Blog

Hacıqabulun mərkəzindən 50 kilometrədək məsafədə yerləşən bu kəndlər yalnız bölgənin deyil, bütün Azərbaycanın ən əski tarixli məskənlərindəndir.
Azərbaycan Milli Məclisinə sentyabrın 1-də keçiriləcək növbədənkənar seçkilərdə 63 saylı Hacıqabul-Kürdəmir seçki dairəsindən deputatlığa namizəd, akademik Rafael Hüseynovun avqustun 23-də Udulu, İkinci Udulu, Qubalı, Tağılı kəndlərinin sakinləri ilə görüşündə hər dəfə olduğu kimi söhbət ən müxtəlif istiqamətlərə yönəlsə də, yenə gəlib buraların tarixindən keçdi. Əsas məşğuliyyəti əkinçilik və heyvandarlıq olan bu yerlərin camaatının bir çox sosial və iqtisadi problemlərinin həlli istiqamətində son illərdə dövlətin mütəmadi qayğısı sayəsində xeyli nəzərəçarpacaq işlər görülmüşdür.
Çıxış edən sakinlər bunları minnətdarlıq duyğusu ilə qeyd etdikdən sonra deputat Rafael Hüseynovun Udulu kənd məktəbinin inşası ilə bağlı göstərdiyi səyləri, sonralar həmin məktəb üçün əlavə korpusun inşasındakı köməklərini də razılıq hissi ilə yada saldılar.
Görüşdə içtirak edən yerli ziyalılardan bir qismi görkəmli elm adamı, milli tariximiz və mədəniyyətimizin bilicisi olan Rafael Rafael Hüseynova belə bir sualla müraciət etdilər ki, həmişə “Udulu” deyilmiş kəndin adının indi yol göstəricilərində, rəsmi möhürlərdə və bir çox sənədlərdə “Udullu” kimi yazılması nə dərəcədə düzgündür? Akademik Rafael Hüseynov bunun doğru olmadığını və tarixi həqiqəti təhrif etdiyini bildirərək mütləq islah ediləməli olduğunu söylədi.
Akademik dedi ki, “Qədim türk sözləri” kitabında “Ud” sözü “inək” mənasında işlənir. Dolanışıqları maldarlıqla bağlı olan Şirvan əhalisinin bu sahə ilə bağlı kəlmələri toponimlərə çevirməsi təbii idi. “Udulu” sözünün mənası inəkli, yəni mal-qarası bol olan yer deməkdir. Elə eyni şəkildə buralardan çox da uzaqda yerləşməyən, bənzər həyat tərzinə malik olan Kürdəmir rayonundakı “Sığırlı” kəndi adlanıb və “Udulu” ilə “Sığırlı” əslində sinonim sözlərdir. Kəndin adını “Udullu” yazanlar on görə səhv edirlər ki, sözün kökü “Udul” yox, məhz “ud”dur. Ona görə də ləngimədən yanlış “Udullu” yazılışı aradan görürlməlidir.
Udulu camaatı və ətraf kəndlərin Rafael Hüseynovla görüşdə içtirak edən sakinləri dövlətin və millətin həyatında mühüm əhəmiyyət kəsb edən Milli Məclis seçkilərinin uğurla keçəcəyinə ümidvar olduqlarını bildirərək həmişə olduğu kimi bu dəfə də fəallıq gpstərəcəklərini söylədilər.

ATƏT-in Demokratik Təsisatlar və İnsan Haqları Bürosunun (DTİHB) seçki müşahidə missiyasının ölkəmizdə olan seçki müşahidəçiləri Timo Laine (Finlandiya) və Nicola Busse (Almaniya) Vətəndaş Həmrəyliyi Partiyasının 94 saylı Ucar seçki dairəsindən deputatlığa namizədi Gülnar Hüseynova ilə görüşüblər. Görüş zamanı seçkinin gedişadı, təşviqat kampaniyası və seçicilərlə görüş ərtafında müzakirə aparılıb.
G.Hüseynova VHP-nin seçki praktikası, partiyadan olan namizədlər haqda qonaqları məlumatandırıb və müşahidəçilərin suallarını cavablandırıb.

42 saylı Sumqayıt şəhər seçki dairəsindən Vətəndaş Həmrəyliyi Partiyasının deputatlığa namizədi, tanınmış yazıçı Əyyub Qiyas təşviqat kampaniyası çərçivəsində seçicilərlə görüş keçirib. Sumqayıt şəhər 1saylı Uşaq və gənclərin İnkişaf Mərkəzində keçirilən tədbir dövlət himninin sədaları altında başlayıb. Namizədin vəkili Ehtiram İlham tədbiri açdıqdan sonra Azərbaycan torpaqlarının azadlığı və ərazi bütövlüyümüz uğrunda şəhid olanların ruhu bir dəqiqəlik sükutla yad edilib. Ardınca söz alan VHP sədrinin müavini Yusif Salmansoy partiyanın seçki kampaniyasından, seçicilərə təqdim edilən sosial-iqtisadi proqramdan danışıb. Daha sonra deputatlığa namizəd haqda məlumat verən natiq Sumqayıt üçün onun layiqli namizəd olduğunu bildirib. Daha sonra AYB-nin katibi, əməkdar incəsənət xadimi Elçin Hüseynbəyli, yazarlardan Şəhriyar del Gerani, Aysel Səfərli, Şərif Ağayar və ictimai fəal Şirzad Pirallahi çıxış ediblər.
Sonda namizəd öz platforması barədə danışıb və seçicilərin suallarını cavablandırıb.

Yeddinci çağırış Azərbaycan Milli Məclisinə seçkilər ərəfəsində aparılan təbliğat-təşviqat kompaniyası çərçivəsində 63 saylı Hacıqabul-Kürdəmir seçki dairəsindən deputatlığa namizəd Rafael Hüseynovun avqustun 23-dəki növbəti görüşü Şopbalıda, bu kəndin və qonşu Paşalı ilə İkinci Paşalılnın sakinlri ilə oldu. Söhbətinin əvvəlində Rafael Hüseynov görüşün təyin edildiyi ünvana gəlib çatmaqçün Hacıqabulun dağlara sığınan bu kəndlərinə gətirən körpüdən və yoldan keçdiyini söyləyərək əlavə etdi ki, buradakıların hamısı həmin körpünün dünənini yaxşı xatırlayır. Dar və qəzalı vəziyyətdə olan həmin körpü hər gün, xüsusən də yağılı-donuşluqlu payız-qış aylarında daim dəhşətli qəzalar vəd edirdi, oradan keçən hər maşının aşağı yuvarlanmaq təhlükəsi vardı. Köhnə körpüdən keçməməksə mümkünsüz idi, çünki ayrı yol yox idi.
Rafael Hüseynov dövlətimizin qayğısı nəticəsində indi orada çox rahat və güvənli, uzun illər insanlara xidmət edəcək etibarlı körpünün tikildiyini qeyd edərək həmin işin baş tutması üçün özünün də illərcə körpüyə döndüyünü, problemi dəflərlə Milli Məclisdə qaldırdığını, müvafiq dövlət qurumlarına müracitlə bu körpünün plana salınması, layihələşdirilməsi, maliyyəsinin ayrılmasının sürətləndirilməsi üçün çalışıdğını bildirdi. İndi isə gözəl nəticə ortadadır və heç bir xeyilrli, gözəl iş can yandırmadan, ardıcıl məşğul olmadan öz-özünə, sadəcə arzulamaqla başa gəlmir.
Rafael Hüseynov Şorbaçı, Paşalı və İkinci Paşalının yalnız yol və körpü məsləsinin deyil, işıq, qaz, içməli su problemlərinin də uğurla həll edildiyini, təsərrüfat suyu ilə əlaqədar da işlərin getdiyini diqqətə çatdırıb.
Dövlətin xalqın rifahının gün-gündən yüksəlməsinə göstərdiyi qayğıdan razılığını ifadə edən kənd sakinləri həmişə olduğu kimi qarşıdakı seçkilərdə də mütəşəkkillik göstərəcək, səs verib inandıqları millət vəkili ilə əl-ələ qarşıda duran vəzifələrin də uğurla həll olunması üçün çalışacaqlarını bildirdilər.

73 saylı Masallı-Cəlilabad seçki dairəsindən Vətəndaş Həmrəyliyi Partiyasının deputatlığa namizədi, VHP sədrinin birinci müavini Fəzail İbrahimli təşviqat kampaniyası çərçivəsində Masallı rayonunun Şərəfə kəndində seçicilərlə görüş keçirib. Seçicilər qarşısında çıxış edən F.İbrahimli son illər Azərbaycanın əldə etdiyi uğurlar, Zəfər savaşı ilə ərazi bütövlüyümüzün bərpası, işğaldan azad olunan ərazilərdə genişmiqyaslı quruculuq işlərindən və həm diplomatic, həm də iqtisadi sahədə yeni yüksəliş dövrü haqqında düşüncələrini bölüşüb. Səmimi şəraitdə keçən görüşdə Fəzail İbrahimli son 4 ildəki parlament fəaliyyəti və millət vəkili seçiləcəyi halda yenə də seçicilərin yanında olacağını, problemlərin aradan qaldırılması üçün aidiyyəti dövlət qurumlarına müraciət edəcəyi, Masallının gələcəyi, daha da abadlaşdırılması yolunda səylərini artıracağını vurğulayıb. Tədbirin sonunda F.İbrahimli seçicilərin suallarını cavablandırıb, qaldırılan problemlərə münasibət bildirib.

Vətəndaş Həmrəyliyi Partiyasının 73 saylı Masallı-Cəlilabad seçki dairəsindən deputatlığa namizədi, VHP sədrinin birinci müavini Fəzail İbrahimlinin Masallı rayonunun Xırmandalı kəndində seçicilərlə görüş keçirilib. Deputatlığa namizədin vəkilləri, kənd camatı, şəhid ailələri və qazilər iştirak etdiyi tədbirdə F.İbrahimli ötən parlament seçkilərindən bu yana ölkəmizin həyatında baş verən mühüm hadisələrə toxunmuş, Zəfər savaşı və beynəlxalq arenada diplomatik uğurlarımızdan danışıb. Səmimi şəraitdə keçən görüşdə Fəzail İbrahimli millət vəkili seçiləcəyi halda yenə də seçicilərin yanında olacağını, problemlərin aradan qaldırılması üçün aidiyyəti dövlət qurumlarına müraciət, Masallının gələcəyi, daha da abadlaşdırılması yolunda səylərini artıracağını vurğulamışdır.

Tədbirdə seçicilərdən Valeh Həsənov, Qulu Gözəlov, Şamil Abasov, Niftulla Əhmədov, Asif Cəfərov, Mürvət Abbasov, Hafis Qurbanov, İntiqam Əmənov, Əbirəli Yaqubov və başqaları çıxış edərək 1 sentyabr parlament seçkilərində Fəzail İbrahimliyə səs verəcəklərini bildiriblər. Görüşdə sakinlərin şikayətləri dinlənilib, təklif və problemlər qeydə alınıb və xatirə fotosu çəkilib.