Vətəndaş Həmrəyliyi Partiyası

Category: Xəbər

  • Sabir Rüstəmxanlı Türkiyədən gələn şəhid ailələri ilə görüşdü

    Qardaş Türkiyədən olan bir qrup şəhid ailəsi Azərbaycana səfərə gəlib.
    “34 şəhidin izi ilə” layihəsi çərçivəsində “Kırşəhir Şəhid Ailələri“ İctimai Birliyinin rəhbərliyi və fəallarının ölkəmizə bu ilk səfər proqramı “Regional Hüquqi və İqtisadi Maarifləndirmə” İctimai Birliyinin sədri Arzu Bağırovanın təşkilatçılığı altında gerçəkləşdirilib.
    Bir neçə gündür Bakıda olan şəhid ailələri bu gün Vətəndaş Həmrəyliyi Partiyasının sədri, millət vəkili Sabir Rüstəmxanlı ilə görüşüblər.

    Azərbaycan və Türkiyə arasında münasibətlərdən danışan S.Rüstəmxanlı hər iki ölkənin istiqlal savaşında qardaş xalqların birgə mübarizəsinin tarixdə başqa örnəyinin olmadığını bildirib:
    “Yüz il öncə Nuru Paşanın Azərbaycan türklərinə köməyə gəlməsi, eyni zamanda sovet əsarəti altında belə, sadə Azərbaycan insanının bütün maddi imkanlarını Atatürk Cumhuriyyətinə fəda etməsi o dövrün böyüklərinin siyasi iradəsinin nəticəsi idi. Şərqin ilk cumhuriyyəti olan Azərbaycan Xalq Cumhuriyyəti yolunda canından keçən Osmanlı əsgərləri və Atatürk Cumhuriyyətinin qurulması üçün könüllü döyüşən Azərbaycan türkləri “Bir millət, iki dövlət” həqiqətinin real təzahürü idi. O zaman siyasi reallıqlar ideoloji qurtuluş arzusunu gerçəkləşdirməyə imkan vermədi. Bu gün isə dünyanın geopolitik diqtəsi daha sərt, bizim imkanlarımız isə daha genişdir. Artıq dünyada “Bir millət, iki dövlət” deyil, “Türk birliyi” ideasını həyata keçirmək zamanıdır. Bu zamanın və Türk dünyasının gələcək taleyinin diktəsidir”.
    Tədbirdə tanınmış türkiyəli yazıçı, tərcüməçi ,”Türk ədəbiyyatı” jurnalının rəhbəri İmdat Avşar, “Regional Hüquqi və İqtisadi Maarifləndirmə” İB-nin sədri Arzu Bağırova, Nilufər Lətif, VHP-nin Qadınlarla iş üzrə şöbəsinin müdiri, şair Aysel Xanlarqızı, türkiyəli şəhid ailələri və başqaları çıxış ediblər.
    RHİMİB-nin sədri Arzu Bağırova və Türkiyədən gələn qonaqlar adından “Kırşəhər şəhid ailələri” İctimai Birliyinin rəhbəri Mutlu Kılıc Aslan tərəfindən Sabir Rüstəmxanlıya xatirə hədiyyələri təqdim olunub. Qonaqlara isə S.Rüstəmxanlının türk dilində çap olunmuş imzalı kitabları təqdim olunub.

    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO
    Sabir Rüstəmxanlı Türkiyədən gələn şəhid ailələri ilə görüşdü - FOTO

  • “Seçkilərin erkən keçirilməsi çox ciddi hadisə deyil”

    “Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər”. Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.

    Pənahov bunu seçkilərin noyabrda Azərbaycanda keçiriləcək COP-29 (BMT-nin İqlim Dəyişikliyi Konfransı) ilə eyni vaxta təsadüf etməsi ilə əlaqələndirib: “Bu səbəbdən seçkilərin önə çəkilməsi barədə qərar verilə bilər”.

    Son illər Azərbaycanda seçkilərin əksəriyyəti növbədənkənar keçirilir.

    Milli Məclisin Beynəlxalq münasibətlər və parlamentlərarası əlaqələr komitəsinin üzvü, Vətəndaş Həmrəyliyi Partiyasının sədri Sabir Rüstəmxanlı “Turan”a bildirib ki, bu il parlament seçkilərinin bir neçə ay tezləşdirilməsində heç bir səbəb axtarmaq lazım deyil: “Burada səbəb böyük beynəlxalq tədbirin keçirilməsidir. Həmin tədbirə on minlərlə insan gələcək. Onların qarşılanması, yerləşdirilməsi, yola salınması çox ciddi işdir və bunun öhdəsindən gəlmək asan məsələ deyil”.

    Deputatın fikrincə, həmin günlər seçkilərin keçirilməsi mümkün deyil: “Seçkilərin erkən keçirilməsi çox ciddi hadisə deyil. Burada başqa səbəb də axtarmaq lazım deyil. Səbəb elə COP-29 tədbirinin keçirilməsidir. Biz bu tədbirlərin Bakıda keçirilməsində maraqlıyıq. Ona görə də seçkilə

  • Bizə Blinkenin mövqeyi vacibdir.

    Milli Məclisin Amerika Birləşmiş Ştatları ilə parlamentlərarası əlaqələr üzrə işçi qrupunun üzvləri Azərbaycanda səfərdə olan ABŞ Konqresi üzvlərinin bir qrup köməkçisi ilə görüşüblər. Milli Məclisin Beynəlxalq münasibətlər və parlamentlərarası əlaqələr komitəsinin sədri, Azərbaycan – ABŞ parlamentlərarası əlaqələr üzrə işçi qrupunun rəhbəri Səməd Seyidov ərazi bütövlüyünü və suverenliyini təmin etdikdən sonra bəzi Qərb dairələrinin və beynəlxalq təşkilatların ölkəmizə təzyiqləri, sülh prosesi, Rusiya sülhməramlı qüvvələrinin ölkəmizdən çıxması, Azərbaycan tərəfindən bölgədə davamlı sülhün bərqərar olunması istiqamətində atılan addımlar, ölkəmizin multikulturalizm, tolerantlıq ənənələri və digər məsələlər barədə fikirlərini çatdırıb.

    Görüşdə iştirak edən Azərbaycan – ABŞ parlamentlərarası əlaqələr üzrə işçi qrupunun üzvləri Sevinc Fətəliyeva, Asim Mollazadə, Tural Gəncəliyev, Vüqar Bayramov, Məzahir Əfəndiyev, Məlahət İbrahimqızı, Emin Hacıyev qonaqları maraqlandıran suallara cavab veriblər, Azərbaycan-ABŞ münasibətlərinin perspektivləri barədə fikirlərini bölüşüblər. ABŞ konqresmenlərini köməkçilərin Bakı səfəri ilk deyil. Ümumiyyətlə konqresmenlərin köməkçilərinin müxtəlif dövlətlərə belə səfərlər praktikası var. Amma bunlar əsasən tanışlıq və texniki səfər kimi dəyərləndirilir. Bəs belə səfərlərin hansısa əhəmiyyəti varmı? Xüsusən də səfər ermənipərəst konqresmenlərin Azərbaycanda 40 nüfuzlu şəxsə sanksiya tətbiq edilməsi haqda irəli sürdüyü qanun layihəsinin gündəmdə olduğu dövrə təsadüf edir. Ümumən Konqresdə erməni lobbisinin təsiri altında olan üzvlər var, bir də obyektiv mövqe sərgiləyənlər var. Bu görüşdə isə Seyidov onlara bütün aktual məsələləri çatdırıb. Bu görüş münasibətlərə təsir edəcəkmi?

    Vətəndaş Həmrəyliyi Partiyası Mərkəzi İcra Aparatının rəhbəri Samir Əsədli qəzetimizə açıqlamasında bu görüşlərin vacibliyini ikitərəfli əlaqələrin güclənməsində görür: “Biz ABŞ kimi mühüm tərəfdaşla gərginliyin artmasında maraqlı olmamalıyıq. Razıyam ki, hansısa konqresmen suyu bulandırır. Amma bizə Blinkenin mövqeyi vacibdir. ABŞ-Azərbaycan əlaqələri son vaxtlarda yüksəlişdə olmasa da, Vaşinqton addımlarımıza əngəl olmur. Orada seçki dövrüdür deyə erməni lobbisindən dəstək almaq üçün bizi narazı salan addımların atılması gözləniləndir. Ancaq Azərbaycan təmasları davam etdirməlidir və konqresmenlərin köməkçiləri ilə müzakirələr də onların məlumatlandırılması baxımdan yaxşıdır”. 

    S.Əsədlinin fikrincə, Tramp prezident seçilsə, münasibətlər indiki formada olmayacaq: “ABŞ alqışlamalıdır ki, onun düşməni olan Rusiyanın sülhməramlı qüvvələri bölgədən razılaşma əsasında çıxıb. ABŞ sevinməlidir ki, onun rəqibi Rusiyanın vasitəçiliyi olmadan Vaşinqtonun dəstək verdiyi Paşinyan administrasiyası ilə rəsmi Bakı arasında ikitərəfli formatda sülh mətninin razılaşdırılması müzakirə edilir, kəndlər qaytarılır, praktiki olaraq sərhədlərin dəqiqləşməsi prosesi başlanıb, Ermənistanla Azərbaycan arasında bir etimad mühiti formalaşmaqdadır…Yəni orada hansısa bəyanatlar verməkdənsə, hesabatlar yaymaqdansa, əsassız qanun layihələri irəli sürməkdənsə, proseslərin Qərbin istədiyi şəkildə inkişaf etməsinə diqqət yetirməlidirlər”.

    Yeni Müsavat

  • Sabir Rüstəmxanlı: “Böyük Avrasiya türkün coğrafiyasıdır və burada yaşayan xalqların qarşılıqlı münasibətlərinin genişlənməlidir”

    “Türk dövlətlərinin bir araya gəlmək və Türk Dövlətləri Birliyi yaratmaq istiqamətində atdığı addımların real nəticəsində artıq Mərkəzi Asiya ölkələrinin Azərbaycana marağı artıb”.

    Bu sözləri Yenicag.az-la söhbətində Milli Məclisin deputatı, Vətəndaş Həmrəyliyi Partiyasının (VHP) sədri Sabir Rüstəmxanlı deyib.

    O, Qırğızıstan prezidenti Sadır Japarovun Azərbaycana səfəri çərçivəsində türk dövlətlərinin ölkəmizə olan marağını şərh edib.

    S. Rüstəmxanlı düşünür ki, sözügedən səfərlər getdikcə intensivləşəcək və tərəflər bir-birini ziyarət edib tez-tez görüşəcəklər:

    “Bu, qaçılmazdır, çünki dünyada gedən proseslər onu göstərir ki, müsəlman-türk ölkələrini əzmək istəyən köhnə səlib dünyasının qarşısında birləşməkdən başqa yol yoxdur. Bizim taleyimiz, tariximiz birdir, bir-birimizi başa düşürük.

    Onsuz da bizim uzun müddət bir araya gəlmək arzumuz olub. Hələ türk dünyasının bir hissəsi Rusiyanın tərkibindədir. Tatarıstan, Başqırdıstan, Çuvaşıstan, Yakutiya – Böyük Avrasiya türkün coğrafiyasıdır və burada yaşayan xalqların qarşılıqlı münasibətlərinin genişlənməsi, bir-birinin mədəniyyətini və tarixini öyrənmək, güclərini birləşdirmək, gələcəkdə eyni iqtisadi zonaya çevrilmək prioritet məsələdir”, – deyə o əlavə edib.

    VHP sədri xatırladıb ki, bununla bağlı müəyyən addımlar atılıb, TÜRKSOY, Türk Parlament Asssambleyası, TDT və s. qurumlar yaranıb:
    “Sözsüz ki, qarşılıqlı əlaqələr və inteqrasiya prosesi daha da genişləndirilə bilər. Ona görə də bu səfərlərə təbii baxıram və güman edirəm ki, bunun bölgəyə xeyri böyükdür. Digər yandan isə Azərbaycanın Qarabağda separatçı rejimi məhv etməsi, ermənilərin könüllü şəkildə oradan getməsi, həmin şeytan ocağına ümid bəsləyənlərin ümidlərinin qırılması Azərbaycanın dünyadakı beynəlxalq nüfuzunu gücləndirir. Baxmayaraq ki, bizə qarşı ermənipərəst qüvvələr əks-təbliğat aparsalar da, ermənilərin başlarını sığallayıb ciblərinə silah soxsalar da, təsiri yoxdur, çünki Azərbaycanın nüfuzu get-gedə artır.

    Rusiya sülhməramlılarının Qarabağdan çıxması, 4 kəndin geri qaytarılması, Azərbaycanın mövcud sərhədlərinin tanınması, sərhədlərin müəyyənləşdirilməsi və sülh müqaviləsinə hazırlıq Azərbaycanın son 4 ildə apardığı uğurlu siyasətin və fəal diplomatik addımların nəticəsidir”.

    Xatırladaq ki, Qırğızıstan hökumətinin Ağdam rayonunda məktəb inşa etdirməsi planından daha öncə Qazaxıstan və Özbəkistan tərəfindən Füzulidə Kurmanqazı Yaradıcılıq Mərkəzi və Mirzə Uluqbəy adına 1 nömrəli tam orta məktəb tikilərək istifadəyə verilib.

    Rafi Müslümov

  • Azərbaycan Şimali Kiprin müstəqilliyini tanıyacaq -PROQNOZ

    Qarşımızda heç bir əngəl qalmayacaq
     Şimali Kipr Türk Cümhuriyyətinin (ŞKTC) Prezidenti Ersin Tatar Azərbaycan Prezidenti İlham Əliyevin dəvəti ilə yaxın günlərdə Azərbaycana səfər edəcəyini deyib. Ersin Tatar iki dövlət arasında əlaqələrin qarşılıqlı səfərlərlə daha da möhkəmlənəcəyini bildirib. Qeyd edək ki, Ersin Tatar Şimali Kipr Taekvondo, Karate, Cüdo, Aykido Federasiyasının yaradılmasının 47-ci ildönümü münasibəti ilə təşkil olunan tədbirdə iştirak edib və Azərbaycandan gələn nümayəndə heyəti ilə görüşüb. Vurğulayıb ki, Azərbaycan və Şimali Kipr Türk Cümhuriyyəti gənclərinin idmanda bir araya gəlməsi vacibdir.
    Vətəndaş Həmrəyliyi Partiyasının sədr müavini Samir Əsədli “Sherg.az”a deyib ki, Kipr türklərinin keçdiyi tarixi yol, torpaqları, halal haqları uğrunda vətənpərvər mübarizəsi, müstəqil dövlət atributlarının formalaşdırılması, idarəetmə institutlarının tam təşkil olunması, qanunverici hakimiyyət, məhkəmə orqanlarının sərbəst fəaliyyəti, iqtisadi imkanları imkan verir ki, Şimali Kipr müstəqil dövlət olaraq yaşasın, fəaliyyət göstərsin: 
    “Təəssüf ki, onlara qarşı beynəlxalq birlik tərəfindən çox haqsızlıqlar olub. Azərbaycan xalqı mənəvi olaraq kiprli qardaşlarımıza dəstək verir və gələcəkdə də verəcək. Qarşı tərəfin apardığı hiyləgər, hər hansı hüquq normalarına uyğun olmayan siyasətə qarşı olaraq, təbii ki, hüquq normaları çərçivəsində kiprlilərlə münasibətlərimizi qururuq. Daha çox mədəni əlaqələrə üstünlük verilir. Azərbaycanın ərazi bütövlüyünün bərpasından sonra bu əlaqələrin siyasi müstəviyə keçməsinə şərait yaranıb. Bu baxımdan Şimali Kipr Türk Cümhuriyyətinin prezidentinin ölkəmizə səfəri  mühüm bir addımdır. Təbii ki, Ermənistanla münasibətləri tam yoluna qoyandan sonra Şimali Kiprin müstəqilliyinin tanınması ilə bağlı qarşımızda heç nə dayanmayacaq. Biz Kiprin müstəqilliyini tanıyacağıq, buna əminəm”.

  • Sabir Rüstəmxanlıdan gənclərə çağırış – FOTO

    Sabir Rüstəmxanlıdan gənclərə çağırış-FOTO

    Qaradağ rayonu, Qobustan qəsəbəsində Aşıq Rza Qobustanlı adına Mədəniyyət Evində Xalq şairi, Milli Məclisin deputatı Sabir Rüstəmxanlı ilə görüş keçirilib.
    Bakupost.az xəbər verir ki, görüşdə rayon ictimaiyyəti, ədəbiyyatsevərlər iştirak ediblər. Tədbirin əvvəlində Sabir Rüstəmxanlının həyat və yaradıcılığı haqqında məlumat verilib. Bildirilib ki, belə görüşlərin ədəbi mühitin inkişafına, gənclərin bədii ədəbiyyata marağının artmasına, dünyagörüşlərinin əhatəli olmasına xidmət edir.

    Vurğulanıb ki, Sabir Rüstəmxanlı geniş oxucu rəğbəti qazanmış “Ömür kitabı” adlı əsərin, “Tanımaq istəsən”, “Xəbər gözləyirəm”, “Gəncə qapısı”, “Sağ ol, ana dilim!”, “Qan yaddaşı”, “Zaman məndən keçir” və s. şeir kitablarının, poemaların, “Atamın ruhu”, “Xətai yurdu”, “Göy Tanrı”, “Ölüm zirvəsi (Cavad xan)” kimi romanların müəllifidir.
    Görüş zamanı şair tədbir iştirakçılarının ona ünvanladıqları sualları cavablandırıb, gənclərə öz tövsiyələrini verib, onları Azərbaycan yazarlarının əsərlərini mütaliə etməyə çağırıb. Xalq şairi şeirlərindən nümunələr söyləyib. Görüşün sonunda Sabir Rüstəmxanlı imzalı kitablarını hədiyyə edib.

  • VHP: “Zəfər tariximizin yeni səhifəsi”

    Qazaxın kəndlərinin Azərbaycana təhvil verilməsi ilə bağlı Vətəndaş Həmrəyliyi Partiyası bəyanatı verib. Bəyanatda deyilir:

    “Azərbaycan və Ermənistan arasında Qazaxın anklav olmayan 4 kəndinin qaytarılması ölkəmizin növbəti zəfəridir. Qazaxın işğal altında olan 7 kəndi və Sədərək rayonunun Kərki kəndinin qaytarılması məsələsi hələ 2020-ci ilin 10 noyabrında Ermənistanın imza atdığı kapitulyasiya sənədində öz əksini tapmışdı. O dövrün siyasi şərtlərinə görə kəndlərin qaytarılması ilə bağlı Ermənistan şifahi öhdəlik götürsə də sonrakı dövrdə rəsmi İrəvan bəzi havadarlarına güvənərək zaman-zaman öhdəliyindən yayınmağa çalışsa da, Azərbaycanın qətiyyəti və gücü 19 aprel razılaşmasını ortaya çıxardı. Bu 44 günlük Zəfər Savaşı, bir günlük antiterror tədbirləri və nəhayət bütün diplomatik müstəvilərdə rəsmi Bakının haqq davasının məntiqi sonluğu idi. 30 ildən artıq işğalda qalan kəndlərin sülh yolu ilə qaytarılması və bu arada rus silahlı qüvvələrinin Qarabağdan çıxarılması bölgədə Azərbaycanın söz sahibi olmasının təsdiqidir. Bu məhz ölkəmizin liderliyi ilə bütövlükdə Cənubi Qafqazda davamlı sülhün tezliklə bərqərar olmasını göstərir.
    Vətəndaş Həmrəyliyi Partiyası Azərbaycanın ərazi bütövlüyü, suverenliyi ilə bağlı bütün məsələlərdə dövlətin yanında olduğunu bir daha bəyan edərək Vətən və Millət məsələsində həmrəyliyin vacibliyini bildirir. Vətəndaş Həmrəyliyi Partiyası bu tarixi qələbə münasibətilə Müzəffər Ali Baş Komandan İlham Əliyev başda olmaqla milli həmrəylik örnəyi ilə dəmir yumruğa çevrilən xalqımızı təbrik edir. Qələbə hər zaman bizimlə olsun!
    Tanrı Azərbaycanı qorusun!”

  • “İranın dini ortaqlığa yaraşmayan mövqeyini həmişə görmüşük”

    Səfrin  açıqlaması Tehranın regionda yürütdüyü ermənipərəst və anti-Azərbaycan siyasətinin növbəti təzahürüdür


    “İnsan haqlarını, milli hüquqları saymazdan gələn və bu səbəbdən beynəlxalq arenada təklənən İran məğlub Ermənistanı yanında görməkdən təsəlli tapır”

    İranın Ermənistandakı fövqəladə və səlahiyyətli səfiri Mehdi Subhani növbəti dəfə Azərbaycanı ittiham edib. İran-İsrail qarşıdurması ilə bağlı çıxış edən Sübhani Azərbaycana da “dil uzadıb”. Səfir iddia edib ki, sionist rejimi (İsraili nəzərdə tutur – red) Cənubi Qafqazda qeyri-sabitliyin əsas faktorlarından biridir və Qarabağ müharibəsində erməni əsgərləri İsrail silahları ilə öldürülüb”. 
    Əslində sözügedən iddia müharibə dönəmində və sonrakı dövrdə də dəfələrlə gündəmə gətirilib. Yəni İran səfrinin bu açıqlaması Tehranın regionda yürütdüyü ermənipərəst və anti-Azərbaycan siyasətinin növbəti təzahürü olduğuna görə onu geniş şərh etməyə ehtiyac yoxdur. Amma Azərbaycanda “din təəssübkeşliyi” adı altında fars rejiminə nökərçiliyi özlərinə peşə seçən bəzi şəxslərə bu cür çıxışları tez-tez xatırlatmaq lazımdır. Xüsusən Sübhanin vurğuladığı “Qarabağ müharibəsində erməni əsgərləri İsrail silahları ilə öldürülüb” cümləsi qonşu ölkədəki teokratik rejimin iliyinə qədər Azərbaycana qarşı düşmən mövqeyində dayandığının bariz nümunəsidir. İran rəsmiləri, millət vəkilləri və diplomatları İsraillə mübarizədə Azərbaycanın adını hallandırmaqdan yorulmurlar. Azərbaycan bu qarşıdumada tərəf olmasa da, bizi hədəf göstərməyə çalışırlar. Əvvəlcə İranın deputatlarından biri İsrailin Azərbaycandakı səfirliyini hədəf seçiməyi etməyi təklif etdi, indi də İranın Ermənistandakı səfiri Mehdi Sobhani İsraili Cənubi Qafqazda “qeyri-sabitliyin” əsas mənbələrindən biri olduğunu iddia edərək “Qarabağdakı erməni əsgərləri İsrail silahları ilə öldürülüb” ifadəsini səsləndirib. Birincisi, İsrailin Azərbaycanla yanaşı həmin Ermənistanla da diplomatik münasibətləri var və Ermənistan Azərbaycandan xeyli əvvəl İsraildə səfirliyini açıb. İkincisi, iranlı diplomat bilməmiş deyil ki, Azərbaycan silahı bu illərdə yalnız İsraildən almayıb, işğalçıları Rusiya və Türkiyə istehsalı olan silahlarla da neytrallaşdırmışıq. Səfir Azərbaycan ordusunda İsrail silahlarını qabartmaqla ermənilərin İsrailə qarşı nifrətinin artmasına çalışır. Məsələ ondadır ki, rəsmən “İslam dövləti” statusuna sahib bu ölkənin həmrəyliyi, nədənsə, müsəlman ölkəsi olan Azərbaycanla deyil, məscidləri dağıdan, təhqir edən, ibadətgahlarda donuz saxlayan Ermənistanla münasibətlərində özünü göstərir. Bu həmrəyliyi ilə fəxr edən İran sanki erməni vandallarının hərəkətlərini təqdir edirmiş kimi, Qafanda öz konsulluğunu açır. 30 il davam edən işğal dövründə Azərbaycanın sərvətlərinin ermənilər tərəfindən talan edilməsində bilavasitə iştirakı, işğal altında olan Qarabağda at oynadan separatçılara silah-sursat daşınmasını həyata keçirməsi, minlərlə günahsız müsəlmanın vəhşicəsinə qətlə yetirilməsinə göz yumması azmış kimi, bu gün də İran Azərbaycan-Ermənistan münasibətlərinin normallaşmasını əngəlləmək üçün əlindən gələni edir. Xüsusilə də Zəngəzur dəhlizinin açılmasına hər vəchlə mane olmağa çalışan İran uzun illərdən bəri beynəlxalq narkoticarət marşrutunun əlndən çıxması ilə də heç cür barışa bilmir. İranın Azərbaycana qarşı düşmənçilik siyasəti təkcə işğal altında olan ərazilərimizdə fəaliyyətində deyil, həmçinin ölkəmizdə daim təxribatlar və iğtişaşlar törətmək cəhdlərində də özünü göstərib. Ölkəmizin ərazisində dini-ekstremist qruplaşmaların yaradılması, dini zəmində iğtişaşların törədilməsinə cəhdlər göstərilməsi İranın müstəqil Azərbaycana qarşı əsl münasibətinin təzahürləridir. Təsəvvür edin, İran Azərbaycanın öz ərazi bütövlüyünü bərpa etməsinə sevinmək əvəzinə işğalçı Ermənistan qoşunlarının Azərbaycandan çıxarılmasına təəssübkeşliyini bildirir. Bu, heç də mehriban qonşuluq münasibətləri hesab edilmir. Belə bəyanatlar Azərbaycan-İran münasibətlərinə ciddi zərbə vururş
     
    Vətəndaş Həmrəyliyi Partiyasının sədr müavini Samir Əsədli “Sherg.az”a deyib ki, əvvəla erməni əsgərləri 44 günlük müharibədə haqq etdiklərini alıblar. Partiya təmsilçisinin sözlərinə görə, hər bir işğalçının son aqibəti budur: 
    “O ki qaldı İkinci Qarabağ savaşında Azərbaycanın istifadə etdiyi silahlara, ölkəmiz illər boyunca iqtisadi gücü hesabına müasir silahlanmaya sahib olub. Həmin vaxtlarda Ermənistan forpostu olduğu Rusiyanın köhnə silahlarına ümid edirdi. Zaman Azərbaycanın gücünü ortaya qoydu. Bəli, İsraillə ölkəmiz arasında yüksək səviyyədə dostluq və əməkdaşlıq münasibəti var. İkinci Qarabağ müharibəsində, ondan əvvəl və sonra İsrail hər zaman bizim haqlı mövqeyimizi müdafiə edib. Bunun əksinə, İranın qonşuluq münasibətlərinə, din ortaqlığına yaraşmayan mövqeyini görmüşük. İndi İran səfirinin mövqeyi də bu baxımdan təəccüb doğurmamalıdır. İnsan haqlarını, milli hüquqları saymazdan gələn və bu səbəbdən beynəlxalq arenada təklənən İran məğlub Ermənistanı yanında görməkdən təsəlli tapır”.

  • VHP müsəlmanları Ramazan bayramı münasibəti ilə təbrik edib

    Vətəndaş Həmrəyliyi Partiyası Ramazan bayramı münasibətilə Azərbaycan xalqını təbrik edib. Təbrikdə deyilir:
    “Əziz soydaşlarım, bacılar və qardaşlar!
    Sizləri Ramazan bayramı münasibətilə səmimi qəlbdən təbrik edir, hər birinizə cansağlığı, əminamanlıq arzulayıram. İslam dinində ən müqəddəs ay sayılan Ramazan ayının orucluğu insanın bu dünyada ən böyük cihadı sayılan öz nəfsi ilə mübarizəsidir. Bu ayda insanlar Tanrı qarşısında vicdani borc və vəzifələrini ləyaqətlə yerinə yetirmək fürsəti qazanır, mənəvi-ruhi kamilliyin nəfs üzərində qələbə sevincini yaşayırlar. Bu ayda tutduğunuz orucun, qıldığınız namazların qəbul olunmasını, dualarınızın həyata keçməsini arzulayırıq. Əminik ki, insanların, əmin-amanlıq, halallıq, sülh, xoşbəxt gələcək naminə etdiyi duaları həm də əməllə təsdiqlənəcək, arzuların həyata keçməsində rol alacaq.
    Ramazan ayının millətimizə, ölkəmizə, insanlığa xeyir, əbədi sülh gətirməsini, işğaldan azad olan torpaqlarımızın tezliklə abad olunmasını, ölkəmizdə milli həmrəyliyin daimi olmasını, qardaşlıq və dostluq duyğularının güclü və daimi olmasını arzulayırıq.
    Əziz soydaşlarımız!
    Sizin dua və diləklər, saf niyyətlər Tanrı dərgahında qəbul olunsun , Uca Yaradan öz mərhəmətini xalqımızdan, dövlətimizdən əsirgəməsin”.

  • VHP 120 seçki dairəsi üzrə səlahiyyətli nümayəndələri artıq müəyyənləşdirib

    Bir müddətdir ölkədə növbədənkənar parlament seçkilərinin keçirilməsi ilə bağlı müzakirələr gedir. Bunu şərtləndirən başlıca amil kimi isə suverenliyini, ərazi bütövlüyünü bərpa etmiş Azərbaycanda bütün ölkəni əhatə edən parlament seçkilərinin də keçirilməsinin zəruriliyi göstərilir. Konstitusiyaya görə, seçki noyabr ayında keçirilməlidir. Payızda ölkədə COP29 kimi böyükmiqyaslı tədbirin və dekabrda isə növbəti bələdiyyə seçkilərinin keçiriləcəyini nəzərə alsaq, erkən parlament seçkilərinin qaçılmaz olduğunu düşünə bilərik. Bu kontekstdə hər hansı rəsmi açıqlama verilməyib, amma situasiyaya uyğun olaraq partiyaların start vəziyyətində olması vacibdir.
      Vətəndaş Həmrəyliyi Partiyasının sədr müavini Samir Əsədli “Sherg.az”a deyib ki, partiyanın Mərkəzi İcra Aparatı mümkün erkən parlament seçkilərinin elan ediləcəyi halda yerli təşkilatlarla məsləhətləşmələr aparıb. Partiya təmsilçisinin sözlərinə görə, 120 seçki dairəsi üzrə səlahiyyətli nümayəndələri artıq müəyyənləşdirib:
    “Həmçinin ilkin olaraq 50 seçki dairəsi üzrə namizəd olacaq şəxslərin siyahısı da hazırlanıb. Hazırda bölgə təşkilatları ilə digər dairələr üzrə namizədlərin müəyyən edilməsi üçün iş aparılır. Ən azı 80 seçki dairəsi üzrə partiyanın namizəd irəli sürməsi nəzərdə tutulur. Əsasən qadın namizədlər, xüsusən gənclərin namizədlikləri üzərində əsas iş aparılır. Eyni zamanda seçici imzalarının yığılması üçün dairələr üzrə işçi qruplar müəyyən edilir. Bir sıra texniki işlər yekunlaşdırılıb. Erkən parlament seçkiləri elan ediləcəyi halda müvafiq hesabat Siyasi Şuraya təqdim ediləcək. Bütün hallarda qərarı VHP Siyasi Şurası verəcək”.