Category: Təbrik

Vətəndaş Həmrəyliyi Partiyasının sədri Sabir Rüstəmxanlı Qurban Bayramı münasibəti ilə Dünya müsəlmanlarını və Azərbaycan xalqını təbrik edib

Sabir Rüstəmxanlı – bu ad ilk oxunuşdan Xalq Hərəkatı, Millət, Dövlət, El, Türk kimi dəyərlərlə səsləşir.Bunun sirrini sırf yaradıcılığında axtarmıram. Hərçənd ki, Sabir Rüstəmxanlı yaradıcılığı bu dəyərlərlə yoğrulub və zəngindir.

Etiraf edim ki, əsəri ilə şəxsiyyəti təzadlıların əsərlərini oxumaqda çətinlik çəkirəm. Sabir Rüstəmxanlı az sayda istisnaların ən ön cərgədə olanlarındandır. Yaradıcılığı ilə şəxsiyyəti bir-birini tamamlayır, yaradıcılığında aparıcı xəttin bayrağı öz əlindədir. Gəncliyə öyrətmək istədiyinin bir klassik nümunə onun özüdür. Yaradıcılığındakı xəlqilik, millilik, qəhrəmanlıq, mübarizə əzmi onun özüdür.

Aprelin 12-də millət vəkili, tarix elmləri doktoru, professor, nüfuzlu ziyalılarımızdan olan Fəzail İbrahimlinin 65 yaşı tamam oldu. Fəzail İbrahimli Azərbaycan tarixinin çox önəmli bir dövrünü – Cümhuriyyət dövrünü tədqiq edib. Onun araşdırılmamış, 90-cı illərdə bir çoxlarına qaranlıq olan tariximizin bu səhifəsinə işıq tutması həm də bir ziyalılıq missiyası idi. Fəzail İbrahimli uzun müddət çalışdığı Bakı Dövlət Universitetində özünü saf, təmiz, neqativliklərdən uzaq, əsl alim kimi tanıdıb və təsadüfü deyil ki, bu ali təhsil ocağında tələbədən müəllim heyətinə qədər, hər kəs ona böyük hörmət edir.

Fəzail İbrahimli Vətəndaş Həmrəyliyi Partiyasının yarandığı ilk illərdən sıralarımıza qoşulmuş və partiyanın  ideoloji katibi kimi Həmrəylik xəttinin təbliğində əməyini əsirgəməmişdir. O, Vətənimiz üçün vacib olan vətəndaş həmrəyliyi, milli birlik ideallarının daşıyıcısı kimi hər bir vətəndaşımıza dəyər verir, xalqımız və millətimiz üçün əlindən gələni əsirgəmir.

Ona görədir ki, VHP-çilər arasında böyük nüfuzu var.  Fəzail İbrahimli 16 illik deputat fəaliyyətində də hər zaman həqiqətləri dilə gətirib, seçicilərinin yanında olub; Avropa Şurası Parlament Assambleyasındakı xidmətləri də dövlətimizin, dövlətçiliyimizin düşmənlərinə qarşı yönəlib, ölkəmizin haqlı davasını böyük arenalarda aparanlardan biri olub. Ona görə də onu həm seçiciləri, həm də bütün xalqımız dəyərləndirir və bu dəyərin nəticəsidir ki, seçicilər Fəzail İbrahimlini yenidən millət vəkili görmək istədiklərini ortaya qoydular.

Dəyərli ziyalımızı, millət vəkilini, tarixçi alimi 65 illik yubileyi münasibəti ilə ürəkdən təbrik edir, ona cansağlığı, ailə xoşbəxtliyi, fəaliyyətində uğurlar arzulayırıq.

VHP Siyasi Surası

Bu gün Azərbaycan xalqının böyük ənənəyə dayanan ən qədim bayramlarından biri – İşaxır çərşənbə qeyd edilir.

İlaxır çərşənbə həm də ona görə müqəddəs bayramlardandır ki, bu bayram özündə mifiki təfəkkürə söykənən geniş, əhatəli bir inancları birləşdirir. Birlik, bərabərlik təlqin edən, küsülülərin barışdığı, yeni il üçün niyyətlərin tutulduğu bu bayram həm də rəmzlər, əski inam və inanclar toplusudur və sevindirici haldır ki. Azərbaycan xalqı böyük mifik təsəffürlərinin əhəmiyyətli hissəsini bu bayramla qoruyub, qoruyur və qoruyacaq.

Bayramınızı təbrik edir, ölkəmizə sülh, əmin-amanlıq, hər birinizə ruzi-bərəkət və firavanlıq arzulayırıq.

Vətəndaş Həmrəyliyi Partiyasının Siyasi Şurası

Azərbaycan üçün çalışan adam: Yusif Salmansoy – 65

Bu gün Azərbaycan Milli Azadlıq Hərəkatının fəallarından, Sovet dönəmində Sumqayıt şəhərində Azərbaycan Milli Bayrağını ilk ucaldanlardan biri, VHP sədrinin müavini, Sumqayıt Şəhər Bələdiyyəsinin üzve və Komissiya sədri Yusif Salmansoyun 65 yaşı tamam olur.
Yusif Salmansoy adı Azərbaycan cəmiyyətinə Milli Azadlıq Hərəkatının ilk günlərindən, 1988-ci ildən bəllidir. Həmin dövrdə Azərbaycanın ən böyük və qaynar şəhərlərindən olan Sumqayıtda əhalinin iradəsinin ifadə olunması və milli azadlıq ideyalarının təbliğində Yusif bəyin adı xüsusilə seçilib. Bakıda tədbirlərin, görüşlərin keçirilməsinə maneələr yaradılanda, insanlarla təmaslarımız Sumqayıtda həyata keçirilirdi və bu tədbirlərin təşəbbüskarlarından, zəhmətini çəkənlərdən, bütün təzyiqlərə və təqiblərə baxmayaraq, sinəsini qabağa verənlərdən biri olaraq Y.Salmansoyun xidmətləri əvəzsizdir. Onun Azərbaycan Xalq Cəbhəsinin Sumqayıtda təsis olunmasında əməyi və uzun müddət AXC Sumqayıt təşkilatına rəhbərliyi azadlıq mübarizəmizin hədəfinə çatmasında önəmli rol oynayan amillərdən biridir.
Milli Azadlıq Hərəkatına qoşulan və Azərbaycanın müstəqilliyi uğrunda mübarizəyə qalxan insanlar arzularına çatdıqdan sonra növbəti hədəfi müəyyənləşdirdilər: Azərbaycanda sivil vətəndaş cəmiyyəti, azad, şəffaf seçki mühiti, demokratik sistem yaratmaq. Bu mübarizə azadlıq mübarizəsindən daha uzun prosesdir və daimi müqavimət, mübarizə, həmçinin əzmkarlıq, iradə, səbir və ləyaqət istəyir. Yusif bəy yaşının bu çağında da böyük əzmkarlıq və enerji ilə Azərbaycan dövlətinin inkişafı, demokratiya, insan haqları, bir sözlə, Azərbaycan insanının firavan həyatı və dövlətimizin yüksəlişi yolunda mübarizə aparır.
Biz də, Yusif bəyi 65 yaşının tamam olması münasibəti ilə təbrik edir, ona həyatda uğurlar və müqəddəs mübarizəsinin hədəfə çatmasını arzulayırırıq.

Xalq şairi, Vətəndaş Həmrəyliyi Partiyasnın sədri Sabir Rüstəmxanlı Dünya Azərbaycanlılarının Həmrəyliyi Günü və Yeni il münasibəti ilə soydaşlarımızı təbrik edib.

Təbrikdə deyilir: “Əziz bacılar və qardaşlar!

Dünya Azərbaycanlılarının həmrəyliyi dövlətimiz və milli varlığımız üçün çox böyük önəm daşıyır. Milli Azadlıq Hərəkatının ilk illərində öz kimliyini, tarixini, mənliyini çılğın bir enerji ilə ortaya qoyan soydaşlarımız on illərlə aparılan siyasətə etiraz olaraq, heç bir maneəyə və zorakılığa baxmadan, xalqımızı ayıran tikanlı məftilləri yalın əllərlə qırıb tökdü və öz haqq səsini bütün dünyaya yaydı. Bu, Azərbaycanın bölünməsinə, xalqımızın iradəsi əleyhinə qəbul edilən “Gülüstan” və “Türkmənçay” müqavilələrinə, 170 ildən artıq qardaşı qardaşa həsrət qoyan fars və rus imperiyalarının tarixi ədalətsizliyinə etiraz idi: həmin gün xalqımız bütün dünyaya bölünmüş xalq, parçalanmış dövlət olduğunu göstərdi.

Təəssüf ki, bu tarixi hadisədən keçən illər xalqımızın bütövləşməsinə olan ümidləri doğrultmadıq, tarixi ərazisinin yalnız kiçik bir hissəsində müstəqil dövlət quran Azərbaycan xalqına qarşı növbəti təxribat həyata keçirildi. Azərbaycan Xalq Cümhuriyyətinin varisi olaraq siyasi iradə ilə ortaya çıxsaq da, hətta 1918-20-ci illərdə mövcud olmuş və dünyanın 20-dən artıq supergücü tərəfindən tanınmış AXC-nin 114 min kv km-lik ərazisinə iddia etmədən, Sovet Azərbaycanının sərhədləri ilə kifayətlənsək də, bu, xalqımızın milli intibahından narahat olan gücləri qane etmədi. 200 il əvvəl böldükləri və parçaladıqları, Vətənimizi növbəti dəfə parçalamaq iştahı baş qaldırdı. Erməni maskası altında gizlənənlər və Azərbaycana onillərlə düşmən kəsilən qonşularımız növbəti dəfə Vətənimizin bir parçasını işğal etdilər.

1988-ci ildə bir yumruq kimi birləşən xalqımızın həmrəyliyini sarsıtmaq üçün bizi qüvvələrin qeyri-bərabər olduğu bir müharibəyə cəlb etdilər.

Biz həmrəylik ideyasının millətimizin ali ideologiyasına çevrilməsi zərurəti 1992-ci illərdə gündəmə gətirdik. Çünki faciələrimizə son verməyin yeganə çarəsinin xalqımızın həmrəyliyindən keçdiyini görürdük. Bu gün artıq heç kim buna şübhə etmir ki, bütün dərdlərimizin çarəsi vətəndaşlarımızın, böyük mənada dünya azərbaycanlılarının həmrəyliyindədir.

Əziz soydaşlarımız!

Hələ milli hədəflərimiz qarşıdadır: Güneyda 35 milyonluq canı canımızdan, qanı qanımızdan olan soydaşımızın adi insan haqları tanınmır, mədəni muxratiyyəti belə yoxdur; dünyanın müxtəlif ölkələrində “erməni lobbisi” adı altında fəaliyyət göstərən gizli güclər xalqımıza qarşı yalan, böhtan kampaniyasını davam etdirir və təəssüf ki, çox zaman da istəyinə nail olurlar. Bunun qarşısını almağın yeganə yolu da birliyimizdən keçir.

Dünyada heç bir istək Vətəndən, torpaqdan artıq deyil, əksinə, bütün arzular Vətəndə, torpaqda cücərə, boy ata bilər. Vətənin bütövlüyü – hər bir fərdin, vətəndaşın bütövlüyü, qüruru, maddi və mənəvi rihafı deməkdir, gələcəyinə, övladlarına qoyduğu ən böyük sərvət, zəmanət deməkdir. Bütövlüyə gedən yol isə Milli Birliyimizə bağlıdır.

Əziz soydaşlar!

Sizləri Dünya Azərbaycanlılarının Həmrəylik Günü və Yeni təqvim ili münasibəti ilə səmimi qəlbdən təbrik edir, uğurlar arzulayır, bütün milli və şəxsi arzularınızın həyata keçməsini diləyirəm. Qarşıdan gələn yeni təqvim ili hər birinizə, bütövlükdə millətimizə və dövlətimizə düşərli olsun.