Vətəndaş Həmrəyliyi Partiyası

Category: Slayder

  • Faiq Balabəyli: “Ermənilərin Laçında törətdiklərinə dünya birliyi də biganə qalmamalıdır…”

    Laçın şəhərini, eləcə də Laçının Zabux və Sus kəndlərini tərk edən ermənilərin törətdiyi vandalizm aktları həqiqətən də tükürpədicidir. Bunlar iddia deyil, həqiqətdir. Laçında erməni vandalizmini, bütün baş verənləri PUA-larımız lentə alıb.

    Medianın yaydığı məlumata görə, Laçının, demək olar ki, bütün ərazisi boz dumanla örtülüb, yanıq iyi rayondan çox-çox uzaqlara yayılır. Buna səbəb təkcə ermənilər tərəfindən yandırılan yaşayış binaları və sosial infrastruktur deyil, həm də Laçın rayonunun 22 min hektarında yanan meşələrdir.
    Yanan meşələrin tüstüsü uzaqdan seyr edilir, eləcə də orada qanunsuz məskunlaşan XXI əsrin erməni barbarlarının Laçın, Zabux və Susdan çıxarkən nə etdikləri görünür.

    Qeyd edək ki, ermənilər Laçında ekosid törədir, evləri, meşələri yandırır, məzarlarını söküb aparırlar, kilsəyə zərər verirlər, silahlanırlar, bu azmış kimi ərazini minalayırlar ki, daha çox azərbaycanlı həlak olsun.

    VHP Siyasi Şurasının üzvü Faiq Balabəyli “Bakı-Xəbər”ə şərhində bildirdi ki, baş verənlər ermənilərin bir toplum kimi hansı xarakterə malik olduğunu göstərir. İşğal dövründə soydaşlarımızın evlərini ələ keçirən ermənilərin sonradan onların varidatına sahib olduğunu deyən F.Balabəylinin sözlərinə görə, indi də gedərkən özlərinə aid olmayan evləri yandırırlar. F.Balabəyli deyir ki, ermənilər meşələrə, evlərə və başqa sahələrə dağıdıcı, ziyanverici münasibət göstərməklə həm terrorçu olduqlarını, həm də bu yerlərin doğma sakinləri olmadıqlarını sübut edirlər. “Ermənilərdən yaxşı nəsə gözləmək xəyalpərəstlik olardı. Bu canlılar haqda xoş sözə çox az təsadüf olunur. Dünyaya gəlişləri fitnə-fəsad, paxıllıq, oğurluq, ləyaqətsiz davranışlarla müşahidə olunub. Onların bizimlə qonşu olmaları Tanrının bizə qəzəbi kimi də yozula bilər. 30 ilə yaxın bir müddətdə havadarlarının yardımı ilə torpaqlarımızı işğal altında saxlayan bu icma, nəhayət ki, xalqımızın yurd sevgisinin, düşmənə nifrətinin sonucunu gördü. Məğlub oldular, yaşamalarına izn verildi, ordumuz hücumu saxladı, razılaşmaya əsasən verilən şansdan istifadə etmək əvəzinə düşmənçiliyi əldən qoymadılar, pis xislətlərini bütün dünyaya sərgilədilər və sərgiləməkdədirlər. Onlar təkcə insanlığa deyil, bəşəriyyətin özünə, təbiətə vəhşi münasibətlərini nümayiş etdirirlər. Meşələrin yandırılmasına, evlərin viran qoyulmasına, alova bürümələrinə təkcə bir ad vermək olar – ermənilik. Bu gün ermənilik vəhişi, vandal, oğru, qatil, terrorçu sözləri ilə assosiasiya olunur. Bu söz təkcə bizim yox, onları yaxından tanıyan bütün millətlərin dilində söyüş kimi ifadə olunur. Kəlbəcəri tərk edəndə də eyni hərəkətləri etmişdilər. Dünyanın qınağına tuş gəldilər, dərs götürmədilər, iyrənc xislət və əxlaqları imkan vermədi. İndi də elə. Laçının kəndlərini boşaldırlar, amma bu kəndləri yandırıb, talan edirlər. Çünkü bilirlər ki, bu torpaqlar, bu evlər, bu meşələr onların deyil. Fitnə və namərdlik toxumu cücərdən kilsələrə ziyan vururlar, demək onların imanları da yoxdur. Ən dəhşətlisi isə, bir müddətdən sonra bu vahşiliyin, guya ki, bizim tərəfimizdən törədilməsi haqda nağıllar uyduracaqlar”.

    F.Balabəylinin sözlərinə görə, torpaqların, yol və tikililərin kənarlarını minalamaq da onların insanlığa nifrətindən doğur. “Ermənilərin bu talançılığının, anti-insani münasibətlərinin kökündə onların insanlığa nifrəti dayanır. Düşünürəm ki, ordumuz bir daha qəzəbini onlara göstərməlidir. Hər hansı bir ev, yaxud meşə zolağı yandırılırsa, dərhal antiterror əməliyyatı ilə onları məhv etmək gərəkir. Rusların sülhməramlı adı altında erməniyə dəstək olan ordusundan təzminat tələb etmək də yerinə düşərdi. Hesab edirəm ki, ermənilərin Laçında törətdiklərinə dünya birliyi də biganə qalmamalıdır, beynəlxalq təşkilatlar onlara həddlərini göstərməlidir”.

    F.Balabəyli xatırlatdı ki, bir müddət əvvəl ermənilərin “liderləri” ermənilərə Laçını tərk edərkən yanğın törətməmək, evləri dağıtmamaq barədə təlimat verildiyini desə də, tam əksi baş verdi, ermənilər öz xislətlərinə uyğun davrandılar.

    İradə SARIYEVA

  • Türkiyə-Ermənistan münasibətləri əvvəl-axır normallaşacaq

    Proses Azərbaycanın maraqlarına tam uyğundur və Qarabağ müzakirələrində Türkiyə Ermənistana daha səmərəli təzyiq etmək imkanı qazanacaq
     
      Türkiyə Xarici İşlər Nazirliyinə istinadən yayılan məlumata görə, Türkiyə və Ermənistanın xüsusi nümayəndələri Sərdar Kılıç və Ruben Rubinyan arasında növbəti görüş sentyabrda keçiriləcək. Lakin Ermənistan tərəfi bunu təkzib edib. Xarici İşlər Nazirliyinin mətbuat katibi Vahan Unanyan deyib ki, hazırda Ermənistan və Türkiyənin xüsusi nümayəndələrinin yeni görüşü ilə bağlı razılıq yoxdur: “Ermənistan-Türkiyə münasibətlərinin normallaşması üçün xüsusi nümayəndələrin görüşləri barədə ictimaiyyəti vaxtında və qabaqcadan məlumatlandırırıq”. 
     
      Qeyd edək ki, bu günə qədər Ankaranın təmsilçisi səfir Serdar Kılıç və Ermənistan parlamentinin sədr müavini Ruben Rubinyan 4 dəfə görüş keçirib.
    Vətəndaş Həmrəyliyi Partiyasının sədr müavini Samir Əsədli “Şərq”ə deyib ki, Türkiyə və Ermənistan arasında münasibətlər əvvəl-axır normal qonşuluq münasibətlərinə çevrilməlidir. Lakin partiya rəsmisi vurğulayıb ki, İrəvanın sərsəm iddialarının aradan qalxması, Azərbaycanla münasibətlərin qaydaya salınması vacibdir:
     “Ermənistana gəlincə, son dönəmlərdə onunla münasibətlərdə “normallaşma” ifadəsi tez-tez işlədilsə də, önəmli problemlər hələ də qalmaqdadır. Ermənistanın 1990-cı il avqustun 23-də qəbul etdiyi Müstəqillik aktında Türkiyənin ərazi bütövlüyünə zidd ifadələr yer alıb. Hələ də qondarma “erməni soyqırımı”ndan bəhs olunur. Azərbaycan torpaqlarına iddialar davam edir. Erməni diasporunun türk dünyasına qarşı fəaliyyəti, Ermənistanın PKK-PYD-YPG kimi terror təşkilatlarına dəstəyi münasibətlərin normallaşmasına mane olan amillərdəndir. Türkiyəli diplomatların ASALA terrorçuları tərəfindən qətlə yetirilməsi, Azərbaycan türklərinə qarşı həyata keçirilmiş Xocalı soyqırımı, Ermənistanda Tələt Paşa üçün təhqir sayılacaq heykəlin mövcudluğunu da bu sıraya əlavə etmək olar. Azərbaycanın maraqlarının tam təmin olunacağı anlaşma imzalanmadan tələsməyə dəyməz”.
     
      Ekspert bildirib ki, Türkiyə Ermənistanla əlaqələrin normallaşdırılmasına 2009-cu ildə edilmiş cəhd zamanı Azərbaycanla münasibətlərdə yaranmış problemlərin təkrarlanmaması üçün tələsik addımlar atmamalıdır:
     “Diqqətli olmalıyıq. Bu vacib dönəmi Azərbaycanla davamlı məsləhətləşmələr aparmaqla keçirməlidir. Kasıb erməni əhalisinin dolanışıq üçün Türkiyəyə üz tutması halında Ermənistanda xalqın dəstəyini almaq istəyən siyasi qüvvələr mütləq bu faktı nəzərə almalı olacaqlar. Bu yolla da Türkiyə ilə münasibətlərin qorunması xalqın istəyi, tələbi olaraq Ermənistan siyasətində bir faktora çevriləcək. Bu da Azərbaycanın maraqlarına tam uyğundur və Qarabağ müzakirələrində Türkiyə Ermənistana daha səmərəli təzyiq etmək imkanı qazanacaq”.

    Şərq qəzeti

  • “Laçında ermənilər murdar xislətlərini yenə göstərir” — ŞƏRH

    “Ermənilərin işğal edərək məskunlaşdığı Laçın şəhəri və digər ətraf bölgələrdən çıxması prosesinə toxunmazdan öncə bəzi vacib məqamlara toxunmaq lazımdır. 10 noyabr sazişində nəzərdə tutulan müvafiq maddəyə uyğun olaraq ermənilər Laçın rayonunu da boşaltmalıdır. Laçın rayonunun şəhər mərkəzi və 5 km enində dəhlizdən başqa, kəndlərinin hamısı boşaldılıb, orada bir nəfər də olsun erməni yaşamır. Sadəcə şəhər mərkəzində, sülhməramlıların olduğu ərazidə az sayda erməni var ki, Laçın şəhərində qalır və sülhməramlılara xidmət göstərirlər”. 

    Bu sözləri Demokrat.az-a açıqlamasında VHP-nin Mərkəzi İcra Aparatının rəhbəri Samir Əsədli deyib. O vurğulayıb ki, ordumuzun düşmən təxribatlarına layiqli cavabından sonra artıq ermənilər həmin əraziləri də tərk etməyə başlayıblar:  “Burada isə vacib bir məqam var. Xatırlayırsınızsa, 10 noyabr sazişinə əsasən, müvəqqəti olaraq Laçın rayonunun mərkəzindən ermənilərə dəhliz verilir, amma alternativ yol çəkildiyi təqdirdə, şəhər yenidən Azərbaycana qaytarılır və digər yolu sülhməramlılar qorumağa başlayır. Artıq o yolun çəkilişi tamamlanmaq üzrədir və ermənilərin şələ-şülələrini yığıb getmə səbəblərindən biri də budur. Çünki yeni yolun çəkilişindən sonra sülhməramlılar məhz həmin yolun mühafizəsi ilə məşğul olacaqlar.

    Belə olan təqdirdə ermənilər əvvəlki tək sülhməramlıların qoltuğu altında yaşaya bilməyəcəklər. İstər o yol Laçın şəhərinin mərkəzindən keçsin, istəyir başqa ərazidən fərqi yoxdur bu yollardan ermənilərin sui-istifadə etməsinin qarşısını almaq və qayda-qanunu tənzimləməyə birbaşa borclu olan sülhməramlılardan missiyasını lazımi qaydada yerinə yetirməyi tələb etməliyik. Məhz onların məsuliyyət zonasında baş verən hadisələrə görə də onlar – sülhməramlılar cavabdehdirlər”. “Biz nəinki alternativ yolla bağlı, digər məsələlərdə də ermənilərə heç vaxt inanmamalıyıq. Təbii ki, bunlar tarixən Azərbaycana qarşı məkrli, hiyləgər davranış sərgiləyiblər. Vətən müharibəsində biz qələbə qazanmışıq deyə, indi bunların gözləri qırılıb, məğlubiyyətə uğradıqlarına görə hələ toparlana bilmirlər. Amma düşmən həmişə düşməndir. Odur ki, biz bütün zamanlarda ayıq-sayıq olmalıyıq. İndi Laçında baş verənlər də düşmənin mahiyyətini açıb göstərir. Eyni prosesin Ağdam və Kəlbəcərdə də şahidi olmuşuq. Ermənilər murdar xislətlərini yenə göstərir. Əclaflıqlarından, alçaq hərəkətlərindən əl çəkmədiklərinə inandırırlar dünyanı. Bu tərketmə prosesində ermənilərin etdiklərinin qarşısını almaq praktiki olaraq mümkün deyil. Bunu nə böyük əraziyə səpələnmiş azsaylı sülhməramlılar fiziki cəhətdən edə bilər, nə də biz. On minlərlə ev var, obyekt var. Hələ dərə, dağ, meşələri demirəm”.

    “Evə od vurub çıxıb gedirsə, bu artıq erməni xislətinin açıq nümayişidir və biz bu faktları toplayıb həm dünya ictimaiyyətinə, həm də beynəlxalq təşkilatlara və məhkəmələrə çıxarmalıyıq. İnternet videolarla doludur. Peyklərimiz də istənilən faktı qeydə alır. Bu faktlar əslində, bizim onillərdir dünyaya çatdırmaq istədiklərimizi çatdırdı, ermənilərin necə vəhşi olduğunu sübut etdi. Bizim işimiz bunları bütün sosial şəbəkələrdə yaymaqdır. Xarici mediada dərc etdirməkdir. Ermənilərin tərk etdikləri evləri, həm də zorla zəbt etdikləri, uzun illər içində yaşadıqları azərbaycanlı evlərini yandırmaları, ağacları kəsmələri, meşəyə od vurmaları onların vəhşi təbiətini büruzə verir. Təsəvvür etmək belə çətindir ki, insan içində yaşadığı evə necə od vura bilər? Bunu edən insanlıqdan, insani dəyərlərdən kənar iyrənc məxluqlar ola bilər”, – deyə sonda politoloq fikirlərini yekunlaşdırıb.

    Aynurə Pənahqızı
    Demokrat.az

  • Samir Əsədli: “Son əməliyyatlar təsdiqlədi ki, Ermənistanın destruktiv mövqeyinə qarşı Azərbaycanın qəti tədbirləri qüvvədədir”

    Ermənistan Baş naziri Nikol Paşinyan hökumətin iclasında Azərbaycana yönəlik ittihamlar səsləndirib. Paşinyan İrəvanın 10 noyabr 2020-ci il bəyanatının şərtlərinə əməl etdiyini iddia edib. Baş nazirə görə, rəsmi Bakı sazişdən irəli gələn öhdəliklərdən boyun qaçırır: “Azərbaycan Ermənistanın öhdəlik götürməsindən danışır. Bəli, biz öhdəlik götürdük və hər şeyi yerinə yetirdik”. O iddia edib ki, Azərbaycan da guya, öhdəlik götürüb. Paşinyan Azərbaycanın “bu öhdəliklərə” əməl etməsini istəyib: – “Dağlıq Qarabağ”ın (red: separatçı rejimi) mövcudluğunu tanımaq, Qarabağda “təmas xəttinin” mövcudluğuna və Laçın dəhlizinin mövcudluğuna hörmətlə yanaşmaq.
    Qeyd edək ki, 10 noyabr kapitulyasiyasından sonra bu, Ermənistan rəhbərliyinin bütün diplomatik sərhədləri aşmasının və öhdəlikdən qaçmaq üçün növbəti həyasızlığının ən üst səviyyəsidir. Azərbaycan bəyanatda heç bir öhdəlik götürməyib. Sazişin mətnində bircə yerdə də olsun, “Dağlıq Qarabağın gələcək statusu” ilə bağlı söz belə yoxdur. “Təmas xətti” ifadəsi isə Ermənistan ordusunun rus sülhməramlıların gəldiyi vaxta qədər dayandıqları mövqelərə görə işlədilib. Rusiya sülhməramlı kontingentinin Qarabağa yerləşdirilməsi ilə Ermənistan hərbi birlikləri Azərbaycan ərazisindən çıxarılmalı idi.
    Bununla da “təmas xətti” anlayışı tamamilə ləğv olunacaqdı. Qarabağın bir hissəsinə yerləşdirilən rus sülhməramlıları isə orda məskunlaşdırılan erməni icmasının təhlükəsizliyini müəyyən müddətə qədər təmin edəcəkdilər. “Dağlıq Qarabağ”ın mövcudluğunu tanımağı” dilə gətirmək Paşinyanın ciddi səhvi olmaqla bərabər, 10 noyabr bəyanatından imtina etməsi və müharibə səbəbidir. 10 noyabr bəyanatının tərəfi Ermənistandır, hər hansı separatçı-terrorçu ünsür deyil. Bəyanatın altında Ermənistan baş nazirinin imzası var. Lakin baş nazirin açıqlamaları onun öz imzasına hörmət etmədiyi, yenidən baş qaldırdığı, yenidən münaqişə yaratmaq istəməsini göstərir.
    Vətəndaş Həmrəyliyi Partiyasının sədir müavini Samir Əsədli “Şərq”ə deyib ki, Ermənistan hər yola əl atır ki, Azərbaycanla sülh müqaviləsinin imzalanmasını uzatsın. Partiya rəsmisinin sözlərinə görə, xüsusilə son aylar müşahidə olunanlar belə bir qənaətə gəlməyə əsas yaradır: 
    “Paşinyan əvvəl deyirdi ki, Qarabağın statusu Azərbaycan Konstitusiyası ilə tənzimlənməlidir, indi başqa hava çalır. Qarabağda yaşayan ermənilərin təhlükəsizliyinə gəlincə, bunu rus sülhməramlılarından əvvəl Azərbaycan öz üzərinə götürüb. Bir şərtlə ki, onlar Azərbaycan vətəndaşlığını qəbul etsinlər və ölkəmizin qanunlarına tabe olsunlar. Silahlı birləşmələrə gəldikdə isə onları zərərsizləşdirmək 10 noyabr bəyannaməsinə əsasən elə rus sülhməramlılarının birbaşa vəzifə borcudur. Son əməliyyatlarda da ordumuzun zərbə hədəfi məhz bu qanunsuz silahlı birlikər olub. Azərbaycan Ermənistanı blokadadan çıxarmaq üçün kommunikasiyaların açılmasını, sülh müqaviləsinin imzalanmasını təklif edir. Azərbaycan istənilən danışıqlara gedir. Azərbaycan istəyir ki, tezliklə sərhədlər delimitasiya olunsun, kommunikasiyalar açılsın və sülh müqaviləsi imzalansın.
     Ermənistan bunu istəyirsə, ortaya siyasi iradə qoymalıdır. Paşinyanın ikiüzlü, riyakar mövqeyi ilə uzağa getmək olmaz. Ermənistanda hazırkı iqtidara real rəqib yoxdur. Odur ki, hər şey Paşinyanın iradəsindən asılıdır. Əgər o istəsə sənədləri imzalaya bilər.
    Bunu Avropada da bilirlər. Hər iki senari bizə sərf edir. Baş nazirin təqdim olunan sənədlərə qol çəkməsi, əlbəttə, maraqlarımıza uyğundur. Bunun əksi də bizim üçün üstünlükdür.
     
    Çünki Ermənistanın destruktiv mövqeyi bir daha ifşa olunacaq. Bu, şübhəsiz, bizim diplomatik uğurumuz kimi qiymətləndirilməlidir. Son əməliyyatlar təsdiqlədi ki, belə destruktiv mövqeyə qarşı Azərbaycanın qəti tədbirləri qüvvədədir”.

  • “Ermənistan nəyə nail olmağa çalışır?”

    Ermənistanın keçmiş ombudsmanı Arman Tatoyan Azərbaycanın rus sülhməramlılarının müvəqqəti nəzarəti altında olan hissəsində Ermənistan hərbi birliklərinin olması faktını tamamilə təkzib edib. Erməni və rus mediası bir neçə gündür onun əsassız iddialarını təbliğ etməklə məşğuldur. Məsələ ondadır ki, Ermənistanın Baş Qərargah rəisinin müavini Qarabağa bundan sonra çağırışçıların deyil, muzdlu əsgərlərin göndəriləcəyini və oradakı həqiqi hərbi xidmətçilərin müqaviləli hərbçilərlə əvəzlənəcəyini bildirir. Bəs, bu cür məlumatların yayılması nəyə hesablanıb?

    VHP-nin Mərkəzi İcra Aparatının rəhbəri Samir Əsədli Demokrat.az-a açıqlamasında vurğulayıb ki, Arman Tatoyan rəsmi şəxs deyil və onun fikirləri rəsmi mövqe sayıla bilməz.

    “10 noyabr atəşkəs bəyanatının 4-cü bəndində deyilirdi ki, Rusiya hərbçiləri erməni silahlı qüvvələrinin çıxarılması ilə paralel yerləşdirilir. Proses nə vaxt başlayır, yaxud başa çatır? Əsas sual budur. Çünki indiyə qədər belə informasiyalar yayılsa da, çıxarılma gerçəkləşməyib.

    Bu haqda dəqiq informasiya hələ ki yoxdur. Əslində Ermənistandan Qarabağa gedən hansısa hərbi nəqliyyatın, yaxud personalın hərəkəti də Azərbaycanın nəzarətindədir. Bu baxımdan, Ermənistandan hərbçiləri, yaxud Ermənistana qayıdan hərbçiləri ora göndərmək mümkün deyil”.

    Analitik deyir ki, Ermənistan hərbi kontingentinin tam şəkildə çıxarılmasından sonra Qarabağda silahsızlaşdırmanın birinci mərhələsi tamamlanacaq:

    “Bölgədə qalacaq “yerli ermənilərin” təqribi 5 minlik silahlı dəstəsi artıq növbəti mərhələnin işidir və bu, daha asan olacaq”.

    Aynurə
    Demokrat.az

  • Samir Əsədli: “Xankəndiyə, Xocalıya doğru tələsməliyik”

    Qarabağda ermənilər təxribatların sayını artırıb
     
    Revanşa can atan ermənilərlə hədə dilində danışsaq da, onlara söz təsir eləmir
     
      Ermənistan tərəfi yenə təxribatlarından əl çəkmir. Ötən gün erməni silahlı birləşmələri 9 dəfə təxribat xarakterli silahlı insident törədiblər. Müdafiə Nazirliyi xəbər verib ki, təxribatların ikisi Azərbaycan-Ermənistan dövlət sərhədində baş verib. Erməni hərbçiləri Laçın rayonunda yerləşən bölmələrimizi atəşə tutublar. Digər 7 insident isə Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstəsinin üzvləri tərəfindən törədilib. Azərbaycan Ordusunun Tərtər, Ağdam, Xocavənd və Xocalı rayonları istiqamətlərində yerləşən mövqelərimiz müxtəlif çaplı silahlardan atəşə məruz qalıb. Bütün hallarda Ordumuzun bölmələri tərəfindən görülən adekvat cavab tədbirləri nəticəsində qarşı tərəf susdurulub. 
     
      Vətəndaş Həmrəyliyi Partiyasının sədr müavini Samir Əsədli “Şərq”ə bildirib ki, ermənilər sayı-hesabı dəqiq bilinməyən itkilərə rəğmən, dinc oturmaq istəmirlər. Partiya rəsmisinin sözlərinə görə, Nikol Paşinyanı acizlikdə və xəyanətdə ittiham edən erməni ictimaiyyəti bir tərəfdən Qarabağa əsgər göndərilməsinə qarşı çıxır. Digər tərəfdən isə Azərbaycan torpaqlarına iddiadan əl çəkmirlər: 
    “Qəribəsi budur ki, hətta sarsıdıcı zərbələrdən sonra belə, nə sadə əhali, nə müxalifət, nə də iqtidar köhnə “bayatı”lardan imtina etmək istəyir. Əlbəttə, prosesdə Rusiya faktorunu nəzərdən qaçırmaq olmaz. Rusiya bölgədə gərginliyi saxlamaq üçün əlindən gələni edib və edəcək. Bu mənada ermənilərin Rusiya sülhməramlılarına arxayın olaraq özbaşınalıqlar etməsi təəccüblü görünmür. Digər tərəfdən, sülhməramlıların Qarabağda anti-terror əməliyyatı üçün təlimlərə başlaması da suallar doğurur. Əgər sülhməramlılar Qarabağdakı terrorçuların zərərsizləşdirilməsində, yaxud bölgədən çıxarılmasında maraqlıdırsa, o halda niyə Laçın dəhlizinə nəzarət ciddi şəkildə aparılmır, yaxud Qarabağa yerləşdirilən ermənilər yoxlanılmır?!”.
     
      S.Əsədli vurğulayıb ki, bütün bunlar 44 günlük müharibədən sonra revanşa cəhd edən erməniləri şirnikləndirən əsas amillərdəndir: 
    “Ümumilikdə görünən budur ki, ermənilər fəallaşıblar. Qarabağda yeni fitnə-fəsad yaymağa başlayıblar. Revanşa can atan ermənilərlə hədə dilində danışsaq da, onlara söz təsir eləmir. Yaxşı olar ki, azərbaycanlıların Xankəndi, Xocalı və digər ərazilərə qaytarılması prosesi başlansın. Bu məqam 10 noyabr razılaşmasında nəzərdə tutulub. Təkid etməyə haqqımız var. Bu cür etsək, təşəbbüs bizim tərəfimizdə olacaq, ermənilər heç nə edə bilməyəcəklər. Digər istiqamətlərdə də işlər getməlidir. Ermənilər şərtlərimizə boyun əyməli, mövcud reallığı qəbul etməli, ya da açıq-aşkar bizimlə müharibəyə qalxmalıdırlar. Hər iki halda nəticə bizim xeyrimizə olacaq”.

  • VHP sədrindən Xamneyiyə etiraz: İran reallığl qəbul edə bilmir

    Məlum olduğu kimi İranın dini lideri Əli Xamneyi şəxsi “Twitter” səhifəsində etdiyi paylaşımda Ermənistan-İran sərhədinin bağlana biləcəyindən narahatlığını bildirib.
    “Biz Qarabağın Azərbaycana qayıtmasına sevinirik. Amma əgər İran-Ermənistan sərhədinin bağlanması siyasəti olarsa, İran buna qarşı çıxacaq. Ona görə ki, bu sərhəd bir neçə min illik əlaqə yoludur”,- deyə Əli Xamneyi yazıb.
    İran rəsmilərinin bu açıqlaması rəsmi Tehranın Azərbaycanın ərazi bütövlüyünün bərpasından narahatlığını bir daha təsdiq edir. Bununla bağlı fikirlərini bildirən VHP sədri, millət vəkili Sabir Rüstəmxanlı İkinci Qarabağ müharibəsindən sonra Azərbaycana qarşı təhdid dolu bəyanatlar səsləndirən İran rəsmilərinin bölgədə yaranmış yeni geosiyasi reallıqları qəbul etmədiklərini bildirib:” Azərbaycanın Ermənistanla İran arasını bloklamaq niyyəti yoxdur, sadəcə koridor açıb, yol açıb Naxçıvana gedib-gəlmək işini asanlaşdırmaq istəyir, yəni İran yeni siyasi reallığı və baş verən prosesləri gərək başa düşsün. Biz Ermənistanla iranın sərhədini bağlamaq niyyəti güdmürük”.
    S.Rüstəmxanlı Xamneyinin daha bir fikrinə etiraz edərək bildirib ki, min illər ifadəsi də doğru deyil.” Min illər Ermənistan olub ? Bəlkə orda Ermənistan dövləti olub ? Bu məsələdə çox böyük yalnışlığa yol verir. Ermənistan 1918-ci ildən bəri mövcud olan süni qondarma dövlətdir. İranın uzun illər Ermənistanı zorla süni yolla nəfəs verib saxladığı da hər kəsə məlumdur. Açılan koridor əslində İranın da xeyrinədir, çünki Naxçıvan üzərindən həm də, dəmir yolu Təbrizə və İranın digər güşələrinə gedəcək. İranın özünün də şimal əraziləri ilə əlaqələri möhkəmlənəcək. Bu cür yanaşma doğru deyil. Bəlkə İranın niyyəti odur ki, Arazdan adlayıb İran üzərindən keçən yükləri nəzarətində saxlasın. Bu 30 ildə İran bunu edə bilərdi Azərbaycana böyük qardaşlıq yardımı etmiş olardı, təəssüf ki, indi onu eləmirlər. İndi Zəngəzur dəhlizinin açılması reallaşanda İran belə bir təkliflə çıxış elədi amma o da nə dərəcədə realdır onu bilmirik. Ümumiyyətlə, İran İslam Cumhuriyyətinin xristian ölkəsi olan Ermənistana himayədarlıq etməsi və onu qan qardaşı, qan qohumu sayması anlaşılan bir şey deyil. İran İslam Cumhuriyyətinin əslində siyasiləşdiyini və bütün islam aləminə ancaq öz fars marağı ilə yanaşdığını bir daha nümayiş etdirir. Çox təəsüf ki , hətta Türkiyə Cumhuriyyətinin çox hörmətli Cumhurbaşqanı Rəcəb Tayyib Ərdoğanla görüşündə də bu münasibət hiss olundu”.

  • VHP təşkilatları məclis toplantısı keçiriblər- FOTO

    Bu gün Vətəndaş Həmrəyliyi Partiyası (VHP) Quba rayon təşkilatı Məclisinin növbəti toplantısı keçirilib. Təşkilat sədri Sənan İmanquliyevin hesabatı dinlənilib. Daha sonra RT sədri ictimai-siyasi məsələlər və qarşıda duran işlər barədə danışıb. O, bildirib ki, VHP üçün bu il ələmətdar ildir, partiyanın yaranmasının 30 ili tamam olur. Bu müddət ərzində VHP siyasi ideologoyası və ideoloji prinsiplərinə daima sadiq qalıb . Vətəndaş Həmrəyliyi ideologiyasına uyğun işlər qurulub. Az saylı xalqlar və əhali arasında təbliğat aparılıb. VHP bu gün yeganə partiyalardandır ki, az saylı xalqlar xeyli sayda təmsil olunub. Bir amalımız var ki, Azərbaycan bizim gözümüzdür və birgə ölkəmizin birliyinə, həmrəyliyinə sadiq qalmalıyıq, neçə ki, qalırıq. Biz bir ağacın qollarıyıq, elimizə, obamıza və ölkəmizə sadiq qalmalıyıq.
    Sonda təşkilat daxili məsələlərə baxılıb, yeni müavin təsdiq edilib və partiyaya üzvlər qəbul edilib.
    ***
    Vətəndaş Həmrəyliyi Partiyası Ağsu rayon təşkilatının Məclis toplantısı keçirilib. Yığıncaqda ictimai-siyasi məsələlər və qarşıda duran işlər müzakirə edilib.
    Yığıncağı təşkilat sədri Tahir Əzimov açaraq ictimai-siyasi məsələlər, rayon təşkilatının fəaliyyəti, Ağsu rayonundakı mövcud vəziyyət barədə geniş danışıb.Natiq çıxışında son vaxtlar ərzaq, xüsusən gündəlik təlabat mallarının durmadan qiymətinin artmasının insanları, xüsusən az təminatlı ailələri narahat etdiyini, bu da işsiz təbəqənin dolanışığına mənfi təsirsiz ötüşmədiyini bildirib. O, Hökumətin, xüsusən müvafiq qurumların ciddi tədbir görməsinin vacib olduğunu deyib.
    Təşkilatın, partiyanın fəaliyyəti, qarşıdan gələn 30 illik yubiley, ictimai-siyasi məsələlərin müzakirəsi ilə davam edib məclis toplantısında həmçinin təşkilatın mərhum sədr müavini Mirzə müəllimdən söz açılıb, onun rayon ziyalısı kimi, təşkilatda fəaliyyətindən danışılıb və qeyd olunub ki, Mirzə müəllimin əziz xatirəsi hər zaman Ağsuluların arasında xoş izlərlə qalacaq.
    Məclisin sonunda VHP-yə yeni üzvlər qəbul edilib və iclas bununla da yekunlaşıb.

    ***
    Vətəndaş Həmrəyliyi Partiyası Lənkəran təşkilatı Məclisinin növbəti iclası keçirilib. Toplantıda təşkilati işlər və ictimai-siyasi məsələlər müzakirə edilib. Rayon təşkilatının sədri Rahib Ismayilov ölkədəki ictimai-siyasi məsələlər, rayon təşkilatının fəaliyyəti, Lənkərandakı durum barədə danışıb. Çıxışında xüsusən işsizlik problemindən söz açan təşkilat sədri rayon əhalisinin böyük əksəriyyətinin işsiz olduğunu, son vaxtlar bütün məhsulların qiymət artımından söz açıb. Bu durumun əhalinin yaşayışına mənfi təsir etdiyini bildirib. Əlavə edib ki, hökumət məsələ ilə bağlı ciddi tədbirlər görməlidir. Lənkəran bölgəsində işsizlik, xüsusən gənclərin işsiz olması bölgə əhalisinin yaşayışına ciddi şəkildə mənfi təsir göstərir.
    Təşkilati məsələlərin müzakirəsi ilə iclas davam edib və VHP sıralarına yeni üzvlər qəbul edilib.

  • VHP rayon təşkilatları toplantı keçiriblər- FOTO

    ŞUŞA-25.07.2022/ Vətəndaş Həmrəyliyi Partiyası Şuşa rayon təşkilatı Məclisinin növbəti toplantısı keçirilib.
    Təşkilatın sədri Ofelya Rəşidqızı ölkədəki ictimai-siyasi durum, Qarabağda cərəyan edən proseslər və təşkilatın fəaliyyətindən danışıb. Bildirib ki, şuşalıları ən çox maraqlandıran məsələ Şuşaya, doğma torpaqlarına köçəcəkləri günü gözləməkdir: “ Bu gün Qarabağın böyük hissəsi yağı düşməndən azad edilib. Şuşa azaddır, biz hazırda şəhərimizə, elimizə köç edəcəyimiz, geri dönüş günün səbrsizliklə gözləyirik. 30 ildir həsrəti ilə yaşadığımız Şuşa azaddır. Yaxın vaxtlarda Xankəndi, Xocalı, Xocavənd, Ağdərə və Şuşanın kəndlərinin azad olunacağı sevincini də gözləyirik. Qarabağ tam azad olunacaq, bütövləşəcək. Ən böyük arzumuz budur. Şəhidlərimizin ruhu qarşısında baş əyir, qazilərimizə can sağlığı diləyirik”.
    O. Rəşidqızı çıxışında qeyd edib ki, bu il VHP-nin 30 illik yubileyidir. Biz də təşkilat olaraq partiyanın yubileyini Şuşada qeyd etməyə ümid edirik.
    Sonda təşkilati məsələlərə baxılıb, partiya sıralarına yeni üzvlər qəbul edilib.

    ***
    OĞUZ-25.07.2022/ Vətəndaş Həmrəyliyi Partiyası Oğuz rayon təşkilatı Məclisinin növbəti yığıncağı keçirilib. Məclisdə ölkədəki mövcud ictimai-siyasi durumu və təşkilati işləri müzakirə edilib .
    Təşkilat sədri Famil Zakirov təşkilatın fəaliyyəti barədə danışıb, qeyd edib ki, bir sıra yeni özək təşkilatları təsis edilib. F.Zakirov həmçinin çıxışında ictimai-siyasi məsələlər və partiyanın fəaliyyətindən danışıb.
    Daha sonra məclisdə ictimai-siyasi olaylar, qarşıda duran işlər müzakirə edilib. Bildirilib ki, bu il partiyanın 30 illik yubileyi keçiriləcək, Oğuz rayon təşkilatı da partiyanın fəaliyyət istiqamətinə və məramnaməsinə uyğun işini qurub, fəaliyyət göstərir.
    Sonda təşkilati məsələlərə baxılıb və VHP-yə yeni üzvlər qəbul edilib.

    ***

    AĞSTAFA-24.07.2022/ Vətəndaş Həmrəyliyi Partiyası (VHP) Ağstafa rayon təşkilatı Məclisinin növbəti iclası keçirilib.  Rayon təşkilatının Məclis iclasında ictimai-siyasi məsələlər və təşkilati işlər müzakirə edilib.

    Təşkilatın sədri Dürdanə Həsənova yığıncağı açıq elan etdikdən sonra ictimai-siyasi məsələlər, təşkilatın və partiyanın fəaliyyəti ilə bağlı geniş çıxış edib . Bildirib ki, rayonun bir sıra kəndlərində yeni özəklər təsis edilib.
    Məclis toplantısında ölkədəki iqtisadi vəziyyət də geniş müzakirə edilib. Ərzaq və gündəlik tələbat məhsullarının demək olar ki, hər gün qiymət artımı pislənilib, bu arımların, xüsusilə monopolyanın insanların gündəlik həyatına mənfi təsir etdiyi, günü-gündən yaşayışa, xüsusilə işsiz kəndli təbəqəsinin vəziyyətinin ağırlaşmasına gətirib çıxardığı bildirilib və bu məsələnin ciddi narahatçılığ yaratdığı ifadə olunub.
    Sonda təşkilati məsələlər müxakirə edilib və partiyaya yeni üzvlər qəbul edilib.

    ***
    YEVLAX-21.07.2022/  Vətəndaş Həmrəyliyi Partiyası (VHP) Yevlax rayon təşkilatının növbəti Məclis toplantısı keçirilib.

    Yığıncaqda ölkədəki ictimai-siyasi vəziyyət, qarşıda duran işlər və təşkilati məsələlər müzakirə edilib.
    Təşkilat sədri Vüqar Cəfərli ictimai-siyasi proseslər haqda geniş məruzə ilə çıxış edərək partiyanın fəaliyyəti, təşkilatın gördüyü işlər və siyasi proseslərdə VHP-nin fəaliyyətindən danışıb. O çıxışında VHP-nin bu il yranmasının bu 30 ilinin tamam olmasını vurğulayaraq partiyanın keçdiyi yola tarixi nəzər salıb. Toplantı iştirakçıları gündəlikdə olan məsələlərlə bağlı çıxış edib.
    Sonda təşkilati məsələlərə baxılıb və partiyaya yeni üzvlər qəbul edilib.

    ***

    SURAXANI-21.07.2022/ Vətəndaş Həmrəyliyi Partiyası Suraxanı rayon təşkilatı Məclisinin növbəti toplantısı keçirilib. Yığıncaqda ölkədəki ictimai-siyasi proseslər və təşkilati məsələlər müzakirə edilib.

    Rayon Təşkilatının sədri Rüstəm Fətullayev təşkilatın fəaliyyəti barədə geniş məruzə edib. Bildirib ki, bu günlərdə daha 6 yeni özək təşkilatı təsis olunub. Son vaxtlar gənclər üzvlük üçün müraciət edirlər, bu da bizi sevindirir. Vətəndaş Həmrəyliyi ideologiyasını gənclər arasında təbliğ edirik.
    Daha sonra VHP Təşkilat Şöbəsinin müdiri Asif Şəkərli ölkədəki mövcud ictimai-siyasi proseslər, qarşıda duran işlər və partiyanın fəaliyyəti barədə söz açıb. Bildirib ki, VHP-nin bu il 30 yaşı tamam olacaq. Qürurla və eyni ideoloji-sistemlə fəaliyyətimizi davam etdiririk. VHP xalqın partiyasıdır və biz də milli maraqlar, Vətəndaş Həmrəyliyi üçün öz fəaliyyətimizi millətimizin iradəsi üçün davam etdiririk.
    Sonda təşkilati məsələlərə baxılıb, partiyaya yeni üzvlər qəbul edilib.

  • VHP Neftçalada yığıncaq keçirib- FOTO

    Vətəndaş Həmrəyliyi Partiyası (VHP) Neftçala rayon təşkilatının növbəti Məclis toplantısı keçirilib. Toplantıda təşkilatı məsələlər və ölkədə baş verən ictimai-siyasi durum müzakirə edilib.

    VHP Neftçala rayon təşkilatının sədri Fərman Hüseynov ölkədə və dünyada baş verən siyasi olaylar barədə danışıb. Çıxışında partiyanın  fəaliyyəti, qarşıda duran vəzifələr  və Neftçala rayonundakı vəziyyət barədə  də danışıb. Təşkilatın və partiyanın fəaliyyətindən danışarkən F.Hüseynov  qeyd edib ki, VHP-nin bu ilə təsis olunmasından 30 il ötür. Həm Bakı şəhərində, həm də Neftçalada partiyanın yubiley tədbiri qeyd olunacaq.

    Fərman Hüseynov çıxışında həmçinin bu gün xalq hərəkatının flaqmanı  olan Xalq Cəbhəsinin təsis olunmasından 33 il keçdiyini bildirib . AXC xalqın təşkilatı idi, müstəqillik və azadlıq aşiqlərinin təsis etdiyi bir təşkilat idi.

    Həmçinin F.Hüseynov  Azərbaycan Xalq Cümhuriyyətinin qurucu lideri Məhəmməd Əmin Rəsulzadənin bu günlərdə Ankara şəhərində heykəlinin ucaldılmasını müsbət olay olduğunu bildiriv və Bakıda da Rəsulzadəyə heykəlinin ucaldılmasının vacib olduğunu qeyd edib.

    Sonda təşkilati məsələlərə baxılıb, partiyaya yeni üzvlər qəbul edilib.