Vətəndaş Həmrəyliyi Partiyası

Category: Gündəm

  • Samir Əsədli: “Ruslar Qarabağa “sülh” yaratmaq yox, Moskvanın siyasətini həyata keçirtmək üçün  gəliblər”

    Sanksiyalar dərinləşir, Kreml maliyyə çətinliklərinə görə kənar bölgələrdə hərbçilərini saxlaya bilməyəcək
     
    Rusiya Silahlı Qüvvələrinin hərbi kalonunun Laçın dəhlizi ilə Xankəndidən yola düşməsi faktı qeydə alınıb. Bununla bağlı video-görüntülər yayılıb. Bəzi iddialara görə, rus hərbçiləri Ukrayna ilə müharibəyə cəlb olunacaqlar. Həmçinin, başqa bir versiyaya görə, hərbçilərin bir hissəsi Gümrüdəki 102-ci bazaya köçürüləcək, Gümrüdə olanlar isə Ukrayna ilə müharibə üçün yola düşəcəklər. 
    Mediada yayılan video-görüntü ilə bağlı “Şərq”ə danışan Vətəndaş Həmrəyliyi Partiyasının sədr müavini Samir Əsədli deyib ki, rus “sülhməramlı”ları Azərbaycan ərazisində müvəqqəti yerləşdirilib və ölkə ictimaiyyətində rus “sülhməramlıları”na münasibət birmənalı deyil. Partiya funksioneri bildirib ki, ruslar Qarabağa “sülh” yaratmaq yox, Moskvanın siyasətini həyata keçirtmək üçün gəliblər:
    “Video-görüntülərə keçməzdən öncə onu deyim ki, Qarabağda baş verən bütün təxribatlarda, ordumuzun mövqelərinin erməni quldurları tərəfindən atəşə tutulmasında rus “sülhməramlıları”nın əli var. Rus hərbçiləri bölgədəki erməni silahlılarını təxribatlara təşviq edirlər. Rusiya hərbi maşınlarının Xankəndidən çıxışını əks etdirən video-görüntü ilə bağlı rəsmi məlumat yoxdur. Moskvadan bununla bağlı hansısa açıqlama verilməyib. Ancaq Ukrayna ərazilərini işğal edən və iki həftədən çoxdur müharibə aparan rus ordusunun itkilərinin çox olduğu məlumdur. Rusiya tərəfinin əlavə hərbi qüvvələrə ehtiyac duyduğu şübhəsizdir.
    Bu mənada Qarabağda “sülhməramlı” missiyanı yerinə yetirən rus hərbi kontingentinin bir hissəsinin Laçın dəhlizi vasitəsi ilə Ermənistana, Gümrüdəki 102-ci hərbi bazaya, oradan isə başqa bölgəyə aparılması mümkün ehtimallardandır. Həm də Qərbin hərtərəfli təzyiqlərinə, sanksiyalarına məruz qalan Rusiyada iqtisadi böhran dərinləşərsə, Kreml maliyyə çətinliklərinə görə kənar bölgələrdə hərbi qulluqçuları saxlaya, təmin edə bilməyəcək. Yayılan video-görüntülər təsdiqləyir ki, bu gedişlə rus hərbçiləri Azərbaycan torpaqlarında çox qalmayacaq. 
     
    Ya əlavə qüvvə kimi Ukraynaya, ya da Rusiyaya geri dönəcəklər. Rusiya “sülhməramlı”ları əvvəl-axır Azərbaycan ərazisini tərk edəcəklər. O zaman ruslara arxayın olan erməni separatçıları da himayəsiz və dəstəksiz qalacaqlar”. 

  • Sabir Rüstəmxanlı: “Ukrayna öz torpaqlarını qoruyur və dünya onun yanındadır”- Video

    Sabir Rüstməmxanlı
    Sabir Rüstməmxanlı

    “Ukraynanın dəstəyinin çox olması bizi sevindirir, amma eyni münasibəti biz də görmək istəyərdik”. 

    Bu sözləri Milli Məclisin bu gün keçirilən plenar iclasında deputat Sabir Rüstəmxanlı deyib.
    “Bu gün dünya çox ağır durumdadır və üçüncü dünya müharibəsinin başlanmasının astanasındadır. Ukrayna öz torpaqlarını qoruyur və dünya onun yanındadır”,- deyə millət vəkili fikrini tamamlayıb.
    S.Rüstəmxanlı bildirib ki, Azərbaycanın haqq savaşı zamanı isə bütün dünya ictimaiyyəti susdu. Onun sözlərinə görə, bu əsasən irqi ayrıseçkiliyə görə baş verib:
    “Bu olanlar bizə çox tanışdır. 30 illik müharibəmizdə bizim yanımızda olmayan dünya bu gün Ukraynanın dəstəkçisidir. Təbii ki, Ukraynanın dəstəyinin çox olması bizi sevindirir, amma eyni münasibəti biz də görmək istəyərdik. Lakin irqi ayrıseçkilik göz önündədir”.
    Sonda deputat qeyd edib ki, Azərbaycan bu gün Ukraynadan gələn qaçqınlar uçun ev sahibliyi edə bilər:
    ”Ukraynada yarım milyondan çox azərbaycanlı yaşayır. Ümumiyyətlə, Ukraynadan gələn qaçqınlar üçün bəlkə də Azərbaycan da qucaq aça bilər. Onsuz da biz qaçqın görməyə öyrəşmişik”.

    Bütöv yazını göstər

  • Samir Əsədli: “Rusiya müharibədən ciddi zərbə alacaq”

    Artan sanksiyalar Rusiya iqtisadiyyatına və əhalinin gəlirlərinə ciddi təsir etməkdədir
     
      Rusiya və Ukrayna nümayəndə heyətləri arasında danışıqların nəticələri barədə Rusiya Prezidenti Vladimir Putinə məlumat verilib. Bu barədə Kremlin mətbuat katibi Dmitri Peskov bildirib. O, Ukrayna ilə danışıqların nəticələri barədə hansısa qiymətləndirmə aparmağın hələ tez olduğunu söyləyib: 
     
    “Əlbəttə, prezidentə məlumat verilib. Danışıqlara hər hansı bir qiymət vermək hələ tezdir, biz bunu vaxtından əvvəl etmək istəməzdik. Biz onları təhlil etməli və sonra perspektivlər haqqında düşünməliyik”. 
     
    Məlumat üçün bildirək ki, fevralın 28-də Belarusda Rusiya-Ukrayna danışıqları baş tutub. Görüşdə Rusiya nümayəndə heyətini keçmiş mədəniyyət naziri Vladimir Medinski, Ukrayna tərəfini isə deputat David Araxamiya təmsil edib. Danışıqlarda Rusiyanın Ukraynaya hərbi müdaxiləsinin dayandırılması şərtləri müzakirə olunub. Ukrayna nümayəndə heyəti Belarusda Rusiya tərəfi ilə danışıqlar zamanı bütün rus qoşunlarının çıxarılmasını tələb edib. Rusiya-Ukrayna danışıqlarının növbəti raundunun martın 2-də baş tutacağı deyilir.
    Vətəndaş Həmrəyliyi Partiyasının sədr müavini Samir Əsədli “Şərq”ə açıqlamasında qeyd edib ki, danışıqların nəticəsiz bitəcəyi əvvəlcədən gözlənilirdi. Partiya rəsmisinin sözlərinə görə, Ukraynanın itirəcəyi heç nə yoxdur: 
    “Rusiya isə hər hansı bir güzəştin onun imperiya nüfuzunu tamam məhv edəcəyinin fərqindədir. Faktiki olaraq bu gün Ukrayna qalib kimi görünür. Rusiya isə 40 milyonluq əhalisi olan ölkəni məğlub etməyə nə qədər çox vaxt sərf etsə, qarşısına o qədər çox problem çıxacaq. Moskva bu müharibə ilə çox ciddi zərbə almış olacaq.
    Artan sanksiyalar Rusiya iqtisadiyyatına və əhalinin gəlirlərinə ciddi təsir etməkdədir. Moskvanın ikinci “soyuq müharibə”yə cəlb olunması və qlobal təcridə məruz qalması prosesi başlaya bilər ki, bu da Rusiya üçün ağır nəticələrə gətirə bilər. Bütün bunları Kiyev də hesablayır və ona görə danışıqlar masasına Krım və Donetskin belə azad edilməsi, ərazi bütövlüyünün tam bərpası şərti ilə oturur.
     
    Məncə, münaqişə Ukraynanın müqaviməti və Rusiyanın heydən düşməsi fonunda əldə edilən anlaşma ilə bitəcək”.

  • VHP Gəncədə Xocalı soyqırımının 30-cu il dönümünü qeyd edib

    Vətəndaş Həmrəyliyi Partiyasının (VHP) Xocalı, Göygöl rayon və Gəncə şəhər təşkilatların üzvləri  Xocalı soyqırımının 30- cu il dönümü ilə bağlı Gəncə şəhərində Xocalı şəhidlərinin xatirəsinə ucaldılmış abidə kompleksini ziyarət ediblər.

    VHP Xocalı rayon təşkilatının sədri Mikayıl Nurməmmədov erməni seperatçılarının Qarabağda törətdiyi qətliamlardan, Xocalı soyqırımından, Qaradağlı faciəsindən , Umudlu kəndində və Dağlıq Qarabağda yerləşən digər Azərbaycan kəndlərində törədilən digər faciələrdən danışdı. Bildirdi ki, ermənilər onlara  göstərilən  dəstəkdən istifadə edərək   Dağlıq Qarabağda azərbaycanlılara qarşı vəhşiliklər törətdilər. 366- cı alayın birbaşa iştirakı ilə  erməni seperatçıları azərbaycanlı əhaliyə divan tutdular. Xocalı soyqırımı dünyanın gözü qarşısında bir millətə, bir xalqa qarşı törədilmiş ən böyük cinayətdir. Hələ də dünya ictimaiyyəti ermənilərin bu vəhşiliyinə göz yumurlar. Bu cinayətə Serj Sarkisyan, Robert Köçəryan, Seyran Ohanyan və digər erməni cəlladları rəhbərlik ediblər. Ermənilər hər zaman ruslara arxayın olaraq Qarabağa yerləşdikdən sonra azərbaycanlı əhaliyə qarşı silahlı müqavimət göstəriblər. Bu sovet rejiminin onlara göstərdiyi açıq dəstəkdən irəli gəlirdi bu onunla nəticələndi ki, Qarabağ torpaqları işğal olundu. 30 ildən sonra Qarabağın böyük bir hissəsi azad olunsa da Xocalı, Xankəndi, Ağdərə, Əsgəran, Xocavənd, Umudlu və bir çox yaşayış yerlərimiz erməni seperatçılarının nəzarətindədir. Hazırda ruslar bölgəyə yerləşdirilib. Biz hələ də doğulduğumuz, böyüdüyümüz torpaqlara gedə bilmirik. Xocalı soyqırımının 30- cu il dönümünü Xocalıda qeyd etməli idik. Təəssüf ki biz Xocalıya gedə bilmirik. Ümidimiz ordumuza və xalqımızadır ki, yaxın vaxtlarda işğalda olan bütün torpaqlarımız yağı düşməndən azad olunacaq.

    VHP Gəncə şəhər təşkilatının sədri Fizuli Həsənov və Göygöl rayon təşkilatının sədri, vətən müharibəsi veteranı Samil Bağırlıda çıxış edərək Xocalı soyqırımından, birinici və ikinci Qarabağ savaşlarından danışdılar, bildirdilər ki, 44 günlük vətən savaşında torpaqlarımızın böyük hissəsi işğaldan azad olunub, ümid edirik digər torpaqlarımızda azad olunacaq.

  • VHP-nin Xocalı soyqırımının 30-cu il dönümü ilə bağlı bəyanatı

    1992-ci ilin fevralın 25-dən 26-na keçən gecə kütləvi artilleriya zərbələrinin ardınca Xocalı şəhərinə müxtəlif istiqamətlərdən hücum edildi. Nəticədə Ermənistan silahlı qüvvələri keçmiş Russiya Federasiyasının 366 saylı moto atıcı alayının köməyi ilə Xocalının işğalını həyata keçirdilər. İşğalçılar Xocalını darmadağın etdilər və xüsusi amansızlıqla onun dinc əhalisinin qırğınını həyata keçirdilər. Nəticədə 106-ı qadın, 63-ü uşaq və 70-i yaşlı olmaqla, 613 mülki şəxs öldürüldü. 1000 nəfər yaralandı və 1275 nəfər əsir götürüldü. İndiyə qədər, Xocalının 150 sakini itkin hesab olunur. Sadəcə azərbaycanlı olduqları üçün, Xocalının mülki əhalisinin məqsədli şəkildə qırğını həyata keçirildi.
    XX əsrin sonlarında dünya dövlətlərinin gözü qarşısında baş verən Xocalı soyqırımı təkcə Azərbaycan xalqına qarşı deyil, eyni zamanda bəşəriyyətə qarşı törədilmiş cinayətdir.
    Ermənistanın ölkəmizə qarşı təcavüzünün qarşısını almaq, mülki əhalinin təhlükəsizliyini təmin etmək, uzun müddət davam edən işğala son qoymaq məqsədilə 2020-ci ilin 27 sentyabr tarixində Azərbaycan Ordusunun həyata keçirdiyi əks-hücum əməliyyatı nəticəsində 30 ilə yaxın işğal altında olan ərazilərimiz azad edilib.
    Soyqırımın törədilməsindən 30 il keçməsinə baxmayaraq, təəssüf ki, beynəlxalq ictimaiyyət tərəfindən bu soyqırımı aktına lazımi siyasi və hüquqi qiymət verilməyib, cinayəti törətmiş şəxslər hələ də məsuliyyətə cəlb edilməyib. İnsanlığa qarşı törədilmiş bu dəhşətli cinayətə münasibətdə biganəlik və ikili standartlar təcavüzkarda cəzasızlıq sindromunu gücləndirərək onu etnik təmizləmə və işğal siyasətini davam etdirməyə sövq edib. Dünya ictimaiyyətinin Xocalı soyqırımına adekvat reaksiya verməməsi mənəviyyatdan kənar olmaqla yanaşı, həm də qəbuledilməzdir, çünki gələcəkdə bu cür cinayətlərin təkrarlanmasına zəmin yaradır.
    Vətəndaş Həmrəyliyi Partiyası beynəlxalq təşkilatları və dövlətləri Xocalı qətliamını törətmiş cinayətkarların ədalət mühakiməsi qarşısında cəzalandırılması üçün onu soyqırımı və bəşəriyyətə qarşı törədilmiş cinayət aktı kimi tanımağa çağırır.

  • VHP: “Ukraynanın suverenliyini və ərazi bütövlüyünü dəstəkləyirik”

    Bu gün Rusiya prezidenti Vladimir Putinin Ukraynaya qarşı hərbi hücum qərarı verib. Artıq bölgədə irimiqyaslı hərbi əməliyyatlar aparılır. Rusiya Ukraynanın infrastrukturuna və sərhədçilərinə raket zərbələri endirib. Dünyanın gözü qarşısında Ukraynanın suverenliyi və ərazi bütövlüyünə təcavüz olunur.

    Vətəndaş Həmrəyliyi Partiyası güc yolu ilə ölkələrin ərazilərinin bölünməsinə, sərhədlərin dəyişməsinə qarşıdır və bundan sonra da Ukraynanın ərazi bütövlüyünü dəstəkləyir.

    Azərbaycanın Rusiya və Ukrayna ilə çox yaxşı və strateji tərəfdaşlıq əlaqələri mövcuddur. Biz iki ölkə arasında hərbi qarşıdurmanın dərhal dayandırılmasını və Ukraynanın ərazi bütövlüyünün bərpa olunaraq problemlərin danışıqlarla həll olunmasını istəyirik.

    —-

    Civil Solidarity Party: “We support the sovereignty and territorial integrity of Ukraine”

    Today, Russian President Vladimir Putin decided to launch a military attack on Ukraine. Large-scale military operations are already underway in the region. Russia has fired rockets at Ukraine’s infrastructure and border guards. Ukraine’s sovereignty and territorial integrity are being violated in the eyes of the world.
    The Civil Solidarity Party opposes the division of territories by force, the change of borders, and continues to support the territorial integrity of Ukraine.
    Azerbaijan has very good and strategic partnerships with Russia and Ukraine. We demand an immediate cessation of hostilities between the two countries and the restoration of Ukraine’s territorial integrity and a negotiated settlement of the conflict.

    ——-

    Партия Гражданской Солидарности: “Мы поддерживаем суверенитет и территориальную целостность Украины”

    Сегодня президент России Владимир Путин принял решение о военном наступлении на Украину. В регионе уже идут широкомасштабные боевые действия. Россия обстреляла украинскую инфраструктуру и пограничников с ракетами. Суверенитет и территориальная целостность Украины нарушаются в глазах всего мира.
    Партия Гражданской солидарности выступает против раздела территорий силой, изменения границ и продолжает поддерживать территориальную целостность Украины.
    У Азербайджана очень хорошие и стратегические партнерские отношения с Россией и Украиной. Мы требуем немедленного прекращения боевых действий между двумя странами, восстановления территориальной целостности Украины и урегулирования конфликта путем переговоров.

  • Samir Əsədli: “Sülhməramlıların bir vəzifəsi də hərbi cinayətə yol verən şəxsləri məsuliyyətə cəlb etməkdir”

    Ermənistanın sabiq prezidentləri Koçaryan və Sarkisyan müvafiq maddələrlə cinayət məsuliyyətinə cəlb edilib və axtarışa veriliblər. Respublika Hərbi Prokurorluğunun Xüsusi istintaq şöbəsinin rəisi, baş ədliyyə müşaviri Emil Tağıyev deyib ki, hər iki keçmiş prezident 1988-ci ilin fevral ayından etibarən Azərbaycan və erməni xalqları arasında milli düşmənçilik salmaq, nifrət oyatmaq niyyəti ilə şəhərin təşkilat və müəssisələrində erməni milliyyətindən olan işçiləri yığıb iclaslar keçiriblər. Qeyd olunub ki, onlar Qarabağın ermənilərə “məxsus olduğunu” və orada yalnız ermənilərin yaşamalı olduğunu, azərbaycanlıları qovmağı, şəhərdən və Qarabağdan zorla köçürməyi, evlərini yandırmağı təbliğ ediblər. Xatırladaq ki, ötən həftə Qarabağdakı separatçıların başı Araik Arutyunyanın da həbs olunması, Azərbaycanda məhkəmə qarşısına çıxarılmasının mümkünlüyü açıqlanıb. Rəsmilər bununla bağlı istintaqın davam etdiyini deyiblər. 

    Vətəndaş Həmrəyliyi Partiyasının sədr müavini Samir Əsədli “Şərq”ə bildirib ki, adları çəkilən şəxslərin cinayətləri ortadadır. Partiya təmsilçisi qeyd edib ki, Ermənistanın qatil eks-prezidentləri – Robert Koçaryan, Serj Sarkisyan 1988-ci ildən bəri xarici güclərin və xüsusən Kremlin “fətvası” ilə erməni toplumunu Azərbaycanın üzərinə qaldıraraq münaqişəni və müharibəni qızışdıran əsas fiqurlar olublar: 
    “Təəssüf ki, bu gün də onlar İrəvanda və Xankəndidə öz bədnam, məkrli  işlərini görməkdədirlər. Azərbaycanın Qarabağ torpaqlarının bir hissəsində də eyni funksiyasını, çox güman ki, yenə də Moskvanın dediyi ilə oturub-duran Araik Arutyunyan davam etdirir.
    44 günlük savaş zamanı Gəncəyə raket atılmasına birbaşa göstəriş verdiyini etiraf etməsindən sonra Azərbaycan Baş Prokurorluğu tərəfindən barəsində 8 maddə ilə cinayət işi qaldırılaraq interpolla axtarışa verilmiş Arutyunyan 1 il 4 aydır ki, Azərbaycan torpaqlarında sərbəst gəzir.
     
     İstədiyi vaxt Xankəndi-Şuşa-Laçın-Gorus yolu ilə sərbəst şəkildə İrəvana, eləcə də xarici ölkələrə, həmçinin bizim üçün daha əlçatan olan Rusiyaya gedib-gəlir. 
    Eyni zamanda barələrində cinayət işi açılmış Koçaryan və Sarkisyan da rahat gəzib-dolaşırlar.
    Hesab edirəm ki, rəsmi Bakı bu istiqamətdə müvafiq strukturlarla birgə hərəkətə keçməli, məlum şəxslərin həbs edilməsi ilə bağlı zəruri addımlar atmalıdır. Araikin qanunsuz fəaliyyətini davam etdirməsinin qarşısı alınmalıdır. Sülhməramlılar və onların rəhbərləri də diqqətli olmalıdırlar.
     
    Sülhməramlıların bir vəzifəsi də hərbi cinayətə yol verən şəxsləri məsuliyyətə cəlb etməkdir. Sülhməramlılar Arutyunyanın həbs edilməsinə yardımçı olmalıdır. Əks halda Azərbaycan tərəfi cinayət işi açdığı quldurları öz gücü hesabına zərərsizləşdirməlidir”. 

  • “Qazla bağlı problem bütövlükdə respublikada mövcuddur. Yanvar, fevral ayı olmasına baxmayaraq, artıq qazla bağlı limiti keçənlər var”.

    “Qazla bağlı problem bütövlükdə respublikada mövcuddur. Yanvar, fevral ayı olmasına baxmayaraq, artıq qazla bağlı limiti keçənlər var”.

    Bunu Milli Məclisin bu gün keçirilən plenar iclasında deputat Sabir Rüstəmxanlı “Qaz təchizatı haqqında” qanuna təklif edilən dəyişikliklərin müzakirəsi zamanı deyib.

    Onun sözlərinə görə, bu qiymətləndirmə dəyişməlidir: “Bunu müzakirə etməliyik. Cərimə məsələsi Azərbaycanda artıq ciddi problemə çevrilib. Milli Məclis ölkədə ali qanunverici orqandır. Biz burada bir çox məsələ barədə danışırıq. Lakin bizim danışdığımız sanki divarlar üçündür. Bura göndərilən layihə ilə bağlı təklifi verən qurumlardan bizim danışdıqlarımıza reaksiya yoxdur. Cərimələr qaçılmazdır, amma cərimələri əhalinin maaş səviyyəsinə uyğunlaşdırmalıyıq. 300-400 manat maaş alan bir adam 400 manat cərimə verəndə necə dolana bilər? Cərimələr hər maaşa görə müəyyən edilməlidir. Hava ilə cərimə müəyyənləşdirmək olmaz. Cərimə məsələlərində çox diqqətli olmalıyıq”.

  • Sabir Rüstəmxanlı ” Tərtər işi”nin təşkilatçılarını hədəf aldı: cəzalanmalıdır!

    Sabir Rüstməmxanlı
    Sabir Rüstməmxanlı

    “Həqiqət üzə çıxarılmayınca, əsl təşkilatçılar və sifarişçilər ifşa olunub, cəzalandırılmayınca, onların adları cəmiyyətə açıqlanmayınca, “Tərtər işi” Azərbaycan Ordusuna, onun nüfuzuna qarşı məlum dairələr tərəfindən istifadə olunacaqdır.”

    Məlum olduğu kimi aylardır Azərbaycan ictimaiyyətini narahat edən “Tərtər işi” ilə bağlı ölkə rəhbərinin göstərişi ilə araşdırma başlanmış və artıq bu işdə adı keçən şəxslərin bir qismi həbs olunub. Məsələ ilə bağlı “Cumhuriyyət.az”-a açıqlama verən Vətəndaş Həmrəyliyi Partiyasının sədri, millət vəkili Sabir Rüstəmxanlı ilk növbədə ordunun dövlət və millət üçün vazkeçilməz olduğuna diqqət çəkdi: “Azərbaycan 44 günlük savaşda qazandığı parlaq qələbə ilə dünya hərb tarixinə öz imzasını atdı. Bu savaş Azərbaycan ordusunun həm mənəvi, həm də taktiki və texniki qüdrətini tam şəkildə ortaya çıxartdı.  Ən önəmli olan və qələbədə ən müasir silahlardan da üstün şərt hərbçilərimizin dünyanı heyrətləndirən cəsarəti, ölümün üzərinə qorxmadan getmələri, çox çətin şəraitdə savaşmaq bacarıqları və nəhayət  bənzərsiz vətən sevgisi idi. Biz qələbəmizin gətirdiyi iftixar hissindən danışan zaman şirin canlarından keçmiş 3 min Şəhidimizin müqəddəs ruhları qaşısında baş əyir, Qazilərimizə Uca Allahdan tezliklə sağlamlarını arzu edirik və bunu bir ömür boyu etməliyik. İstər sülh, istərsə də savaş zamanı soyuq səngərlərdə millətimizin və dövlətimizin təhlükəsizliyini qoruyan əsgər və zabitimiz hamımızın qürur yeridir və onların adını, şərəfini göz bəbəyi kimi qorumaq hər kəsin vətəndaşlıq borcudur.”

    Millət vəkili açıqlamasında Tərtər hadisələrinin təsadüfi olmadığına da əsaslar gətirdi: “Bəlli olur ki, torpaqlarımızı savaşla geri ala biləcək gücümüzün ilk təsdiqi olan Aprel döyüşlərindən sonra Azərbaycan ordusunda başlayan “Tərtər əməliyyatı” nın əsas niyyəti silahlı qüvvələrin onurğa sütununu qırmaq, onun döyüş ruhunu sarsıtmaq və torpaqları güc yolu ilə almaq iqtidarında olduğu həqiqətinə şübhə yaratmaq, ordumuzu kürəyindən vurmaq olub. Bu baxımdan Ali Baş Komandan İlham Əliyevin  2017-ci ildə baş vermiş Tərtər hadisələrinin yenidən araşdırılmasına göstəriş verməsi, Baş Prokurorluğun bu hadisələrlə bağlı istintaq işini yeniləməsi əslində ordumuzun daha da güclənməsinə hesablanmış bir addımdır.”

    S.Rüstəmxanlı yeni başlayan istintaq prosesinin əhali arasında müsbət qarşılandığını bildirərək prosesin indiki həbslərlə bitməyəcəyinə ümidvar olduğunu qeyd etdi: “Bu gün artıq bu addımın nəticələri ortaya çıxır. Təbii ki, istintaqın əsas vəzifəsi bu işi araşdırarkən hələ də ordunun içərisində maskalanmağa müvəffəq olmuş “5-ci kolon” təmsilçilərinin  üzə çıxarmaqdır. Çünki indiki həssas dönəmdə bu ölüm-qalım məsələsidir və ordumuzun qüdrətini zəiflətmək niyyəti güdən çoxsaylı məkrli qüvvələrin mövcudluğu kimsəyə sirr deyil. 2017-ci ildə baş vermiş bu xain əməliyyatın zərəri hələ də orduya dəyməkdədir. Azərbaycan əsgəri, giziri, zabiti və s. bilərəkdən üz-üzə qoyulub. İşgəncələrə bilərəkdən çoxlu sayda hərbçi cəlb olunaraq, onlardan cinayətkar “düzəldilib”. Məqsəd Azərbaycan əsgərini bir-birinə qırdırmaq, düşmən etmək, qarşıııqlı zülm və aşağılamaqdır.
    Hansımızın qarşısına gətirib birilərini qoysalar və desələr ki, bu, vətən xainidir, satqındır, səninlə çiyin-çiyinə vuruşmuş əsgərləri qırğına verib, ermənilərə satıb və s. – buna necə reaksiya verərik, həmin şəxsə nə edərik? İndi bir tərəfdəkilər qətlə yetirilib, sındırılıb, şikəst edilib, həbsə atılıb, qarşı tərəfdəkilər isə cinayətkara çevrilib.. Mənim gördüyüm budur ki, hər iki tərəfdə hədət ordunun peşəkar, döyüşlərdə şücaət göstərmiş kadrları olub. Hər iki tərəf bədbəxt edilir və sıradan çıxarılır. Bütün bu oyunu quranlar, işgəncə, qətl əmrini verənlər ictimaiyyət üçün aşkarlanmalıdır və hər kəs bu xain layihənin, planın  başında duran yüksək çinli şəxslərin cəzalanmasını gözləyir. Həqiqət üzə çıxarılmayınca, əsl təşkilatçılar və sifarişçilər ifşa olunub, cəzalandırılmayınca, onların adları cəmiyyətə açıqlanmayınca, “Tərtər işi” Azərbaycan Ordusuna, onun nüfuzuna qarşı məlum dairələr tərəfindən istifadə olunacaqdır. İnanıram ki, 44 günlük savsşda qazandığımız qələbə  “Tərtər işi” nin açılmasında əsas açar rolunu oynayacaqdır.”

  • Samir Əsədli: “Nə sülhü qoruyurlar, nə silahlıları tərksilah edirlər, işləri erməniləri himayə etməkdir”

    On minlərlə ermənini Xankəndinə qaytarıblar

    “İstənilən vaxt rus sülhməramlılarının ərazidən çıxarılması tələbi ilə çıxış edə bilərik”
     
     
       Rusiya sülhməramlılarının Qarabağdakı fəaliyyəti, daha dəqiq desək, mandatlarından kənar davranışları Azərbaycan ictimaiyyətində qıcıq və narahatlıq doğurur. Dünyanın heç bir bölgəsində sülhməramlılar münaqişələrin həllinə yardım etməyib. Çünki bu missiyanın daşıyıcıları həm də öz ölkələrinin maraqlarını təmsil edirlər. Sülhməramlılar daha çox tərəflərdən birinin maraqlarını dəstəkləyir.
    Elə bu tərəfkeşlik yeni münaqişənin yaranmasına zəmin hazırlayır. Bundan başqa, bir ölkə ərazisində başqa sülhməramlı missiyanın mövcudluğu həm də həmin dövlətin hərbi mövcudluğu deməkdir. Tarix onların olduqları dövlətə ziyan vurduqlarını artıq dəfələrlə təsdiqləyib. Bosniya və Hersoqovina, Mali, Mərkəzi Afrika Respublikası, Çad, Kosovo, Əfqanıstan, Kəşmir və digər yerlərdə baş verənlər buna sübutdur. 2020-ci il noyabrın 10-da imzalanan bəyanata əsasən, Rusiya sülhməramlıları Azərbaycanda yerləşdirilib. Onların fəaliyyəti sənədin 3-cü və 4-cü maddələri üzrə müəyyənləşdirilib. Qeyd olunub ki, Rusiya sülhməramlılarının yerləşdirilməsi ilə paralel Ermənistan silahlıları Azərbaycan ərazisini tərk etməlidir. Lakin bir ildən çox vaxt keçsə də, erməni silahlıları ərazilərimizdən çıxarılmayıb.
    Bundan başqa, Laçın dəhlizi üzrə hər iki istiqamətdə hərəkətin təhlükəsizliyinə Azərbaycan tərəfin nəzarətinə şərait yaradılmayıb. 2020-ci il noyabrın 13-də Ermənistan vətəndaşı Norayr Mirzoyan və başqaları “RQD-5” markalı əl qumbarasını Şuşa şəhərinin Daşaltı kəndi yaxınlığında xidmət edən Azərbaycan Silahlı Qüvvələrinin postuna atıb. Rusiya sülhməramlıları onu saxlasa da, bir müddət sonra sərbəst buraxıblar. Bu terrorçu isə ölkəsində qəhrəman kimi qarşılanıb. Sülhməramlıların tərəfkeşliyi səbəbindən Mirzoyan barəsində indiyədək cinayət işi başlamayıb. Fransa prezidentliyinə namizəd Valeri Pekres sülhməramlıların nəzarəti altında olan Laçın dəhlizindən keçərək qanunsuz olaraq Azərbaycan ərazisinə gəliblər. Rusiyalı hərbçilər nə terrorçunu, nə də Pekresi yolxayıblar. Bu, Rusiya hərbçilərinin missiyasına uyğun fəaliyyət göstərmədiyini deməyə əsas verir. Deməli, sülhməramlıların məsuliyyətsizliyi və ya görməzliyi səbəbindən dəhliz vasitəsilə ermənilər istənilən qadağan olunan hərbi texnika və başqa maddələri, hətta narkotik maddələri belə daşıya bilər. Dövlət başçısı sülhməramlıların fəaliyyətindən narazılığını gizlətməyərək dəfələrlə bu tip halların qarşısını almağa çağırıb. Ölkə rəhbəri Qarabağa Ermənistan tərəfdən giriş-çıxışa sülhməramlıların icazə verdiyini də vurğulayıb. Hadisələr sübut edir ki, sülhməramlılar münaqişə zonalarında üçüncü tərəfdir. Rusiya sülhməramlılarının Azərbaycandakı fəaliyyəti, ermənilərə tərəfkeşliyi ilə öz maraqları və şərtlərini təmin etdiyini göstərir. Belə vəziyyət isə regionda gərginliyin artmasına şərait yaradır. Xatırladaq ki, sülhməramlıların xidmətinin başa çatması üçün təxminən 4 ilə yaxın vaxt qalıb. Rusiya sülhməramlıları ilə bağlı ölkə ictimaiyyətində iki əsas fikir var. Bir qisim hesab edir ki, 4 ildən sonra rus hərbçilərinin ölkədən getməsi təmin olunmalıdır. Digər kəsim isə düşünür ki, təyin olunmuş müddət başa çatmamış “sülhməramlılardan” xilas olmaq lazımdır. Əks halda Azərbaycana daha çox problem yaradacaqlar.
    Vətəndaş Həmrəyliyi Partiyasının sədr müavini Samir Əsədli “Şərq”ə deyib ki, 10 noyabr 2020-ci il bəyanatından dərhal sonra, həmin gecə Qarabağa yeridilən rus sülhməramlıları bundan cəmi 3 gün sonra ermənilərin Qarabağa daşınması və yerləşdirilməsi prosesinə başlayıb. Partiya rəsmisi xatırladıb ki, rus sülhməramlılarının canfəşanlığı nəticəsində on minlərlə erməninin Xankəndinə qayıtması təmin edilib:
     “Rus sülhməramlıları əraziləri minalardan təmizləyir, evləri təmir edir, ermənilər üçün modul tipli evlər, xəstəxanalar tikir, məktəblər açır, pulsuz müayinə və müalicə şəraiti yaradır, qanunsuz qurumlara texnika bağışlayır və s. Ən əsası isə Qarabağa yerləşən ermənilərin bütün ərzaq təminatı rus sülhməramlılarının üzərindədir. Sanki Ermənistan və Rusiya ermənilərin Qarabağda təkrar məskunlaşdırılması üçün bütün vasitələrdən istifadə edir və daha çox ermənini Qarabağa yerləşdirməyə çalışırlar. Bunun üçün ən böyük canfəşanlığı rus sülhməramlıları edir. Rus sülhməramlıları 10 noyabr bəyanatında əks olunmasına baxmayaraq, erməni silahlılarının Qarabağdan çıxmasını təmin etməyib. Əksinə, rus sülhməramlıları faktiki olaraq erməni silahlılar və keçmiş separatçı-qondarma qurum “rəsmiləri” üçün qalxan rolunu oynayır. Həmçinin, Azərbaycanın bir neçə dəfə kəskin etiraz bildirməsinə rəğmən, Azərbaycanın rus sülhməramlılarının məsuliyyət zonasında olan ərazilərinə Ermənistan rəsmiləri, hətta xarici ölkə nümayəndələrinin gəlişi müşahidə edilir. Onlara Laçın dəhlizindən keçməklə Azərbaycan ərazisinə daxil olmasına isə rus sülhməramlıları şərait yaradırlar. Halbuki, Laçın dəhlizi Qarabağda yaşayan ermənilərin Ermənistan ilə təhlükəsiz əlaqəsinin təmini üçün müvəqqəti olaraq yaradılan və rus sülhməramlılarının nəzarətində olan koridordur”.
     
    S.Əsədli vurğulayıb ki, bütün bunlar rus sülhməramlılarının missiyasını yerinə yetirmədiyi, daha doğrusu, başqa missiya ilə bölgəyə yerləşdirildiyi şübhəsinə ciddi şəkildə rəvac verir: 
    “Kəlbəcər-Vardenes yolunun açılması müzakirə mövzusu ola bilməz. Çünki bu, 10 noyabr bəyanatında əksini tapmayıb. Ona görə də sual yaranır. Rus sülhməramlıları Qarabağa sülhü qorumaq, yoxsa erməniləri himayə edib, onların dirçəlməsinə və növbəti dəfə baş qaldırmasına şərait yaratmaq üçün gəlib? Ərazilərimizdə sülhməramlıların fəaliyyətini müəyyən müddətə qədər biz də istəyirik. Ancaq faktiki olaraq, işğaldan azad edilmiş ərazilərdə möhkəmləndikdən, öz sərhədlərimizi tam müəyyənləşdirdikdən sonra istənilən vaxt rus sülhməramlılarının ərazidən çıxarılması tələbi ilə çıxış edə bilərik”.