Vətəndaş Həmrəyliyi Partiyası

Category: Konfrans

  • “Oğlum da namizəd olsaydı, mən Rüstəmxanlını seçərdim” – Seçicilərlə görüş + VİDEO

    61 saylı Neftçala Seçki Dairəsindən deputatlığa namizəd Sabir Rüstəmxanlı seçicilərilə növbəti görüşünü keçirib.

     
    BakuPost xəbər verir ki, Xol Qaraqaşlı kəndində baş tutan görüşdə kənd sakinləri adından çıxış edən Azərbaycan dili və Ədəbiyyat müəllimi İdris Abbasov Sabir Rüstəmxanlıya bu rayonu seçdiyi üçün minnətdarlıq edib:
    “Mən bu kənddə 50 il dərs demişəm. Bu baxımdan hamının adından danışmaq haqqı hiss edirəm özümdə. Sizi kimi bir ziyalının, həmişə xalqın dərdini öz dərdi hesab edən bir şəxsiyyətin bizi deputat kimi təmsil etməsindən yalnız qürur hissi keçirmək olar. Sabir müəllim bu millətə həmişə sədaqətlə xidmət edib. Mən inanıram ki, bizim Neftçalamızı da eyni şövqlə təmsil edəcək. Hələ deputat seçilməyib, amma artıq rayonumuzda bir canlanma hiss olunur. Problemlərimizin həlli istiqamətində müəyyən addımların atılacağı xəbərlərini eşidirik. Sizi əmin edirəm ki, hamımız birmənalı şəkildə sizi dəstəkləyəcəyik”.
    Daha sonra çıxış edən rayon ziyalılarından olan Fərhad Əzizbəyli çıxış edib:

    “Vaxt var idi siz cavan oğlan idiniz, amma ölkənin ağsaqqal kişiləri ilə bir yerdə ölkənin taleyüklü məsələlərini həll edirdiniz. İndi o ağsaqqalların çoxu həyatda yoxdu. İndi ölkədə 4-5 ağsaqqal varsa, onlardan biri sizsiniz. Siz onsuz da seçilmiş adamsınız. Deputatı seçmək olar, amma ağsaqqalı biz seçmirik, özü seçilir, tale seçir. Sabir bəy çox böyük şəxsiyyətdir, nəinki biz neftçalalılara, bütün Azərbaycana, türk dünyasına lazım olan siyasətçidir. Mən onu lap gənclik illərindən tanıyıram. Ona görə də, mən qohumumu, şagirdimi, rayonlumu deyil, Sabir Rüstəmxanlını dəstəkləyirəm. Əgər mən Sabir bəyi dəstəkləyirəmsə, inanıram ki siz də dəstəkıəyəcəksiniz. Biz onu 20 il deputat kimi sınamışıq və görümüşük ki, həmişə xalqın sözünü deyib, millətin dərdini dilə gətirib.
    Məni sizin hamınız tanıyırsınız. Bilirsiniz ki, mən heç vaxt kiminsə xoşuna gəlmək üçün söz demərəm. Sizə tam səmimiyyətimlə bildirirəm: əgər, bu dairədən mənim oğlum da namizəd olsaydı, mən Sabir bəyi dəstəkləyərdim. Çünki o mənim arzularımı həyata keçirən adamdı: bayrağımızı görmək istəyirdim, Sabir bəy o bayrağı dalğalandırandı; himimizi eşitmək istəyirdim, o himimizin bərpasında müstəsna xidmətlər göstərdi; o, müstəqillik aktına imza atanlardan biri oldu.
    Mən sevinirəm və fəxr edirəm ki, meydan hərəkatında mən də Sabir bəyin yanında olmuşam.
    İnanıram ki, seçki günü hər bir neftçalalı bu böyük şəxsiyyətə səsini verəcək, onu özünün təmsilçisi edəcək”.
    Sonra Sabir Rüstəmxanlının vəkilləri, daha sonra isə kənd sakinlərinin çıxış edib.
    Görüşün sonunda Sabir Rüstəmxanlı Neftçalanın problemlərindən danışıb. Bu rayonla bağlı geniş planlarının olduğunu, insanları narahat edən problemlərin həlli üçün ayrıca bir proqramın hazırlanmasının vacibliyini bildirib.

  • Millətin dirçəldiyi gün… – Siyasətçilər VHP-də bu tarixin işığına yığışdı – FOTO

    Bu gün Vətəndaş Həmrəyliyi Partiyasında (VHP) 17 noyabr Milli Dirçəliş Gününün 31-ci il dönümü ilə bağlı tədbir təşkil edilib. Tədbirdə Azərbaycan Xalq Partiyasının sədri Pənah Hüseyn , Azərbaycan Xalq Cəbhəsi partiyasının sədri Əli Kərimli, BAP sədri Elşad Musayev, Ağ Partiya sədri Tural Abbasi, Azərbaycan Demokratiya və Rifah (ADR) sədri müavini Adil Qeybulla,  Azərbaycan Xalq Demokrat Partiyasının sədri Rafiq Turabxanoğlu, Müsavat Partiyası Məclisinin üzvü Sabir Məmmədli, Azərbaycan Sosialist Partiyasının sədri Elşən Həsənov, Ümid Partiyasından Rüfət Muradlı, AMİP sədri Arzuxan Əlizadə və başqaları iştirak edib.
     
    BakuPost.az xəbər verir ki, tədbirin açılış nitqini VHP sədri, Xalq şairi Sabir Rüstəmxanlı edib. Partiya sədri tədbirə qoşulanları Milli Dirçəliş günü münasibətilə təbrik edib və 1988-ci ilin noyabr-dekabr aylarını əhatə edən milli-azadlıq hərəkatının şanlı tarixi haqqında danışıb:
    “Bu bizim tariximizin parlaq bir hadisəsi idi. Həmin hadisələr ümumi xalq hərəkatının başlanğıcı idi. Həmin günlərdə meydanlarda Azərbaycanın müstəqilliyinin bünövrəsi qoyulurdu. Bu hadisələr zamanı mən həm də Azərbaycan hakimiyyətinin məsələyə nə dərəcədə vecsiz yanaşdığının şahidi oldum. Meydan hərəkatı əslində ,fevraldan başlamışdı. Daha sonra mitinqlər böyüdükcə universitetlərdən tələbələr küçələrə çıxaraq “Qarabağ bizimdir, bizim olacaq!” kimi şüarlar səsləndirirdilər. Birdən-birə küçələr adamlarla doldu və getdikcə hərəkat böyüdü. 1988-ci ildə camaat meydana axıb gəlirdi. Bu zaman böyük kütlə yuxarıdan gəlmirdi, Xətai rayonu səmtindəki zavodlardan gəlirdi. Əvvəlcə gələndə bizi Sabirin heykəlinin qarşısında saxlamağa çalışdı. Burada camaat oturdu heç bir yerə tərpənmədilər. Sonra dedilər mitinqi gəlib Siyasi Maarif Evinin qarşısında keçirin. Fuad Musayevlə, Vəli Məmmədov da oradadır. Mən onlara dedim ki, mikrofonları burda niyə qurursunuz axı?
    Gələn böyük insan kütləsi ilə burada mitinq keçirmək olmaz. Ən yaxşısı budur ki, camaat meydana buraxılsın. Razılıq oldu və demək olar ki, biz hamımız – bütün kütlə qaça-qaça meydana dolduq. Beləliklə meydan hərəkatı başladı. Birinci günün şüarları da elə Qarabağla bağlı idi. Sonra bir neçə gün keçdikdən sonra bizə icazə verildi ki, mitinqin tələblərini toplanan kütləyə çatdıraq. Bizə televiziyada vaxt da verdilər. O zaman mən, rəhmətlik Əbülfəz Elçibəy və Aydın Məmmədov getdik verilişə çıxış etməyə. Bizim verilişdən sonra meydanda nələrin baş verdiyindən bütün respublikanın xəbəri oldu.
    Keçid məqamı isə ordunun meydana gəlməsindən sonra başladı. Ordu meydana gəldi və mühasirəyə aldı. Bizim Əfqanıstanda vuruşmuş uşaqlar müdafiə komitəsi yaratdılar. O komitəyə rəhbərlik edənlərdən biri də Nurəddin Mehdixanlı idi. Elə birinci gün tankın lülələrinə qərənfil keçirib bir növ barış elan etdilər.
    Artıq biz meydanda Moskvadan Qarabağ məsələsinin həllini tələb edəndə məsələ ciddiləşdi. Məlum oldu ki, Moskva bu məsələnin həllinə maraqlı deyil və s. Artıq bu meydan hərəkatı artıq Qarabağı müdafiə hərəkatından milli azadlıq hərəkatına çevrildi. Milli azadlıq hərəkatının şüarları və tələbləri dəyişildi. Bu hadisələr mənim fikrimcə, Azərbaycan xalqına bir tarix dərsi keçmiş oldu. Millət orada unutduğu bütün hadisələri xatırladı. Bu çox böyük hadisə idi və SSRİ-nin dağılma prosesi də bu meydandan başlamışdı”.
    Daha sonra Azərbaycan Xalq Partiyasının sədri Pənah Hüseyn çıxış edib:
    “Aydın məsələdir ki, bu proseslər heç də 17 noyabrda başlamamışdı. Hələ 1987-ci ildə SSRİ-də olan proseslərin təsiri altında bir sıra respublikalarda milli oyanış müşahidə olunurdu. İlk təşkilatlar meydana gəlmiş, tədbirlər keçirilməyə başlanılmışdı. İlk reaksiya isə 1987-ci il dekabrda Elmlər Akademiyasında Ziya happy wheels demo Bünyadov tərəfindən ortaya qoyuldu, çıxış edildi və xüsusi qərar qəbul edildi. İlk publik hərəkat başladı 19 yanvarda meydanın özündə. İlk hərəkat universitet tələbələri və ziyalı elitası tərəfindən başlanılıb. Azərbaycan gəncliyi nəyə qadir olduğunu elə meydanlara gələrək sübut etmiş oldu. 17 noyabr hadisəsi ona görə tariximizin fenomen, özəl, fərqli müstəqil hadisəsidir ki, ora sadəcə meydana toplanmış insanlar yox, bütün respublika həmin meydana kilitləndi. Bu meydan hərəkatı sanki bir müstəqil orqanizm kimi ortaya çıxdı. Özünün qanunlarını, məntiqini ortaya qoydu”.
    Sonra AXCP sədri Əli Kərimli çıxış edib:
    “17 gecə, 8 gün çəkmiş bu hərəkat ilk növbədə Qarabağla bağlı idi. Topxana harayı, Qarabağın boşaldılması əsas siqnal idi. 9 noyabr universitetin qarşısında mitinqimiz olmuşdu. Orada Mərkəzi Komitəyə bir həftə vaxt vermişdilər. Böyük bir ümumxalq hərəkatı başlanıldı və tarix yazıldı. Dinc mübarizə tarixində 17 gün gecə-gündüz davam edən, 100 minlərin iştirak etdiyi oturaq mitinq təcrübəsi yarandı. Biz bu təcrübəni bütün dünya üçün yaratdıq. Bundan sonra dünyada baş vermiş bütün Məxməri inqilablar, oturaq mitinq təcrübəsi var ki, onu biz yaratmışıq. Milyonlar bu prosesdə iştirak etdi. Milli ideya orada bərpa olundu. Qarabağın vazgeçilməz olması bu hərəkatda üzə çıxdı. Millət olaraq Qarabağ üçün və müstəqillik üçün etdiyimiz fədəkarlıqlarımızın da kökü o meydanda qoyulmuşdu. O milyonların etirazlarının səbəbi 70 il ərzində toplanmış haqsızlıq, hüquqsuzluq, müstəqillik istəyi idi ki, meydanda püskürdü”.
    Tədbir digər iştirakçıların çıxışları ilə davam edib.

  • VHP 21 Azər hərəkatının 73-cü ildönümü qeyd edib (12.12.2018)

    Toplantıda Vətəndaş Həmrəyli Partiyasının sədri Sabir Rüstəmxanlı, DAK-ın Güney Azərbaycan Nümayəndəliyinin rəhbəri Babək Muğanlı, Azərbaycan Xalq Demokrat Partiyasının sədri Rafiq Turabxanoğlu, Böyük Quruluş Partiyasının sədri, millət vəkili Fazil Mustafa, AMEA əməkdaşları Yasəmən Qaraqoyunlu, İbrahim Quliyev, Məsumə Şükürzadə, Orta Doğu Araşdırmalar Mərkəzinin rəhbəri Sədrəddin Soltan, Azərbaycan Milli Dövlətçilik Partiyasının sədri Nemət Pənahlı, “Qərbi Azərbaycana Qayıdış” İctimai Birliyinin sədri Rizvan Talıbov, Azərbaycan Demokrat Partiyasının sədri Sərdar Cəlaloğlu, Klassik Xalq Cəbhəsi Partiyasının sədri Mirmahmud Mirəlioğlu, Azərbaycan Milli Demokrat Partiyasının sədri İsgəndər Həmidov, Azərbaycan Xalq Partiyasının sədri Pənah Hüseyn, “Borçalı” İctimai Birliyinin sədr müavini Rüfət Muradlı, rejissor Rövşən Almuradlı, “Xural” qəzetinin baş redaktoru Əvəz Zeynallı, araşdırmaçı-yazar Ənvər Börüsoy və Vətəndaş Həmrəyliyi Partiyasının üzvləri iştirak ediblər.

    Tədbiri VHP sədri, xalq şairi Sabir Rüstəmxanlı açaraq 1945-ci ildə Güney Azərbaycanda qurulan Milli Hökumətin qısa müddətdə həyata keçirdiyi uğurlu fəaliyyəti və süqutu haqqında ətraflı məlumat verib, Seyid Cəfər Pişəvərinin başçılığı ilə qurulan dövlətin apardığı islahatlar, Azərbaycan xalqı üçün gördüyü işlərdən danışıb. O, həmin dövrdə Azərbaycan dilində məktəblərin yaradıldığını, ana dilində qəzet, radio, televiziyanın fəaliyyət göstərdiyini xüsusi vurğulayıb: “Ancaq, bütün sahələri əhatə edən bu islahatları sona çatdırmaq mümkün olmayıb. Çünki bir ildən sonra Seyid Cəfər Pişəvərinin və hökumətin tərkib hissəsi olan ziyalıların öldürülməsi ilə bütovlüyünü bərpa edən şah rejimi yenidən Azərbaycan xalqına qarşı qırğınlar törədib. Hazırda da hakimiyyətdə olan molla rejimi 35 milyondan artıq türkün hüquqlarını əlindən alıb, onların ana dilində bir dənə də olsun məktəbi yoxdur”.
    Daha sonra DAK-ın Güney Azərbaycan Nümayəndəliyinin rəhbəri Babek Muganli çıxış edərək 21 Azər Hərəkatının tarixin ən şanlı səhifələrindən biri olduğunu söyləyib: “Milli Hökumət bir il ərzində şah rejiminin 20 ildə görmədiyi işləri gördü. Pişəvəri hökuməti devrildikdən sonra kütləvi qırğınlar törədildi, edamlar həyata keçirildi, kitablar və bütün tarixi sənədlər yandırıldı. Bundan sonra Güney Azərbaycanda aclıq, səfalət hökm sürməyə başladı. Ancaq bütün bunlara baxmayaraq, Azərbaycan türklərinin iradəsini qıra bilmədilər. Bu gün Güney Azərbaycan yenə də ayaqdadır. İnşallah, Güney Azərbaycanda milli hökumətimizi yenidən quracağıq”.
    Araşdırmaçı-yazar Ənvər Börüsoy deyib ki, Milli Hökumətin süquta uğramasının səbəbi pərdəarxası danışıqlardır: “Pişəvəri hökumətinin Türkiyənin o vaxtkı hökumətinin baş naziri İsmət İnönü və Məhəmməd Əmin Rəsulzadə ilə sıx əlaqələri var idi”. O, hazırda Güney Azərbaycanda proseslərin iki mərhələdə getdiyini söyləyib: “Artıq Güney Azərbaycanda nəzm ədəbiyyatından nəsrə keçilib. Bundan başqa, dil kursları, teatrlar, aşıqlar, şairlər və yazıçılar cəmiyyətləri fəaliyyət göstərir. Düzdür, sosial-iqtisadi həyat tərzi çox aşağıdır. Təsəvvür edin, soydaşlarımızdan kənd təsərrüfatı məhsullarını uzuc qiymətə alıb fars bölgələrində onlarda digər məhsul istehsal etməklə baha qiymətə satırlar. Bu gün Tehran və İsfahanda dövlət büdcəsi hesabına erməni məktəbləri fəaliyyət göstərir, “Alik” qəzeti buraxılır. Artıq Güney Azərbaycan Milli Hərəkatı hüquqi mübarizə mərhələsinə keçib”.

    Orta Doğu Araşdırmalar Mərkəzinin rəhbəri Sedreddin Soltan qeyd edib ki, Milli Hökumətin yaradılması maarifləndirmə hərəkatı ilə başlayan zəncirin davamı olub: “XIX əsrdə Azərbaycanın Quzeyində və Güneyində başlamış maarifləndirmə hərəkatı, mətbuatın önə çıxması XX əsrdə çox böyük hadisələrlə nəticələndi. Nə baş verdi? Qəbul etsək də, etməsək də öncə Səttərxan hərəkatı, 1918-ci ildə Azərbaycan Xalq Cümhuriyyəti, Xiyabaninin qurduğu Azadistan dövləti, 1945-ci ildə Azərbaycan Milli Hökuməti yarandı, nəhayət 1991-ci ildə Azərbaycan Respublikası bərpa olundu. Bu zəncir qırılmadan beləcə davam etdi və bu gün də Güneylə Quzey arasında bir zəncir var. Bu gün Quzeydə Təbrizin “Traktor” futbol komandasının qələbələrini qeyd edirik. “Traktor” bir hərəkatdır. Bu hərəkatda Milli Hökumətin irəli sürdüyü şüarlar səsləndirilir. “Haray-haray mən türkəm” deyə dünyaya car çəkilir. Bu zəncir var olduqca, Azərbaycan türkü öz milli haqları istiqamətində hər zaman addımlayacaq”.
    “Borçalı” İctimai Birliyinin sədr müavini Rüfət Muradlı vurğulayıb ki, Güney Azərbaycanda dil, mədəni hüquqlar uğrunda mübarizə gedir: “Bu mübarizə Azərbaycan dilinə İranda dövlət dili statusu verilməsinə hesablanıb. Bu gün 35 milyondan artıq türkün əsas şüarı “Türk dilində mədrəsə, olmalıdır hər kəsə!”dir. Milli Hökumət bir ildə soydaşlarımıza çox şeyi verdi. Bu gün ana dilində mübarizədə məhz bu amil əsas stimul rolunu oynayır. 21 Azər Hərəkatı bizim qan yaddaşımızdır”.
    “Qərbi Azərbaycana Qayıdış” İctimai Birliyinin sədri Rizvan Talibov bildirib ki, Güney Azərbaycan təkcə Azərbaycan Respublikasının deyil, ümumilikdə, Türk Dünyasının məsələsidir: “Fikrimcə, Azərbaycanla İran arasında gediş-gəliş daha da sadələşdirilməli, sərhədlər açılmalıdır. Bu da qarşılıqlı səfərlərin artmasına müsbət təsir göstərəcək. Nəticədə bizim mənəvi cəhətdən bütövləşməyimizdə böyük rol oynayacaq”.
    Daha sonra AMEA-nın əməkdaşı Yasəmən Qaraqoyunlu, Böyük Quruluş Partiyasının sədri, millət vəkili Fazil Mustafa, Klassik Xalq Cəbhəsi Partiyasının sədri Mirmahmud Mirəlioğlu, Azərbaycan Xalq Partiyasının sədri Pənah Hüseyn, AMEA-nın əməkdaşı, güneyli tərcüməçi Məsumə Şükürzadə də mövzu ilə bağlı fikirlərini bölüşüb.

  • VHP “Bölgədə durum və Afrin əməliyyatı” mövzusunda “dəyirmi masa” keçirib

    Vətəndaş Həmrəyliyi Partiyasının (VHP) təşəbbüsü ilə fevralın 15-də “Bölgədə durum və Afrin əməliyyatı” mövzusunda “dəyirmi masa” keçirilib.
    Toplantıda VHP sədri Sabir Rüstəmxanlı, Klassik Xalq Cəbhəsi Partiyasının (KXCP) sədri Mirmahmud Mirəlioğlu, Ədalət Partiyasının sədri İlyas İsmayılov, Azərbaycan Xalq Partiyasının (AXP) sədri Pənah Hüseyn, Vəhdət Partiyasının sədri, deputat Tahir Kərimli, Azad Demokratlar Partiyasının (AzDP) sədri Sülhəddin Əkbər, Azadlıq Partiyasının sədri Əhməd Oruc, “Atlas” Araşdırmalar Mərkəzinin rəhbəri, politoloq Elxan Şahinoğlu, Dünya Azərbaycanlıları Konqresi (DAK) İdarə Heyətinin üzvü Adil Minbaşı, “Borçalı” Cəmiyyətinin sədri Zəlimxan Məmmədli, araşdırmaçı-alim Yasəmən Qaraqoyunlu və başqaları iştirak ediblər.
    Tədbiri VHP sədri Sabir Rüstəmxanlı açaraq Türkiyənin sərhədboyu terrorla üzə-üzə qaldığını bildirib: “Bu terror Türkiyəni təhdid edir. Terrorizm Türkiyədə həm separatizm dalğasını gücləndirir, həm də ölkənin iqtisadi-siyasi potensialının terrorla mübarizəyə sərf edilməsinə gətirib çıxarır. Bildiyiniz kimi, terrorun milləti, etnik mənsubiyyəti, insanlığı yoxdur. Dünya buna İŞİD-in timsalında bir daha şahid oldu. Azərbaycan da 30 ildir terrorizmdən əziyyət çəkən dövlətlərdəndir. Ermənistanın işğalı altında olan Dağlıq Qarabağ və ətraf rayonlarda terrorçular yuva salıblar”.
    Onun sözlərinə görə, Türkiyədə baş verən proseslər Azərbaycan cəmiyyətini narahat edir: “Çünkü qardaş ölkə hər zaman ağır günlərində Azərbaycanın yanında olub. Ona görə də baş verənlərə biganə qalmamalıyıq və Türkiyənin yanında olduğumuzu bəyan etməliyik”.
    VHP sədri deyib ki, Türkiyənin Afrində keçirdiyi antiterror əməliyyatı dünyaya böyük nümunədir: “Çünki Türkiyə hərbçisi sivil vətəndaşlara güllə atmır. Əməliyyat nəticəsində şəhidlərin sayının artması da bu amillə bağlıdır. Amma təəssüflər olsun ki, NATO dövlətləri terora, terrorçulara gizli yolla dəstək verirlər. Türkiyənin yaxın müttəfiqi sayılan ABŞ terrorçuları silah-sursatla təmin edir. Həmin silahlar da Türkiyə xalqına, hərbçisinə qarşı çevrilir. Bu yaxınlarda da ABŞ Müdafiə Nazirliyi (Pentaqon) terrorçulara 500 milyon dollar ayırıb. Əslində, bütün bunların arxasında türk düşmənçiliyi dayanır”.
    “Atlas” Araşdırmalar Mərkəzinin rəhbəri, politoloq Elxan Şahinoğlu Türkiyənin Afrində həyata keçirdiyi antiterror əməliyyatı nəticəsində itkilərinin sayının daha da artacağını istisna etməyib: “Çünki iki həftəyə yekunlaşdırılması planlaşdırılmışdı. Ancaq artıq üçüncü həftəyə keçib. Əslində, bu əməliyyatla Türkiyə Silahlı Qüvvələri 2016-cı il iyunun 15-də dövlət çevrilişinə cəhd hadisəsindən sonra itirdiyi nüfuzunu yenidən geri qaytardı. Fikrimcə, Türkiyə Suriya prezidenti Bəşşar Əsədlə körpüləri tamamilə yandırmamalıydı. Əməliyyat Rusiya ilə razılaşdırıldığından heç bir problem yoxdur. İran əvvəl səssiz qalsa da, ancaq indi nala-mıxa vurur”.
    Onun sözlərinə görə, Türkiyənin Suriyada ABŞ hərbçiləri ilə toqquşmaq ehtimalı var: “Çünki Türkiyənin İdlib və Münbiçi də terrorçulardan təmizləmək üçün planları var. Hətta ABŞ-la Türkiyə arasında münasibətlər gərginləşməkdə, rəsmi Vaşinqton terrorçuları silah-sursatla təmin etməkdə davam edərsə, İncirlik hərbi bazasının bağlanması gündəmə gələ bilər”.
    E.Şahinoğlu Türkiyənin Suriyada həyata keçirdiyi antiterror əməliyyatlarının və regionda nüfuzunun artmasının Ermənistanı da ciddi narahat etdiyini vurğulayıb.
    Ədalət Partiyasının sədri İlyas İsmayılov qeyd edib ki, Türkiyənin Afrində keçirdiyi antiterror əməliyyatının uzanması ərazinin dağlıq hissə olmasından və mülki vətəndaşlara xətər dəyməməsindən qaynaqlanır: “Biz Türkiyənin mövqeyini dəstəkləyirik. Əslində, bu prosesdən daha da ruhlanmalı, nümunə götürməli və nəticə çıxarmalıyıq. Yəni Azərbaycanın işğal olunmuş ərazində antiterror əməliyyatına başlamalı, Dağlıq Qarabağ və ətraf rayonları terrorçulardan təmizləməli və təcavüzə son qoymalıyıq. Türkiyə böyük dövlətdir, güclü siyasi rəhbərliyi var. Vətən yolunda şəhid verməyə daima hazır olan bir millətə qalib gəlmək mümkün deyil”.
    Vəhdət Partiyasının sədri, deputat Tahir Kərimli bildirib ki, Türkiyə türk dünyasının himayəçisidir: “Əgər “Zeytun budağı” əməliyyatı başlamasaydı, İraq və Suriyadakı kürdlər birləşərək Aralıq dənizinə, birbaşa okeana çıxış əldə edəcəkdilər. Bu da Türkiyə üçün böyük təhlükə deməkdi. Ancaq Münbiçə girmədən Afrin əməliyyatının faydası olmaz. Türkiyənin bu əməliyyatı uğurla başa vuracağına inanıram. Təbii ki, Azərbaycanın da beynəlxalq hüquqa görə Dağlıq Qarabağda antiterror əməliyyatı keçirmək və torpaqlarını işğaldan azad etmək haqqı var”.
    Klassik Xalq Cəbhəsi Partiyasının (KXCP) sədri Mirmahmud Mirəlioğlu deyib ki, Azərbaycan “Zeytun budağı” əməliyyatından nəticə çıxarmalı, bu nümunəni Dağlıq Qarabağa və Ermənistan tərəfindən işğal olunmuş digər ərazilərinə tətbiq etməlidir.
    Azadlıq Partiyasının sədri Əhməd Oruc vurğulayıb ki, Türkiyənin regionda yeri və rolu dəyişib: “Qardaş ölkə son proseslərdən də güclü dövlət olaraq çıxacaq və təhlükəsizlik zonası yaratmağa nail olacaq.
    Araşdırmaçı-alim Yasəmən Qaraqoyunlu qeyd edib ki, Türkiyə 30 ildir savaşır və ya onunla 30 ildir savaşırlar: “Ancaq indi açıq savaşa girib. Bütün türklər Türkiyənin yanında olmalıdır. Çünki bu, ümumtürk savaşıdır. Azərbaycanın istiqlalı, gələcəyi Türkiyə və onun gələcəyi ilə bağlıdır. Mən hesab edirəm ki, Dağlıq Qarabağda başqa dövlətlərin deyil, məhz Türkiyə Silahlı Qüvvələri sülhməramlı qüvvə kimi yerləşməlidir. Bütün türklər Türkiyənin ətrafında birləşməli, türk supersistemi yaradılmalıdır. Bu, bizim ölüm-qalım savaşımızdır. Təhlükənin qarşısının alınması üçün mütləq türklər birləşməlidir”.
    Azərbaycan Xalq Partiyasının (AXP) sədri Pənah Hüseyn bildirib ki, Azərbaycan dövləti və xalqı, birmənalı olaraq, Türkiyənin yanında olmalıdır: “Çünki Türkiyə qardaşımızdır, təbii müttəfiqimizdir. Bu əməliyyat Azərbaycan uğrunda gedən döyüşdür”.
    “Borçalı” Cəmiyyətinin sədri Zəlimxan Məmmədli deyib ki, Türkiyə doğru addım atır: “Türkiyənin Afrində keçirdiyi antiterror əməliyyatını dəstəkləmək Qarabağın yanında olmaq deməkdir. Ona görə də “Zeytun budağı” əməliyyatını birmənalı şəkildə dəstəkləməliyik. Türkiyənin ABŞ-a meydan oxuması da ədalətli və doğrudur”.
    Tədbirdə həmçinin Azad Demokratlar Partiyasının (AzDP) sədri Sülhəddin Əkbər, Dünya Azərbaycanlıları Konqresi (DAK) İdarə Heyətinin üzvü Adil Minbaşı və başqaları da çıxış edərək mövzu ilə bağlı fikirlərini bölüşüblər.
    Sonda bəyanat qəbul edilib. Sənəddə deyilir ki, Azərbaycan bölgədə və Türkiyə ətrafında gedən proseslərə biganə qala bilməz: “Bu proseslər Azərbaycanın da gələcəyi üçün təhlükə yaradır. Türkiyəyə qarşı qurulmuş gizli planların Qafqaza, o cümlədən Azərbaycana təsir edəcəyi şübhə doğurmur. “Zeytun budağı” əməliyyatı ilə Türkiyə təkcə özünü deyil, həm də 30 ildən bəri terrorla üz-üzə dayanan ərazilərinin 30 faizi separatçı-terrorçu qüvvələr tərəfindən işğal edilmiş Azərbaycanın və bənzər durumda olan digər dövlətlərin də maraqlarını qoruyur. Türkiyənin “Zeytun budağı” əməliyyatı çarəsizlikdən atılan bir addımdır. Qardaş dövlətin başqa bir yolu qalmamışdır. Çünki son illərdə Türkiyənin sərhədləri boyu gedən proseslər açıq-aşkar qardaş dövləti mühasirəyə almaq və dünyadan təcrid etmək məqsədi güdür. Terrorçu quruplaşmalar Güney Azərbaycanın da bir hissəsini içinə almaqla İraqın və Suriyanın şimalından Aralıq dənizinə kimi böyük bir bölgədə quracaqları çəmbərlə Türkiyəni qonşu dövlətlərdən ayırmaq, bununla yanaşı, qardaş dövlətin içində terroru və separatizmi gücləndirmək niyyəti güdür. Bir sıra qərb ölkələrinin dəstək verdiyi terrorçular bölgədə yaşayan bütün xalqlar, o cümlədən Azərbaycan türkləri üçün dözülməz şərait yaratmaqla İraqın və Suriyanın şimalında onları hər cür hüquqdan məhrum etmiş və kütləvi köçə zorlamışlar. Terrorçuların ABŞ və qərb tərəfindən ardıcıl dəstəklənməsi və silahlandırılması Türkiyəni parçalamaq və dağıtmaq planlarının başlanğıcıdır”.
    Bəyanatda imperalist qüvvələrin dünyada yeritdiyi dağıdıcı siyasət və davamlı olaraq terror təşkilatlarına pul, silah yardımı etməsi diqqətə çatdırılıb: “Türkiyənin sərhədləri boyu terrorçulara dəstək və silah göndərən ölkələr hansı maraqları güdürlər? Qonşu ölkələrdə yüz minlərlə insanların ölümünə səbəb olan hərbi əməliyyatlar apardıqları halda Türkiyənin öz sərhədlərini qorumaqdan başqa yolu qalmır. Türkiyənin bu əməliyyatı dünyada, dünyadakı sülhə xidmətdir. Terrorun qarşısını almaq hər bir dövlətin borcudur. NATO “soyuq savaş”dan sonra əsas hədəflərdən biri olaraq terrora qarşı mübarizəni seçib. NATO ölkələrindən biri olan Türkiyə terrora qarşı vuruşur. Bəs yerdə qalanlar niyə terroru müdafiə edirlər? Deməli, burada ədalət, haqq, dünyanın təhlükəsizliyi prinsipi qorunmur” .

  • VHP-də Milli Dirçəliş günü qeyd edildi-FOTO

    Vətəndaş Həmrəyliyi Partiyasında (VHP) 17 Noyabr – Milli Dirçəliş Günü ilə bağlı dəyirmi masa keçirilib. Tədbirdə 1988-ci il meydan hərəkatının iştirakçıları, Azərbaycanda fəaliyyət göstərən müxtəlif siyasi partiyaların rəhbərləri, təmsilçiləri, ziyalılar, gənclər iştirak ediblər. Konfrans Azərbaycanın müstəqilliyi və ərazi bütövlüyü uğrunda canlarından keçmiş, həmçinin dünyasını dəyişmiş meydan hərəkatı iştirakçılarının xatirəsinin birdəqiqəlik sükutla yad edilməsi ilə başlayıb.

    “SSRİ-nin dağılmasına əsas verən güclərdən biri meydan hərəkatı idi”

    Tədbiri 1988-ci il meydan hərəkatının əsas iştirakçılarından biri olan Vətəndaş Həmrəyliyi Partiyasının sədri Sabir Rüstəmxanlı açaraq meydan hərəkatının başlanmasından 29 il keçdiyini bildirib: “17 Noyabr – Milli Dirçəliş Günü ilə bağlı yazılı və elektron kütləvi informasiya vasitələrində materiallar verilmir və ya səthi xarakter daşıyır. Halbuki bu bir tarixdir və onu silmək olmaz. Həm də yaxın tarixdir. Nə qədər saxtalaşdırmağa çalışsalar da, yenə də millətin yadındadır. Hadisələrin iştirakçıları bu gün yaşayır. Respublikanın rəsmi qəzetlərinə göz atdım, heç biri bu gün barədə yazmayıb. “Azərbaycan” qəzeti Olmpiya Mərkəzinin açılışı ilə bağlı bir neçə səhifə dərc etdiyi halda, Milli Dirçəliş Günü ilə əlaqədar kiçik bir yazı verib. O da məlumatı tarixi təhrif edərək verib. Yaxın tarixi bu qədər saxtalaşdırmaq olmaz”.

    S.Rüstəmxanlı Milli Dirçəliş Gününün qeyd edilməsinin vacibliyindən də danışıb: “Tarixi unutmamaq üçün bir yerə toplaşmalı, bu mövzuda tədbirlər keçirməliyik. Həm də ölkənin hazırkı durumunu müzakirə etməliyik. Bakının küçələri reklam lövhələri ilə doludur. Amma siz Qarabağa, müharibəyə aid bir qeydə də rast gələ bilməzsiniz. Bizim qurduğumuz dövlət hara gəlib çıxıb? Niyə bir-birimizin səsinə sə vermirik? Adam heyrətə gəlir, niyə ayılmırıq?”

    VHP sədri meydan hərəkatının əhəmiyyəti barədə də məlumat verib: “Həmin meydanda fərqlər itmişdi, hamı bir idi. Mən arxivə göz atarkən 18 günlük meydan hadisələrinin qətnaməsini tapdım. Bugünkü düşüncə baxımından son dərəcə gözəl yazılıb. Sırf siyasi tələblər müstəvisində qurulmuş yetkin bir qətnamədir. Meydanla bağlı bu gün çox böhtanlar danışılır. Düzdür, hakimiyyət də bəzi məsələlərə görə maraqlı idi. Amma bir milyon insanı hökumət yığmamışdı. İnsanlar xırda oyunları görmür, görmək istəmirdi. “Onsuz da SSSR-i dağılacaqdı” deyənlər də var. Unutmaq olmaz ki, SSRİ-nin dağılmasına əsas verən güclərdən biri meydan hərəkatı idi. Hər şey oradan başladı. Azərbaycanın üçrəngli bayrağı meydanda tanındı. Xalq Cəbhəsinin yaranmasının zəruriliyi orada elan olundu. Meydan hərəkatı milli azadlıq hərəkatına çevrildi. Azərbaycanın bütövləşməsi məsələsi orada qaldırıldı. Meydan bir universitetdir”.

    “Meydan hərəkatı Azərbaycan xalqının böyüklüyünün, vətən və özünüdərk şüurunun bir ifadəsi idi”

    Azərbaycan Xalq Partiyasının (AXP) sədri Pənah Hüseyn deyib ki, meydan hərəkatı Azərbaycan xalqının böyüklüyünün, vətən və özünüdərk şüurunun bir ifadəsi idi: “Hərəkat Qarabağla bağlı başladı və daha sonra müstəqillik, bütövlük kimi məsələlər də gündəmə gəldi. Əslində, milli oyanış meydandan əvvəl də artıq mövcud idi və bu məsələlər əvvəllər də səslənmişdi. İndi də millətimiz Qarabağ, torpaqlarımız uğrunda öz iradəsini ortaya qoymalıdır. Meydan hərəkatında Azərbaycanın bütün kəsimləri iştirak edirdi. Milli birliyin bəlkə də ən möhtəşəm nümayişi idi. Bu gün də belə bir birliyə və milli iradənin nümayişinə ehtiyac var”.

    “Milli kimliyimizin müəyyənləşməsində 17 noyabr mitinqinin böyük rolu oldu”

    Müsavat Partiyasının başqanı Arif Hacılı vurğulayıb ki, yenidənqurma dövründə müəyyən aşkarlığın verilməsi və demokratik nəfəsliyin açılması milli duyğuları da inkişaf etdirmişdi: “Həmçinin Ermənistanın apardığı təcavüzkar siyasət Azərbaycanda çox böyük əks reaksiya doğurmuşdu. 1988-ci il noyabrın 15-16-da “Sabir”  bağında aksiyalar keçirilmişdi. Xatırlayıram, aksiyalar vəhşicəsinə dağıdılmış, bir neçə nəfər həbs olunmuşdu. 17 noyabr mitinqi isə bütövlükdə ümummilli hərəkata çevrilmişdi. Ən böyük əhəmiyyəti isə ondan ibarət idi ki, tək ərazi bötövlüyü deyil, müstəqilliklə bağlı da şüarlar səslənirdi. Azərbaycan milli bayrağının ora gətirilməsi, Xalq Cəbhəsinin yaradılması zərurətinin səslənməsi, rus qoşunlarının meydanı mühasirəyə alması, yüz minlərlə insanın göstərdiyi dəyanət, qoşunun məcbur qalıb geri çəkilməsi və s. xalqımızın özünü dərk etməsinə böyük bir təkan verdi. Həmçinin milli kimliyimizin müəyyənləşməsində də 17 noyabr mitinqinin böyük rolu oldu”.

    “Bizim azadlıq bayramımız 28 May – Respublika Günüdür, başqa siyasi bayram tanımıram”

    Azərbaycan Demokrat Partiyasının (ADP) sədri Sərdar Cəlaloğlu isə məsələyə bir qədər fərqli yanaşıb: “Biz şəxsiyyətimizi kənara qoyub hadisələrə tam, bütöv kimi baxmalıyıq. Problemimiz məsələlərə doğru yanaşa bilməməyimizdən qaynaqlanır. Əvvəla, həmin mitinqə bir milyon insanın gəlməsi milləti yaratmadı, millət mitinqi yaratdı. Digər tərəfdən nə üçün xalq 16 ağacın kəsilməsinə görə mitinq etdi, amma Xocalıya görə iki nəfər küçəyə çıxmadı? Söhbət təhtəlşüurdan gedir. Əgər mitinqlərin nəticəsi yoxdursa, deməli, boş bir hadisədir. Bizim azadlıq bayramımız isə 28 May – Respublika Günüdür, başqa siyasi bayram tanımıram”.

    “Meydan hərəkatının əsas mahiyyəti milli azadlıq ideyalarının formalaşması idi”

    Azadlıq Partiyasının sədri Əhməd Oruc qeyd edib ki, 1988-ci ildə baş verən hadisələr mahiyyətinə görə özündən əvvəlki hadisələrdən çox fərqlənir: “Ona müxtəlif aspektlərdən yanaşaraq fərqli nəticələr çıxarmaq olar. Hər şeydən əvvəl 70 ildən sonra xalq ilk dəfə bir araya gələrək etiraz edir, tribunada azadlıqla bağlı fikirlər səslənirdi. Həmin dövrlər baş verən başqa siyasi proseslər də vardı. Kommunist rejimi süquta uğramış, yeni, müstəqil dövlətlərin yaranma prosesi başlamışdı. Meydan hərəkatının əsas mahiyyəti isə milli azadlıq ideyalarının formalaşması idi”.

    “Biz 17 noyabr mitinqini həmin dövrdə dünya və SSRİ-də gedən proseslərdən kənar təhlil edə bilmərik”

    Azad Demokratlar Partiyasının (AzDP) sədri Sülhəddin Əkbər də hadisələrə doğru qiymət verilməsinin əhəmiyyətindən danışıb: “Hər hansı bir hadisəni zaman və məkanı nəzərə alaraq dəyərləndirmək lazımdır. Yalnız bu halda düzgün qiymətləndirmə mümkündür. Biz 17 noyabr mitinqini həmin dövrdə dünya və SSRİ-də gedən proseslərdən kənar təhlil edə bilmərik. İnsanları meydana toplayan ortaq ideya və fikir idi. Bu, hər zaman belədir. Birlik üçün ortaq maraq və mənafe olmalıdır. Günümüzdə də bütün vətəndaşları birləşdirəcək ortaq maraqlar var. Məsələn, torpaqlarımızın işğaldan azad edilməsi, ərazi bütövlüyü kimi. Bu məqsədlər ərafinda təkrar birlik olmağımız mümkündür”.

    “SSSR-nin dağılmasında meydan hərəkatının böyük rolu olub”

    Vətəndaş və İnkişaf Partiyasının (VİP) sədri Əli Əliyev bildirib ki, SSSR-nin dağılmasında meydan hərəkatının böyük rolu olub: “Mitinqlər ictimai şüurun inkişafına, milli oyanışa ciddi təsir göstərən amillərdəndir. Eləcə də müstəqilliyin əldə olunmasında əvəzsiz rolu var. Hesab edirəm ki, bununla da biz böyük bir mərhələni keçmişik. Azərbaycan xalqının mübarizəsi, verdiyi itkilər hesabına müstəqillik əldə edə bildik”.

    “Meydan hərəkatının tariximizdə əvəzsiz yeri var”

    Azərbaycan Demokratiya və Rifah Hərəkatının (ADR) sədr müavini Ellada Məmmədli də mövzu ilə bağlı fikirlərini bölüşüb: “Həmin günlərdə ölkədə böyük iqtisadi böhran və xaos yaşanırdı. Baş verənlərə etiraz olaraq Bakı Dövlət Universitetinin tələbələri fevralın 2-də yürüş-mitinq keçirdi. Onların cəhdləri nəticəsində məsələ böyüdü, digər vətəndaşlar da mitinqlərə qatıldı. Meydan hərəkatının tariximizdə əvəzsiz yeri var. Ən önəmlisi bizə milli kimliyi, tariximizi və müstəqiliyi qazandırdı”.

    Ağ Partiyanın sədri Tural Abbaslı da tarixi günlərin qeyd edilməsinin əhəmiyyətindən danışıb: “Tariximizdə önəmli günlər var. Bunlardan biri də Milli Dirçəliş Günüdür. Bu günlərin və hadisələrin qeyd olunması, müzakirə edilməsi vacib məsələdir. Tariximizi unutmamaq,  yadda saxlamaq üçün belə görüşlərə, konfranslara ehtiyac var”.

    Tədbir mövzu ətrafında müzakirələrlə davam etdirilib.

     

     

     

  • VHP rayon təşkilatlarında Cümhuriyyət tədbiri- FOTO

    Vətəndaş Həmrəyliyi Partiyasının (VHP) Ağsu və Qusar rayon təşkilatlarının bu gün toplantısı keçirilib.

    Toplantıda Ağsu RT sədri Tahir Əzimli və Qusar RT sədri Həsənbala Məmmədov 28 May Cümhuriyyət Günü ilə bağlı məzurə ediblər, cümhuriyyət tarixindən və cümhuriyyətin uğurlarından danışıblar. Daha sonra Xalq Cümhuriyyəti ilə bağlı geniş müzakirə aparılıb.

    Sonda təşkilatdaxili məsələlər müzakirə edilib.

  • Laçın VHP-çiləri ilə görüş keçirilib- FOTO

    VHP-nin Mərkəzi Qərargahında partiyanın Laçın rayon təşkilatının bir qrupu üzvü ilə görüş keçirilib.
    Qeyd edək ki, Laçının rayonunun bu günlərdə işğal edilməsindən 25 il ötür, Laçın barədə dostlarımız xatirələrini bölüşdülər.
    Rayon təşkilatının fəaliyyəti müzakirə edilib, RT sədri Həmzalı Məmmədov təşkilatın fəaliyyətindən danışıb, RT üzvləri təkliflərini veriblər və təkliflər ətrafında müzakirə aparılıb.
    VHP Mərkəzi İcra Aparatının rəhbəri Samir Əsədli partiyanın fəaliyyəti, qurultaya hazırlıq işlərindən və VHP MNTK sədri Felmar Ələkbərli ictimai-siyasi vəziyyət barədə danışıblər, suallara cavab veriblər.

  • VHP Xaçmza konfrans keçirdi

    Dünən Vətəndaş Həmrəyliyi Partiyasının (VHP) Xaçmaz rayon təşkilatının VI konfransı keçirilib. Konfrans dövlət himninin, VHP marşının oxunması və şəhidlərin xatirəsinin sayğı duruşu ilə yad etməklə işə başladı.
    Rayon təşkilatının sədri Cavanşir Qasımov çıxış edərək bildirdi ki, təşkilatın sıralarında 400-dən artıq üzv birləşib. Biz hər zaman Xaçmaz rayon təşkilatı olaraq partiyanın öncül təşkilatlarından olmuşuq və bundan sonrakı fəaliyyətimizdə də belə olacaq.

    C.Qasımov həmçinin rayon təşkilatının və onun seçkili qurumlarının fəaliyyəti barədə geniş məlumat verdi.

    NTK sədri Gülbət Məmmədova da hesabat çıxışında bildirdi ki, təşkilat partiyanın Nizamnaməsinə uyğun işini qurub və Məramnaməyə uyğun fəaliyyət göstərib.
    Konfrans iştirakçılarından Cəmşid Qəmbərov, Fərqanə İsmayılova, Telman Talıbov və Miryaqub Cəfərov çıxış edərək rayon təşkilatının fəaliyyəti ilə bağlı təkliflərini verdilər, təşkilatın konfranslar arası fəaliyyətini qənaətbəxş qiymətləndirdilər.

    VHP Mərkəzi İcra Aparatının rəhbəri Samir Əsədli ölkədə baş verən siyasi proseslər, VHP-nin fəaliyyəti, qarşıda duran işlər və qurultay hazırlıqları barədə məlumat verdi.

    Sonda təşkilati məsələlərə baxıldı. Cavanşir Qasımov yenidən sədr seçildi. Təşkilatın yeni məclis, Nəzarət Təftiş Komissiyasının üzvləri formalaşdırıldı və partiya qurultayına nümayəndələr seçildi.

    VHP Xaçmza konfrans keçirdi VHP Xaçmza konfrans keçirdi1

  • VHP Kürdəmir, Ucar və Yevlaxda konfrans keçirib-FOTOLAR

    01 may 2016-cı il tarixdə Vətəndaş Həmrəyliyi Partiyasının (VHP) Kürdəmir, Ucar və Yevlax rayon təşkilatlarının konfransları keçirilib. Əliqulu Cəfərov Kürdəmir, Ağasəf Ələkbərov Ucar və Vüqar Cəfərli isə Yevlax rayon təşkilatına sədr seçilib. Hər üç təşkilatın Məclis, NTK üzvləri və partiya qurultayına nümayəndələr seçilib. Müsavat və Ümid partiyalarından konfranslarda nümayəndələr iştirak ediblər. VHP Mərkəzi İcra Aparatının rəhbəri Samir Əsədli və Ali Məclisin üzvü Real Cəfərli konfransa qatılıblar.

    VHPKurdemir1 VHPKurdemir2 VHPKurdemir3 VHPKurdemir4 VHPUcar VHPYevlax0 VHPYevlax1 VHPYevlax2 VHPYevlax3

     

  • VHP Gəncədə bölgə müşavirəsi keçirib-FOTO

    03 may 2016-cı il tarixdə Gəncə şəhərində Vətəndaş Həmrəyliyi Partiyasının (VHP) bölgə müşavirəsi keçirilib.  Müşavirədə partiya sədri Sabir Rüstəmxanlı ictimai-siyasi vəziyyət, partiyanın qarşısında duran vəzifələr, VHP-nin qurultay hazırlıqları və son günlər Qarabağ ətrafında baş verən olaylar barədə geniş məruzə edib.
    Həmçinin Gəncə, Naftalan, Tovuz, Qazax, Ağstafa, Şəmkir, Gədəbəy, Samux, Daşkəsən, Göygöl, Goranboy, Yevlax, Mingəçevir, Bərdə, Tərtər və Xocalı təşkilat sədrləri də çıxış edərək rəhbərlik etdikləri təşkilatların fəaliyyəti barədə məlumat verdilər. VHP-nin Mərkəzi İcra Aparatının rəhbəri Samir Əsədli, partiya sədrinin müavini Arif İsmayılbəyli və MNTK-nın sədri Felmar Ələkbərli də çıxış ediblər.
    Müşavirədə partiyanın bölgə təşkilatlarının fəaliyyəti geniş müzakirə edilib və partiya sədri təşkilat sədrlərinə tapşırıq və tövsiyyələrini verib.

    VHPGencemusavire VHPGencemusavire1 VHPGencemusavire2 VHPGencemusavire3 VHPGencemusavire4 VHPGencemusavire4a VHPGencemusavire4b VHPGencemusavire5