Category: VHP Gündəmi

Partiyaların əksəriyyəti Respublika Günü Məhəmməd Əmin Rəsulzadənin Novxanıdakı abidəsini ziyarət edəcək…

Qarşıdan 28 May – Respublika Günü gəlir. Hər il olduğu kimi bu il də Respublika günü dövlət səviyyəsində qeyd olunacaq. Bəs müxalifət partiyaları bu günlə bağlı hər hansı tədbir keçirməyi planlaşdırırmı?

Vətəndaş Həmrəyliyi Partiyasının Mərkəzi İcra Aparatının sədri Samir Əsədli qəzetimizə bildirib ki, onlar Məhəmməd Əmin Rəsulzadənin Bakıdakı yeganə abidəsini də ziyarət edəcəklər: “İlk olaraq Məhəmməd Əmin Rəsulzadənin Novxanıdakı abidəsini ziyarət etməyi düşünürük. Ancaq partiya sədrimiz hazırda ölkədə yoxdur. Ona görə də ziyarətimizi ya digər müxalifət partiyaları ilə birlikdə, ya da partiya olaraq edəcəyik. Ötən il biz Rəsulzadənin Bakı şəhərindəki, keçmiş Şin zavodunun həyətində olan abidəsini ziyarət etmişdik. Qeyd edim ki, həmin abidəni bizim partiyanın üzvü Felmar Ələkbərov qoyub. Ələkbərov həmin zavodun direktoru olub. Bu, Rəsulzadənin Azərbaycanda qoyulan ilk, Bakıda isə yeganə abidəsidir. Çox güman ki, partiya olaraq bu il də həmin abidəni ziyarət edəcəyik”.
“Yeni Müsavat”a danışan KXCP sədrinin müavini Xəzər Teyyublu bildirib ki, bu il də partiya olaraq öz ənənələrinə sadiq qalacaqlar: “Biz bu günlə bağlı hər il olduğu kimi Novxanıda anım tədbiri keçirəcəyik. Eyni zamanda Məhəmməd Əmin Rəsulzadənin yaxın qohumlarının məzarlarını da ziyarət edəcəyik. Bundan başqa 28 may tarixində Əbülfəz Elçibəyin də məzarını ziyarət edəcəyik. Ziyarətlərimizdən sonra isə partiyanın qərargahında tədbirlərimiz davam edəcək. Bununla bağlı da tədbirlər planımız var. Ziyarətin hələ ki, saatını dəqiqləşdirməmişik”.
ADP sədrinin müavini Həsrət Rüstəmov söyləyib ki, partiyanın idarə heyətinin keçiriləcək iclasında bu məsələ müzakirə olunub, konkret qərarlar qəbul olunacaq:“Cümhuriyyətin ildönümlərinə heç zaman biganə qalmamışıq. Bu, siyasi partiya olaraq bizim tarixi borcumuzdur. Bir neçə il İstiqlal abidəsinin önünə gedib, orada şəhidlərimizi yad etmişik. Eyni zamanda Şəhidlər Xiyabanını ziyarət edib, konfranslar, tədbirlər keçirmişik. Əksər hallarda isə Məhəmməd Əmin Rəsulzadənin Novxanıdakı məzarını ziyarət edib, cümhuriyyət qurucularını yad edirik. Bu il də çox güman ki, belə olacaq. 28 May unudulası tarix deyil. Çalışırıq ki, insanlarımızda bu günə normal münasibətin formalaşdırılmasında biz də iştirak edək”.
Vətəndaş İnkişaf Partiyasının sədri Əli Əliyev isə bildirib ki, həmin günü partiyalarının qurultayını keçirəcəklər: “Lakin bundan başqa abidəni də ziyarət etməyi düşünürük. Bununla bağlı olaraq hazırda əməkdaşlıq etdiyimiz format daxilində müzakirələr aparırıq. 28 May günü saat 14:00-da müttəfiq partiyalar Novxanıda tədbir keçirəcəklər. Qurultayın arasında zaman olarsa, həmin tədbirdə şəxsən iştirak etmək istəyirəm. Qurultayı bu tarixə salmağımız da məhz, 28 May günü ilə bağlıdır. Son illərdə isə ənənəvi olaraq müttəfiq partiyalarda bu günü Novxanıda, Məhəmməd Əmin Rəsulzadənin məzarını ziyarət etməklə qeyd etmişik”.
AĞ partiya sədri Tural Abbaslı da məlumat verib ki, bir qrup müxalifət partiyaları ilə Novxanıdakı abidəni ziyarət edəcəklər: “Həmin gün qurucu lider M.Ə.Rəsulzadənin Novxanıdakı abidəsini ziyarət edəcəyik. Hələlik əsas planımız budur. Ancaq ola bilsin ki, bundan başqa da hansısa digər tədbirlər də təşkil edə bilərik. Yəni bunlar barədə müzakirələrimiz olacaq”.
Müsavat Partiyası isə 28 May günü ilə bağlı mitinq qərarı verib. Belə ki, partiya funksionerlərinin sosial şəbəkələrdə yaydıqları məlumata görə, partiya mayın 28-də saat 11:30-da Respublika Günü münasibətilə Novxanıda bayram mitinqi keçirmək barədə qərar qəbul edib. Müsavat başqanı Arif Hacılı hər kəsi mitinqdə fəal iştirak etməyə çağıraraq, bu barədə rayon təşkilatlarının sədrlərinə tapşırıqlar verib.
Əli RAİS

Yeni Müsavat

Vətəndaş Həmrəyliyi Partiyasının (VHP) sədri Sabir Rüstəmxanlı partiyanın qərargahında ABŞ-ın ölkəmizdəki səfirinin siyasi işlər üzrə müşaviri Villiam Solley və Almaniya Federativ Respublikası səfirliyinin birinci katibi Paul Amanna ilə görüşlər keçirib.

VHP mətbuat xidmətinin yaydığı məlumata görə, bu görüşlərdə ölkədə və dünyada baş verən ictimai-siyasi olaylar və bölgədəki, həmçinin Azərbaycandakı iqtisadi durum müzakirə edilib.

Görüşlərdə həmçinin bu ölkələrlə Azərbaycanın iqtisadi-siyasi əlaqələri və bu əlaqələrin inkişaf perspektivləri haqda söhbət aparılıb.

Diplomatlara VHP-nin fəaliyyəti, siyasi proseslərə münasibəti və ideologiyası barədə məlumat verilib.

Görüşlərdə partiya funksionerləri Felmar Ələkbərli, Samir Əsədli və Arif İsmayılbəyli də iştirak ediblər.

17 Sentyabr 2016 -ci il

Milli Şuranın bu günə təyin olunan mitinqi  Bakının Yasamal rayonundakı “Məhsul” stadionunda (“İnşaatçılar” metrostansiyasının yanı) başlayıb. Mitinqin deyilən vaxtda və ünvanda keçirilməsi üçün Bakı Şəhər İcra Hakimiyyəti icazəsi ilə “Konstitusiyaya təklif olunan, prezident hakimiyyətinin  gücləndirilməsinə yönələn dəyişikliklərə, eyni zamanda korrupsiya və hökumətin yürütdüyü iqtisadi siyasətə,( Monarxiyaya YOX- Talana YOX- Saxta Referenduma YOX) əhalinin yoxsullaşmasına qarşı etiraz əlaməti olaraq keçirilib. Bakı polisi aksiyanın təhlükəsizliyini təmin edir.

Ayın 26-da baş tutacaq referendum nəzərdə tutulur.Təşkilatçılar qanun çərçivəsində hərəkət edirdi: əvvəlcədən razılaşdırılmış şüarlar səsləndirilib (“Referendum ləğv edilsin!), mitinq ayrılan vaxt bitənə qədər keçirilib, stadionun hüdudlarından kənara çıxmağa cəhd edən olmayıb. Mitinqə gözlənildiyindən daha çox adam gəldi, tək müxalifətçilər deyil, adi vətəndaşlar da varıydı:  müxtəlif hesablamalara görə, 11 mindən 14 minə qədər.

Mitinqdə çıxışında AXCP sədri Əli Kərimli deyib:

Mən burda müsavatçıları, REAL-çıları, NİDA-çıları, digər birliklərin təmsilçilərini görürəm. Bizim dərdimiz azadlıqdir, demokrtaiyadır, daha yaxşı ölkədir. Hökumət bizim aramıza nifaq salmağa çalışdı. Ancaq indi liberallarla millətçilər, dindarlarla ateistlər bu meydanda çiyin-çiyinədir. Çünki bizi birləşdirən fərdi maraqlar yox, azad, demokratik Azərbaycan amalıdır. Biz ki, bu yola addım atmışıq, yolu yarımçıq qoymağa haqqımız yoxdur” Dünənə qədər deyirdilər müxalifət yoxdur. Bu gün qorxularından Bakıya gələn bütün yolları bağlayıblar,

Ə.Kərimli bildirdi ki, mitinqin təşkilatçıları olan AXCP-nin 51 funksionerini həbs ediblər: “Biz bu həbslər barədə məlumat verib sizi narahat etmədik. Həbslər davam etdikcə, yollar bağlandıqca, yağış yağdıqca belə təkliflər gəlirdi ki, bəlkə mitinqi təxirə salaq. Azadlığı o millət haqq edir ki, həmin həbslərə gülə-gülə gedir.

AXCP sədri deyib ki, həbsdəki siyasi məhbuslar həmişə yada salınmalıdır: “Bu gün həbsxanalarda 100-dən artıq siyasi məhbus var. Bizim əvvəlki mitinqlərimizin əsas təşkilatçılarından, mənim müavinim Fuad Qəhrəmanlı həbsdədir. Başqa müavinlərim Seymur Həzi, Asif Yusifli həbsdədir. Məmməd İbrahim həbsdədir. Mətanətli İlkin Rüstəmzadə həbsdədir.

REAL Hərəkatının rəhbəri İlqar Məmmədov uydurma ittihamlarla həbsdədir, Müsavat başqanının müavini Fərəc Kərimli, ləyaqətli dindarlarımız həbsdədir.

Milli Şuranın üzvü, sabiq ədliyyə generalı Vidadi happy wheels demo Mirkamal çıxışında referenduma çıxarılacaq təkliflərdən danışıb.O, xüsusilə, mülkiyyət hüququ ilə bağlı dəyişiklik təkliflərinin cəmiyyətin maraqlarına zidd olduğunu, onların xüsusi mülkiyyət hüququnu çox ciddi təhdid etdiyini vurğulayıb: “Bu dəyişiklikləri qəbul etmək olmaz. Bu demokrtatik cəmiyyət üçün tamamilə yolverilməzdir. Mən bütün cəmiyyəti bu dəyişiklıiklərə, referenduma yox deməyə çağırıram.

Partiya sədrinin müavini Gözəl bayramlı deyib ki, (Saatlıda, Sabirabadda, Sumqayıtda mitinqə gələn insanların yollarıkəsilib). Ağsuda onlarla insanlar geri qaytarılıb. Digər rayonlarda da vəziyyət belədir, xanım Bayramlı çıxışında deyib

Bu arada mitinqdən sonra polislə etirazçılar arasında qarşıdurma yaranıb, Rəvan Seyfulla bildirir. iştirakçılar mitinq başa çatdıqdan sonra stadionda öz etirazlarına davam ediblər və naməlum səbəblərə görə polis əməkdaşları ilə qarşıdurmaya gətirib çıxardıb.Polis əməkdaşları adları məlum olan və məlum olmayan adların siyahısı

(mitinq iştirakçılarının adları) Yadulla Huseynov ,Zohrab Agayev, Balakisi Nesirov , Zema Xanmuradova, Hesen Memmedov,Perviz dasdemirov, Gunduz Zamanov, Ramin Hesenli, Ruzgar Balayev,Pervin Xelilov,Miraga Balayev,Ayxan Esgerov,Necef Novruzov,Yusif Haciyev,Denis Rzayev,Camal Ehmedov,Orxan Muradov,Aslan Nuriyev,Nurlan Sirinov Natiq Memmedov,Veli Veridyev,Esger Esgerov Natiq Memmedov,Veli Veridyev,Esger Esgerov,Mais Qasimov,Mirze Eliyev ,Abdullayev Huseyneli,Hesen Abbasov,Sahin Suleymanov,Teymur Mirzeyev, Anar Nesirov, Yusif Filmanov , Elxan Pirhesenov, Vidadi Ekberli , Fuad Quliyev, Ferahim Ekberov, Sabir Nurullayev, Pasa Qeniyev, Nizami Namazov, Cemil Bagirov, Seymur Dadasov, Mehman Abdullayev,Agasi Memmedov, Subhan Eliyev, Samil Verdiyev, Eli Memmedov , Nizami Huseynov, Kamal Xelilov, Zamiq Pasayev , Emin Melikov, Xeyyam Qasimov, Baleli Huseynov, Mehdi Ismayilov,Cavad Besirov,Malik Hesenzade,Ismayil Nuruyev, Adil Memmedov, Emin Agasiyev, Qenire Cavadov, Ekber Mirzeyev, Fuad Mehdizade,Suleyman Agayev, Xelil Hesenov,Memmed Agayev, Aslan Emirov, Kamil Memmedov, Emirsah Celilov, Aga Agayev,Bagir Yusifov, Ferec Zeynalov,Umid Nesibov,Vidadi Hesenov,Cavidan Qurbanov,Qulu Quliyev.Behruz Eyvazov,Ferid Hesenov,Yusif Veliyev)

sexslerle munaqise yaranib, munaqise neticesinde 10-larla insan xesaret alib , diger istirakcilar ise polis masini ile mitinq erazisinden uzaqlasdirilib. Hemcinin bir nece jurnalist  İslam Şıxəli, Təzəxan Mirəmli və Mehman Hüseynovu avtobusa mindirib apardılar, jurnalist hazırda Yasamal Rayon Polis İdarəsinin önündə toplaşdıqlarını deyir.

Partiya üzvü Toğrul İbrahim mitinqə gələrkən saxlanılıb, hadisə yerində olan jurnalistlərdən redaksiyamıza məlumat verib. Əməkdaşımızın sözlərinə görə, Toğrul İbrahim mitinqə plakat keçirmək istəyəndə əraziyə nəzarət edən polis əməkdaşları ilə mübahisə yaranıb və onu polis maşınına əyləşdirərək ərazidən uzaqlaşdırıblar.

Türkiyə olaylarına bir baxış

Türkiyədəki son olayları yaxından izləmək imkanım olmadı. Ölkədən kənarda nə Azərbaycanın, nə Türkiyənin televiziyalarını izləmək imkanım vardı. İnternet yazıları da çox məhdud və ziddiyyətli idi. O ziddiyyət, yəni olaylara münasibətdəki fərqlilik indi də davam etməkdədir. Ancaq Türkiyəni sevən və onun yüksəlişini arzilayan bir adam kimi, baş verən olaylara çox üzüldüm.
Atatürkün dahilik və qəhrəmanlı əsəri olan Türkiyə Cümhuriyyəti, şübhəsiz, Şərqin və İslam aləminin qürur yerlərindən biridir. Bir müsəlman ölkəsi olan Türkiyədə dövlətçiliyin demokratik prinsiplər üzərində inkişafı İslamı aşağılamaq istəyən və çağdaş sivilizasiya ilə uyuşmaz sayanların qara niyyətlərini alt-üst edir və bu mənada hamımızın, hər bir türkün, müsəlmanın mənafeyinə fidmət edir. Buna görə də Türkiyədə Ana Yasaya, ədalətli seçkiyə və xalqın iradəsinə bağlı olan yönəticiliyin qorunması son dərəcə onəmlidir.
Hansı yöndən baxırsan bax, Türkiyə, doğrudan da, dünyanın ən gəlişmiş dövlətlərindən biridir; İslam və Qərb demokratiyasının sintezindən yaranmış bir sıra dəyərlərinə görə, dini və irqi dözümlülük, toleyrantlıq, insan sevgisi, mərhəmət, məzluma qucaq aşmaq, insanların rahat yaşaması baxımından nümunəvi bir ölkədir və tərəddüd etmədən deyirəm ki, demokratiya şüarları altında köhnə işğalçılıq və irqçılık siyasətlərini davam etdirən bir sıra Qərb ölkələrindən daha irəlidədir. Belə olan halda Türkiyənin çevriliş macəralarına və zorakı hakimiyyət dəyişikliyinə sürüklənməsi yolverilməzdir.
Ancaq sevginin gözü kor olmamalıdır. Elə Türkiyəni səmimi-qəlbdən sevdiyimizə görə, gedən proseslərə də birtərəfli yanaşa bilmərik. Şərhlərə, çeşidli yozumlara baxanda bəlli olur ki, baş verənlərin əsil mahiyyəti hələ Türkiyənin içərisində də tam aydınlaşdırılmış deyildir; buna görə də, hakimlik etmək, ağ-qara sınırları çəkmək çətindir və bu görəv bizlərə düşməz. Yuxarıda dediyim kimi, biz hərbi çeviriliş cəhdini qıınayırıq; Türkiyənin uluslararası nüfuzuna zərbə vurcaq və onun inkişafını ləngidəcək dərbə oyunlarına və hərbi macəralara qarşıyıq. Və şükür ki, bu, baş tutmadı. Lakin bunu birmənalı şəkildə xalqın qələbəsi kimi qələmə vermək də doğru olmaz. Bəli, Türkiyə iqtidarı bu oyunu uddu; Türkiyə dövlətçiliyi ağır bir sınaqdan çıxdı. Amma sonucda yüzlərlə şəhid var, dustaqxanalara doldurulan mindən çox türk əskəri var, Türk dövlətinin hər zaman şərəf və mövcudiyyət təminatçısı olan Türk silahlı qüvvələrinə haqsız basqılar, onu zəiflədən və gözdən salan bir düşmənçilik var. Türkiyəni ayaqda saxlayan, güclü edən Baş Bakanlar, Cümhur Başkanları, hətta Böyük Millət Məclisi deyil, türk xalqı və Türk əskəridir! İndiki halda türk əskərini şərəfi zədələnmiş, övladları bir-birinə əl qaldıran millətin ürəyində dərin yara açılmışdır. Elə bu da bir dərbədir və bu mənada bu oyunu quranlar öz amaclarına çatmış durumdadırlar.
Türkiyə dövləti və iqtidarı uddu, türk xalqı və türkçülük yaralandı! Mənim qənaətim budur! Bu işdə yalnız ordunu suçlu görmək fikrindən də çox uzağam.
Bu çeviriliş oyununa Türkiyəni Atatürk yolundan uzaqlaşdırmaq, onun unitar yapısına zərər vermək, Türk Silahlı qüvvələrinə güvəni azaltmaq, diktaturaya yol açmaq, İslam adına dini fanatizmi və cəhaləti gücləndirmək, Türkiyəni yenidən orta yüzillərin gerilikci zehniyyətinə sürükləmək, müsəlman həmrəyliyi adına Türk millətini simasızlaşdıraraq kimliksiz bir topluma çevirmək, türk millətçiliyini yıpratmaq kimi, son illərdə müxtəlif şəmsiyyələr altında boy göstərən türk düşmənçiliyi siyasətinin tərkinb hissəsi kimi baxıram. Ölkənin içində və dışında bu yolun yolbayları və ilhamvericiləri kimlərdir? Məncə, bu sorunun cavabını Türkiyə vətəndaşları yaxşı bilirlər. Bəli, Türk xalqı demokratiyanı və ölkənin dinc yolla yüksəlişini dəstəklədi, terrorla mübarizənin davam etdirilməsindən yana olduğunu bir daha nümayiş etdirdi. Lakin bu, Dövlətin müdafiəsidir, iqtidarın yox! Çünki, ölkənin hərbi çevriliş həddinə gətirib çıxarılmasında bu hakimiyyətin apardığı siyasətin də payı var. Bunu inkar etmək olmaz və bu barədə ciddi düşünmək lazımdır. Ölkə əhalisinin yalnız yarısından bir az artığının səsini almış iqtidar hakimiyyətdə arın-arxayın otura bilməz. O, yerdə qalan seçicinin onu bəyənməməsinin səbəblərini öyrənməli, onlara düşmən kimi yox, ölkə yönəticiliyini daha güclü və daha ədalətli görmək istəyən, öz çıxarından çox, ölkənin çıxarını düşünən vicdanlı vətəndaş kimi yanaşmalı, milli dayanışma gücləndirilməlidir.
Bu olaylarda kimliyi bəlli olmayan, Müqəddəs ramazan günlərində yəhudi –ərəb mifologiyası ilə xalqın başını xarab edib, özlərini peyğəmbər övladı yerinə qoyaraq əl öpdürən cahil din dəllallarının məktəblərindən keçən cəhalət “əskərləri” ilə — yüz illər boyu üç qitədə qanı axıdıla-axıdıla Türk dövlətçiliyinin şərəfini qorumuş Türk əskər üz-üzə qoyuldu. Günahı yalnız əmr yerinə yetirməkdən ibarət olan türk əskərinə cəhalət bayquşlarının əl qaldırmaq imkanı yaradıldı. Osmanlıdan üzü bəri Türkiyəyə xəyanət edə-edə gələn, İstanbul caddələrində “həpimiz erməniyiz!” deyərək yürüyənlər və PKK cəlladları bayram elədilər. Ölkəni və əskəri bu yerə gətirən çeviriliş proyeçilərini lənətləyirik. Mənim fikrimcə, bu, türk əskərinin başına çuval keçirmək rəzalətinin davamıdır və kim bilir, bəlkə də bu iki olayın gizli bir əlaqəsi də var…
Dərbə oyunları, dövləti qorumaq adına, diktaturaya və intiqamçılığa yeni bir yol açmamalıdır…
Türkiyəyə keçmiş olsun deyirəm. Allah Türk xalqını və Türkiyəmizi qorusun!

Sabir Rüstəmxanlı

Vətəndaş Həmrəyliyi Partiyasının sədri
17.07. 2016

Bu gün Azərbaycanın böyük fikir adamlarından biri, xalq şairi, adı ölkənin və türk dünyasının sərhədlərini çoxdan aşmış Sabir Rüstəmxanlının doğum günüdür; ömrünü millətinin milli şüurunun oyanmasına, müstəqil dövlətinin qurulmasına həsr edən, sələflərinin apardığı mübarizəni şərəflə başa vuran şairin 70 yaşı tamam olur.

Sabir Rüstəmxanlının görünən-bilinən həyatı hamının gözləri önündə keçib – ilk gənclik yazılarından, şeirlərindən milli təfəkkür daşıyıcısı və təbliğatçısı olan şairin ərsəyə gətirdiyi bütün əsərlərində millətinin böyüklüyü, cəsurluğu, unudulan və əlindən alınan tarixinə bir ismarış yatır: türkün keçdiyi coğrafiyanı ruhunda daşıyan şairin yaradıcılığı da bu coğrafiyanın sərhədləri boydadır; yalnız millətinin böyük ruhunu öz timsalında yaşadan insan “ruhumuz sərhədsiz olduğu üçün” deyə bilərdi və onun millətinə ünvanladığı “payımız gəlibdir Göydən” sözləri həm də onun ədəbi-poetik kimliyinə şamildir.

Azərbaycanın onillərini, yüzillərini – mənəvi dünyasını, mübarizlik və istiqlal tarixini “Gəncə qapısı”, “Ölüm zirvəsi”, “Ömür kitabı”, “Atamın ruhu”, “Xətai yurdu”, “Bu, sənin xalqındır”, “Difai fədailəri”ndə qat-qat, pillə-pillə yaddaşlara oyan müəllifin türk mifoloji yaddaşına və əslində, ruhunun yaddaşına söykənərək qələmə aldığı “Göy Tanrı” romanı fərqli dünyanı göz önündə açdı: bu əsər artıq ölkəmizin sərhədlərindən çox-çox kənarda qalan, yalnız ruhumuzun gözü ilə görə biləcəyimiz böyük bir mənzərəni – Ötükəndən Anadoluya, Misirdən Avropaya qədər məkanda türk atlarının ayaq səslərindən yoğrulub-yazılıb.

Onun milli qürur və özünüdərk yolunda təkcə yazı masasında yox, meydanlarda göstərdiyi cəsarət də göz önündə, yaddaşlarda, şahidlərin dilində, yaxın tariximizin qızıl səhifəsində əbədiləşib.

Bunları hamı görə, bilə bilər. Daha az görünəni isə Rüstəmxanlının ətrafına saçdıqlarıdır.

Dağ ondan uzaqlaşanda daha möhtəşəm görünür – ucalığı, böyüklüyü, əzəməti ilə. Zirvəsinə qalxanda isə o əzəmət dərhal itir. Amma Sabir Rüstəmxanlı bu məsəlin şamil olunmadığı şəxsiyyətlərimizdəndir. Onu yaxından tanıdıqca, saf, büllur sadəliyini, səmimiyyətini gördükcə kənardan onun haqqında yaranmış təsəvvürlər daha da dərinləşir.

Sabir Rüstəmxanlının görünməyən tərəfi budur ki, o, millətinin ən pisini belə sevməyi bacaran və bunu yaxınlarına daim aşılayan kəsdir. İçində daşıdığı böyük sevgi kimsəyə kin saxlamağa imkan vermir.

“Vətəndaş həmrəyliyi” ideologiyasının mahiyyətində elə Sabir Rüstəmxanlı dayanır və doğrusu, bu ideoloji adda bir az da siyasi yöntəm var. Bu ideologiyanın Sabir Rüstəmxanlı xarakterindəki, ruhundakı əksi millətinə, xalqına və vətəninə, onun torpağına, onun daşına-çiçəyinə, boranına-qarına sevgidir.

Millətinin düşmənindən başqa kimsəyə nifrət etməyən bu insanın daşıdığı sevgidir illərdir onu zirvədən enməyə qoymayan; bu sevgi haləsidir onu hər şeydən qoruyan. Və bu, onun düşünüb-daşındığı, özü üçün müəyyənləşdirdiyi bir halə deyil – bu, Sabir Rüstəmxanlıya Göydən gələn paydır. Millətə nə qədər sevgin, güvəncin olmalıdır ki, “Torpağı ot deyil, kişi göyərdən/ Vətən, Vətən” yaza biləsən…

Sabir Rüstəmxanlı da əslində bu millətə Tanrının göndərdiyi paylardan biridir.

Arzulayırıq ki, Tanrı bu ətasını kəsməsin, Sabir Rüstəmxanlının timsalında bu millətin varlığını, milli kimliyini özündə yaşadan şəxslərimizi qorusun, nəsil-nəsil yaşatsın.

Hörmətlə,

VHP-çilər

Tarix hər dəfə yenidən başlanan dünən, ədəbiyyat isə insanın əsəblərindən, hiss və duyğularından keçən intəhasız zamandır. Amma bunların hamısından yüksəkdə zamanı və tarixi əbədiyyətə çevirməyi, onu istədiyi vaxt dayandırmağı və istədiyi vaxt bircə anı yüz ildən dəyərli etməyi bacaran işıqlı zəka və böyük qəlb dayanır. Əslində, şairlik zamanı öz iradəsinə tabe etmək qüdrətidir, əks halda, hər şey bu zaman nəhrində axıb gedər və mənasız boşluqlarda yox olardı. Sabir Rüstəmxanlı XX əsrin 60-cı illərində ədəbiyyata gələndə artıq min illik bir tarixi əsəblərindən, duyğularından keçirmişdi və tale onun üzərinə yeni zamanın yeni Azadlıq himninin yaradıcısı olmaq missiyasını qoymuşdu və o, bu missiyanı uğurla yerinə yetirdi. Sabir Rüstəmxanlının ədəbi, ictimai, siyasi taleyi heç vaxt rəvan olmadı; 1988-1990-cı illərin təlatümlü və burulğanlı yollarını müstəqillik və azadlığımızla birgə keçən şairin siyasi, ictimai mübarizəsini daim ədəbi mübarizə və ədəbi mübarizəsini siyasi-ictimai döyüşləri tamamladı. Doğrudur, bəziləri Sabir Rüstəmxanlının eyni zamanda həm siyasi, həm ictimai, elmi, ədəbi və s. və i.a. istiqamətdə fəaliyyətinin onun poeziyası üçün vaxt məhdudiyyəti yaratdığını bildirirlər, fikrimizcə, bu məqsədli bir yanlışlıqdır, kiçik çaylar sonda böyük nəhr yaratdığı kimi bu istiqamətlər də sonda nəhəg Sabir Rüstəmxanlı fenomenini formalaşdırmışdır. Sabir Rüstəmxanlı klassik irs üzərində yüksələn və qabaqcıl dünya ədəbiyyatının ən yaxşı ənənələrini happy wheels demo özündə ehtiva edən böyük milli şairrimizdir. Özü də bu millilik təkcə Şimali Azərbaycan sərhədləri ilə məhdudlaşan millətçilik səviyyəsində deyil, Şərqi Avropadan, Balkanlardan başlayaraq Çinə, oradan Alyaskaya qədər uzanan nəhəng bir türk sevdasıdır. Sabir Rüstəmxanlının yaradıcılığından danışan tənqidçilərimizdən biri onu zəmanəmizin sufisi adlandırmışdır, həmin müəllif yazır: Sabir Rüstəmxanlı vətən sevadlıdır, bu mənada o, Vətən eşqinin sufisidir; o, millət sevdalıdır, o, millət sevdasının sufisidir; o, türk sevdalıdır və türk sevdasının sufisidir. Bu sufilik təkcə simviolik sevgilərlə deyil, həm də Sabir Rüstəmxanlının praktik həyatı ilə gerçəkləşən sufilikdir. O, illərdi millət sevdalı bir dərviş kimi dəmir çarıq geyib türk dünyasını dolaşır: Türkiyədən Uyğurustana, Altaydan Başqırdıstana, Hunlar ölkəsindən Balkanlara yol salıb, materiklər, qitələr keçib və hələ çox yollar keçəcək… Bu da ömrün 70-i. Zaman və məkan baxımından bu ömrə sığanları nə 70 ilə, nə də bir ölkə sərhədlərinə sığışdırmaq mümkün deyil. Amma Sabir Rüstəmxanlı sığışdırıb. Təbii ki, kiçik bir təbrik yazısında onun gördüyü işləri, yazdığı əsərləri sadalamaq fikrində deyilik, üstəlik, qarşıda hələ görüləsi çox işlər var. Biz ona – bu Vətənin, bu millətin və bütövlükdə bütün türk dünyasının böyük oğluna – cansağlığı, uzun ömür diləyirik. Gün o gün olsun ki, yüz yaşınızı qeyd edəsiniz, Sabir Rüstəmxanlı!

Hörmətlə,

VHP Siyasi Şurasının üzvləri

“28 May” Metrostansiyasında Məhəmməd Əmin Rəsulzadənin portretinin yerində “Kristal Abşeron”un reklamı yerləşdirilib.

Bu şəkillər “Facebook” sosial şəbəkəsində istifadəçilər tərəfindən paylaşılıb.

Belə ki, təmirdən öncə stansiyada demokratik Azərbaycan Respubliksının qurucusu Məhəmməd Əmin Rəsulzadənin portreti vardı. Amma indi şəklin yerində tikdiyi mənzilləri 20 illik ipoteka krediti adı ilə camaata 150-200 min manata satan “Kristal Abşeron”un reklamı yerləşdirilib.

Qeyd edək ki, təmirdən sonra Rəsulzadənin metroda divarın üzərinə həkk olunmuş şəklinin yığışdırılacağı barədə məlumatlar yayılmışdı. Artıq məlumatlar təsdiqini tapdı. Yəqin aidiyyatı qurumların da bununla bağlı açıqlaması olacaq.

31 yanvar tarixində Azərbaycan Xalq Cümhuriyyətinin qurucu lideri, böyük öndər Məhəmməd Əmin Rəsulzadənin anadan olmasından 132 il ötür.