Category: Xəbər

“ 21 Azər Azərbaycanda həmişə qeyd olunub. Bizim bunu unutmağa haqqımız yoxdur”.

DAK.az-ın məlumatına görə, bunu Dünya Azərbaycanlıları Konqresinin (DAK) həmsədri, xalq şairi Sabir Rüstəmxanlı Seyid Cəfər Pişəvərinin başçılığı ilə Təbrizdə Azərbaycan Milli Hökuməti qurulmasının 71-ci ildönümünə həsr olunan tədbirdə deyib. O bildirib ki, 21 Azər Azərbaycanda daha yüksək səviyyədə qeyd olunmalıdır: “ Bu İranla münasibətlərimizə heç bir təsir göstərməməlidr. Çünki İranda o vaxt şah rejimi idi, şah rejimində belə bir milli hökumət qurulmuşdu, biz də bu gün yubileyini qeyd edirik. Amma nədənsə bəzi məmurlarımız bundan ehtiyat edirlər. İranda isə Azərbaycan əleyhinə açıq şəkildə fikirlər səslənir. İranın keçmiş xarici işlər naziri Kəmal Xərrazi deyir ki, ermənlər bizim qan qohumumuz, azərbaycanlılar isə düşmənimizdir. Azərbaycandan ona cavab verən yoxdur”.

S.Rüstəmxanlı qeyd edib ki, Güney Azərbaycan məsələsi daim gündəmdə olmalıdır: “ Bakıda Filip Kirkorovun konsertini təşkil edirlər, amma Güneydəki böyük saz ustadı Çingiz Mehdipur heç kimin yadına düşmür. Halbuki Mehdipur bütün saz havalarını nota köçürmüş böyük ustaddır. Bu gün balaca bir salon tapıb ona konsert təşkil edə bilmirlər. Güney Azərbaycanla bağlı məsələlərə millət, ictimai təşkilatlar susarsa, onda gərək deyək ki, biz artıq öz taleyimizlə barışıb, bütün məğlubiyyətlərə boyun əymiş bir millətik. Bu da olmaz! Hesab edirəm, Milli Təşəbbüs Qrupunun belə bir tədbir keçirməsi, partiya ayrılığına baxmayaraq, hamının bir yerə yığılması bu tip milli məsələlər üçün çox vacibdir”.

DAK həmsədri 21 Azər ilə bağlı bəzi mübahisələrin olduğunu da diqqətə çatdırıb: “Bəziləri deyir ki, Milli Hökumət solçular tərəfindən, SSSR-nin təşəbbüsü ilə yaradılıb. Bu çox gülünc söhbətdir. O milli hokumət idi, onu qanında boğdular. Bu gün bəziləri Səttarxan, Xiyabani hərəkatlarına da ləkə yaxmaq istəyir. Sanki bu millət öz azadlığını düşünən millət deyil. Bu 200 ildir Rusiyanın apardığı siyasətdir. Rusiyanın türk dünyasını bölmək siyasətidir”.

S.Rüstəmxanlı bildirib ki, bu gün də Güney Azərbaycanda soyqırım davam edir: “Bir millətin dili əlindən alınırsa, ana dilində məktəbi yoxdursa, hüquqları pozulursa, bu elə soyqırım deməkdir. Biz bu məsələlər haqda ciddi düşünməliyik. DAK olaraq, Milli Hökumətin 60 illiyini Parisdə Millətlər Evində qeyd etmişdik. Dünyanın bir çox ölkəsində keçirdiyimiz görüşlərdə Güney məsələsini qaldırmışıq. Nə qədər ki, Azərbaycan cəmiyyəti yaşayır, nə qədər ki, ağlımız, şüurumuz yerindədir biz Güneyin unudulmasına imkan verə bilmərik. Bu gün Güney Azərbaycanda təmiz bir türk ruhu hələ də yaşayır. Amma biz də kömək etməliyik, ən azı bizim müstəqil dövlətimiz var”.

Real Cəfərli

DAK Mətbuat Xidməti

Vətəndaş Həmrəyliyi Partiyasının (VHP) sədri Sabir Rüstəmxanlı Tarif Şurasının yeni qərarına və bu qərara etinasız yanaşan məmurlara etirazını bildirib.

Xalq şairi bu barədə öz feysbuk səhifəsində belə yazıb: “İnsan, vəzifə sahibi, millət vəkili, ailə başçısı, yaşlı-başlı adamlar kürsüdən və ya TV ekranından, milyonların gözü baxa-baxa necə yalan söyləyə billirlər, görəsən? Vicdan, məsuliyyət deyilən şey yoxdurmu bu adamlarda? Utanmırlarmı? Necə yeni qiymət artımı yalnız qazdan, işıqdan çox istifadə edənlərə şamil edilir, kasıb təbəqəyə təsir göstərməyəcək? Ağıl deyilən nəsnədən bir zərrəcik payı olan şəxs bu sözü necə deyə bilər? Avam sizsiniz, bala! Millət avam deyil! Məgər işıqdan, qazdan çox istifadə edənlər bu ölkədə yaşamırlar? İri şirkətlərin xərcinin artması onun işçilərinin yaşayışına, maaşına, qazancına nece təsir etməyə bilər? Bu bahalaşma kasıb xalqdan necə yan keçə bilər ki…

Vətəndaş Həmrəyliyi Partiyasında (VHP) Şərqdə ilk demokratik respublikanın qurucusu, ömrü boyu Azərbaycanın bağımsızlığı uğrunda mübarizə aparmış böyük ideoloq Məmməd Əmin Rəsulzadənin nəvəsi Rəis Rəsulzadənin 70 illik yubileyi ilə bağlı tədbir keçirilib.

Tədbiri VHP sədri Sabir Rüstəmxanlı açaraq Azərbaycan tarixində Məmmədəmin Rəsulzadənin yeri, onun mühacirətdəki fəaliyyəti barədə məlumat verib, qırmızı imperiya dövründə onun və ailəsinin yaşadığı məşəqqət və işgəncələri diqqətə çatdırıb. Sabir Rüstəmxanlı 70 il dünyanın böyük bir hissəsinə hakim olan imperiyanın sonda xalqların və millətlərin müstəqillik və azadlıq uğrunda mübarizələrinə tab gətirməyərək süquta uğradığını və Məmmədəmin Rəsulzadə ideallarının yenidən qələbə çaldığını vurğulayıb.

Sabir Rüstəmxanlı qeyd edib ki, müstəqillik dövründə də Məmmədəmin Rəsulzadəyə münasibət heç də birmənalı olmayıb: “Təəssüf edirəm ki, bu gün də Məmmədəmin Rəsulzadə adına qısqanclıqla yanaşan, onun böyük xidmətlərini gənclikdən gizlətməyə çalışan qüvvələr var. Bakıda onun heykəlinin qoyulmaması, BDU-dan onun adının götürülməsi belə bir münasibətin nəticəsidir. Amma inanıram ki, Məmmədəmin Rəsulzadə öz haqqını alacaq”.

Rəis Rəsulzadə çıxışında Sabir Rüstəmxanlıya, VHP üzvlərinə, DAK rəhbərliyinə tədbirə qatılan alimlərə Məmmədəmin Rəsulzadə irsinə və onun varisinə göstərdikləri diqqət və qayğıya görə minnətdarlığını bildirib. O, Rəsulzadə varislərinin uzun illər Azərbaycan həsrəti ilə yaşadıqlarını, nəhayət, onların bəzilərinin bu arzuya qovuşa bildiklərini vurğulayıb.

Tədbirdə iştirak edən Yadigar Türkel, Yasəmən Qaraqoyunlu, İbrahim Quliyev, Dilavər Əzimli, Zəlimxan Məmmədli, Felmar Ələkbərli və digərləri Məmmədəmin Rəsulzadənin gəncliyə tanıdılması, onun irsinin tədqiqi sahəsində son illərdə görülən işlərdən danışmışlar. Çıxışçılar Rəis Rəsulzadənin yaradıcılığından, bir ziyalı kimi geniş ictimai fəaliyyətindən söhbət açaraq, ona cansağlığı və yaradıcılıq uğurları diləmişlər.

Bu gün Vətəndaş Həmrəyliyi Partiyası (VHP) Mərkəzi Nəzarət Təftiş Komissiyasının (MNTK) növbəti yığıncağı keçirilib. MNTK sədri Felmar Ələkbərov iclası açıq elan edərək partiyanın cari fəaliyyəti, ötən iclasdan keçən dövr ərzində görülən işlər və qərarların icra vəziyyəti barədə məlumat verib. MNTK katibi Zeynəlxan Fətullayev rayon təşkilatlarının fəaliyyəti barədə məlumat verib, MNTK-ya daxil olan şikayət və təklifləri iclas iştirakçılarının diqqətinə çatdırıb. MNTK üzvləri Faiq Əliyev və Mirsaleh Salayev də çıxış edərək onlara tapşırılan işlər və işlərin icrası barədə üzvlərə məlumat verdi. Sonda MNTK daxil olan şikayət və təkliflər barədə qərar qəbul edib.

Azərbaycanın Qubadlı rayonunun Ermənistan Silahlı Qüvvələri tərəfindən işğal edilməsinin 23 ili tamam olur.

APA-nın məlumatına görə, Qubadlı rayonu 1930-cu ildə yaradılıb. ərazisi 802 kv.km-dir. 94 yaşayış məntəqəsi, o cümlədən, 1 şəhər və 93 kəndi var. 31 avqust 1993-cü ildə ermənilər tərəfindən işğal edilib. İşğal ərəfəsində əhali 30 minə qədər olub.

İşğala qədər Qubadlının iqtisadiyyatının əsasını taxılçılıq, heyvandarlıq, tütünçülük, baramaçılıq və üzümçülük təşkil edib. 2 üzümün ilkin emalı zavodu, 1  yağ-pendir zavodu, 1 asfalt zavodu, 1 inkubator-quşçuluq fabriki, 1 balıqyetişdirmə vətəgəsi, 1 daş karxanası, 1 mərmər sexi, Azərbaycan “Neftqazavtomat” təcrübə zavodunun filialı və s. fəaliyyət göstərib. Ümumiyyətlə, Qubadlı rayonunda 62 idarə və müəssisə olub.

Qubadlı rayonunda 61 ümumtəhsil məktəbi, o cümlədən, 33 orta, 16 səkkizillik, 12 ibtidai məktəb fəaliyyət göstərib.

Qubadlıda 180-ə qədər mədəni-maarif müəssisəsi olub. 84 kitabxana, 12 mədəniyyət evi və 44 klub, 7 avtoklub əhaliyə xidmət edib. Rayonda 2 uşaq-musiqi məktəbi də fəaliyyət göstərib.

Ümumilikdə işğal nəticəsində rayonda olan 6988 yaşayış evi, 1080 kənd təsərrüfatı obyekti, 32 rabitə, 86 səhiyyə, 180 mədəniyyət, 6 sənaye müəssisələri, 650 km avtomobil yolları, 9 körpü, 2 su anbarı, 150 kilometr magistral su xətləri, 4830 km elektrik xətləri, 165 kilometr magistral qaz boru xətti, 146 idarə, müəssisə binaları, 18 dəyirman, 4 su nasos stansiyası, 120 ədəd elektrik yarımstansiyası və transformator dağıdılıb, 13 365 hektar meşə sahəsi işğal altında qalıb.

Ermənilər 5 mindən çox nadir eksponat saxlanılan Qubadlı tarix-diyarşünaslıq muzeyini də talan ediblər. IV əsrə aid “Gavur dərəsi”ndəki ibadətgah, V əsrə aid “Qalalı” və “Göyqala” abidələri, 14-cü əsrdə tikilmiş “Dəmirçilər” Türbəsi, Hacı Bədəl körpüsü, Laləzar körpüsü, eləcə də Əyin, Yusifbəyli, Seytas, Qarağaclı, Xocamsaxlı kəndlərindəki digər tarixi abidələr hazırda işğal altındadır.

Erməni təcavüzü zamanı Qubadlı 5 il müddətində 238 şəhid verib, 146 nəfər əlil olub. Şəhidlərdən Əliyar Əliyev, Vasili Əliyev, Aslan Atakişiyev, Ələkbər Məmmədov, Kərəm Mirzəyev, Aqil Məmmədov, Bəylər Ağayev, Kazımağa Kərimov, Səfa Axundov Azərbaycanın Milli Qəhrəmanı adına layiq görülüb.

Füzuli və Cəbrayıl rayonlarının Ermənistan Silahlı Qüvvələri tərəfindən işğalından 23 il ötür.

Cəbrayıl rayonunun Ermənistan Silahlı Qüvvələri tərəfindən 23 avqust 1993-cü ildə işğal olunub. Erməni işğalçıları ilə döyüşlərdə 180 nəfər həlak olub. 14 nəfər polis, 60 nəfər mülki şəxs dünyasını dəyişib, 90 nəfərə yaxın isə əsir və itkin düşüb. Cəbrayıllılar içərisində 180 nəfərə yaxın Qarabağ müharibəsi əlili statusu alıb, 6 nəfər Azərbaycanın Milli Qəhrəmanı fəxri adına layiq görülüb.

Ərazisi 1050 kvadrat kilometr olan Cəbrayıl zəngin yeraltı sərvətlərə malik olub. Cəbrayıl rayonunda mişar daşı istehsalına yararlı və istismara cəlb edilmiş ehtiyatları 2937 min kubmetr olan Tulus tuf, ümumi ehtiyatları 5434 min kubmetr olan Çaxmaqçay, Soltanlı tikinti qumu, ehtiyatları 296 min kubmetr olan kərpic istehsalına yararlı Qaracallı gil ehtiyatı olub. Həmçinin, ehtiyatları 6644 min ton olan sement istehsalına yararlı Göyərçin-Veysəlli vulkan külü, ehtiyatları 1325 min ton olan Minbaşlı gəc, ehtiyatları 5226 min ton olan əhəng istehsalına yararlı Ağtəpə əhəngdaşı, ehtiyatları 4130 min kubmetr olan Cəfərabad qum-çınqıl qarışığı, ehtiyatları 504 ton olan Sahverdi yəşəm və ehtiyatları 1348 ton olan Çaxmaqqaya xalsedon yataqları var.

Füzuli rayonu 23 avqust 1993-cü ildə erməni hərbi birləşmələri tərəfindən işğal edilib. Ümumi sahəsi 139393 hektar olan Füzuli rayonunun 50 kənd və rayon mərkəzi işğal altındadır. 125368 hektar ərazi hələ də erməni işğalı altındadır. Rayonun işğaldan azad olunan ərazisində 13 qəsəbə və 20 kənd var. Füzuli rayonu müharibədə 1100-dən çox şəhid verib, 1450 rayon sakini əlil olub.

Artıq 24 ildir Füzuli rayonunun təbii sərvətlərini talan edir. Belə ki, rayonda ümumi ehtiyatları 58858 min kvadrat metr olan və mişar daşı istehsalına yararlı istismar olunan 2 (Dövlətyarlı, Dilağar) əhəngdaşı, kərpic-kirəmit istehsalına yararlı 11211 min kvadrat metr ehtiyatlara malik Kürdmahmudlu gil, ehtiyatları 13053 min kvadrat metr olan Quruçay qum-çınqıl qarışığı yataqları var idi. Rayon ərazisində yaşı 200 ildən 1400 ilə qədər olan 11 ədəd Şərq çinarı təbiət abidəsi kimi pasportlaşdırılıb və işğala qədər mühafizə olunub.

Vətəndaş Həmrəyliyi Partiyasının sədri Sabir Rüstəmxanlı Musavat Partiyasında yaranmış gərginliyi Azərbaycan xalqının birliyinə nvurulan zərbə kimi dəyərləndirdi.

VHP sədri İnterpress.az-a verdiyi açıqlamada Musavat Partiyasında baş verən istefaları ardıcıl izləyə bilmədiyini, lakin bütün hallarda parçalanmaların və ittihamların xalqın birliyinə müsbət təsir etmədiyini bildirdi: “Yaydı, Azərbaycandan kənarda oluram, ona görə də bütün bu münaqişəni ardıcıl olaraq izləyə bilmirəm.

Amma onu deyim ki, bütün partiyalarda belə ayrılmalar olur, bunu bu qədər şişirtmək lazım deyil. Köhnə dostların, yoldaşların bir-birinə ittihamını da normal hesab eləmirəm. Çünki bütün partiyalarda belə istefalar olur. Bunun mətbuat mövzusu olmasını da istəməzdim.

Çox təəsüf ki, son 25 ildə, torpaqlarımızın bir hissəsi işğal olunduğu halda, dünyanın bizə qarşı ədalətsizliyinin şahidi olduğumuz, çox ciddi sınaqlardan keçdiyimiz dövrdə, adamlarımız birləşmək, düşmənə qarşı çiyin-çiyinə dayanmaqdansa, bir birimizi ittihamlarla məşğul olmuşuq.

Bir dövlət qurmuşuq, bu dövlətdə hakimiyyətlə razılaşmadığımız məqamlar çoxdur. Buna baxmayaraq, hakmiyyətlər dəyişir, o psixologiyalar isə dəyişmir. Kim hakmiyyətə normal barışdırcı mövqe təklif edirsə, kim bir az yumşaq yazırsa, onu hakimiyyətlə işbirliyində ittiham edirlər.

Bu hakmiyyət də, əslində bizimdir. Bu hakmiyyətlə işbirliyi vasitəsilə islahatlara nail olmaq mümkündür, nəinki kənardan dayanıb, radikal çıxışlar etməklə. Çünki bu işbirliyi ortaya, xalqımız üçün daha yaxşı faydası olan nəticələr ortaya qoya bilər”.

Onlar dəfn törəninə qatılmasalar da, ölümündən 3 gün sonra təşkil edilən mərasimdə iştirak ediblər

“Bilirik ki, polislər bəzi hallarda istəsələr siqaret çəkməyən adamın cibindən narkotika da tapa bilirlər.”

İyunun 11-də polis “Qanun” nəşriyyatının binasına daxil olmağa çalışıb. Buna səbəb kimi ofisə bomba qoyulması haqda “102” xidmətinə məlumat daxil olduğunu göstərib. Hazırda Bakıda olmayan nəşriyyatın direktoru Şahbaz Xuduoğlu AzadlıqRadiosununOxuzalına telefonla müsahibəsində bunları dedi:

– Şahbaz bəy, sizə əvvəlcədən xəbər etmişdilərmi ki, ofisinizdə bomba var, ora gəlməlisiniz?

– Xeyr, mənə polis tərəfindən heç bir məlumat verilməyib.

– Ancaq hadisənin bilavasitə şahidləri sosial şəbəkədə yazırlar ki, baxmayaraq ki, içəridə bomba olduğu deyilir, amma polis heç bir müdaxilə etmir, durub sizi gözləyir.

– Əslində, əgər bir binada bomba varsa, onun zərərsizləşdirilməsində bir təşkilat iştirak etmir, bir neçə təşkilat işləyir. Məsəlçün, Fövqəladə Hallar Nazirliyi olmalıydı. Amma bizə hər-hansı qurumdan müraciət gəlməyib. Hal-hazırda da bina mühasirədədir, amma içəri girilməyib.

– Siz bu gün bəyan etmisiniz ki, əgər içəridə silah-sursat tapılsa, “Qanun” nəşriyyatı buna cavabdeh deyil. Bilirik ki, “Qanun” nəşriyyatı əvvəl də hədəfdə olub. Sizcə, orda nə axtarırlar?