Vətəndaş Həmrəyliyi Partiyası

Category: Açıqlama

  • Fəzail İbrahimli: “Azərbaycan ordusunun əks-hücum əməliyyatları beynəlxalq hüquq normlarına uyğun həyata keçirlir”

    “Sentyabrın 27-də Ermənistan ordusunun Azərbaycana qarşı törətdiyi təxribat ölkəmizə qarşı yürütdüyü işğalçılıq siyasətini davamıdır. Ermənistanın Azərbaycan qarşı işğalçılıq siyasətinin uzunmüdətli bir tarixi var. İlin 12 aylıq təqviminə nəzər salsaq görərik ki, ilin 11 ayında faciəvi tarixi günlərimiz var. Bütün bu faciəli tariximizin səbəkarı və arxasında dayanan faşist siyasətini yürüdən Ermənistandır”.

    Bi fikirləri “Ölkə.Az”a açıqlamasında Milli Məclisin Sədr müavini Fəzail İbrahimli deyib.

    Milli Məclisin Sədr müavini bildirib ki, ermənilər Azərbaycana qarşı  soyqırım, təcavüzkar siyasətini havadarlarına arxalanaraq həyata keçirir. “Havadarlarına arxalanmasının nəticəsidir ki, bu gün Ermənistan  özünü ərköyün uşaq kimi aparır. Ermənistan  beynəlxalq aləmin və təşkilatların onun yürütdüyü işğalçılıq siyasəti ilə bağlı səsləndirdiyi fikir və qəbul etydiyi qərarlara əhəmiyyət verimir.  İşğalçılıq siyasətini davam etdirir. Hətta dünyanın ən mötbər təşkilatı olan BMT özü belə Ermənistanın işğal etdiyi  Azərbaycan torpaqlarından çıxması ilə bağlı qərarlaırna laqeyd yanaşır. Azərbaycan isə 30 ilə yaxındır  Ermənistanın işğalçılıq siyasətinə, həmçinin beynəlxalq aləmin bu işğalçılıq siyasətinə biganə, laqeyd münasibət bəsləməsinə səbrlə dözür. Azərbaycan bu ötən müddətdə beynəlxalq hüquqa hörmətini ifadə edərək problemin  beynəlxalq hüququn norma və prinsipləri çərçivəsində həllinə ümid edib. Ermənistanın Azərbaycana qarşı işğalçılıq siyasətinə son verilməsi üçün  yaradılan  ATƏT-in Minsk qrupu 25 ildən artıq müddətdə  heç bir müsbət nəticəyə nail olmayıb. Münaqişənin danışıqlar yolu ilə  həllində müsbət nəticənin olmamasının birinci səbəbkarı işğalçı Ermənistandırsa, ikinci səbəbkarı Minsk qrupu həmsədr ölkələridir. Çünki həmsədr ölkələr Ermənistanın təcavüzkar siyasətinə dur deməsi üçün hər hansı ciddi addım atmayıb. Nəticədə işğalçı Ermənistan öz təcavüzkar siyasətini daha da möhkəmləndirməyə və yeni ərazilər işğal etməyə  cəhd edib. Azərbaycanın da səbri sonsuz deyildi. Cənab  Prezident də dəfələrlə  bəyan edib ki, Ermənistan öz işğalçılıq siyasətinə son verməzsə bunun layiqli cavabını alacaq və  Azərbaycan xalıqnın səbri sonsuz deyil, bunun bir həddi var. Ona görə də beynəlxalq aləm beynəlxalq hüququn norma və prinsiplərinə uyğun olaraq  danışıqlar  yolu ilə münaqişənin həllinə nail olsun. Çox təəssüflər olsun ki, həm beynəlxalq aləm, həm də münaqişənin  həllində birbaşa vasitəçilik missiyasını həyata keçirən ATƏT MQ həmsədr ölkələri məsələyə laqeyd, seyrçi mövqe sərgilədi.

    Azərbaycan Prezidenti BMT 75-ci sessiyasındakı çıxışlarında  həm BMT-ni, həm də beynəlxalq aləmi   Ermənistanın Azərbaycana qarşı təcavüzkar siyasətini gündəmə gətirərək, dünya birliyini bu təcavüzkar siyasətə son verilməsi istiqamətində ciddi addımların atılmasına səslədi. Cənab Prezident açıq tekstlə bəyan etdi ki, Ermənistan Azərbaycanla sərhəddə canlı qüvvə və texnika yığmaqla müharibəyə hazırlaşır. Lakin beynəlxalq aləm yenə də susqun mövqe sərgilədi. Digər tərəfdən Prezident  BMT tribunasından Ermənistana  səsləndi ki,  yerinizi və həddinizi bilin.  Avanturist addımlardan çəkinin. Çox təəssüf ki, bütün bunların heç birinin nəticəsi olmadı”- Fəzail İbrahimli qeyd edib.

    Millət vəkili əlavə edib ki, Azərbaycan ordusu Ermənistanın istənilən təxribatının qarşısını almaq gücünə qadirdir və bunu dəfələrlə sübut edib: “ Azərbaycan ordusu istər 2016-cı il Aprel döyüşlərində, istərsə də   2018-ci ilin mayında Naxçıvanda Güngüt əməliyyatında, istərsə də iyulun 12-də Tovuz istiqamətində təxribatları zamanı bunu sübut edib. Erməni ordusunun dərsini verib. Görünür erməni ordusu bu dərslərdən nəticə çıxarmayıb.  Odur ki, Azərbaycan ordusu  ermənilərin sentyarbın 27-də törətdiyi təxribata da layiqli cavab verib, onların bütün atəş nöqtlərini qısa zamanda susdura bildi. Azərbaycan ordusu işini bununla bitirmədi. Azərbaycan ordusu  mənfur düşmənin bu təxribatlarına layiqli dərs vermək üçün  əks-hücum əməliyyatına başladı və bu əməliyyat uğurla davam etməkdədir. Düşmənin burnu ovulmaqdadır. Ordumuz istər erməni ordusunun Azərbaycanın mülki insanlarına qarşı vandal hərkətlərinin, istərsə də döyüşlərdə şəhid olan hərbçilərimizin qanının yerdə qoymadı. Uğurlu əməliyyatlar davam etməkdədir. Baş verən hadisəyə görə məsuliyyət isə Ermənistanın üzərinə düşür. Çünki ilk təxribatı başlayan odur. Azərbaycan ordusu da cavabını verir”.

    Azərbaycan ordusunun həyata keçirdiyi əks-hücum əməliyyatı  haqqında  danışan vitse-spiker  bildirib ki, bu əməliyyat Azərbaycan ordusunun necə peşəkar ordu və müasir silahlarla təchiz olunduğu göstərdi: “Dünya birliyi bir daha Azərbaycan ordusunun qüdrətinin şahidi oldu. İkincisi, Azərbaycan ordusu haqq və ədalət uğrunda savaşır və başqa ölkənin torpaqlarını işğal etmir.  Həyata keçirilən əməliyyatların hədəfi işğalçılıq yox, işğal altında olan torpaqlarını işğaldan azad etməkdir. Bir daha qeyd edirəm ki, cənab Prezident baş verəcək  təxribat və bunun acı nəticələri barədə həm Ermənistanı, həm də dünya birliyini xəbərdar etmişdi. Ona görə də törədilən  təxribata və buna   cavab verilməsinə görə, məsuliyyət birbaşa təcavüzkar Ermənistanın üzərinə düşür. Azərbaycan ordusunun həyata keçirdiyi əməliyyatlar  beynəlxalq hüquq norma və prinsiplərinin, o cümlədən  konvensiyaların tələbinə  uyğun həyata keçirlir”.

    Vitse-spiker onu da əlavə edib ki, Azərbaycan ordusunun əks-hücum əmliyyatında xalqla hakimiyyət, ordu  bir və həmrəydir, buruda ikinci söhbət ola bilməz: “Xalq hakimiyyət həmrəyliyi və birliyınin nəticəsidir ki, ordu  da öz üzərinə düşən vəzifəni uğurla yerinə yetirməkdədir. Ordumuzun bu əməliyyatı xalıqmızın 30 ildə səbrsizlikə gözlədiyi an idi və bu da baş verməkdədir. Hamılıqla Vətənın işğal altında olan torpaqlarının işğaldan azad olunması  uğrunda  başlanan   əməliyyatların  uğurla başa çatacağına ümid edirik”.

    Mürtəza
    Ölkə.Az

  • “İşğalda olan torpaqlarımız kənd-kənd azad olunacaq”- Sabir Rüstəmxanlı

    “Ermənistanın son hərbi təxribatları məqsədlidir. 1993-cü ildə Dağlıq Qarabağ və ətraf rayonlar işğal edildikdən sonra ermənilərdə bir cəzasızlıq sindromu, bir arxayınlıq yaranmışdı. Onlar beynəlxalq qurumların qərar və qənnamələrinə əməl etmirdirlər, işğalın daimi olacağını düşünürdülər. Dişlərində necə deyərlər “şirə qalıb”. Hesab edirlər ki, yeni torpaqlar işğal edəcəklər”.

    Bu sözləri Cebhe.info-ya açıqlamasında Milli Məclisin üzvü, Vətəndaş Həmrəyliyi Partiyasının sədri Sabir Rüstəmxanlı deyib.

    Onun sözlərinə görə, ermənilər istəyir ki, Qarabağın işğalını unudaq. Bundan başqa düşmən Azərbaycanın qərb bölgəsində yerləşən beynəlxalq kommunikasiya layihələrinə zərbə vurmaq istəyir:

    “Azərbaycanın qərb bölgəsində yerləşən beynəlxalq kəmərlərdə onların gözü var. Ermənistanın arxasında duran qüvvələrin də hədəfi həmin layihədir. Ermənistanın hərbi-siyasi rəhbərliyinin biri məqsədi də diqqəti hazırda ölkədə yaranmış vəziyyətdən yayındırmaqdır. Ermənistan iqtisadi böhran hökm sürür. Ölkə iqtisadi fəlakətə doğru gedir. Bu isə Baş nazir Nikol Paşinyanın hakimiyyətinə təhlükə yaradır. Azərbaycana qarşı hərbi təxribatlara əl atmaqla siyasi böhrandan yan keçmək istəyirlər”.

    VHP sədrinin fikrincə, Ermənistanın hərbi siyasi rəhbərliyi istəyinə nail ola bilməyib:

    “Onlar hesab edirdi ki, yenə hansı ərazini işğal edəcəklər, kimsə də onlara gözün üstdə qaşın var deməyəcək. Cəzasız qalacaqlar, yeni topraqlar əldə edəcəklər. Lakin Azərbaycan ordusunun peşəkar və qətiyyətli davranışı onlarn niyyətini puç etdi. Ermənilər bilsin ki, işğalda olan torpaqlarımız kənd-kənd azad olunacaq”.

    Millət vəkili erməni silahlı qüvvələrinin Azərbaycanın cəbhəyanı dinc əhalisinə qarşı aqressiv davranışını da pisləyib:

    “Erməni xisləti deyilən bir şey var. Onlar heç bir müharibə qanunlarına əməl etmirlər. Bu, 90-larda da belə olub, indi də belədi. Azərbaycan Prezidenti də son vaxtlar çıxışlarında qeyd edir ki, bu, erməni faşizmidir. Alman faşizmi vardı, məhv oldu getdi, indi Almaniya demokratik dövlətdir.

    Erməni faşizmi isə davam edir. Dövlət başçısı bunu müxtəlif beynəlxalq təşkilatlarda da vurğulayıb. Milli, dini mənsubiyyətə görə soyqırım törətmək erməninin dəyişməz xislətidir. O zaman çar Rusiyasına söykənib Qafqazda soyqırım həyata keçirirdilər.

    İndi də bu siyasət davam edir. Erməni üçün müqəddəs heç nə yoxdu. Onlar üçün ana-ana, ağsaqqal, ağbirçək, qadın, uşaq yoxdur. Hətta ziyalılar belə deyirdi ki, Xocalını ona görə qırdıq ki, Azərbaycanın gözünü qıraq. Müharibənin öz şərtləri var, ancaq Xocalıda görmüşük ki, ermənilər üçün bu şərtlər mövcud deyil. Hədəflərinəçatmaq üçün bütün iyrənc vasitələrə əl atırlar”.

    Aydın
    Cebhe.info

  • Vətəndaş Həmrəyliyi Partiyası: “ Dövlətimizin və ordumuzun yanındayıq”

    Vətəndaş Həmrəyliyi Partiyası olaraq dövlətimizin, ordumuzun və əsgərlərin yanındayıq. Vətəndaş Həmrəyliyi Partiyası Torpaqlarımızın işğaldan azad olunması üçün tam səfərbərliyə hazır olduğumuzu  bildirir, ordumuza güvənirik.
    Xalqımızı, vətəndaşları səbrli, təmkinli olmağa, heç bir təxribatlara inanmamağa çağırırıq. Bu gün Azərbaycan xalqının birlik və həmrəyliyinə həmişəkindən daha çox ehtiyac var.
    Ordumuz işğaldakı torpaqları azad etmək qüdrətinə malikdir. VHP olaraq bir daha xalqımızı birliyə çağırır, ordumuza və dövlətimizə dəstək olduğumuzu bildiririk.

  • Bakıdakı restoranların adına ETİRAZ: “Mamajon” və “Foqalyan” – Ermənilərlə əlaqəsi var ?

    Paytaxtda fəaliyyət göstərən müxtəlif ictimai iaşə obyektləri, o cümlədən kafe və restoran adları ilə bağlı neqativ, xoşagəlməz tendensiya çoxlarına məlumdur. Heç kimə sirr deyil ki, bəzi sahibkarlar milli, tarixi yaşadan adlardan çox, əcnəbi isimlərə üstünlük verirlər. Həmin adların mənasını anlamaq üçünsə gərək şəhərdə əlimizdə lüğətlə gəzək…

    Amma bu dəfəki mənzərə lap ağ oldu. Şəhərin iki mərkəzi yerindəki restoran adlarını sakinlər, sosial şəbəkə istifadəçiləri ikrahla qarşılayıblar. Belə ki, “Mamajon” və “Foqalyan” adlı restoranlar insanın ağlına fərqli fikirlər gətirir.

    Məsələ barədə “Sherg.az”a münasibət bildirən millət vəkili, Xalq şairi Sabir Rüstəmxanlı belə hallara qarşı ciddi mübarizənin tərəfdarıdır:

    “Hər iki obyektin sahibi, onların nə məqsədlə fəaliyyət göstərməsi araşdırılmalıdır. “Mamajon” Orta Asiya adına oxşayır. “Foqalyan” isə, ümumiyyətlə, yolverilməzdir.

    Bu restoranı işlədənlərin, çox güman, ermənilərlə əlaqəsi var.

    Təəssüf ki, bəzi məmurların qohum-əqrəbası vasitəsilə düşmənlərə yol açıqdır.

    Bir daha deyirəm, belə hallar yolverilməzdir və ciddi araşdırma aparılmalıdır”.

  • Sabir Rüstəmxanlı: “”Mən siyasətdən uzağam” deyib yaxanı kənara çəkmək olmaz”

    Azərbaycanın siyasi diskussiyalarının episentri və onun danışan seqmenti 1995-2000-ci illərdə, müəyyən qədər də 2000-2005-ci illərdə Milli Məclis idi.

    Parlamentdə gərgin və qızğın müzakirələr, dartışmalar, fikir ayrı-seçkiliyi, replikalar olurdu. Cəmiyyətin gözü və qulağı həmişə deputatların çıxışlarında, mübahisələrində idi.

    Təbii ki, Milli Məclisdə müxalifəti təmsil edən deputatların say etibarı ilə bu günlə müqayisədə daha çox olması bu şəraiti şərtləndirirdi.

    Xatırlamaq yerinə düşər ki, o dövrdə AzTV parlamentin iclaslarından reportajlar təqdim edirdi, millət vəkillərinin sərt, maraqlı, ekspromt açıqlamaları həvəslə izlənilirdi. Yəni MM fikir davası, söz savaşı yeri, siyasət poliqonu idi.

    Təbii ki, bu polemikalar müxtəlif aspektdən olurdu – Qarabağ məsələsi, iqtidar – müxalifət münasibətləri, əhalinin sosial problemləri, siyasətçilərin qarşılıqlı ittihamları və s.

    Bu gün isə parlamentdə nadir hallarda səs-küylü çıxışlara rast gəlinir. Hətta bəzi deputatlar özlərini siyasətdən uzaq hesab edirlər, parlamenti siyasət meydanı saymırlar.

    Bir çox hallarda həmin deputatlar yaxasını kənara çəkirlər, nə parlamentin iclaslarında aktiv iştirak edirlər, qanun layihələrinə münasibət bildirirlər, nə mətbuatda gündəmdə olan hadisələrlə bağlı danışırlar.

    Bəzən onlara “lal” deputat belə deyilir. Halbuki parlament qanunverici orqan olmaqla yanaşı siyasi meydandır. Çünki ora həm də xalqın səsini çatdırmalı olanların tribunasıdır.

    Təkcə Azərbaycan deyil, Avropa Parlamenti, Türkiyə Böyük Millət Məclisi, Ukrayna Radası və digər ölkələrin parlamentləri gərgin müzakirələr yığıncağıdır.

    Hətta deputatların əlbəyaxa davaları, bir-birinə ağır ifadələri belə bu tribunadan səsləndirilir.

    1995-ci ildə parlament üzvü olmuş Vətəndaş Həmrəyliyi Partiyasının sədri, deputat Sabir Rüstəmxanlı “Yeni Müsavat”a bildirdi ki, o dövrlə bu dönəmi müqayisə etmək çətindir.

    Deputatın sözlərinə görə, 1995-2000-ci ilin parlamentində 25 nəfər demokratik düşərgədən idi, 25 nəfər hakimiyyətin adamı idi: “Bu mənada o parlamentdə dartışmaların olması təbii idi. İndi fərq böyükdür. Demokratik düşərgənin təmsil etdiyi adamlar azdır.

    Sabir Rüstəmxanlı: “”Mən siyasətdən uzağam” deyib yaxanı kənara çəkmək olmaz”

    Hakimiyyətdən gələn qanun layihələri, qərarlar mübahisə oldu – olmadı qəbul edilir. Eyni zamanda demək lazımdır ki, o dövrdə hər şey təzədən qurulurdu. İndi dövlət qurulub, ölkənin müharibə, iqtisadiyyatla bağlı problemləri var. Bu məsələlərdə isə ciddi fikir ayrılığı yoxdur. Müxalifət də bəyan edib ki, Qarabağ məsələsində hakimiyyətlə fikir ayrı-seçkiliyimiz yoxdur”.

    S.Rüstəmxanlı qeyd etdi ki, iqtisadiyyatla bağlı fikir fərqləri var və bu da həm parlamentdə, həm mətbuatda müzakirə olunur.

    VHP sədri parlamenti siyasət meydanı hesab etməyən bəzi deputatların fikirlərinin yanlış olduğunu söylədi:

    “Ola bilsin ki, onların Milli Məclisə qədər siyasətə aidiyyəti olmayıb. Amma parlament başdan-ayağa siyasətdir. Parlamentə daxil olan adam siyasətlə məşğul olur.

    Hətta Milli Məclisin Mədəniyyət və yaxud İqtisadiyyat komitələrinin üzvləri də mədəniyyətin, iqtisadiyyatın siyasəti ilə məşğul olmağa, səs verməyə borcludurlar. “Mən siyasətdən uzağam” deyib yaxanı kənara çəkmək olmaz”.

    Yeni Müsavat qəzeti

  • Taksi sürücüsünün şəhid ailələrinə jesti alqışlandı: – “…Hər yerdə olmalıdır”

    Taksilərdən birində çəkilən foto sosial şəbəkələrdə geniş yayılıb və rəğbətlə qarşılanıb. Belə ki, salonun diqqətçəkən hissəsinə yerləşdirilən kağızda yazılıb: “Şəhid övladlarına gediş haqqı pulsuzdur…”.

    Bu, Azərbaycanda ilk belə hal deyil. Əvvəllər də dəfələrlə müxtəlif xidmət yerlərində, o cümlədən kafe və restoranlarda şəhid övladlarına güzəştlərin tətbiq edildiyi ilə bağlı elanları görmüşük. Bu isə o deməkdir ki, xalqımız öz şəhidlərinə sahib çıxır, onları unutmur.

    Millət vəkili, Vətəndaş Həmrəyliyi Partiyasının sədri, xalq şairi Sabir Rüstəmxanlı bu xoş təşəbbüslə bağlı “Sherg.az”a fikirlərini bildirib:

    “Əlbəttə, belə güzəştlər hər yerdə olmalıdır. Şəhid ailələri, övladları öz üzərlərində cəmiyyətin diqqət və qayğısını hiss etməlidirlər. Onlar ailə başçılarının nahaq yerə şəhid olmadıqlarını bilməlidirlər.

    Amma bir məsələ var: bu prosesin praktik cəhətdən tətbiqi çox çətindir. Xidmət göstərənlər kimin həmin kateqoriyaya aid olub-olmadığını hardan biləcəklər?
    Etiraf etmək lazımdır ki, belə güzəştlərdən sui-istifadə etmək istəyənlər də az deyil”.

  • Sabir Rüstəmxanlı: “Tariximizə laqeyidlik Vətənə xəyanətə bərabərdir”

    Milli mədəniyyətimizin, milli irsimizin qorunması sahəsində rəsmi qrumların və vətəndaşlarımızın biganəliyi, mövcud problemlər dəfələrlə tənqid olunub. Ziyalılar, ictimai xadımlər bu istiqamətdə çatışmazlıqlardan dəfələrlə söz açıblar, həyəcan siqnalı çalıblar.

    Vətəndaş Həmrəyliyi Partiyasının (VHP) sədri, Milli Məclisin Mədəniyyət komitəsinin üzvü, Millət vəkili Sabir Rüstəmxanlı mövzu ilə bağlı deyib ki, mədəniyyətin təbliği və mədəni abidələrinin qorunmasının indiki səviyyəsindən razı deyil: “Mədəniyyət sahəsinin acınacaqlı duruma düşdüyünü etiraf etmək lazımdır. Dediyimin quru söz olmadığını sübut etmək üçün Azərbaycan Mədəniyyət Nazirliyinin fəaliyyət çərçivəsinə daxil olan bəzi mühüm sahələrə diqqət yetirək. Bunlardan birincisi və mənim düşüncəmə görə ən əsası tarixi abidələrin qorunmasıdır. Azərbaycanın coğrafi yerləşməsi və bu torpaqlar üzərindəki qanlı çarpışmalar bir çox dəyərli mədəniyyət abidəmizin bu günə qədər gəlib çatmasına imkan verməmişdir. Üstəlik zəlzələlər, qədim Şamaxının, Gəncənin, Təbrizin tarixi görkəmini dəfələrlə məhv etmişdir. Amma nə qalırsa ona da şükr etməli və bu qalanları göz bəbəyi kimi qorumalıyıq. Ermənilərin əlində olan İravan, Zəngəzur, Göyçə mahallarında və Qarabağda olan abidələrin dağılmasını haqlı olaraq dünyaya car çəkirik. Bu narahatçılığımızın və düşmənin vəhşiliyini göstərən aydın mövqeyimizin müqabilində gərək öz əlimizdə olan tarixi abidələrimizə münasibət köklü şəkildə dəyişilsin, milli mənəvi və tarixi dəyəri olan hər daşa, kərpicə iriliyindən kiçikliyindən asılı olmayaraq hər tarix yadıgarına qat-qat artıq diqqətlə yanaşılsın. Təəssüf ki belə deyil. Rayonlarımızı gəzib tarixi abidələrimizin nə gündə olduğunu görəndə, Mədəniyyət Nazirliyimizin bu sahədəki işi ancaq qəzəb doğurur. O da bəllidir ki, dövlət bu sahəyə hər il müəyyən miqdarda vəsait ayırır və təəssüf ki, bu vəsait abidələrə çatmamış buxarlanıb, gedir. Mədəniyyətimizin bəzi sahələrinə və bəzi tarixi abidələrə Heydər Əliyev fondunun qayğısı istisna təşkil edir. Təəssüf ki, abidələrin bərpa işi də bir sıra hallarda qeyri peşəkarlara və hətta bu abidələrin dağılmasına maraqlı olan adamlara tapşırılıb. Qusardakı Şeyx Cuneyd məqbərəsinin və Nəvaidəki Pirsaat kompleksini bərpasının vaxtilə erməlilərə tapşırıldığı kimi.

    Üstəlik Bakının İçəri şəhəri, Şəkinin tarixi abidələri, Yanar dağ, Atəşgah və sairə məşhur və nisbətən bərpa olunmuş yerlər də bizə məlum olmayan mülahizələrlə turizm agentliyinə verilmişdir. Turizmin təbliğatının əhəmiyyətini başa düşürük, lakin bərpa və qorumaq sahəsində nə iş görə bilərlər, bizə bəlli deyil. Qorxuruq ki, Mədəniyyət Nazirliyindən daha laqeyid yanaşsınlar. Tarixi abidələr də dədə və babalarımızın bizə əmanət qoyduğu yadigarlardır. Ona və onun təmirinə ayrılan pulu necə yemək olar? Bu ürək ağrıdan bir haldır. Aparılan bərpa işləri də çox bərbad vəziyyətdədir. son vaxtlar payaxtda tarixi abidələrin bərpa işləri gedir. Bu “bərpa”dan sonra abidədən heç nə qalmır. Onu memarlıq incisi edən elementlər yoxa çıxır. Elə Bakının özündə yerləşən tarixi binalarda bərpa-yenidəqurma işləri aparıldıqdan sonra o binlarda tarixdən əsər-əlamət belə qalmadı. “Bərpa” adıyla abidələrin xarici görünüşü təhrif olunur. Tarixə biganəlik var. Bu açıq-aşkar görünür”. S.Rüstəmxanlı tarixi abidələrlə bağlı daha bir problemin arxeloji qazıntılar sahəsində olduğunu bildirib: “Azərbaycan torpağının altı da üstü də tarixdir. Torpağın altında min illər öncəki tariximizi aydınladan yüzlərlə abidələr var. Bu abidələr üzə çıxarılmalı, araşdırılmalı və keçmişizə işıq salan abidə kimi gələcək nəsillərə çatdırılmalıdır. Bu işdə Mədəniyyət Nazirliyi, Tarix İnistitutu xüsusilə məsuliyyət daşıyır.”

    Millət vəkili həmçinin bildirib ki, mədəniyyətimizin başqa bir son dərəcə mühüm və milli taleyimiz üçün əhəmiyyətli sahəsi rayonlarımızdakı, kəndlərimizdə mədəniyyət evləri, klublar və kitabxanalardır: “Təəssüf ki, adları çəkilən mədəniyyət ocaqları son illərdə sanki düşünülmüş şəkildə yarıbayarı azaldılıb. Yerdə qalanları da illər uzunu təmir edilmir. Nazirliyin əməkdaşları bu mədəniyyət ocaqlarına “Qətliam” ehtirasını güya kitabxanalara gedənlərin azlığı və yeni kitabların kitabxanalara gedib çatmaması, binaların köhnəliyi ilə izah edirlər. Üzürü günahından betər. Nazirlik ildə cəmi 50-60 kitab buraxır və onun da tirajı da 500-1000 nüsxədən artıq olmursa, burada kitabxanaların nə günahı?! Niyə ənənəvi bir korrektor sistemi bərpa edilməsin. Mədəniyyət nazirliyinin əsas işlərindən biri hər il nəşriyyatlarda buraxılması nəzərdə tutulan kitablara sıfariş verib, hər kitablara heç olmasa bir nüsxə mövcud kitabxanaların hər birinə göndərməkdir. Vaxtilə dövlət bu işə müəyyən miqdarda vəsait ayırırdı. İndi o vəsait tamamilə dayandırılıb, niyə? Əslində bu Azərbaycan büdcəsinə heç bir ağırlıq etməyəcək, xırda bir vəsaitdir, amma Azərbaycan kitabının nəşriyyatlarının kitabları və nəhayət müəlliflərin, oxucuların taleyində az qala inqilabi bir dəyişiklik olar. Həm kitablar gedib ən ucqar kəndlərimizə çatar, həm kitabların tirajı artar, həm nəşriyyatların sabiq durumu yaxşılaşar və bu yolla müəlliflər də müəyyən miqdarda qanarar ala bilər. Yəni bu boyda əhəmiyyətli bir işi necə qulaq ardına vurmaq olar?! Mədəniyyət Nazirliyinin vəzifəsi müxtəlif bəhanələrlə mədəniyyət evlərinin qapısından qıfıl asmaq yox, adamların bu ocaqlara cəlb edilməsidir. Ümumi mədəniyyət səviyyəsinin yüksəldilməsinə çalışmaqdır”.

    S.Rüstəmxanlı mədəniyyət işinin ən mühüm sahələrindən biri kinomotaqrafiya sahəsaindəki problemlərə də diqqət çəkib: “Bu gün bütün dünyada kino işi həm dövlətlərin milli-mənəvi gücünün göstərilməsi, həm sənətkarlıq, həm də iqtisadi baxımdan son dərəcə əhəmiyyətli və cazibədar bir yaradıcılıq və qazanc sahəsinə çevrilmişdir. Filmlər bir sıra ölkələrin siyasətlə, diplomatiya və savaşla deyə bilmədiklərini deyir. Bu gün Azərbaycanın müharibə şəraitində olması, ölkımizə qarşı ciddi anti təbliğat prosesi getdiyi bir vaxtda filmlər azərbaycanın informasiya savaşının ən mühüm bir qanadı və gücü ola bilər. Bunu dərk etmək o qədər də çətin bir iş deyil. Təəssüf ki, bu gün Azərfilm kino studiyası dağılmış bir vəziyyətdədir. Halbuki, binanın təmiri və yeni texnika ilə təchizi barədə illərlə danışıq gedir, amma ortada bir iş yoxdur. Ayrı-ayrı praduserlərin çəkilişləri dövlət studiyasını əvəz edə bilməz. Milli mədəniyyətimizin təbliğatı sahəsindəki uğurları ilə də öyünə bilmərik. Teatrlarımızın, musiqi kollektivlərinin peşəkarlıq səviyyyəsi ildən ilə aşağı düşür. Belə bir təsəvvür yaranır ki, bizim nazirliyin işi Azərbaycan mədəniyyətinin xaricdə təbliq etməkdən daha çox başqa mədəniyyətləri Azərbaycanda təbliğ etməkdir. Multi kulturaizm adı altında bəzən azərbaycanı vahid bir gücə çevirən mədəniyyət birliyi unudulur”.

    S.Rüstəmxanlı deyib ki, son illərdə ölkənin rayonlarında klublar, kitabxanalar yarıbayarı azalıb, işçilər işdən çıxarılıblar, həmin binaların kimlərə verildiyi bilinmir. Onun qeyd etməsinə görə, Mədəniyyət Nazirliyinin xətti ilə ildə 500-1000 nüsxə olmaqla 50-60 kitab nəşr edilir, onlar da kitabxanalara belə çatmır: “Bu gün rayonlarda kitabxanalarımız yarı-yarıya ixtisara düşüb, mədəniyyət evləri təmir olmadığı üçün pis gündədir. Yeni çapdan çıxan kitablar rayon kitabxanalarına göndərilmir”. Millət vəkili hesab edir ki, əsas təbliğat vasitəsi filmdir, bütün ölkələr yeni filmlər yaradırlar, Azərbaycanda isə texniki təchizat və başqa səbəblər üzündən yeni filmlər çəkmək mümkün deyil. S.Rüstəmxanlının fikrincə, abidələrinin qorunması da yetərli deyil: “Abidələrin qorunması üçün kifayət qədər vəsait ayrılır, amma normal bərpa edilən bir abidə yoxdur, bu işdə sistem görünmür. Milli mədəniyyətin təbliği çox aşağıdır, bununla da heç nə etmək olmaz”.

    Bir müddət öncə keçirilən əməliyyat mədəniyyət nazirliyindəki problemləri də üzə çıxardığını bildirən millət vəkili bildirb ki onsuz da tarixi abidələrimiz az qalıb, onların da hansı vəziyyətdə olduğu hər kəsə bəllidir: “Mən bütün detalları bilmirəm, ancaq tarixi abidələrə ayrılan pullar mənimsənilibsə, bu böyük cinayətdir. Keçmişə, tariximizə edilən xəyanət Vətənə xəyanətə bərabərdir. Ölkədə mövcud rüşvət, korrupsiya hallarının qarşısının alınması məqsədi ilə aparılan əməliyyatların nəticəsində mədəniyyət nazirliyində üzə çıxan mədəniyyət düşmənçiliyi halları, mədəniyyətə ayrılan pullara göz dikmək şərəfsizliyi utancverici bir haldır. Arzu edərdik ki, mədəniyyət nazirliyinin yeni rəhbəri bütün bu halları nəzərə alsın, mədəniyyət işinə can yandıran bütün ziyalıların fikir və təkliflərini nəzərə almaqla doğurdan da yeni bir strategiya hazırlasın və mədəniyyətimiz bu biganəlik zolağından çıxartsın”.

  • Azərbaycan siyasətçilərindən Türk Birliyinə çağırış – BƏYANAT

    Vətəndaş Həmrəyliyi Partiyasının mərkəzi qərargahında 15 sentyabr Bakının işğaldan azad olunmasının 102-ci ildönümü münasibəti ilə siyasi partiyaların, ziyalıların iştirakı ilə keçirilən həmçinin Türkiyədən partiya liderlərinin telefonla qatıldığı tədbirdə iştirakçılar Türkiyə ilə Azərbaycanın vahid ordusunun qurulmasını, həmçinin Türkiyə və Azərbaycanın konfederativ birlikdə birləşməsini təklif etmişlər. Konfransın sonunda bəyanat qəbul olunmuşdur. Bəyanatda deyilir: 1918-ci il sentyabrın 15-də Bakının “Qafqaz” İslam Ordusu tərəfindən azad olunması, şübhəsiz ki, Azərbaycan-Türkiyə dostluğu və qardaşlığı zəminində müstəsna əhəmiyyət daşıyan böyük hadisədir. 70 illik sovet hakimiyyəti dönəmində bu hadisənin məqsədyönlü təhrifinə baxmayaraq, Azərbaycan xalqı türk əsgərinin həmin vaxtdakı qəhrəmanlığını bu illər ərazində heç vaxt unutmayıb, onu qəlbində yaşadıb.
    Bir əsr öncə Azərbaycan və Osmanlı türkləri dünya imperalizminin qarşısında çiyin-çiyinə duraraq, öz istiqlallarını qəbul etdirməyi bacardılar və bu, bizim xalqlarımızın birliyini bütün dünyaya göstərən önəmli hadisə oldu. Komandan Nuru Paşanın rəhbərliyi ilə “Qafqaz” Türk-İslam Ordusunun Bakını azad etməsinin illər ötdükcə Azərbaycanın müstəqillik tarixində nə qədər böyük rol oynadığı daha aydın dərk edilir. Əgər bu Ordu köməyəimizə gəlməsəydi, şühəsiz ki, bu gün paytaxt Bakı da Dərbənd kimi, bir rus şəhərinə çevrilər, Azərbaycan dövləti indiki sərhədləri daxilində mövcud ola bilməzdi. Bakıya gələn ordunun qəhrəmanlığı, tariximizdəki, bütövlüyümüzdəki rolu və Azərbaycanın bugünkü sərhədlər içərisində dövlət qurmasında oynadığı mühüm rol heç vaxt unudulmayacaqdır. 102 il əvvəl olduğu kimi, bu gün də oxşar çətinlik içərisindəyik: Azərbaycan dövlətinin beynəlxalq hüquqla tanınan əraziləri arxasında böyük güclərin durduğu Ermənistan tərəfindən işğal edilib və biz yenə də bu güclərin məkrli planlarına qarşı savaşda qardaş Türkiyə dövlətini yanımızda görürük; eyni şəkildə, 100 il öncə Osmanlı dövlətini bölüb parçalayan güclər bu gün başqa çətirlər, adlar altında Türkiyə Cümhuriyyətinin qalan ərazilərini də parçalamağa, hər vasitə ilə onun inkişafının qarşısını almağa çalışırlar və Azərbaycan xalqı da qardaş ölkəyə qarşı imperalist güclərin bu hücumları qarşısında Türkiyənin yanındadır. Həm ərazilərimizə göz dikmiş və inkişafımızı istəməyən ortaq düşmənlərimizin varlığı, bu düşmənlərin açıq təhdidləri, həm ölkələrimiz qarşısında duran hədəflər, milli mraqlarımızın eyniliyi, həm də yeni geosiyasi reallıqlar Azərbaycan-Türkiyə münasibətlərini daha yeni müstəviyə çıxarmağı bizdən tələb edir.
    Biz, bu bəyanatı imzalayan siyasi təşkilatlar və şəxslər mövcud reallıqlardan çıxış edərək, hər iki ölkə arasındakı münasibətlərin yeni və daha etibarlı müstəviyə çıxarılması üçün ən qısa zamanda aşağıdakı addımların atılmasını zəruri sayırıq:
    – Ermənistan tərəfindən Azərbaycan ərazilərinin işğalının və işğal olunmuş ərazilərimizdə terrorçu-separatçı bir rejimin fəaliyyət göstərməsinin təkcə Azərbaycan Respublikasının deyil, həm də Türkiyə Cümhuriyyətinin maraq və mənafelərinə real və açıq təhdid yaratdığını əsas götürərək, Azərbaycan Respublikası ilə Türkiyə Cümhuriyyəti arasında strateji hərbi müttəfiqlik Sazişi imzalanmalıdır;
    – Bu Saziş əsasında hər iki ölkənin ərzisində qarşılıqlı şəkildə hərbi bazaların yerləşdirilməsinə və hətta birgə, vahid komandanlığa tabe hərbi qüvvələrin yaradılmasına nail olunmalıdır;
    – Azərbaycan-Türkiyə hərbi ittifaqının digər Türk cumhuriyyətlərinin də birliyinə təkan verməsi və genişləndirilməsi üçün digər Türk respublikalarıyla danışıqlar intensivləşdirilməli və son nəticədə, Avropa Birliyinin modelinə uyğun Türk Birliyinin yaradılmasına nail olunmalıdır;
    – Bu hərbi, siyasi, iqtisadi və mədəni Birliyin yaradılmasının zəruruliyini ölkələrə çatdırmaq üçün Türkiyə, Azərbaycan və digər Türk cumhuriyyətlərinin siyasi təşkilatları, mətbuatı, fikir adamları arasında qarşılıqlı sabit əlaqələrin və ictimai rəyi hazırlama mexanizmlərinin qurulması və gücləndirilməsinə çalışılmalıdır.

  • Sabir Rüstəmxanlı: “Bu yaxınlaşmalar iki dövlətdə yaşayan bir millətin tale, gələcək məsələsidir”.

    Azərbaycanla Türkiyə münasibətlərində tarixdə heç vaxt olmadığı qədər bir yaxınlaşma, bütün istiqamətlər üzrə sıx müttəfiqlik prosesi müşahidə olunur. “Yeni Müsavat” xəbər verir ki, Tovuz döyüşlərində Azərbaycana verdiyi hərtərəfli siyasi dəstəklə sürətlənən bu əlaqələr indi yeni mərhələyə daxil olur.

    Bəs informasiya siyasətində belə bir ciddi uzlaşma bizə nə verəcək, onun siyasi anlamı, töhfəsi nədən ibarətdir?

    Vətəndaş Həmrəyliyi Partiyasının sədri, deputat Sabir Rüstəmxanlı “Yeni Müsavat”a bildirdi ki, Türkiyə ilə Azərbaycan arasında bütün sahələrdə yaxınlaşmalar, atılan addımlar, bağlanan sazişlər alqışlanmalıdır. Onun sözlərinə görə, təhsildən iqtisadi münasibətlərə, elmi-mədəni əlaqələrə qədər, bir sözlə, həyatın bütün sahələrini əhatə edən yaxınlaşmalar olmalıdır: “Çünki bu yaxınlaşmalar iki dövlətdə yaşayan bir millətin tale, gələcək məsələsidir. Ona görə media sahəsində ümumi platformanın yaradılması irəliyə doğru bir addımdır. Müstəqillikdən sonra bir çox sahələrdə ikitərəfli münasibətlərdə xeyli işlər görülsə də, həm Azərbaycan, həm Türkiyə bir-birinin televiziyalarına baxsa da, mətbuat, sosial şəbəkə seqmentində bu işlər qurulmayıb. Bu gün Moskva qəzetləri ala bilərik, amma Türkiyə qəzetləri əldə etmək mümkün deyil. Məsələn, rus kitab evi var, türk kitab evi də olmalıdır. Arxayınıq ki, bizi Türkiyədə yaxşı tanıyırlar, amma qardaş ölkədə Azərbaycan ədəbiyyatı kifayət qədər tanınmır, mətbuatımızda gedən proseslər dərindən izlənmir. Ona görə bu işlər yüksək səviyyədə qurulmalıdır”.

    Onun sözlərinə görə, düşmənlərimiz ortaqdır, tariximizi saxtalaşdırmağa, bugünkü həyatımıza kölgə salmağa çalışırlar: “Bütün bunlara qarşı ictimai fikrin paralel aparılması lazımdır və yeni Media Platforması bu imkanı yaradır. Çünki erməni mətbuatı təkcə Azərbaycanı yox, Türkiyə tarixini də saxtalaşdırır, uydurma soyqırımı hər yerdə təbliğ edir, qondarma genosidi tanıtmağa çalışır və Türkiyəyə dünyada problemlər yaradır. Bu baxımdan bizə bir hədəf kimi baxırlar və iki qardaş ölkə informasiya siyasətində də birgə addımlar atmalıdır”.

  • Neftçalada son durum: Kürün suyu artıb, problemsə qalır – Sabir Rüstəmxanlı

    “Əvvəlki kimi olmasa da, hələ də Neftçalanın qəsəbə və kəndlərinə içməli su Salyan rayonundan maşınlar vasitəsi ilə gətirilib əhaliyə paylanır”.

    Bunu PİA.az-a Neftçala rayonundan deputat Vətəndaş Həmrəyliyi Partiyasının sədri Sabir Rüstəmxanlı deyib.

    O bildirib ki, son vaxtlar intensiv yağışlar sayəsində Kürün suyu bir qədər artıb: “Artıq çayın suyu Xəzər dənizinə qədər gedib çatır. Amma yenidən quraqlıq başlayıb, vəziyyətin necə dəyişəcəyini demək çətindir. Hər halda əhalinin həyəcanı keçib. Əvvəl demək olar ki, bütün Neftçala ərazisində Kürün suyu şor idi. İndi ərazinin böyük bir hissəsində çayın suyu şirinləşib”.

    Millət vəkilinin sözlərinə görə, Nerftçalanın bəzi kəndlərinin su ilə təminatı məqsədi ilə Salyan rayonu ərazisində su anbarının tikintisi davam edir: “Anbarın inşasının noyabr ayının sonunda yekunlaşacağı deyilsə də, güman ki, işlər ilin sonuna qədər davam edəcək. Bundan sonra şəhərdə və bəzi kəndlərdə içməli su problemi həll olunacaq. Pandemiya anbarın tikintisinə təsir etməyib, işlər davam edir”.

    Sabir Rüstəmxanlı Kür çayı üzərində ildən-ilə təsərrüfatların, suvarma sahələrinin artdığını da deyib: “Belə davam edərsə, gələcəkdə də Kürdə içməli su problemi yaranacaq. Gərək bu, indidən nəzərə alınsın, gələcək üçün müəyyən tədbirlər görülsün”.

    Qeyd edək ki, bu ilin iyun ayında Kür çayında suyun səviyyəsinin düşməsi ilə əlaqədar Xəzər dənizinin suyu Kür çayına axıb qarışmışdı. Nəticədə Kürün aşağı axarında yerləşən Sübh, Qırmızı Şəfəq, Yenikənd, 1 №-li Mayak, 2 №-li Mayak kəndlərində içməli su təminatı ilə bağlı problem yaranmışdı.