Category: Xəbər

Seyran Səxavət-75

Bu gün görkəmli yazıçımız Seyran Səxavətin anadan olmasının 75 illiyidir. Eyni universitetdə oxumuş, eyni yataqxanada yaşamış, eyni poeziya dərnəklərinə getmiş, sözümüzün təsir gücünü bir-birimizin rəyində və eyni görüşlərdə sınamışıq…

O, şərqşünas, daha doğrusu, fars dili mütəxəssisi olduğuna görə xaricdə işləyib Bakıya qayıdandan sonra da, “Ədəbiyyat və inəsənət” qəzetində işə düzəlmiş və bir ara burda da iş yoldaşı olmuşuq. İlk şeir kitabımız da bir ildə “Gənclik” nəşriyyatında buraxılmışdı. Demək istəyirəm ki, tale bizə yaxın sirdaş, dost olmaqdan başqa yol saxlamamışdır və məncə, biz də taleyin verdiyi bu gözəl imkanı sidqi-ürəkdən dəyərləndirmiş, sevincimizi-kədərimizi bölüşmüş, eyni ağrı-acılardan keçmiş, qədərimizə düşən milli faciələrə qarşı ömür boyu eyni səbr və inadla mübarizə aparmışıq…

Azərbaycanda Vətənpərvərlik tərbiyəsi ilə bağlı qanun qəbul edilə bilər. Sözügedən qanunun layihəsi martın 15-də Milli Məclisin Elm və təhsil komitəsinin iclasında müzakirə olunub.  Komitənin sədri Bəxtiyar Əliyev bildirib ki, prezident İlham Əliyevin parlamentin qarşısında qoyduğu böyük vəzifələrdən biri gənclərin milli ruhda, vətənpərvərlik ruhunda yetişdirilməsi ilə bağlıdır.  Komitə üzvləri iclasda müasir dövrdə gənclərin xarici təsirlərdən qorunmasının, tarixi, milli dəyərlərə və dövlətçiliyə sadiqlik ruhunda yetişdirilməsinin vacibliyini qeyd edərək bu məsələnin əhəmiyyətindən danışıb.  “Vətənpərvərlik tərbiyəsi” məsələsini qanunvericiliklə tənzimlənməsi nə dərəcədə düzgündür? Bu, gənclərin arasında hakim ideologiyasının təbliğatına çevrilə biləcəkmi? “Vətənpərvərlik tərbiyəsi” bir fənn kimi dərs cədvəlinə salınarsa, tədris prosesinə necə təsir göstərəcək?  Oxşar qanun 2020-ci ildə Rusiyada qəbul olunub. Ölkənin parlamenti prezident Vladimir Putinin təklif etdiyi Rusiya məktəblərində və ali təhsil müəssisələrində vətənpərvərlik tərbiyyəsinin gücləndirilməsi ilə bağlı qanun layihəsini qəbul edib.  Rusiya ekspertləri hesab edir ki, məktəbdə vətənpərvərlik tərbiyyəsi formal olacaq, bununla belə təhsil keyfiyyəti aşağı düşə bilər. Çünki müəllimlərin üzərinə əlavə bürokratik hesabatlılığın yükü düşəcək.

Digər ekspertlər isə əmindir ki, mühafizəkar idealları qanun vasitəsilə möhkəmləndirərək dövlət ictimaiyyətə, xüsusi olaraq gənclərə ideoloji nəzarətini gücləndirməyə çalışır.

Milli Məclisin deputatı Sabir Rüstəmxanlı “Turana” bildirib ki, vətənpərvərlik hissi yazılmamış bir qanundur.

“Hər bir ailənin borcudur ki, uşağını vətənə sevgi ruhunda tərbiyə eləsin. Vətən sevgisi qanunla olmur ki, vətən sevgisi qanunların üstündədir.”

Deputat hesab edir ki, qanunla iş düzələn deyil, işin kökü təhsil sistemindədir.

“O sistem özü yaxşı olmayandan sonra qanunla heç nə düzəlməyəcək. Amma hər halda sözügedən qanunu qəbul edilərsə, onun da bir ziyanı olmayacaq,” o qeyd edib.

Dünən Neftçala rayon Kürqarabucaq kəndində şəhidimiz gizirimiz Ağasadığ Aslanovun ev muzeyinin açılışı olub. Şəhidin doğum gününə, 30 yaşının tamamına təsadüf edən açılışda millət vəkili Sabir Rüstəmxanlı, rayon rəhbərliyi, şəhidin hərbçi yoldaşları və ictimaiyyət nümayəndələri iştirak edib. Şəhidin atası Xəlil kişinin öz həyətində tikib ərsəyə gətirdiyi muzeydə Ağasadıq Aslanov və Kürqarabucaq kəndinin digər şəhidlərinə aid fotolar,məlumatlar yerləşdirilib. Açılışda rayon icra başçısı Mirhəsən Seyidov, millət vəkili Sabir Rüstəmxanlı və digər qonaqlar çıxış edərək şəhid Ağasadıq Aslanov və bütün Qarabağ şəhidləri haqda danışmış, onların xatirəsinin hər zaman uca tutulacağını bildrmişlər.

Çıxış edənlər şəhid Aslanov Ağasadıx Xəlil oğlunun eləcə də Neftçaladan vətən müharibəsi iştirakçılarının düşmənə qarşı göstərdikləri igidlik və qəhrəmanlıqlarından söhbət açıblae. Çıxışlarda şəhid atasının belə incə zövqlə oğlunun xatirəsinə yaratdığı muzey abidəsi həqiqətən çox tədqirəlayiq bir hadisə kimi dəyərləndirib . Belə muzeylərin Azərbaycanın hər bir bölgəsində yardılarsa bu gənclərdə vətənpərvərlik ruhunun yüksəldilməsi və onların vətəndaş kimi yetişməsinə böyük təsir göstərən əsas amil rolunu oynaya biləəyi vurğulanlb . Şəhidin atası iştirakçılara öz minnətdarlığını bildirdi.

Daha sonra şəhidin məzarı ziyarət edilib.

Məlumat üçün bildirək ki, Aslanov Ağasadıq Xəlil oğlu 01.03.1991-ci il tarixində Neftçala rayonu Kürqarabucaq kəndində anadan olmuşdur. Vətən müharibəsi zamanı xüsusi şücaətlər göstərmiş və qəhrəmancasına şəhid olmuşdur. 08.11.2020-ci il tarixində Kürqarabucaq kənd məzarlığında dəfn edilmişdir. Göstərdiyi igidliklərə görə “Azərbaycan Bayrağı” ordeninə və “Vətən uğrunda” , “Xocavəndin azad olunmasına görə” , “Şuşanın azad olunmasına görə” medallarına layiq görülmüşdür.

Son illər Azərbaycan siyasətində ənənəvi fəaliyyət yeni üsullarla əvəzlənib. Bu gün özünü az qala xalq lideri kimi təqdim edən siyasətçilər var ki, fəaliyyəti sosial şəbəkə çərçivəsindən kənara çıxmır. Bundan bir az irəli gedən başqa bir kəsim də var ki, onlyan tv-lərdə debat qəhrəmanlarına çevrilib, özlərini cəmiyyətə politoloq, millət fədaisi kimi sırayırlar. Bu günlərdə bu iki hal bir araya gəlmiş, bir birlərinə dəstək verərək ölkənin ictimai-siyasi durumunu təhlil etmişlər.  Cümşüd Nuriyevin saat yarımlıq debatı parlament müxalifətinə, müstəqillik tariximizdə ilk dəfə parlamentdə müxalifət təmsilçisi kimi Mlili Məclis sədrinin müavini postunu tutan Fəzail İbrahimliyə ironiya ilə bitib. Cümşüd Nuriyev dəfələrlə özünün qurduğu müxtəlif variantlarla mətbuatda çıxış eləyib, sonra öz uydurduğuna özü inanmağa başlayıb. Cümşüd Nuriyev tez-tez bildirib ki, parlamentdə ermənilər var, kürdlər var, nə bilim kimlər var. Amma mən tam səmimi deyirəm, müxalifətdə də, iqtidarda da olmaq olar, hətta erməni də, kürd də olmaq olar. Ən bədnam, ən biabırçı Cümşüd Nuriyev olmaqdır. Cümşüd Nuriyev olmaqdan bədnam bir şey yoxdur. Cümşüd Nuriyev özü parlamentə düşə bilsəydi tamam fərqli mövqedən çıxış edərdi. Xalq arasında belə bir deyim var ki, ”pişiyin ağzı ətə çatmayanda deyir iylənib”. Əgər doğrudan da Cümşüd Nuriyevin görmək istədiyi kimi, parlamentdə müxalifət yoxdursa, buyurub həmin müxalifətçiliyi cəmiyyətdə eləsin, ona kim mane olur? Onunla eyni mövqedə olan, “parlamentdə müxalifət yoxdur” deyən müxalifət partiyaları var, gedib həmin partiyaların birinə üzv olsun və mübarizə aparsın. Görmək istədiyi müxalifəti formalaşdırsın və yaxud belə bir müxalifət partiyasında fəaliyyət göstərsin. Vitse-spiker Fəzail İbrahimlinin parlamentdə fəaliyyəti göz qabağındadır. Ümumiyyətlə Vətəndaş Həmrəyliyi Partiyası hər zaman parlamentdə öz sözünü deyirib. Parlament televiziyası yaradılsın və Milli Məclisin iclasları canlı yayımlansın. Xalq da görsün ki, vəkil seçdiyi şəxslər orada necə fəaliyyət göstərir. Müxalifət parlamentdə nə etməlidir, əlinə silah alıb vuruşmalıdır? Müxalifətin gücü problemləri parlament tribunasından səsləndirmək, ictimai diqqəti bu məsələlərə yönəltməkdir. Uzun illər parlament təcrübəsi olan, dəfələrlə “ilin deputatı”, “ən fəal deputat”, “ən cəsarətli deputat” seçilən Fəzail İbrahimliyə Cümşüd Nuriyev kimi uğursuz siyasətçinin necə müxalifətçilik eləməyi tövsiyə etməsi gülüncdür.
O ki qaldı bu gün parlamentdə müxalifət adına ön cərgədə olan Vətəndaş Həmrəyliyi Partiyasına VHP nəzərdə tutduğu bir çox hədəfə çata bilməsə də bu illərdə Azərbaycanın siyasi həyatında öz sözü olan, siyasi mübarizə mədəniyyəti, dəyişilməz milli mövqeyi ilə seçilən bir partiyaya çevrilib. VHP hakim partiyadan sonra müstəqillik illərində keçirilən bütün seçkilərdə iştirak edib nəticə əldə edən yeganə partiyadır. Azərbaycan torpaqlarının işğaldan azad edilməsi, qaçqın və köçkünlərin öz torpaqlarına qayıtması, ölkəmizdə insan haqlarına, söz azadlığına dəyər verilən demokratik bir cəmiyyətin var olması VHP-nin əsas hədəfi olub. Qarabağ zəfəri milli birliyin v vətəndaş həmrəyliyinin təsdiqi oldu. Bu gün Azərbaycan siysi – ideoliji sistemində VHP prinsipləri qalın xətlə keçir: Biz yox- millətimiz, bizim sözümüz yox- xalqın sözü, böhtan yox-həqiqət, kin-küdurət yox- sevgi, siyasi oyunbazlıq yox-siyası əxlaq… Millətin gələcəyi həmrəylikdən, dirəniş və dayanışmadan, birlik və bərabərlikdən asılıdır. Vətəndaş Həmrəyliyi Partiyası yarananda irəli sürdüyü şüar bu gün də qüvvədədir: “Nicatımız – Vətəndaş Həmrəyliyindədir!” Bizə başqa yol göstərənlərin niyyəti də başqadır…

Sabir Rüstəmxanlı: “Xocalı soyqırımı, Qarabağ olayları ilə bağlı tez-tez müsabiqə və yarışların keçirilməsi vacibdir”

Bugünlərdə sadəcə ölkəmizdə deyil, dünyanın bir çox dövlətində Xocalı soyqırımının 29-cu ildönümü qeyd edilməkdə, Xocalı qurbanlarının xatirəsi ehtiramla yad edilməkdədir.

Xocalı soyqırımı ilə bağlı həqiqətlərin gənclər, yeniyetmələr arasında təbliğ edilməsi, erməni faşizminin bu qanlı əməlinin milli şüura hopdurulması, zəfərlərimiz kimi faciələrimizin də unudulmaması üçün bir sıra addımlar atılır ki, bunlardan da biri bu tarixi olaylarla bağlı müsabiqələrin keçirilməsidir. Məlumat üçün qeyd edək ki, Xocalı soyqırımının 29-cu ildönümü münasibəti ilə bağlı belə müsabiqələrdən biri də Qaradağ Rayon Heydər Əliyev Mərkəzi tərəfindən keçirilməkdədir.

Moderator.az-a açıqlamasında bu cür müsabiqələrin önəminə diqqət çəkən millət vəkili Sabir Rüstəmxanlı, belə müsabiqələrin gələcəkdə də keçirilməsinin vacibliyini vurğuladı:

“Ümumiyyətlə, Qarabağ savaşı, Qarabağ mövzusu, 90-cı illərdəki uğursuzluqlarımız, Vətən müharibəsindəki qələbəmiz, o cümlədən Xocalı soyqırımı və s. kimi məsələlərin hamısı orta məktəb dərsliklərinə salınmalıdır. Bu faktların hamısı gənclərimizə, yeniyetmələrimizə öyrədilməlidir. Həm ədəbiyyat, həm də tarix dərslərində bu həqiqətlər yer almalı, tez-tez respublika miqyaslı müsabiqələr, yarışlar, o cümlədən şeir, bədii qiraət müsabiqələri keçirilməlidir. Bunlar son dərəcə vacibdir.

Bu baxımdan, Qaradağ rayon Heydər Əliyev Mərkəzi tərəfindən Xocalı ilə bağlı belə bir müsabiqənin keçirilməsi də mühüm bir addımdır və uşaqlarımızın, yeniyetmələrimizin maariflənməsi, Xocalı soyqırımı ilə bağlı həqiqətləri dərk etməsi baxımından mühüm əhəmiyyətə malikdir. Belə müsabiqələr tarixi yaddaşın qorunub saxlanılması baxımından da böyük önəm kəsb edir”.

Seymur ƏLİYEV

Ötən əsrin ən dəhşətli hadisələrindən birinin – ermənilərin törətdiyi Xocalı soyqırımından 29 il ötür. Soyqırım 1992-ci il fevralın 25-dən 26-sına keçən gecə Ermənistan silahlı birləşmələri və Rusiyanın 366-cı motoatıcı alayının iştirakı ilə törədilib.

Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb.

Hər il Xocalı qurbanları onların xatirəsinə ucaldılan “Ana harayı” abidəsi ziyarət edilməklə anılır. Amma bu il fərqli durum yaranıb. İlk dəfə olaraq, soyqırım koronavirus səbəbindən insanların bir yerə kütləvi şəkildə toplanmasını qadağan edən ilə təsadüf edir.

Amma bununla belə, siyasi təşkilatlar tərəfindən pandemiya qaydalarına uyğun şəkildə kiçik heyətlərlə ziyarətlər gözlənilir.

VHP İcra Aparatının rəhbəri Samir Əsədli: “XX əsr tariximizdə ən qanlı iz buraxan Xocalı soyqırımının 28 ildönümü ilə bağlı bütün ölkəboyu olduğu kimi VHP tərəfindən də tədbirlər planlaşdırılır. Pandemiya şərtlərinə uyğun olaraq geniş toplantı və Xocalı abidəsinin kütləvi ziyarəti mümkün olmayacaq. Partiya üzvləri fərdi qaydada ”Ana fəryadı” abidəsini ziyarət edəcəklər, eyni zamanda VHP Xocalı rayon təşkilatının üzvləri Gəncədə Xocalı abidəsini ziyarət edəcək.  Bundan başqa VHP beynəlxalq aləmdə Xocalı soyqırımının tanınması, erməni faşizminin ifşası üçün diaspora imkanlarından da hər zaman istifadə edib”.

Böyük Azərbaycan Partiyasının sədri Elşad Musayev istənilən şəraitdə faciə qurbanlarını ziyarət edəcəklərini söylədi: “Pandemiya şəraitindəyik.  Amma Xocalı soyqırımı abidəsini ziyarət etməyə də heç bir qadağan yoxdur. Az adamla ziyarət etməyi düşünürük”.

Yeni Müsavat qəzeti