Vətəndaş Həmrəyliyi Partiyası

Blog

  • VHP təşkilatları məclis toplantısı keçiriblər- FOTO

    Bu gün Vətəndaş Həmrəyliyi Partiyası (VHP) Quba rayon təşkilatı Məclisinin növbəti toplantısı keçirilib. Təşkilat sədri Sənan İmanquliyevin hesabatı dinlənilib. Daha sonra RT sədri ictimai-siyasi məsələlər və qarşıda duran işlər barədə danışıb. O, bildirib ki, VHP üçün bu il ələmətdar ildir, partiyanın yaranmasının 30 ili tamam olur. Bu müddət ərzində VHP siyasi ideologoyası və ideoloji prinsiplərinə daima sadiq qalıb . Vətəndaş Həmrəyliyi ideologiyasına uyğun işlər qurulub. Az saylı xalqlar və əhali arasında təbliğat aparılıb. VHP bu gün yeganə partiyalardandır ki, az saylı xalqlar xeyli sayda təmsil olunub. Bir amalımız var ki, Azərbaycan bizim gözümüzdür və birgə ölkəmizin birliyinə, həmrəyliyinə sadiq qalmalıyıq, neçə ki, qalırıq. Biz bir ağacın qollarıyıq, elimizə, obamıza və ölkəmizə sadiq qalmalıyıq.
    Sonda təşkilat daxili məsələlərə baxılıb, yeni müavin təsdiq edilib və partiyaya üzvlər qəbul edilib.
    ***
    Vətəndaş Həmrəyliyi Partiyası Ağsu rayon təşkilatının Məclis toplantısı keçirilib. Yığıncaqda ictimai-siyasi məsələlər və qarşıda duran işlər müzakirə edilib.
    Yığıncağı təşkilat sədri Tahir Əzimov açaraq ictimai-siyasi məsələlər, rayon təşkilatının fəaliyyəti, Ağsu rayonundakı mövcud vəziyyət barədə geniş danışıb.Natiq çıxışında son vaxtlar ərzaq, xüsusən gündəlik təlabat mallarının durmadan qiymətinin artmasının insanları, xüsusən az təminatlı ailələri narahat etdiyini, bu da işsiz təbəqənin dolanışığına mənfi təsirsiz ötüşmədiyini bildirib. O, Hökumətin, xüsusən müvafiq qurumların ciddi tədbir görməsinin vacib olduğunu deyib.
    Təşkilatın, partiyanın fəaliyyəti, qarşıdan gələn 30 illik yubiley, ictimai-siyasi məsələlərin müzakirəsi ilə davam edib məclis toplantısında həmçinin təşkilatın mərhum sədr müavini Mirzə müəllimdən söz açılıb, onun rayon ziyalısı kimi, təşkilatda fəaliyyətindən danışılıb və qeyd olunub ki, Mirzə müəllimin əziz xatirəsi hər zaman Ağsuluların arasında xoş izlərlə qalacaq.
    Məclisin sonunda VHP-yə yeni üzvlər qəbul edilib və iclas bununla da yekunlaşıb.

    ***
    Vətəndaş Həmrəyliyi Partiyası Lənkəran təşkilatı Məclisinin növbəti iclası keçirilib. Toplantıda təşkilati işlər və ictimai-siyasi məsələlər müzakirə edilib. Rayon təşkilatının sədri Rahib Ismayilov ölkədəki ictimai-siyasi məsələlər, rayon təşkilatının fəaliyyəti, Lənkərandakı durum barədə danışıb. Çıxışında xüsusən işsizlik problemindən söz açan təşkilat sədri rayon əhalisinin böyük əksəriyyətinin işsiz olduğunu, son vaxtlar bütün məhsulların qiymət artımından söz açıb. Bu durumun əhalinin yaşayışına mənfi təsir etdiyini bildirib. Əlavə edib ki, hökumət məsələ ilə bağlı ciddi tədbirlər görməlidir. Lənkəran bölgəsində işsizlik, xüsusən gənclərin işsiz olması bölgə əhalisinin yaşayışına ciddi şəkildə mənfi təsir göstərir.
    Təşkilati məsələlərin müzakirəsi ilə iclas davam edib və VHP sıralarına yeni üzvlər qəbul edilib.

  • VHP rayon təşkilatları toplantı keçiriblər- FOTO

    ŞUŞA-25.07.2022/ Vətəndaş Həmrəyliyi Partiyası Şuşa rayon təşkilatı Məclisinin növbəti toplantısı keçirilib.
    Təşkilatın sədri Ofelya Rəşidqızı ölkədəki ictimai-siyasi durum, Qarabağda cərəyan edən proseslər və təşkilatın fəaliyyətindən danışıb. Bildirib ki, şuşalıları ən çox maraqlandıran məsələ Şuşaya, doğma torpaqlarına köçəcəkləri günü gözləməkdir: “ Bu gün Qarabağın böyük hissəsi yağı düşməndən azad edilib. Şuşa azaddır, biz hazırda şəhərimizə, elimizə köç edəcəyimiz, geri dönüş günün səbrsizliklə gözləyirik. 30 ildir həsrəti ilə yaşadığımız Şuşa azaddır. Yaxın vaxtlarda Xankəndi, Xocalı, Xocavənd, Ağdərə və Şuşanın kəndlərinin azad olunacağı sevincini də gözləyirik. Qarabağ tam azad olunacaq, bütövləşəcək. Ən böyük arzumuz budur. Şəhidlərimizin ruhu qarşısında baş əyir, qazilərimizə can sağlığı diləyirik”.
    O. Rəşidqızı çıxışında qeyd edib ki, bu il VHP-nin 30 illik yubileyidir. Biz də təşkilat olaraq partiyanın yubileyini Şuşada qeyd etməyə ümid edirik.
    Sonda təşkilati məsələlərə baxılıb, partiya sıralarına yeni üzvlər qəbul edilib.

    ***
    OĞUZ-25.07.2022/ Vətəndaş Həmrəyliyi Partiyası Oğuz rayon təşkilatı Məclisinin növbəti yığıncağı keçirilib. Məclisdə ölkədəki mövcud ictimai-siyasi durumu və təşkilati işləri müzakirə edilib .
    Təşkilat sədri Famil Zakirov təşkilatın fəaliyyəti barədə danışıb, qeyd edib ki, bir sıra yeni özək təşkilatları təsis edilib. F.Zakirov həmçinin çıxışında ictimai-siyasi məsələlər və partiyanın fəaliyyətindən danışıb.
    Daha sonra məclisdə ictimai-siyasi olaylar, qarşıda duran işlər müzakirə edilib. Bildirilib ki, bu il partiyanın 30 illik yubileyi keçiriləcək, Oğuz rayon təşkilatı da partiyanın fəaliyyət istiqamətinə və məramnaməsinə uyğun işini qurub, fəaliyyət göstərir.
    Sonda təşkilati məsələlərə baxılıb və VHP-yə yeni üzvlər qəbul edilib.

    ***

    AĞSTAFA-24.07.2022/ Vətəndaş Həmrəyliyi Partiyası (VHP) Ağstafa rayon təşkilatı Məclisinin növbəti iclası keçirilib.  Rayon təşkilatının Məclis iclasında ictimai-siyasi məsələlər və təşkilati işlər müzakirə edilib.

    Təşkilatın sədri Dürdanə Həsənova yığıncağı açıq elan etdikdən sonra ictimai-siyasi məsələlər, təşkilatın və partiyanın fəaliyyəti ilə bağlı geniş çıxış edib . Bildirib ki, rayonun bir sıra kəndlərində yeni özəklər təsis edilib.
    Məclis toplantısında ölkədəki iqtisadi vəziyyət də geniş müzakirə edilib. Ərzaq və gündəlik tələbat məhsullarının demək olar ki, hər gün qiymət artımı pislənilib, bu arımların, xüsusilə monopolyanın insanların gündəlik həyatına mənfi təsir etdiyi, günü-gündən yaşayışa, xüsusilə işsiz kəndli təbəqəsinin vəziyyətinin ağırlaşmasına gətirib çıxardığı bildirilib və bu məsələnin ciddi narahatçılığ yaratdığı ifadə olunub.
    Sonda təşkilati məsələlər müxakirə edilib və partiyaya yeni üzvlər qəbul edilib.

    ***
    YEVLAX-21.07.2022/  Vətəndaş Həmrəyliyi Partiyası (VHP) Yevlax rayon təşkilatının növbəti Məclis toplantısı keçirilib.

    Yığıncaqda ölkədəki ictimai-siyasi vəziyyət, qarşıda duran işlər və təşkilati məsələlər müzakirə edilib.
    Təşkilat sədri Vüqar Cəfərli ictimai-siyasi proseslər haqda geniş məruzə ilə çıxış edərək partiyanın fəaliyyəti, təşkilatın gördüyü işlər və siyasi proseslərdə VHP-nin fəaliyyətindən danışıb. O çıxışında VHP-nin bu il yranmasının bu 30 ilinin tamam olmasını vurğulayaraq partiyanın keçdiyi yola tarixi nəzər salıb. Toplantı iştirakçıları gündəlikdə olan məsələlərlə bağlı çıxış edib.
    Sonda təşkilati məsələlərə baxılıb və partiyaya yeni üzvlər qəbul edilib.

    ***

    SURAXANI-21.07.2022/ Vətəndaş Həmrəyliyi Partiyası Suraxanı rayon təşkilatı Məclisinin növbəti toplantısı keçirilib. Yığıncaqda ölkədəki ictimai-siyasi proseslər və təşkilati məsələlər müzakirə edilib.

    Rayon Təşkilatının sədri Rüstəm Fətullayev təşkilatın fəaliyyəti barədə geniş məruzə edib. Bildirib ki, bu günlərdə daha 6 yeni özək təşkilatı təsis olunub. Son vaxtlar gənclər üzvlük üçün müraciət edirlər, bu da bizi sevindirir. Vətəndaş Həmrəyliyi ideologiyasını gənclər arasında təbliğ edirik.
    Daha sonra VHP Təşkilat Şöbəsinin müdiri Asif Şəkərli ölkədəki mövcud ictimai-siyasi proseslər, qarşıda duran işlər və partiyanın fəaliyyəti barədə söz açıb. Bildirib ki, VHP-nin bu il 30 yaşı tamam olacaq. Qürurla və eyni ideoloji-sistemlə fəaliyyətimizi davam etdiririk. VHP xalqın partiyasıdır və biz də milli maraqlar, Vətəndaş Həmrəyliyi üçün öz fəaliyyətimizi millətimizin iradəsi üçün davam etdiririk.
    Sonda təşkilati məsələlərə baxılıb, partiyaya yeni üzvlər qəbul edilib.

  • VHP-nin bölgə təşkilatları yığıncaq keçiriblər- FOTO

    VHP Goranboy RTGORANBOY/ Vətəndaş Həmrəyliyi Partiyası (VHP) Goranboy rayon təşkilatının növbəti Məclis toplantısı keçirilib. Toplantıda ölkədəki ictimai-siyasi durum və təşkilati məsələlər müzakirə edilib.
    Təşkilat sədri Zaur Məmmədli ölkədə və dünyada baş verən siyasi olaylar, Goranboy rayonundakı siyasi və iqtisadi vəziyyət, təşkilatın və partiyanın qarşısında duran işlər barədə geniş məruzə edib.
    Qarşıdan gələn partiyanın 30 illik yubileyi münasibəti ilə məclis üzvlərinin təbrik edən təşkilat sədri, yubiley gününün Goranboyda da keçiriləcəyini bildrib.
    Sonda təşkilati məsələlərə baxılıb və partiyaya yeni üzvlər qəbul edilib.

     

    YARDIMLI/ Vətəndaş Həmrəyliyi Partiyası (VHP) Yardımlı rayon təşkilatının növbəti Məclis toplantısı keçirilib. Yığıncaqda ölkədəki ictimai-siyasi vəziyyət, qarşıda duran işlər və təşkilati məsələlər müzakirə edilib.
    Təşkilat sədri Azad Rzazadə ictimai-siyasi proseslər haqda geniş məruzə ilə çıxış edərək partiyanın fəaliyyəti, təşkilatın gördüyü işlər və siyasi proseslərdə VHP-nin fəaliyyətindən danışıb. O çıxışında qeyd edib ki, ölkənin ilk siyasi partiyalarından olan VHP-nin bu il 30 yaşı tamam olur. VHP bu 30 ildə yoluna, hədəflərinə sadiq olub, milli birlik, Vətəndaş Həmrəyliyi və bürövlük uğrunda mübarzə aparıb. Biz də Vətəndaş Həmrəyliyi ideyasının təbliğində, əhali arasında yayılmasında təşkilat olaraq fəaliyyət göstəririk. VHP-nin Yardımlı rayon təşkilatının da bu ay təsis olmasından 30 il ötdü.
    Sonda təşkilati məsələlərə baxılıb və partiyaya yeni üzvlər qəbul edilib.

     

  • VHP Neftçalada yığıncaq keçirib- FOTO

    Vətəndaş Həmrəyliyi Partiyası (VHP) Neftçala rayon təşkilatının növbəti Məclis toplantısı keçirilib. Toplantıda təşkilatı məsələlər və ölkədə baş verən ictimai-siyasi durum müzakirə edilib.

    VHP Neftçala rayon təşkilatının sədri Fərman Hüseynov ölkədə və dünyada baş verən siyasi olaylar barədə danışıb. Çıxışında partiyanın  fəaliyyəti, qarşıda duran vəzifələr  və Neftçala rayonundakı vəziyyət barədə  də danışıb. Təşkilatın və partiyanın fəaliyyətindən danışarkən F.Hüseynov  qeyd edib ki, VHP-nin bu ilə təsis olunmasından 30 il ötür. Həm Bakı şəhərində, həm də Neftçalada partiyanın yubiley tədbiri qeyd olunacaq.

    Fərman Hüseynov çıxışında həmçinin bu gün xalq hərəkatının flaqmanı  olan Xalq Cəbhəsinin təsis olunmasından 33 il keçdiyini bildirib . AXC xalqın təşkilatı idi, müstəqillik və azadlıq aşiqlərinin təsis etdiyi bir təşkilat idi.

    Həmçinin F.Hüseynov  Azərbaycan Xalq Cümhuriyyətinin qurucu lideri Məhəmməd Əmin Rəsulzadənin bu günlərdə Ankara şəhərində heykəlinin ucaldılmasını müsbət olay olduğunu bildiriv və Bakıda da Rəsulzadəyə heykəlinin ucaldılmasının vacib olduğunu qeyd edib.

    Sonda təşkilati məsələlərə baxılıb, partiyaya yeni üzvlər qəbul edilib.

  • “Paşinyan Rusiyanın kəşfiyyat orqanlarının ciddi kök saldığının fərqindədir” — Samir Əsədli

    Ermənistanda baş verən siyasi qarışıqlıq səngimək bilmir. Ölkə islahatlar kontekstində ayrıca Xarici Kəşfiyyat Agentliyi yaratmağı planlaşdırır. Bəs belə bir qurumu yaratmaqda Ermənistanın əsas məqsəd nədir?

    VHP-nin Mərkəzi İcra Aparatının rəhbəri Samir Əsədli Demokrat.az-a açıqlamasında vurğulayıb ki,Ermənistan Xarici Kəşfiyyat Xidmətinin yaradılması prosesinə bir il əvvəldən başlanılıb.

    Analitik deyir ki, Ermənistanın baş naziri Nikol Paşinyan ötən ilin yayında hökumətin 2021-2026-cı illər üçün proqramını təqdim edərkən demişdi ki, proqram Nazirlər Kabineti tərəfindən təsdiqləndikdən sonra parlamentdə müzakirə olunacaq:

    “Proqram 6 bölmədən ibarətdir. Bunlar: “Təhlükəsizlik və Xarici siyasət”, “İqtisadiyyat”, “İnfrastrukrun inkişafı”, “İnsan kapitalının inkişafı”, “Hüquq və Ədalət” və “İnstitusional inkişaf”. Fikrimcə, bu məsələdə sensasion bir məqam yoxdur. Sadəcə Paşinyan dövlət idarəçiliyində islahatları davam etdirir və bu da həmin prosesin tərkib hissəsidir. Paşinyan orduda və dövlətin digər strateji mövqelərində xarici dövlətlərin, xüsusilə Rusiyanın kəşfiyyat orqanlarının ciddi kök saldığının fərqindədir və bu islahatlar həmin təhlükəni önləməyə xidmət edir”.

    Nəzrin
    Demokrat.az

  • Elxan Mirzəyev -76

    Bu gün Vətəndaş Həmrəyliyi Partiyası (VHP) sədrinin müavini, professor Elxan Mirzəyevin doğum günüdür.
    Elxan bəy VHP-nin veteran üzvlərindəndir. Onun keçdiyi həyat yolu gənc nəslin hər bir üzvü üçün örnək ola bilər. Dünynın bir çox nüfuzlu elm mərkəzlərində olan Elxan bəy hər zaman vətəndaş mövqeyində dayanmış, Azərbaycan maraqlarının keşiyində durmuşdur. 1990-cı ildə Sankt-Peterburq və Moskva Dövlət universitetlərində elmi təcrübə keçirərkən təzyiqlərə baxmayaraq, 20 yanvar hadisələri ilə bağlı şəhidlərimizin faciəli ölüm səhnələrinin fotolarının sərgisini təşkil etməsi, 1996-cl ildə Amerika Birləşmiş Ştatlarının İREX kampaniyasının elm və təhsil ilə bağlı keçirdiyi müsabiqənin qalibi kimi Vermond ştatında dörd aylıq elmi-pedaqoji təcrübədə olarkən Vermond Universiteti və Sent Mayklz Kollecində Xocalı faciəsinin fotolarınının nümayişini keçirməsi bunun təsdiqidir. Elxan bəyin həyat yolunda maraqlı hadisələrdən biri də 1996-cı il ABŞ-ın prezident seşkilərində qalib gələn Bill Klintonu ilk azərbaycanlı kimi Azərbaycan xalqı adından təbrik etməsi və Prezidentin şəxsi imzası ilə cavab olaraq təşəkkür məktubu almasıdır.
    Elxan bəyi VHP ailəsi adından səmimi qəlbdən təbrik edir, ona uzun ömür can sağlığı arzulayırıq.

  • VHP qazi intiharlarına etiraz edir: günahkarlar cəzalandırılsın

    Son günlər İkinci Qarabağ savaşının qəhrəmanları olan qazilərin intihat xəbərləri artmaqdadır. 2020-ci ilin sentyabrında başlayan və 44 gün davam edən II Qarabağ müharibəsindən 2 il ötsə də, bir çox qazinin  problemləri həllini tapmayıb. Müharibədən qayıtdıqdan sonra sağlamlıq vəziyyətinə görə işsiz qalan, əlillik dərəcəsi ala bilməyən, psixoloji dəstək görməyən qazilər arasında narazılıqları artırır. Qeyri-rəsmi məlumatlara görə, indiyədək 36 nəfər qazi müxtəlif səbəblərdən intihar edib. Yazılanlara görə, onların bir çoxu üzləşdiyi haqsızlıqlara, məmurların etinasız münasibətinə etiraz edərək intihar ediblər. Bəzi qəhrəmanlarımız isə öncədən hər hansı narazılıq bildirmədən – ruhi-psixoloji travmalar səbəbindən canına qıyıb. Bütün hallarda – səbəbindən asılı olmayaraq postmüharibə dövründə 36 qazinin intihar etməsi son dərəcə ağır hadisədir. Azərbaycan Vətən Savaşını qələbə ilə başa vurub və bütün xalqımızın bir yumruğa çevrildiyi bu zamanda qazilərimizin rolu müstəsnadır. Onların problemlərinin həlli üçün çalışmaq hər bir vətəndaşın borcudur. Səlahiyyət sahibi olan məmurlar isə birbaşa bu işə məsuldurlar və  məsuliyyətlərini  dərk etməlidirlər.

    Vətəndaş Həmrəyliyi Partiyası olaraq qazi intiharlarının yaradan səbəblərin dərhal dayandırılması üçün təxirəsalınmaz tədbirlər görülməsini və bu vaxtadək baş verən intiharların hərtərəfli araşdırılaraq səbəbkarların cəzalandırılması verilməsini tələb edirik.

  • Sabir Rüstəmxanlının 15 cildli seçilmiş əsərlərinin V cildi çap edilib

    Xəbər verildiyi kimi, Azərbaycanın Xalq şairi Sabir Rüstəmxanlının 15 cildlik seçilmiş əsərlərinə şeir və poemaları, publisist yazıları, pyes, roman, povest və hekayələri, eləcə də dünya ədəbiyyatından tərcümələri, çıxışları və yol qeydləri toplanmışdır. Seçilmiş əsərlərin yaxın üç ildə tamamlanması nəzərdə tutulur.
    Bu günlərdə dördüncü cild çapdan çıxmışdır. Dördüncü cildə müəllifə ümumxalq məhəbbəti qazandırmış və çox böyük tirajla çap olunmuş “Ömür kitabı” adlı əsəri ilə yanaşı ölkəmizdə müstəqil demokratik mətbuatın ilk qaranquşu olan məşhur “Azərbaycan” qəzetində çap etdirdiyi “Azərbaycan harayı” adlı silsilə publisist yazıları daxil etmişdir.
    Ötən əsrin 80-90-cı illərində Azərbaycan bədii publisistikasında şah əsər olan “Ömür kitabi” və “Azərbaycan” qəzeti gənc nəslin milli şüurunun formalaşması və inkişafında, dövlət müstəqilliyinin bərpası uğrunda aparılan mübarizədə müstəsna rol oynamışdır.

  • Samir Əsədli: “Gürcüstan “Evə, Avropaya” doğru israrlıdır”

    Yaxın dönəmdə Saakaşvilinin həbsi ilə bağlı dəyişiklikləri də görəcəyik
     
      Gürcüstanın paytaxtı Tbilisidə “Evə, Avropaya” şüarı altında etiraz aksiyaları başlayıb. Aksiya təşkilatçıları deyiblər ki, iyunun 24-də Baş nazir İrakli Qaribaşvilinin istefası və milli razılıq hökumətinin yaradılması ilə bağlı irəli sürdükləri ultimatumun vaxtı başa çatıb. Mitinqə Gürcüstanın müxtəlif regionlarından iştirakçılar və bir sıra ali məktəblərin tələbələri də qatılıb. Aksiyanı aparıcı müxalifət partiyalarının nümayəndələri də dəstəkləyiblər. 
     
      Məlumat üçün bildirək ki, qonşu ölkədə kütləvi aksiyalar Gürcüstanın Avropa İttifaqına üzvlüyə namizəd statusu almamasından sonra keçirilməyə başlanılıb. Təşkilatçılar hesab edirlər ki, statusun verilməsi üçün Avropa Komissiyasının təqdim etdiyi 12 şərtin yerinə yetirilməsini milli razılıq hökuməti təmin edə bilər.
    Qonşu ölkədə baş verən olayları “Şərq”ə dəyərləndirən Vətəndaş Həmrəyliyi Partiyasının sədr müavini Samir Əsədli deyib ki, Gürcüstanda Avropaya inteqrasiya ilə bağlı müxalifətlə hökumət arasında fikir ayrılığı Avropa Birliyinin qərarından sonra kəskin hal alıb. Partiya rəsmisi bildirib ki, müxalifət Baş nazir İrakli Qaribaşvilinin istefasını, Avropa Birliyinin 12 şərtini yerinə yetirmək üçün xalqın etimadına malik “texniki hökumət”in yaradılmasını tələb edir: 
    “Ancaq bu tələblər yerinə yetirilmədiyi üçün küçə etirazları başlayır. Əslində Gürcüstan özünü çoxdan “Avropa dövləti” hesab edir. Baxmayaraq ki, onun coğrafi məsafəsi və Cənubi Qafqaz regionunda Rusiya, Azərbaycan, Ermənistan və Türkiyə ilə sərhəddə yerləşməsi kontinental mənsubiyyətlə bağlı suallar yaradır. Qonşu ölkənin qarışması sözsüz ki, Rusiya-Ukrayna müharibəsi ilə bağlıdır. Rəsmi Tbilisi ilk gündən bu müharibədə neytral mövqe tutub ki, bu da Qərbi qane etmir.   Rusiyaya qarşı tətbiq edilən sanksiyalar faktiki olaraq təsirsizdir. Bu da Avropanı narazı salır. Neft və qaz satışından daxil olan vəsaitlər günbəgün artır. Rusiya da Ukraynada geri çəkilənə oxşamır. Gürcüstan hakimiyyəti bunları nəzərə alaraq, Rusiya ilə münasibətləri gərginləşdirməyə getmir. Bu durum Qərbə xoş gəlmədiyindən Gürcüstana qarşı ögey münasibət sərgiləyir. Vəziyyətdən yararlanmağa çalışan gürcü müxalifəti isə xalqı küçələrə çıxarır”.
     
      S.Əsədliyə görə, Gürcüstan müxalifəti əmindir ki, ölkənin Avropa yolunda irəliləməsində ən böyük maneə “Gürcü Arzusu” Partiyasının qurucusu, milyarder Bidzina İvanişvilidir:
     “Fikrimcə, proseslər hökumətin güzəştə getməsi ilə yekunlaşacaq. Yaxın dönəmdə eks prezident Mixail Saakaşvilinin həbsdə saxlanmasından tutmuş, Ukrayna müharibəsinə münasibətə qədər bir çox məsələlərdə dəyişikliyin şahidi olacağıq”.

  • “XXI əsrin Qarabağnaməsi” kitabının təqdimatı keçirilib

    30 iyun 2022-ci il tarixində Camal İsmayılov adına Neftçala rayon Uşaq İncəsənət məktəbində yazıçı-publisist Əlövsət Polad və yazar Ələkbər Zahidovun birgə müəllifi olduqları ”XXI əsrin Qarabağnaməsi” adlı kitabın təqdimat mərasimi keçirilmişdir. Təqdimatda Milli Məclisinin deputatı Sabir Rüstəmxanlı, Neftçala rayon İcra Hakimiyyətinin başçısı Mirhəsən Seyidov, rayon ictimaiyyətinin nümayəndələri, şəhid ailələrinin üzvləri və tədbirə dəvət olunmuş qonaqlar iştirak ediblər.
    ”XXI əsrin Qarabağnaməsi” adlı kitabda otuz ildən artıq müddətdə davam etmiş Qarabağ münaqişəsi, yaddaşlardan tarixə köçən gerçəkliklər, ictimai-siyasi və tarixi hadisələr, torpaqlarımızı azad etmək üçün həyata keçirdiyimiz qısamüddətli labüd hərbi əməliyyatlar: Aprel və Tovuz döyüşlərinin əfsanəvi qəhrəmanları, Vətən müharibəsinin başlanma səbəbləri, gedişatı və nəticəsi, xalq və milli birliyimiz, müzəffər ordumuzun qələbəsi, qəhrəman şəhidlərimiz haqqında qiymətli yazılar, fikir və düşüncələr qələmə alınmış, şeirlər, faktlar və materiallar toplanmışdır. Çıxış edən natiqlər qeyrətli Vətən oğullarımızın qəhrəmanlıq salnaməsindən, tariximizin, ədəbiyyatımızın geniş mövzusu olan Qarabağ müharibəsindən, yazıçı-publisist Əlövsət Polad və yazar Ələkbər Zahidovun birgə ərsəyə gətirdikləri ”XXI əsrin Qarabağnaməsi” kitabının bu mövzudakı əhəmiyyətindən danışıblar.
    Millət vəkili Sabir Rüstəmxanlı öz çıxışında adı çəkilən əsərin meydana gəlməsində iki dəyərli ziyalının güc birliyindən danışıb, onların düşüncə və fikirlərinin, zəhmət və əməyinin nəticəsində yaranan ”XXI əsrin Qarabağnaməsi” kitabına görə müəllifləri və rayon ictimaiyyətini Azərbaycan xalqının Qarabağ uğrunda dönməz mübarizəsini və qəhrəmanlıq salnaməsini əbədiləşdirən yeni bir kitabın nəşrinə görə təbrik edib. Millət vəkili Sabir Rüstəmxanlı bildirmişdir ki, özü də bu mövzuda kitab yazmaq arzusunda olmuş, lakin buna zamanı olmayacağını nəzərə aldığından çap əsərinin ərsəyə gəlməsinə xeyir-duasını vermiş, öz kömək və dəstəyini əsirgəməmişdir. Millət vəkili həm də vətənpərvər və vətəndaşlıq mövzusuna da toxunmuş, hər bir vətəndaşın vətənini və torpağını qarşılıqsız sevməyini vurğulamışdır. O, ən həssas təbəqə olan şəhid ailələri və qazilərimizə üzünü tutaraq möhkəm və səbrli olmağı, qarışıqlıq salanlara məhəl qoymamağı tövsiyə etmiş, xüsusi olaraq bildirmişdir ki, partiya və təşkilatlarımız vətənimiz və dövlətçiliyimizin bütövlüyü uğrunda canını fəda etmiş şəhidlərimizin yaxınları və əzizlərinə, qəhrəman qazi və veteranlarımıza qayğı və dəstəyini əsirgəmir, hər zaman diqqətində saxlayır.
    Millət vəkili dini qurumlar və dindarlara da münasibətini bildirmiş, xarici təsir və meyllərə məhəl qoymamağı, əksinə onların dövlət orqanları ilə bərabər ictimaiyyət tərəfindən də budaqlanmasının qarşısının alınmasına çağırış etmişdir. Çıxışın sonunda Sabir Rüstəmxanlı bütün şəhidlərimizin ruhu qarşısında baş əydiyini, şəhid analarının əllərindən öpdüyünü və hərb meydanında hünər göstərmiş qazilərimizə isə öz hörmət və ehtiramlarını bildirmişdir.
    Tədbirdə çıxış edən Neftçala rayon İcra Hakimiyyətinin başçısı Mirhəsən Seyidov Qarabağ uğrunda erməni işğalçılarına qarşı mübarizədə misilsiz qəhrəmanlıqlar göstərərək şəhidlik zirvəsinə ucalmış Neftçala rayonunun qəhrəman övladlarından və şəhidlərimizin əziz xatirəsini əbədiləşdirməyə xidmət edən ”XXI əsrin Qarabağnaməsi” kitabının əhəmiyyətindən danışıb, sonda müəlliflərə gələcək yaradıcılıqlarında uğurlar arzu edib.
    Tədbirdə çıxış edən şəhid ailələrinin üzvləri şəhidlərlə bağlı xatirələrini bölüşüb, kitabın həmmüəlliflərinə, tədbirin təkilatçılarına və iştirakçılarına öz dərin təşəkkürlərini bildiriblər.