Vətəndaş Həmrəyliyi Partiyası “Xural” qəzetinin əmlakının müsadirə edilməsini pisləyib.
Partiya hesab edir ki, bu, azad və müstəqil mətbuata qarşı səlib yürüşüdür: “Hakimiyyət azad mətbuata qarşı bu formalı və digər hərəkətləri ilə cəmiyyətdə və beynəlxalq aləmdə öz imicinə ciddi zərbə vurur. Heç bir halda, azad və müstəqil mətbuat basqı edilə bilməz.
Mətbuat millətin aynasıdır və bu aynanı ləkələmək, qırmaq bütün hallarda mənfi nəticələrlə müşayiət olunacaq. Bütün hallarda eyibləri və qanun pozuntuları gizlətmək üçün mətbuatı hədəf seçmək YAP hakimiyyətinə baş ucalığı gətirmir. Mətbuat nə qədər azad və müstəqil olarsa, dövlət də bir o qədər güclü olar. Bu, heç kimə baş ucalığı gətirmir”.
Bir cavab yazın