Məclisin sessiyasının cağırılması qərarlaşdırılıb.
Bələdiyyə seçkiləri ilə bağlı da fikir mübadiləsi aparılıb, seçki hazırlığı və namizədlərin müəyyən edilməsi Mərkəzi İcra Aparatına həvalə edilib. Sonda M.Ə.Rəsulzadənin 130 illiyi ilə bağlı müzakirə aparılıb. Bildirilib ki, fevralın 4-də VHP-nin mərkəzi qərargahında «Məhəmmən Əmin Rəsulzadənin Azərbaycanın milli dövlətçilik tarixində rolu» mövzusunda dəyirmi masa keçiriləcək.
Fevralın 4-də Məhəmməd Əmin Rəsulzadənin 130 illik yubileyinə həsr edilmiş daha bir tədbir keçirilib.
Vətəndaş Həmrəyliyi Partiyasının (VHP) akt zalında “Məhəmməd Əmin Rəsulzadənin Azərbaycan milli dövlətçilik tarixində rolu” mövzusunda keçirilən toplantıda VHP sədri Sabir Rüstəmxanlı, Musavat Partiyasının başqanı İsa Qəmbər, Klassik Xalq Cəphəsi Partiyasının sədri Mirmahmud Mirəlioğlu, Milli Şuranın sədri Cəmil Həsənli, Vətəndaş və İnkişaf Partiyasının sədri Əli Əliyev və bir çox siyasətçilər, gənclər təşkilatlarının təmsilçiləri iştirak ediblər.
Tədbiri açıq elan edən VHP-nın sədri Sabir Rüstəmxanlı öz çıxışında bildirib ki, bu il Məhəmməd Əmin Rəsulzadə ili olmalıdır: “Bu günkü tədbirimiz də “Məhəmməd Əmin Rəsulzadənin Azərbaycan milli dövlətçilik tarixində rolu” mözusundadır. Rəsulzadənin 130 illiyi ilə bağlı artıq bir neçə tədbir keçirilib və bu yenə də davam edəcək. Bu tədbirlərdən bir çoxunda iştirak etmişik. Bu yaxınlarda Türkiyədə də Rəsulzadəylə bağlı tədbir keçirildi. İnşallah ilin sonuna qədər tədbirlərimiz davam edəcək. Bu il Məhəmməd Əmin Rəsulzadə ili olmalıdır”.
Tədbirdə iştirak edən partiya liderləri və siyasi xadimlər də çıxış etdilər.
Milli Şuranın sədri Cəmil Həsənli: “Məhəmməd Əmin Rəsulzadə bu xalqa, bu millətə böyük bir tarix yaşatdı. O tarixi qoruyub saxlamaq, hər bir azərbaycanlının borcudur. Bayrağın anlamını, onun dəyərini, qiymətini Rəsulzadə bizə bəxş edib. O bayraq ki, meydanlarda dalğalananda qürur hissi duyuruq. Azərbaycanın yanlız keçmişini deyil, həm də gələcəyini ehtiva edən bayrağımız var. Bu bayraq bizə Rəsulzadədən miras qalıb. İllər, əsirlər keçəcək, nəsillər dəyişəcək, amma Məhəmməd Əmin Rəsulzadə ənənəsi, dəyərləri, onun tarixdəki rolu unudulmayacaq”.
Müsavat Partiyasının başqanı İsa Qəmbər: “Mən öncəliklə bu tədbiri təşkil etdiyi üçün Vətəndaş Həmrəyliyi Partiyasının sədri Sabir Rüstəmxanlıya təşəkkürümü bildirirəm. Biz Müsavat Partiyası olaraq, qərara almışıq ki, ilin sonuna qədər tədbirlər silsiləsini davam etdirək və belə də olacaq. Artıq bir neçə tədbirlər keçirmişik. İlin sonuna qədər də bu tədbirlər davam edəcək. Hakimiyyətin Rəsulzadənin 130 illiyinin qeyd edilməsi haqqında verdiyi qərar isə gözdən pərdə asmaqdır, sadəcə… Çünki bizə öncə yer vermək istəmirdilər, sonra dedilər ki, Bakının qəsəbələrindən birində sizə yer veririk. Sonradan aydın oldu ki, verilən yerlərin istilik sistemləri bərbad gündədir. Biz özümüz təşəbbüs göstərib, tədbirimizi çox bahalı olmasına baxmayaraq, Beynəlxalq Mətbuat Mərkəzində keçirmək istədik. Amma buna da bir vasitə ilə mane oldular. Fevralın 1-nə qədər dolu olduqlarını deyiblər. Budur Azərbaycan hakimiyyətinin Məhəmməd Əmin Rəsulzadəyə qoyduğu hörmət… Yalançı qərarlar verərək, yalnız özlərini aldadırlar. Türkiyədə səfirliyimiz “Azərbaycan Kültür Dərnəyi”nə müraciət edib ki, gəlin, tədbiri birlikdə keçirək. Dərnək də dəyərlər naminə etiraz etməyib və razılaşıb. Tədbir zamanı yalnız səfirlik nümayəndələri və başqaları çıxış ediblər, dərnəyin heç bir nümayəndəsinə söz verməyiblər. Səbəb olaraq isə bir çox bəhanələr gətiriblər. Ümumiyyətlə, hakimiyyət çalışır ki, Rəsulzadəni Cumhuriyyətin banisi kimi yox, banilərdən biri kimi qələmə versin. Amma bu, mümkün olan bir şey deyil. Mənim fikrimcə, Məhəmməd Əmin Rəsulzadə Azərbaycan tarixində əvəzolunmaz bir şəxsiyyətdir və ona bərabər ikinci bir insan yoxdur. Bu, mənim şəxsi fikrimdi, həm siyasətçi kimi, həm də bir tarixçi kimi…”
Klassik Xalq Cəphəsi Partiyasının sədri Mirmahmud Mirəlioğlu: “Bizim, hakmiyyətin Rəsulzadənin 130 illiyi ilə bağlı verdiyi sərəncama aid bir müraciətimiz var. Rəsulzadənin büstü geri qaytarılsın, anma mərasimləri düzgün, qaydasında keçirilsin və sairə və ilaxır. Amma bu müraciətlərə baxan olmadı. Maraqlı bir faktı sizin diqqətinizə çatdırmaq istəyirəm. Xatırlayırsınızsa, bir müddət əvvəl qonşu dövlətin prezidenti parlamentdə çıxışı zamanı Azərbaycan dilində “Bir kərə yüksələn bayraq, bir daha enməz” sözünü işlətdi. Hətta qonşu dövlət başçıları belə, bizim bayrağımıza, milli dəyərlərimizə hörmət edirlər. Amma bizim ölkəmizdə bunun tam əksinədir. Baxmayaraq ki, hər seçkidən sonra o bayraq qarşısında əyilib, onu öpürlər, amma o bayrağa, bayrağın yaradıcısına hörmət və ehtiram yoxdur. Məncə, bunun bir səbəbi var. Tarixi, onlara sərf etməyən tarixi gizlətmək istəyi… Çünki Rəsulzadənin abidəsi Bakıda qoyulsa, o artıq dövlət protokoluna düşəcək. Yəni ölkəmizə gələn xarici dövlət təmsilçiləri bu abidəni ziyarət edəcəklər, Rəsulzadə haqqında maraqlanacaqlar. Təhsil ocaqlarında onun haqqında məlumatlar veriləcək. O zaman aydın olacaq ki, Heydər Əliyev azərbaycançılıq üçün heç bir iş görməyib”.
Tədbir digər iştirakçıların çıxışları ilə davam etdirilib.
Sabir Rüstəmxanlı: “Məhəmməd Əmin Rəsulzadənin həyatı və fəaliyyəti əsl ideologiya nümunəsidir”
04 fevral 2014-cü il tarixində Vətəndaş Həmrəyliyi Partiyasının (VHP) təşəbbüsü və təşkilatçılığı ilə “Məhəmməd Əmin Rəsulzadənin Azərbaycanın milli dövlətçilik tarixində rolu” mövzusunda dəyirmi masa keçirilib. Tədbirdə VHP sədri, millət vəkili Sabir Rüstəmxanlı, Musavat Partiyasının başqanı İsa Qəmbər, Klassik Xalq Cəphəsi Partiyasının sədri (KXCP) Mirmahmud Mirəlioğlu, Vahid Azərbaycan Milli Birlik Partiyasının (VAMBP) sədri Hacıbaba Əzimov, Milli Şuranın sədri Cəmil Həsənli, Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlı, Vətəndaş və İnkişaf Partiyasının (VİP) sədri Əli Əliyev, Ümid Partiyasının sədr müavini Rüfət Muradlı, tarixçi-alim Nəsib Nəsibli, bir çox tanınmış ictimai-siyasi xadimlər, qonaqlar, gənclər təşkilatlarının təmsilçiləri iştirak ediblər.
“Bu il Məhəmməd Əmin Rəsulzadə ili olmalıdır”
Toplantını VHP sədri, millət vəkili Sabir Rüstəmxanlı açaraq, Məhəmməd Əmin Rəsulzadənin Azərbaycan tarixindəki rolundan və onun gənclər üçün əhəmiyyətindən danışıb: “Bugünkü tədbirimiz “Məhəmməd Əmin Rəsulzadənin Azərbaycan milli dövlətçilik tarixində rolu” mözusundadır. Bu il Məhəmməd Əmin Rəsulzadə ili olmalıdır: “Məhəmməd Əmin Rəsulzadənin 130 illiyi ilə bağlı artıq bir neçə tədbir keçirilib və bu yenə də davam edəcək. Bu tədbirlərdən bir çoxunda iştirak etmişik. Bu yaxınlarda Türkiyədə də Məhəmməd Əmin Rəsulzadə ilə bağlı tədbir keçirildi. İnşallah, ilin sonuna qədər tədbirlərimiz davam edəcək. Ümumiyyətlə, yubiley ilindən asılı olmayaraq Azərbaycan dövlətçilik tarixində hər zaman anılması zəruri olan şəxsiyyətlər var. Eyni zamanda onların irsi hər zaman öyrənilməlidir və dövlətçilik tariximizdəki yerləri araşdırılmalıdır”. Millət vəkili bildirib ki, Məhəmməd Əmin Rəsulzadə bir ideologiyadır: “Bu dövlətin özünə də ideologiya lazımdır. Dövlətin üstünə getmək lazım deyil, onun bu dəyərə sahib çıxmasını təmin etmək lazımdır. Gəncliyə ideologiya lazımdırsa, Məhəmməd Əmin Rəsulzadənin həyatı və fəaliyyəti əsl ideologiya nümunəsidir”.
“Üçrəngli bayraq, istiqlal məfkurəsi Məhəmməd Əmin Rəsulzadədən bizə yadigar qalıb”
Milli Şuranın sədri Cəmil Həsənli deyib ki, Məhəmməd Əmin Rəsulzadə bu xalqa böyük bir tarix yaşatdı: “O tarixi qoruyub saxlamaq hər bir azərbaycanlının borcudur. Bayrağın anlamını, onun dəyərini, qiymətini Məhəmməd Əmin Rəsulzadə bizə bəxş edib. Həmin bayraq meydanlarda dalğalananda qürur hissi duyuruq. Azərbaycanın yanlız keçmişini deyil, həm də gələcəyini ehtiva edən bayrağımız var. Üçrəngli bayraq, istiqlal məfkurəsi Məhəmməd Əmin Rəsulzadədən bizə yadigar qalıb. Bu gün biz varıq. Azərbaycanda nəsillər dəyişəcək, amma Məhəmməd Əmin Rəsulzadənin adı, əməlləri, ənənləri, dəyərləri, onun tarixdəki rolu unudulmayacaq”.
“Məhəmməd Əmin Rəsulzadə Azərbaycanda türkçülüyün ən böyük nümayəndəsidir”
Tarixçi-alim Nəsib Nəsibli vurğulayıb ki, Azərbaycan hökumətinin Məhəmməd Əmin Rəsulzadənin 130 illik yubileyini rəsmiləşdirməyi çox gözəl bir hadisədir: “Məhəmməd Əmin Rəsulzadə böyük bir ümmandır. Əlbəttə, Müsavat Partiyasını təsis etmək, müsavatçılıq ideologiyasını reallaşdırmaq, daha sonra mühacirətdə onu yaşatmaq və dünya siyasi platformasına çıxarmağı bacarmaq çox böyük işdir. 1915-ci ildən sonra milli ideologiyanın inkişafı Məhəmməd Əmin Rəsulzadənin çiyinlərində olub və 1955-ci ilədək bu estafeti davam etdirib”. Onun sözlərinə görə, Azərbaycan Xalq Cümhuriyyəti Məhəmməd Əmin Rəsulzadənin yaratdığı bir hadisədir: “Bu şəxs dövlət qurucusudur. Milli Şuranın sədri kimi istiqlal bəyannaməsində qolu olmasa da, ancaq rəhbərlik etdiyi bir şura Azərbaycanın istiqlalını elan edib. Bununla belə, Məhəmməd Əmin Rəsulzadə həmçinin millət qurucusudur. Axı millət bir yoxdan yaranmadı? Bunun ideologiyası, digər atributları var. Məhəmməd Əmin Rəsulzadə Azərbaycanda türkçülüyün ən böyük nümayəndəsidir. Ona görə də Məhəmməd Əmin Rəsulzadə təkcə dövlətçilik deyil, həm də millətçilik tarixində son dərəcə böyük bir şəxsdir və onsuz Azərbaycanda türkçülüyün tarixi çox naqis olar. Məhəmməd Əmin Rəsulzadənin ilk əsəri olan “Milli birlik”də millət nəzəriyyəsi ən sistemli şəkildə qoyulub. Ona görə də bir ideologiya və taktika kimi türkçülüyün gerçəkləşməsində bu şəxsin son dərəcə böyük rolu var. Məncə, Məhəmməd Əmin Rəsulzadə yalnız dövlət adamı, ideoloq deyil, həm də millət qurucusudur. Əgər Məhəmməd Əmin Rəsulzadə və onun silahdaşları olmasaydı, bu gün biz millət olmazdıq. Bizim onun irsinə çox böyük ehtiyacımız var və yalnız xidmətlərini deməklə kifayətlənməməliyik. Məhəmməd Əmin Rəsulzadənin irsinin araşdırılaraq sıravi vətəndaşlara çatdırılması, böyük konfransların keçirilməsi zəruridir”.
“Bu gün də Məhəmməd Əmin Rəsulzadənin uğrunda mübarizə apardığı ideallar Azərbaycanın hər bir vətənpərvər vətəndaşının qəlbində yaşayır”
VAMBP sədri Hacıbaba Əzimov bildirib ki, Azərbaycan xalqı həqiqətən Məhəmməd Əmin Rəsulzadə kimi böyük şəxsiyyəti, ideoloqu, siyasi lideri olmasına görə fəxr edə bilər: “Bu gün də onun uğrunda mübarizə apardığı ideallar Azərbaycanın hər bir vətənpərvər vətəndaşının qəlbində yaşayır. Azərbaycanda 1980-ci illərin sonlarında milli azadlıq hərəkatının yüksək vüsət alması və üçrəngli bayrağın dalğalanması təsadüfi deyildi. Bunlar Məhəmməd Əmin Rəsulzadənin Azərbaycan övladının, ziyalılarının əqidəsinə həkk olunmuş və dərin izlər buraxmış ideyalarının təzahürü idi. Çünki meydanda Məhəmməd Əmin Rəsulzadənin adı çəkiləndə, üçrəngli bayraq dalğalananda böyük ruh yüksəkliyi yaşanırdı. Eyni zamanda 1990-cı ildə 350 deputatın təmsil olunduğu Ali Sovetdə yaradılmış 20-25 nəfərlik “Müstəqil Azərbaycan” blokunun əzmkar mübarizə aparmalarına səbəb onların Məhəmməd Əmin Rəsulzadə və silahdaşlarının ideallarından aldıqları nəfəs idi. Ona görə də həmin deputatlar Azərbaycanın müstəqilliyini əsas şərt saydılar. Biz xalqın köməyi ilə “Azərbaycanın Dövlət Müstəqilliyi haqqında Konstitusiya Aktı”nın qəbul edilməsinə nail olduq və həmin sənədə Azərbaycan Respublikasının Azərbaycan Xalq Cümhuriyyətinin varisi olması maddəsini daxil etdik. Bununla da Məhəmməd Əmin Rəsulzadə kimi şəxslərin nəticəsi yerdə qalmadı. Ancaq hələlik onun və silahdaşlarının uğrunda mübarizə apardıqları böyük ideallar tam bərqərar olmayıb”.
“Məhəmməd Əmin Rəsulzadə Azərbaycan tarixində əvəzolunmaz bir şəxsiyyətdir və ona bərabər ikinci bir insan yoxdur”
Müsavat Partiyasının başqanı İsa Qəmbər Məhəmməd Əmin Rəsulzadənin Müsavat Partiyası və Azərbaycan Demokratik Respublikasının qurucusu olmasından və dövlətçilik ənənələrindən danışıb: “Məhəmməd Əmin Rəsulzadə təkcə Müsavat Partiyasının qurucusu deyil. O, həm də Azərbaycanın dövlətçilik ənənələrinin başlanğıcı sayılan Azərbaycan Xalq Cümhuriyyətinin qurucusudur. O, millətin lideridir. Ona görə də biz partiya olaraq ilin sonunadək bir sıra tədbirlər keçirməyi qərara almışıq. Artıq bir sıra tədbirlər keçirmişik”. Onun sözlərinə görə, Azərbaycan hakimiyyətinin Məhəmməd Əmin Rəsulzadənin 130 illiyinin qeyd edilməsi haqqında verdiyi qərar sadəcə gözdən pərdə asmaqdır: “Hakimiyyət Məhəmməd Əmin Rəsulzadəni Azərbaycan Xalq Cümhuriyyətinin banisi kimi yox, banilərdən biri kimi qələmə verməyə çalışır. Amma bu mümkün olan bir şey deyil. Çünki Məhəmməd Əmin Rəsulzadə Azərbaycan tarixində əvəzolunmaz bir şəxsiyyətdir və ona bərabər ikinci bir insan yoxdur. Bu həm siyasətçi, həm də bir tarixçi kimi mənim şəxsi fikrimdir”.
“Məhəmməd Əmin Rəsulzadə həm tarix yaradan, həm də tarix yazan bir şəxsiyyətdir”
VHP Gənclər Təşkilatının üzvü Röyalə Məmmədova deyib ki, bir millətin millət olması üçün onun keçdiyi meyarlar lazımdır: “Təkcə Azərbaycan deyil, ümumilikdə dünya tarixinə nəzər salsaq, istər fransızlar, istər italyanlar, istərsə də amerikanlar olsun, tarixin müəyyən mərhələsində onlarda əvvəlcə millətçilik olub, daha sonra bəşəri dəyərlərə keçiblər. Milli özünüdərk olmadan bəşəri dəyərlərə keçmək mümkün deyil. Hər bir xalq ilk növbədə millət olaraq özünü dərk etməli, formalaşmalı və daha sonra bəşəri dəyərlər mərhələsinə keçməlidir. Məhəmməd Əmin Rəsulzadə də əvvəlcə millətin özünü dərk etməsi prosesini başladıb. Ancaq Sovet Rusiyasının Azərbaycanı işğal etməsi ilə bu proses dayandı və müstəqilliyimizi bərpa etdikdən sonra da bu məsələ yarımçıq qaldı. Mən düşünürəm ki, əvvəlcə bu proses davam etdirilməlidir və daha sonra gənclərimiz istədiyi yola keçməlidir”. Onun sözlərinə görə, Məhəmməd Əmin Rəsulzadə iki missiya həyata keçirib: “Mən hesab edirəm ki, Məhəmməd Əmin Rəsulzadə həm tarix yaradan, həm də tarix yazan bir şəxsiyyətdir. Düzdür, tarix yaratmaq mümkündür və bir çox şəxsə mənsub olub. Ancaq tarix yazmaq hər adama qismət olmur. Məhəmməd Əmin Rəsulzadə milli birliklə bağlı 7 məqaləsində çıxış edib. O, həmin məqalələrdə millət və dövlətçilik tezislərini öz prinsipləri ilə açıqlayıb. Həmin məqalələrdə millətin mənfilikləri göstərilməklə yanaşı, millətin özünüdərk məsələsi açıqlanıb. Hətta həmin məqalələrdə belə bir ifadə işlədilib: “Qərbdə yaşamaq üçün ölürlərsə, ancaq bundan fərqli olaraq Şərqdə ölmək üçün yaşayırlar”. Məncə, bu ifadə inkişafa təsir göstərəcək böyük bir amildir. Yalnız Məhəmməd Əmin Rəsulzadə deyil, həmin dövrün maarifçiləri də millətin özünü tanımadığını deyirdilər. Belə ki, millət “kimsən” sualına “mən müsəlman” cavabını verirdi. “Türkəm” cavabı isə daha sonrakı mərhələlərdə verilirdi. Ancaq həmin sual hər hansı başqa bir millətə, məsələn rusa verilsə, “xristianam” cavabı gəlsəydi, çox gülünc qarşılanırdı. Ancaq bizdə məsələyə hələlik normal yanaşılırdı. Azərbaycan dövləti və ya milləti adına isə nə 1917-ci ilədək keçirilmiş qurultayların heç birində rast gəlinməyib. Təsadüfi deyil ki, qurultaylar yalnız Qafqaz müsəlmanları adı altında keçirilirdi. Ancaq 1917-ci ildə Moskvada keçirilmiş qurultayda Azərbaycan adı ilk dəfə olaraq Məhəmməd Əmin Rəsulzadə tərəfindən gündəmə gətirilib. Azərbaycan Respublikasının adının yaranması və millətin adının qoyulması məhz həmin dövrdən etibarən başlayıb. SSRİ dağılandan sonra Azərbaycan öz müstəqilliyini bərpa edəndə adımız, simvollarımız, atributlarımız olduğundan çaş-baş qalmadıq. SSRİ Məhəmməd Əmin Rəsulzadənin “Yeni Zaqafqaziya” jurnalını açmasından sonra Türkiyəyə təzyiqlər göstərirdi. Türkiyədə mühacirətdə yaşayan azərbaycanlılardan biri Məhəmməd Əmin Rəsulzadəyə yaxınlaşaraq “Yeni Zaqafqaziya” jurnalını bağladıqdan sonra Azərbaycana qayıda biləcəklərini bildirir. Ancaq Məhəmməd Əmin Rəsulzadə “Yeni Zaqafqaziya” jurnalının nəşrini yalnız rus qoşunlarının tamamilə Azərbaycanı tərk etdikdən sonra dayandıracağı cavabını verir”.
“Məhəmməd Əmin Rəsulzadə tarixə sığmayan bir lider olub”
VHP Gənclər Təşkilatının digər üzvü Vüsal Namiqoğlu vurğulayıb ki, Məhəmməd Əmin Rəsulzadə ilk təşkilatını – “Müsəlman” Gənclər Təşkilatını yaradanda hələ 17 yaşında idi: “Məncə, biz hələ bir az gecikmişik. Məhəmməd Əmin Rəsulzadəni hər hansı bir tarixlə, hadisə ilə çərçivələmək olmaz. Məhəmməd Əmin Rəsulzadə tarixə sığmayan bir lider olub. Məhəmməd Əmin Rəsulzadə və yoldaşlarının mübarizəsinə xalqın könüllü surətdə dəstək olmasının ən boyuk səbəbi onların millətin ən təməl haqlari uğrunda mübarizə aparması idi. Ancaq təəssüflər olsun ki, hələ də Məhəmməd Əmin Rəsulzadənin xalqına vermək istədiyi ən təməl haqlar bu millətə verilməyib. O zaman da haqlarını tələb edənlər təqib edilir, izlənilirdisə, bu gün də eyni aqibəti yaşamaqdadırlar”.
KXCP sədri Mirmahmud Mirəlioğlu bildirib ki, onların hakimiyyətin Məhəmməd Əmin Rəsulzadənin 130 illiyi ilə bağlı verdiyi sərəncama dair bir müraciətləri var: “Məhəmməd Əmin Rəsulzadənin büstləri götürüldükləri yerlərə geri qaytarılsın, anma mərasimləri düzgün, qaydasında keçirilsin və sair və ilaxır. Amma bu müraciətlərə baxan olmadı. Maraqlı bir faktı sizin diqqətinizə çatdırmaq istəyirəm. Xatırlayırsınızsa, bir müddət əvvəl qonşu dövlətin prezidenti parlamentdə çıxışı zamanı Azərbaycan dilində “Bir kərə yüksələn bayraq, bir daha enməz” sözünü işlətdi. Hətta qonşu dövlət başçıları belə bizim bayrağımıza, milli dəyərlərimizə hörmət edirlər. Amma bizim ölkəmizdə bunun tam əksinədir. Baxmayaraq ki, hər seçkidən sonra həmin bayraq qarşısında əyilib, onu öpürlər, amma o bayrağa, bayrağın yaradıcısına hörmət və ehtiram yoxdur. Məncə, bunun bir səbəbi var. Tarixi, onlara sərf etməyən tarixi gizlətmək istəyi… Çünki Məhəmməd Əmin Rəsulzadənin abidəsi Bakıda qoyulsa, o artıq dövlət protokoluna düşəcək. Yəni ölkəmizə gələn xarici dövlət təmsilçiləri bu abidəni ziyarət edəcəklər, Məhəmməd Əmin Rəsulzadə haqqında maraqlanacaqlar. Təhsil ocaqlarında onun haqqında məlumatlar veriləcək. O zaman aydın olacaq ki, Heydər Əliyev azərbaycançılıq üçün heç bir iş görməyib”.
“Məhəmməd Əmin Rəsulzadənin bütün ictimai-siyasəti fəaliyyəti dövründə Ahıska türklərini də görmək mümkündür”
Azərbaycandakı Ahıska türklərinin “Vətən” Cəmiyyətinin keçmiş sədri İbrahim Burhanov deyib ki, Məhəmməd Əmin Rəsulzadənin bütün ictimai-siyasəti fəaliyyəti dövründə Ahıska türklərini də görmək mümkündür: “Şərqdə yaranmış ilk demokratik cümhuriyyət quruculuğunda Ahıska türklərinin Məhəmməd Əmin Rəsulzadə ilə birgə fəaliyyəti olub. Bunlardan Ömər Faiq Nemanzadənin bacısı oğlu, 7 dildə sərbəst danışan Milli Şuranın, daha sonra Azərbaycan Demokratik Cümhuriyyətinin üzvü və katibi, əmək və əkinçilik naziri Əhməd bəy Pepinov, Azərbaycan Jurnalistlər İttifaqının sədri Adil Əfəndi və başqalarını nümunə göstərmək olar. Ümumilikdə 200 nəfər Ahıska türkünü misal çəkmək olar. Məhəmməd Əmin Rəsulzadə kimi böyük şəxsiyyətinin olması ilə bütün türk dünyası fəxr etməlidir”.
Tədbirdə həmçinin AXCP sədrinin müavini Fuad Qəhrəmanlı, Ümid Partiyasının sədrinin müavini Rüfət Muradlı, İstanbul Azərbaycan Kültür Evinin Yönətim Qurulunun başqanı Hikmət Elp, sabiq istiqlalçı deputat İbrahim İbrahimli və başqaları çıxış edərək mövzu ilə bağlı öz fikirlərini bölüşüblər.
Fevralın 3-də Bakı Apellyasiya Məhkəməsi narkotik vasitə saxlama ittihamı ilə tutulmuş bloqçu Ömər Məmmədov barəsində 3 aylıq həbs qətimkan tədbirindən verilən şikayətə baxıb. Vətəndaş Həmrəyliyi Partiyası Mərkəzi İcra Aparatının rəhbəri Samir Əsədli “Media forum” saytına deyib ki, proses qapalı keçirilib: “Hakim Mirzəli Abbasovun sədrliyi ilə keçirilən prosesdə Ömər Məmmədov da iştirak edib. O, ittihamları qəbul etməyib. Bütün verilən sübutlara baxmayaraq hakim Nərimanov Rayon Məhkəməsinin Ömər Məmmədov haqqında çıxardığı həbs qətimkan tədbirini qüvvədə saxlayıb”.
Hakim Mirzəli Abbasovun sədrliyi ilə keçirilən prosesdə Ömər Məmmədov da iştirak edib. O, ittihamları qəbul etməyib. Ömər Məmmədovun vəkili Əlayif Həsənov musavat.com-a açıqlamasında bildirib ki, məhkəmə prosesi tamamı ilə qanunsuz formada keçirilib. “Mən məhkəmədə müstəntiqdən israrla bir sualıma cavab verməsini istədim: doğrudanmı Ömər Məmmədov Nərimanov məhkəməsində narkotik istifadəçisi olduğunu etiraf edib? Hakim Ö. Məmmədovun bu haqda məhkəmədə danışacağını, ona qarşı edilən təzyiqləri, döyülməsini, narkotik vasitənin onun cibinə atılması haqqında danışacağı üçün, bu sualdan yayındı. Bu məhkəmə tamamilə qanunsuzdur. Biz bu kimi hallara artıq öyrəşmişik. Buna bənzər sifarişli məhkəmələrdə də eyni proseslər gedir. Amma buna baxmayaraq, mən Ö. Məmmədovla görüşdüm. Saxlanma şəraitindən narazılığı yoxdur, psixoloji durumu normaldır. Görüş happy wheels demo zamanı məlum oldu ki, onun həbs etməzdən qabaq, Baş Mütəşəkkil Cinayətkarlıqla Mübarizə İdarəsinə çağırıblar. Onun noutbukuna baxış keçiriblər. Hansı fəaliyyətlə məşğul olduğunu araşdırıblar. Yanvarın 24-də isə onu həbs ediblər. Ömər Məmmədov mənə bildirdi ki, onu saxlanılan zaman döyüblər, təzyiq göstəriblər. Saxlanılan zaman onun cibindən çıxdığı iddia edilən narkotik vasitəni isə onun cibinə Daxili İşlər Nazirliyinin Baş Narkotiklərlə Mübarizə İdarəsinə aparılarkən atıblar. Ömər Məmmədovun həbsi sırf siyasi sifarişdir. O, heç vaxt narkotik istifadə etməyib, hətta siqaret də çəkən olmayıb. Bütün verilən sübutlara baxmayaraq, hakim Nərimanov Rayon Məhkəməsinin Ömər Məmmədov haqqında çıxardığı həbs qətimkan tədbirini qüvvədə saxladı”.
Qeyd edək edək ki, Ömər Məmmədov 1995-ci ildə Bakıda anadan olub. Hazırda Şimali Kipr Türk Respublikasında fəaliyyət göstərən Beynəlxalq Kipr Universitetində təhsil alır. O, Vətəndaş Həmrəyliyi Partiyasının (VHP) üzvü, “Axın” maarifçi hərəkatını təsisçisidir. N!DA Vətəndaş Hərəkatının keçmiş üzvüdür. Ömər Məmmədov 24 yanvar 2014-cü il tarixində həbs edilib. Onun barəsində Azərbaycan Respublikası Cinayət Məcəlləsinin 234.4.3-cü maddəsi (narkotik vasitələrin və ya psixotrop maddələrin qanunsuz əldə edilməsi) ilə cinayət işi açılıb və barəsində 3 aylıq həbs-qətimkan tədbiri seçilib. Hazırda Şüvəlan təcridxanasında saxlanır.
1965 ya da 1966-ci ildə kəndimizdə rəhmətlik Əliaga müəllimin evinin qarşısında körpü tikirdilər. Babamın gözləri tutulduğundan onun əlindən tutub söhbətlərini dinləmək üçün körpütikənlərin yanına getməsinə kömək etdim. İndiyə qədər xatırlayıram. O zaman babam mənə yol və körpü tikməyin çox yaxşı əməl olmasından, savabından xeyli danışmışdı. Bu işin savab olmasını da ilk dəfə onda eşitmişdim. “Quran”ı oxuyub öyrəndikdən sonra yol kəsənlər yol göstərənlər oldular”.
Bu ifadə isə Pakistan şairi Məhəmməd İqbala məxsusdur. Bu ifadə də “Quran”ın böyüklüyünə işarədir. Azərbaycanda isə oxuyub təhsil alanların ( həm də dini təhsil) əksəriyyəti sonradan elə bil yol kəsən olurlar. Bunu çəkinmədən həm tikinti sektoruna, həm də mövcud idarəciklik sisteminə aid etmək mümkündür. Bütün Azərbaycan böyük tikinti meydançasına bənzəyir. Acısını çəkənlər isə Bakıda daha çoxdur. Bakıdakı tikililərdən əziyyət çəkən şəxs kimi bəzi qeydlərimi dostların diqqətinə çatdırmağa qərar verdim. Bakıda bina, yol, metro tikintisinin aparılması təbii ki, zəruridir və davam etməlidir. Lakin bu tikililər insanların hüquq və azadlıqlarını məhdudlaşdırmadan, digər küçələrə, həyətlərə və evlərə çirkab axıtmadan, həmin ərazilərdə olan mövcud yolların müvəqqəti də olsa bağlanmasına səbəb olmadan həyata keçirilməlidir. Qanunvericiliyin tələbinə görə, indi yol, körpü, bina, metro tikintisi və ya əsaslı təmir işləri tenderlər qalib olmuş tikinti firmaları tərəfindən həyata keçirilir. Müəyyən olunmuş qaydalara görə, tenderdə qalib gəlmiş yol çəkən və ya təmir işləri aparan təşkilat ilk öncə insanları təhlükəsiz alternativ yolla və ya müvəqqəti keçidlərlə təmin etməlidir. Müvəqqəti çəkilən və ya hazırlanan alternativlər isə əvvəlki vəziyyətdən pis olmamalıdır. Yalnız bundan sonra təmir və ya yenidənqurma işlərinə başlamaq olar. Məsələn, əgər asfalt örtüklü yollar genişləndirilirsə ilk növbədə alternativ asfalt örtüklü müvəqqəti yol tikilib təhvil verilməlidir ki, sürücü və ya piyadalar çətinliklə üzləşməsin. Başqa sözlə, indi olduğu kimi insanlar torpaq örtüklü yollara istiqamətləndirilməməlidir. Çünki yol çəkilişi ilə məşğul olanlara həm də alternativ müvəqqəti asfalt örtüklü yol üçün kifayət qədər böyük məbləğdə vəsait ayrılır. Azərbaycanda müvəqqəti alternativ yolların çəkilişi təcrübəsi ya tamamilə yoxdur, ya da görüntü xarakteri daşıyır. Məsələn, Papanində və BDU- nun yanında tikilən metro stansiyalarına görə alternativ yollar nəzərdə tutulsa da ümumiyyətlə yollar bağlanıb və paytaxt sakinləri bundan çox əziyyət çəkirlər. Və ya 3-cü mikrorayon dairəsində yol ötürücülərinin tikintisi ilə əlaqədar olaraq çox darısqal alternativ yol düzəldilsə də, həmin yol birtərəflidir, asfalt örtüyü yoxdur, daha çox şəhərin digər hissələrinə çirkabın daşınmasına xidmət edir. Bakıda aparılan bəzi happy wheels demo çox əhəmiyyətli tikililər və təmir- tikinti işlərindən sonra yolların piyadalara aid hissələrinin zəbt edilməsi, avtomobil yollarının daralması da adi hala çevrilib və heç bir etirazla qarşılanmadan həyata keçirilir. Məsələn, Bakının girəcəyində “İnturist” mehmanxanasının geri çəkilməsi tələb olunduğu halda onunla üzbəüz daha bir otel tikildi və nəqliyyat vasitələrinin hərəkəti xeyli məhdudlaşdırıldı. Bu tikili əslində Bakıya girəcəkdə tikilmiş geniş yolların mahiyyətini xeyli azaltdı. Bakıya yaraşıq verən “4 fəsil” və “Alov qüllələri” otelləri də həmin ərazidə olan əvvəlki tikililərlə müqayisədə yola daha yaxın tikilməklə əslində sürücülərin və piyadaların vəziyyətini daha da ağırlaşdırdı. Daxili İşlər Nazirliyi və Milli Təhlükəsizlik Nazirliklərinin əsas binalarındakı təmirdən sonra həmin binaların ətrafı dəmir çəpərə alındı, həmin ərazilərdə olan piyada yolları kəsildi və avtomobil yolları daraldı. Müxtəlif adlarla peyda olan marketlər də yolların üstündə tikilməklə hərəkəti məhdudlaşdırır və tıxacları artırır. Yol boyu yanından ötdüyüm hər marketin qarşısında tıxac problemi və insanların həyatına yaranan təhlükənin şahidi oluram. Masazırda onsuz da tıxacların çox olduğu ərazidə acılan “Araz” market və “Şok” market isə həqiqətən hər gün məni bir neçə dəfə şoka salır. Bu marketlərin açılmasına razılıq verməklə bir- iki sahibkarın mənafeyinə bütün kənd sakinlərinin marağını qurban verənlər heç şübhəsiz ki, ən pis sözlərə layiq olanlardır. Dirilərimiz azmış kimi ölülərimizin də hesabına yol bağlamaq adətinə yiyələnmişik. Yol kəsməyə elə vərdiş etmişik ki, Bakıda fəaliyyət göstərən beynəlxalq təşkilat və səfirliklər də tərəddüd etmədən bu vərdişə yiyələndilər. ABŞ səfirliyi Rəsul Rza küçəsinin səfirliyin arxasında olan hissəsini, Türkiyə səfirliyi Bakıda uşaqların sevimli parkını, Rusiya səfirliyi Bakı gənclərinin və tələbələrin ən çox sevdiyi parkı “uf” demədən özününküləşdirdi, yolların giriş- çıxışını bağladı. Gündəlik istifadə etdiyimiz yollarda yaranan əngəllər bəlkə də başqa “yollar” haqqında düşünməyə imkan yaratmamaq üçündür. İnsan həmişə yeni yollar axtarışında olmalı olduğu halda, biz hər gün daha hansısa yolların bağlanmasını gözləyirik. Bu gün bağlanan yolların sayının artması daha çox MÜBARİZƏ YOLUnu itirməyimizlə bağlıdır. Son zamanlar yol hərəkəti qaydalarını pozan piyadaları 20 manat cərimələyənlər yolkəsənlərin qarşısında baş yelləmək və ya əl çalmaqla məşğuldur. Yolların bağlanması bəlkə də fəlakət kimi ğörünməzdi, əgər bu kimi hallara etiraz edənlərin, haray çəkənlərin, mübarizə aparanların aqibəti həbs olmasaydı. Yol kəsməyin cəzası və günahı nə qədər ağırdırsa, belə hallara susmağın cəzası ondan daha ağırdır.
P.S. 5 yaşında babamı körpüsalanların yanına aparanda o mənə nə yolkəsməyin, nə də yol sökməyin günahlarından danışdı. İndi də bu barədə danışanlar yoxdur.
Parlamentin deputatı, VHP sədri Sabir Rüstəmxanlı Milli Məclisin 3 fevral iclasında söz alaraq rusdilli məktəblərin dövlət büdcəsindən maliyyələşməsinə son qoyulmasını tələb edib: “Azərbaycan Konstitusiyasına, eləcə də təhsil qanununa görə, təhsil dili Azərbaycan dilidir. Xarici dildə məktəblər ancaq özəl ola bilər, dövlətdən maliyyələşdirilə bilməz. Amma bu gün Azərbaycanda rus dilində çoxlu məktəb var və dövlətdən maliyyələşdirilir. Bu qanun niyə pozulur? Mən Hesablama Palatasından xahiş edirəm ki, bu məsələni araşdırsın”.
“Media forum” saytının məlumatına görə, spiker Oqtay Əsədov deyib ki, rusdilli məktəblərdən Azərbaycandilli məktəblərə tam keçilməsi mümkün deyil: “Bəlkə həmin adamların özəl şərtlərlə təhsil olmaq imkanı yoxdur? Ona görə də bu məsələnin birdən-birə həlli mümkün deyil”.
“Cavad xan” filminin Nyu York şəhərində təqdimatı keçiriləcək. Bu barədə “Axar.az”a Mədəniyyət və Turizm Nazirliyindən məlumat verilib.
Filmin Nyu Yorkda təqdimatının fevralın 8-də baş tutacağı bildirilib. Tədbir Əyyub Sultan Mədəniyyət Mərkəzində keçiriləcək.Tədbirdə Azərbaycan Respublikasının, Türkiyə və digər ölkələrin diplomatik nümayəndələrinin iştirakı gözlənilir. Bununla bərabər, təqdimatda filmin ssenari müəllifi Sabir Rüstəmxanlı və quruluşçu rejissor Rövşən Almuradlının da iştirak edəcəyi bəlli olub.
Məlumatda həmçinin tədbirə girişin azad olduğu da qeyd edilib.
Bu gün nəslimizin sonuncu Mogikanı – Alış əmi 93 yaşında dünyasını dəyişdi… 1921-ci ildə doğulmuşdu. Dörd bacı və dörd qardaş idilər. Bir-birinə bu qədər bağlı, bu qədər mehriban bacı -qardaş tapmaq çətindir. 2006-cı ildə böyük əmim Balaşın 100 yaşını qutlamışdıq, bütün kəndi, dostları dəvət etmişdik. Alış əmi onun yüksəldiyi zirvəyə çata bilmədi. Özü də etiraf etmişdi ki mən böyük qardaşım qədər güclü deyiləm… Ancaq dünyanın bu vaxtında 93 il ömür sürmək də qəhrəmanlıqdır. Ölümünə bir ay qalana qədər hafizəsini itirmişdi… 
Bu gün Azərbaycan Xalq Cümhuriyyətinin qurucularından olan Məhəmməd Əmin Rəsulzadənin anadan olmasının 130-cu ildönümüdür.
Vətəndaş Həmrəyliyi Partiyası ( VHP) Siyasi Şurasının toplantısı keçirilib. Partiyanın mətbuat xidmətindən verilən məlumata görə, toplantıda ölkədəki ictimai siyasi vəziyyət, Xalq Cümhuriyyətinin qurucularından olan Məmmədəmin Rəsulzadənin 130 illik yubileyi ilə bağlı tədbir, VHP üzvü Ömər Məmmədovun həbsi və digər məsələlər müzakirə edilib. 
Fevralın 4-də Məhəmməd Əmin Rəsulzadənin 130 illik yubileyinə həsr edilmiş daha bir tədbir keçirilib.
Fevralın 3-də Bakı Apellyasiya Məhkəməsi narkotik vasitə saxlama ittihamı ilə tutulmuş bloqçu Ömər Məmmədov barəsində 3 aylıq həbs qətimkan tədbirindən verilən şikayətə baxıb. Vətəndaş Həmrəyliyi Partiyası Mərkəzi İcra Aparatının rəhbəri Samir Əsədli “Media forum” saytına deyib ki, proses qapalı keçirilib: “Hakim Mirzəli Abbasovun sədrliyi ilə keçirilən prosesdə Ömər Məmmədov da iştirak edib. O, ittihamları qəbul etməyib. Bütün verilən sübutlara baxmayaraq hakim Nərimanov Rayon Məhkəməsinin Ömər Məmmədov haqqında çıxardığı həbs qətimkan tədbirini qüvvədə saxlayıb”.
Əlövsət Əliyev
Parlamentin deputatı, VHP sədri Sabir Rüstəmxanlı Milli Məclisin 3 fevral iclasında söz alaraq rusdilli məktəblərin dövlət büdcəsindən maliyyələşməsinə son qoyulmasını tələb edib: “Azərbaycan Konstitusiyasına, eləcə də təhsil qanununa görə, təhsil dili Azərbaycan dilidir. Xarici dildə məktəblər ancaq özəl ola bilər, dövlətdən maliyyələşdirilə bilməz. Amma bu gün Azərbaycanda rus dilində çoxlu məktəb var və dövlətdən maliyyələşdirilir. Bu qanun niyə pozulur? Mən Hesablama Palatasından xahiş edirəm ki, bu məsələni araşdırsın”.
“Cavad xan” filminin Nyu York şəhərində təqdimatı keçiriləcək. Bu barədə “Axar.az”a Mədəniyyət və Turizm Nazirliyindən məlumat verilib.