Category: RT

Bu gün Vətəndaş Həmrəyliyi Partiyasının (VHP) Zaqatala rayon təşkilatının növbəti konfransı keçirilib.
Qurultaya hazırlıq çərçivəsində baş tutan konfrans sədarət, mandat və say komissiyaları seçildikdən sonra öz işinə başlayıb.
Təşkilat sədri Ziyadxan İbrahimov konfranslararası dövrdə VHP Zaqatala rayon təşkilatının fəaliyyəti, seçkilərdə iştirakı, üzvləri, aktivliyi və ictimai nüfuzu ilə bağlı hesabatla çıxış edib.
Daha sonra NTK sədri Ramazan Əliyevin məruzəsi dinlənilib.
Konfransın işində iştirak edən VHP Mərkəzi İcra Aparatının rəhbəri Samir Əsədli partiyanın fəaliyyəti, qurultay hazırlıqları barədə danışıb və ölkədə, o cümlədən regiondakı ictimai-siyasi vəziyyət fonunda siyasi aktivliyin aşağı olması səbəblərini izah edib. S.Əsədli çıxışından sonra yerli fəalların suallarını cavablandırıb.
Sonda təşkilati məsələlərə baxılıb.
Ziyadxan İbrahimov VHP zaqatala rayon təşkilatına növbəti dəfə sədr seçilib.
VHP Zaqatala rayon təşkilatının Məclisi, Nəzarət Təftiş Komissiyasının üzvləri, həmçinin partiya qurultayına nümayəndələr də konfrans iştirakçılarının səsverməsi ilə müəyyənləşib.

Vətəndaş Həmrəyliyi Partiyasının (VHP) Xətai rayon təşkilatının növbəti konfransı keçirilib. Təşkilatın seçkili qurumlarının hesabatları dinlənilib. Konfrans iştirakçıları təşkilatın və partiyanın fəaliyyəti barədə təkliflərini veriblər.
Təşkilatın seçkili qurumlarına seçki keçirilib. Faiq Balabəyli yenidən sədr, Şahzadə Ağayev NTK sədri, yeni Məclis, Nəzarət Təftiş Qrupu və partiya qurultayına nümayəndələr seçilib.
Konfransda VHP Siyasi Şurasının üzvləri Samir Əsədli, Arif İsmayılbəyli və MNTK sədri Felmar Ələkbərli iştirak ediblər.

Vətəndaş Həmrəyliyi Partiyasının (VHP) Binəqədi rayon təşkilatının növbəti VI konfransı keçirilib. İlk öncə ADNA-da baş verən terror zamanı dünyasını dəyişənlərin xatirəsi yad edildi. Dövlət himni və VHP-nin marşı səsləndirilib.

Namiq Rəhimli rayon təşkilatının və Pünhan İmamlı isə MNT-nın hesabatlarını veriblər. Hesabatlar ətrafında müzakirələr aparılıb.

VHP-nin qurultayına nümayəndələr seçilib. Sonda Namiq Rəhimiv təşkilatın sədri, 17 nəfərlik Məclis və 3 nəfərlik NTK üzvləri seçiliblər.
Konfransın işində VHP MNTK sədri Felmar Ələkbərli, Siyasi Şura üzvləri Samir Əsədli və Arif İsmayılbəyli iştirak ediblər.

Bu gün Vətəndaş Həmrəyliyi Partiyası (VHP) Quba rayon təşkilatının növbəti konfransı keçirilib. Konfransda özək təşkilatlarından seçilmiş nümayəndələr, VHP Mərkəzi İcra Aparatının rəhbəri Samir Əsədli və Ali Məclisin üzvü Həsənbala Məmmədov iştirak ediblər.

Təşkilat sədrinin müavini Teymur Burcəliyev geniş hesabat məruzəsi ilə çıxış edib, rayon təşkilatının və onun seçkili qurumlarının fəaliyyəti barədə məlumat verib.

Nurməmməd Dəmirov isə təşkilatın Nəzarət Təftiş Komissiyasının hesabatını çatdırıb və bildirib ki, təşkilatın seçkili qurumları partiya nizamnaməsinə uyğun fəaliyyət göstərib.

VHP Mərkəzi İcra Aparatının rəhbəri Samir Əsədli ölkədə baş verən siyasi proseslər, partiyanın qarşısında duran işlər barədə məlumat verib.

VHP Ali Məclisinin üzvü Həsənbala Məmmədov partiyanın bölgə təşkilatılarının fəaliyyəti və konfrans hazırlıqlarından danışıb və konfransı yüksək qiymətləndirib.

Konfransda təşkilatın fəaliyyəti ilə bağlı fəaliyyət planı, görüləcək işlər və qarşıda duran məsələlər ətrafında müzakirə aparılıb.

Sonda Sənan İmanquliyev VHP Quba rayon təşkilatına yeni sədr seçilib. Həmçini təşkilatın yeni Məclis, NTK üzvləri müəyyənləşib və partiya qurultayına 5 nəfər nümayəndə seçilib.

Bu gün Vətəndaş Həmrəyliyi Partiyasının (VHP) Şəki rayon təşkilatı özünün VI konfransı keçirdi.
Konfrans dövlət himninin, VHP marşının oxunması və şəhidlərin xatirəsinin sayğı duruşu ilə anılması ilə işinə başladı.
Konfransa hazırlıq üzrə təşkilat komitəsinin sədri Adil Yusubovun məlumatı dinlənildi. Rayon təşkilatının sədri Fikrət Daşdəmirov təşkilatın və onun seçkili orqanlarının fəaliyyəti, görülən işlər və rayondakı siyasi durum barədə geniş məlumat verdi.
NTK sədri Sadiq Babayev də hesabatını təqdim etdi və təşkilatın fəaliyyətini qənaətbəxş qiymətləndirdi.
Konfrans iştirakçılarından Ağsaqqallar Şurasının sədri Hamil Süleymanov, gənclər şöbəsinin sədri Habil Məmmədov, Sadiq Şıxıyev, Elman Məmmədov və digərləri çıxış etdilər, təşkilatın fəaliyyəti barədə təkliflərini verdilər.
VHP Mərkəzi İcra Aparatının rəhbəri Samir Əsədli ölkədə baş verən proseslər, partiyanın fəaliyyəti, qarşıda duran işlər və qurultay hazırlıqları barədə məlumat verdi.
Sonda təşkilati məsələlərə baxıldı. Təşkilat sədrliyinə Fikrət Daşdəmirovun və Sadiq Şıxıyevin namizədlikləri irəli sürüldü, Fkirət Daşdəmirov böyük səs çoxluğu ilə təşkilatın sədri seçildi. Konfransda VHP Şəki Rayon Təşkilatının yeni Məclis, Nəzarət Təftiş Komissiyasının üzvləri və partiya qurultayına nümayəndələr seçildilər.
Konfrans bununla da öz işini bitirdi.

Vətəndaş Həmrəyliyi Partiyasının (VHP) Şuşa rayon təşkilatının sayca IV konfransı keçirilib.

Konfrans dövlət himninin oxunması ilə işə başlayıb, şəhidlərin xatirəsi yad edilib.  Təşkilat sədri Ofelya Rəşidqızı çıxışında bildirib ki, bu gün Şuşanın işğalından 24 il ötür. Biz 24 ildir ki, vətəndə didərgin həyatı yaşayırıq və rayonumuz isə düşmən tapdağı altındadır, şəhidlərimizin ruhları inildəyir, biz də vətən həsrəti ilə alışıb yanırıq. Ağəbəyin xanım Qarabağ həsrəti ilə qürbətdə əzablar çəkdiyi kimi, biz də 24 ildir ki, Şuşa həsrəti ilə qovruluruq. Özümüz kimi təşkilatımızın üzvləri də 15 müxtəlif rayonda yaşayırlar, bu da bizim normal fəaliyyətimizə mane olur. Buna baxmayaraq təşkilat partiyanın Nizamnaməsi və Məramnaməsinin tələblərinə uyğun işini qurub və fəaliyyət göstərir.
Öz rayonumuzdan aralıda didərgin formada fəaliyyət göstərsək də, üzvlərimiz fəaldır və işinin öhdəsindən də gəlməyə çalışır.

02 may 2016-cı il tarixdə Vətəndaş Həmrəyliyi Partiyasının (VHP) Mingəçevir şəhər və Göygöl rayon təşkilatlarının növbəti konfransı keçirilib. Təşkilat sədrlərinin hesabatları dinlənilib, partiya üzvlərinin təklifləri və yeni görüləcək işləri müzakirə olunub. Mübariz Camıyev Mingəçevir şəhər, Samil Sakitoğlu Göygöl rayon təşkilatına sədr seçilib. Hər iki təşkilatın Məclis, NTK üzvləri və partiya qurultayına nümayəndələr seçilib. VHP Mərkəzi İcra Aparatının rəhbəri Samir Əsədli və Ali Məclisin üzvü Ülfət Zeynalov konfransın işinə qatılıblar.