Vətəndaş Həmrəyliyi Partiyası

Author: vhpadmin

  • “Həmin gün göz yaşımızı saxlaya bilmirdik…” – Rüstəmxanlı 18 Oktyabr barədə

    Xalq şairi, VHP sədri Sabir Rüstəmxanlı Müstəqillik günü ilə bağlı özünün facebook hesabında fikirlərini bölüşüb.

    BakuPost.az həmin fikirləri təqdim edir:

    Yaxın tariximizin ən dəyərli günü

    Jurnalistlərin bir ənənvi sorusu var: Ən mutlu (xoşbəxt) gününüz hansıdır? İllər uzunu tərəddüd etmədən cavab vermişəm: 1991-ci ilin 18 oktyabrı, Dövlət müstəqilliyimizin bərpası günü!

    Hər kəsin həyatında sevgiylə, ailə qurmaqla, təhsillə, övladlarla bağlı unudulmaz günlər var. Lakin mən ilk baharda kütləvi surətdə müstəqilliyin əleyhinə səs vermiş xalqın və 360 deputatından yalnız 43-nün müstəqillik yolunu seçmiş Ali Sovetin bizlərin yorulmadan çalışmağımız və şəraitin diqtəsi ilə son baharda tam əks mövqedən çıxış etməsini böyük tarixi qələbə sayıram və Müstəqillik Aktını qəbul etdirdiyimiz günü ən xoşbəxt günüm hesab edirəm. Mən Məclisdə bu tarixi sənədi qəbul etdirən Müstəqil Azərbaycan deputat blokunun həmsədri idim…Neçə günlük mübahisədən sonra istəyimizə çatanda sevincimizdən gözümüzün yaşını saxlaya bilmirdik.

    O vaxt müstəqilliyin əleyhinə olanlardan bəziləri bu gün yüksək vəzifələri ələ keçirərək müstəqillikdən ötrü həyatını riskə atanlara həqarət edə-edə, şərəfsiz bir saxtakarlıqla dövlətçilikdən, dövlətə xidmətlərindən danışır, sinələrində bu dövlətin ordenlərini və ya millət vəkili nişanlarını daşıyırlar… Qoy olsun. Bu, məni az ilgiləndirir. Onlar da əziyyət çəkiblər. Cilddən-cildə düşmək də bir əziyyətdir. Onsuz da hər il 1991 ci ilin reallıqları xatırlananda onlar nə çəkirlər və ya köhnə rus-sovet xiffəti onları necə öldürür- təsəvvür etmək olar.

    Məni ağrıdan bu gün dolayı yollarla müstəqilliyimizin və onun uğrunda zəhmət çəkmiş insanların gözdən salınması cəhdləridir. Sanki meydan mübarizələrinin, milli-azadlıq hərəkatının heç bir əhəmiyyəti yoxmuş, onsuz da SSRİ dağılacaqmış və Hürriyyəti qızıl məcməidə bizə də ərməğan edəcəkmişlər. Nəzərə almırlar ki, xalq hərəkatı ilk növbədə Qarabağın Azərbaycandan qoparılmasına qarşı başlanmışdı və İttifaq da bu hərəkatların nəticəsində dağıldı. Belə olan halda Müstəqillik Aktına səs verənləri gözdən salmaqla onun əleyhinə olanları bəsləməyin adı nədir? Bəlkə Müstəqillikdən sonrakı bəzi uğursuzluqlar bəhanədir, bunları əsəbiləşdirən bizlərin erməni işğalına qarşı çıxmağımızdır. Elə deyilsə o referenduma “yox” deyən 43 nəfərdən hələ həyatda olanlarına bu etinasızlığa nə ad verək? Öz dilini bilməyən, tarixindən xəbərsiz, milli ruhdan uzaq yeni bir məmur kütləsi peyda olub və bu yaxın tarixləri unutdurmağla, saxtalaşdırmağla, 1918-ci ildə bu dövləti quranların xatirəsinə sayqısızlıqla anlaşılmaz mövqe nümayiş etdirirlər. Buna görə də xalq bəzən bürokrat əngəlləri idarəçilərin yox, müstəqilliyin suçu hesab edir.

    Müstəqillik xalqın var olmağının, şərəf və ləyaqətini qorumağın, inkişafının əvəzsiz yoludur. Bunu dəyərləndirmək və qorumaq hər bir vətəndaşın və ilk növbədə iqtidarın borcudur. Bu dövlətin məmurusansa, zəhmət çək bu dövləti quranlara və qoruyanlara, bu ölkənin vətəndaşına sayğı göstər!.. Başqa yolun yoxdur!..

    Bütün xalqımızı və Müstəqillik uğrunda mübarizədə xidməti olanları bu böyük bayram münasibətilə ürəkdən təbrik edirəm!

  • Sabir Rüstəmxanlının “Ölüm zirvəsi” İstanbulda təqdim edildi – FOTO

    Xalq şairi Sabir Rüstəmxanlı İstanbulda Türk Ədəbiyyat Fondunun “Çərşənbə axşamı görüşləri” proqramı çərçivəsində oxucularla görüşüb.

    BakuPost.az xəbər verir ki, xalq şairi Türkiyədə çapdan çıxan və Cavad xanın ruslarla mübarizəsindən bəhs edən “Ölüm zirvəsi” romanınını təqdim edərək, oxucuları üçün imzalayıb.

    Tədbiri giriş sözü ilə açan fondun rəhbəri şair Serhat Kabaklı Sabir Rüstəmxanlının həyat və yaradıcılığı haqqında qonaqlara məlumat verərək, görüşün bilərəkdən 18 oktyabr Azərbaycanın müstəqqillik gününə salındığını bildirib.

    Serhat Kabakl qeyd edib ki, Azərbaycanın müstəqqilik qazanmasında Sabir bəyin misilsiz xitmətləri var.

    Daha sonra çıxış edən şair İmdat Avşar Sabir Rüstəmxanlının çağdaş Türk dünyasının böyük şairi və siyasi xadimi olduğunu qeyd edib.

    Sabir Rüstəmxanlı çıxış edərək tədbirə qatılan hər kəsə təşəkkürünü bildirdikdən sonra Türk dünyasının Məsələləri mövzusunda çıxış edib.

    Tədbirdə Türkiyənin ictimai-siyasi xadimləri, media nümayəndələri və oxucular iştirak ediblər.

    Tədbir Türkiyə mediasında geniş işıqlandırılıb.

  • Sabir Rüstəmxanlı Müstəqillik Günü münasibətilə xalqımızı təbrik edib!

     

    “Yaxın tariximizin ən dəyərli günü

    Jurnalistlərin bir ənənəvi sorusu var: Ən mutlu (xoşbəxt) gününüz hansıdır? İllər uzunu tərəddüd etmədən cavab vermişəm: 1991- ci ilin 18 oktyabrı, dövlət müstəqilliyimizin bərpası günü!
    Hər kəsin həyatında sevgi ilə, ailə qurmaqla, təhsillə, övladlarla bağlı unudulmaz günləri var. Lakin mən ilk baharda kütləvi surətdə müstəqilliyin əleyhinə səs vermiş xalqın və 360 deputatından yalnız 43 – ünün müstəqillik yolunu seçmış Ali Sovetin bizlərin yorulmadan çalışmağımız və şəraitin diqtəsi ilə son baharda tam əks mövqedən çıxış etməsini böyük tarixi qələbə sayıram və Müstəqillik Aktını qəbul etdirdiyimiz günü ən xoşbəxt günüm hesab edirəm. Mən məclisdə bu tarixi sənədi qəbul etdirən Müstəqil Azərbaycan deputat blokunun həmsədri idim…Neçə günlük mübahisədən sonra istəyimizə çatanda sevincimizdən gözümüzün yaşını saxlaya bilmirdik.. O vaxt müstəqilliyin əleyhinə olanlardan bəziləri bu gün yüksək vəzifələri ələ keçirərək müstəqillikdən ötrü həyatını riskə atanlara həqarət edə- edə, şərəfsiz bir saxtakarlıqla dövlətçilikdən, dövlətə xidmətlərindən danışır, sinələrində bu dövlətin ordenlərini və ya millət vəkili nişanlarını daşıyırlar…

    Qoy olsun. Bu, məni az ilgiləndirir. Onlar da əziyyət çəkiblər. Cilddən cildə düşmək də bir əziyyətdir. Onsuz da hər il 1991- ci ilin reallıqları xatırlananda onlar nə çəkirlər və ya köhnə rus- Sovet xiffəti onları necə öldürür- təsəvvür etmək olar. Məni ağrıdan bu gün dolayı yollarla müstəqilliyimizin və onun uğrunda zəhmət çəkmiş insanların gözdən salınması cəhdləridir. Sanki meydan mübarizələrinin, milli- azadlıq hərəkatının heç bir əhəmiyyəti yoxmuş, onsuz da SSRİ dagılacaqmış və hürriyyəti qızıl məcməidə bizə də ərməgan edəcəkmişlər.

    Nəzərə almırlar ki, xalq hərəkatı ilk növbədə Qarabağın Azərbaycandan qoparılmasına qarşı başlanmışdı və ittifaq da bu hərəkatların nəticəsində dagıldı. Belə olan halda Müstəqillik Aktına səs verənləri gözdən salmaqla onun əleyhinə olanları bəsləməyin adı nədir? Bəlkə Müstəqillikdən sonrakı bəzi uğursuzluqlar bəhanədir, bunları əsəbiləşdirən bizlərin erməni işğalına qarşı çıxmağımızdır. Elə deyilsə o referenduma “yox” deyən 43 nəfərdən hələ həyatda olanlarına bu etinasızlığa nə ad verək?

    Öz dilini bilməyən, tarixindən xəbərsiz, milli ruhdan uzaq yeni bir məmur kütləsi peyda olub və bu yaxın tarixləri unutdurmaqla, saxtalaşdırmaqla, 1918- ci ildə bu dövləti quranların xatirəsinə sayqısızlıqla anlaşılmaz, hətta erməni mövqeyindən az seçilən mövqe nümayiş etdirirlər. Buna görə də xalq bəzən bürokrat əngəlləri idarəçilərin yox, müstəqilliyin suçu hesab edir.

    Müstəqillik xalqın var olmağının, şərəf və ləyaqətini qorumağın, inkişafının əvəzsiz yoludur. Bunu dəyərləndirmək və qorumaq hər bir vətəndaşın və ilk növbədə iqtidarın borcudur. Bu dövlətin məmurusansa, zəhmət cək bu dövləti quranlara və qoruyanlara, bu ölkənin vətəndaşına sayqı ğöstər!…Başqa yolun yoxdur!.. Bütün xalqımızı və Müstəqillik uğrunda mübarizədə xidməti olanları bu böyük bayram münasibətilə ürəkdən təbrik edirəm!”.

    Sabir Rüstəmxanlı

  • Sabir Rüstəmxanlının imza günü keçirilib-FOTO

    Xalq şairi Sabir Rüstəmxanlının “Akademikin Son Əsəri” kitabının imza günü keçirilib.

    IV Bakı Beynəlxalq Kitab Sərgi-Yarmarkasına qatılan Sabir Rüstəmxanlı oxucuları üçün yeni kitabını imzalayıb. İmza günündə izdihamı yaşanıb və gənclərin iştirakı üstünlük təşkil edib.

    Xalq şairi açıqlamasında kitab sərgisinin yazıçı və oxucuların bayramına çevrildiyini qeyd edib: “Bakı kitab sərgisi sayca beşinci dəfə keçirilir. Mən neçə il əvvəl təşkil olunan 1-ci sərgini də xatırlayıram və görürəm ki, hər sərgidən sərgiyə həm iştirakçıların, həm də ziyarətçilərin sayı artıb.
    Sərgidə 40-dan çox ölkədə nəşr olunmuş kitabların sərgilənməsini çox müsbət hal kimi qiymətləndirirəm.
    Eyni zamanda, yerli nəşriyyatların da buradakı təmsilçiliyi yüksək səviyyədədir. Bu, əlbəttə, sevindirici haldır. Çünki kitab yazmayan, oxumayan toplumdan millət olmaz”.
    Sərgidə “Akademikin son əsəri” kitabının imza gününü də keçirən xalq şairi oxucuların bu əsərə olan münasibətindən məmnunluqla danışıb: “Mən burada müşahidə edirəm ki, kitab sərgisinin ziyarətçiləri arasında gənclər üstünlük təşkil edirlər. Onların kitaba marağı təqdir olunmalıdır. Gördüyünüz kimi, mənim bu əsərim də kifayət qədər maraqla qarşılanıb.
    Deməliyəm ki, indiki oxucu kontingenti 25-30 il əvvəlki oxuculardan fərqlənir. Mənim “Ömür kitabı” əsərim o zaman 250 min tirajla çap olunmuşdu.
    Kitabların 250 min tirajla nəşr olunduğu dövrlər geridə qaldı ancaq indiki gəncliyin böyük hissəsinin o əsər haqqında məlumatı yoxdur. Yəni dövr dəyişdikcə, tələbat da dəyişir. Bunu qəbul etmək lazımdır”.

    TO

  • VHP-nin 25 illik yubileyi qeyd edilib-FOTO

    Vətəndaş Həmrəyliyi Partiyasının 25 illik yubileyi ilə bağlı partiya qərargahında Siyasi Şura, Mərkəzi Nəzarət Təftiş Komissiyasi üzvləri, Mərkəzi İcra Aparatının əməkdaşları və Bakı şəhəri üzrə rayon təşkilat sədrlərinin iştirakı ilə müşavirə keçirilib.
    Partiya sədri Sabir Rüstəmxanlı ictimai-siyasi vəziyyət, bölgədə baş verən proseslər barədə geniş danışıb. VHP-nin 25 illik fəaliyyətinə nəzər salıb. Bildirib ki, VHP zamanın tələbi ilə yaranan partiyadır və biz təsis olunan zaman irəli sürdüyümüz məsələlər hələ də aktual olaraq qalır.
    VHP Ali Məclisinin sədri Rafiq Manaflı, sədr müavinləri Elxan Mirzəyev, Arif İsmayılbəyli, Ali Məclis üzvü Hilal Əliyev, Rövşən Almuradlı, Şuşa təşkilatının sədri Ofelya Rəşidqızı, Qaradağ rayon təşkilatının sədri Bakir Əsədli çıxış ediblər, partiyanın 25 illik fəaliyyətini dəyərləndiriblər və prioritetlərindən danışıblar.

  • VHP-25

    25 il öncə, sentyabr ayının 26-da hələ müstəqilliyinin bir ili tamam olmamış Azərbaycan Respublikasının siyasi həyatına yeni bir qurum qatıldı: Vətəndaş Həmrəyliyi partiyası. Dünyanın ictimai-siyası mübarizələr tarixində yaranmış və dəbdə olan müəyyən ideoloji ənənələrə bağlı olan partiyalardan sonra Vətəndaş Həmrəyliyi siyasi ədəbiyyatda rastlanılmayan bir ad idi və qulaqlara yad gəlirdi.
    Lakin partiyanın qurucuları adı, zahiri effektləri yox ölkənin və xalqın ehtiyaclarını nəzərə almışdılar, yeni dövlətin maraqları, gələcəyi baxımından ən doğru siyasi yolu seçmişdilər. Yeni dövlət müharibə şəraitində idi, üstəlik erməni işğalçılarına dəstək verən qüvvələr ölkəni zəiflətmək üçün hakimiyyət uğrunda mübarizə aparan digər iddiaçıları və etnik qrupları da qızışdırmaqla yeni münaqişə ocaqları yaratmağa çalışır, qarşıdurmalar , bölücülük meyilləri bir-birini əvəz edirdi.
    Belə bir vaxtda yeni partiya ölkənin milli varlığının və gələcəyinin təminatı olan əsas prinsipləri, siyasi ideoloji hədəfi düzgün müəyyənləşdirmişdi.
    Partiyanı təsis edənlərin çoxu zəngin iş təcrübəsi olan, addımlarının məhsuliyyətini dərk edən, meydan hərəkatında sınanıb möhkəmlənmiş və Azərbaycanın bütün bölgələrini əhatə edən ziyalılar idi: Qəmbər Əsgərov, Cəbrayıl Əlinağıyev, Çingiz Əlioğlu, Nüsrət Kəsəmənli, Eyvaz Borçalı, Bəhmən Sultanlı, İslam Qəribov, Valeh Əliyev, Malik Mehdiyev, Elxan Mirzəyev, İbrahim Əliyev, Əjdər Qasımov, İdris Dadaşov, Aydın Səlimzadə, Məsiağa Məhəmmədi, Telman Vəlixanlı, Telman Qardaşov,Ənvər Əliyev, İmamverdi İsmayılov, Zeydulla Ağayev, Şaban Şahbazov, Mədət Rüstəmxanlı, Rafiq Vəlizadə, Aslan Quliyev, Arkadi Şuyski, Sevinc Rüstəmova, Nadir İbadov, Sadıq Həşimov, Məmməd Kazım, Şəfi Danıyalov, İbrahim Yüsifzadə və başqaları. Haqq dünyasına qovuşanlara Allahdan rəhmət diləyir, digərlərinə indi harda çalışmalarından və hansı siyasi cəbhədə dayanmalarından asılı olmayaraq uğurlar arzulayırıq.
    Ölkədə yetərincə tanınan, sevilən, meydan hərəkatının əsas təşkilatçı və liderlərindən biri kimi şöhrət qazanmış Sabir Rüstəmxanlı partiyanın təsis qurultayındakı çıxışında demişdi: “Azərbaycan müharibə fəlakətindən nə vaxt qurtaracaq, torpaqlarımızı və xalqımızı nə vaxt bütöv, tam müstəqil, siyasi və iqtisadi tələlərdən uzaq görəcəyik – demək çətindir… Xalqların azadlıq mübarizəsinin tarixi göstərir ki, bütün siyasət adamları- ən liberal və ən radikal yol tutanlar da müəyyən məsafə keçib, beynəlxalq siyasətin və milləti idarəetmənin çətinliyi ilə üz-üzə gələn kimi bir həqiqəti dərk ediblər: məmləkətin qurtuluşu yalnız həmrəylikdədir! Başqa dillə desək vətəndaş həmrəyliyi olmayan yerdə heç nə mümkün deyil: nə istiqlal, nə qurtuluş, nə sosial demokratiya, nə dirçəliş, nə tərəqqi; birlik olmadan nə müsavatdan, bərabərlikdən söhbət gedə bilər, nə doğru yoldan; nə ana vətən qoruna bilər, nə ana torpaq…
    Mən mövcud partiyaların adını mətnə daxil etməklə hələ ilk addımlarını atan təşkilatımızın onlara qarşı qoymaq istəmirəm. Sadəcə ümumi məqsədimizə doğru yolda gələcəkdə hansı ideyanın aparıcı rol oynayacağını nəzərə çarpdırmaq istəyirəm və arzu edirəm ki, bu ideya bizim siyasi partiyalar arasında münasibətlərin təməl daşı olsun.”
    Müsavat partiyasının ikinci proqramında böyük Məmməd Əmin Rəsulzadənin irəli sürdüyü milli təsanüd (milli həmrəylik) nəzəriyyəsini davam və inkişaf etdirərək Vətəndaş Həmrəyliyinə çevirməklə VHP çağdaş dünyamızda vətəndaşlıq amilinin və vətəndaş cəmiyyəti quruculuğunun ölkənin varoluşu və gəlişməsi baxımından önəmini irəli çəkmişdir.
    Bu gün ölkədə gedən proseslər və siyasi partiyaların bəyan etdiyi ideoloji sistem VHP liderinin 25 il öncə irəli sürdüyü ideologiyanın nə qədər doğru və müasir olduğunu nümayiş etdirir.
    Siyasi leksiyonumuza Vətəndaş Həmrəyliyi ifadəsini məhz VHP gətirmişdir.
    Partiyanın 25 il öncə, təsis qurultayında irəli sürdüyü “Nicatımız – Vətəndaş Həmrəyliyidir” şüarı bu gün də Azərbaycan siyasi mühitində öz əhəmiyyətini saxlamışdır.
    VHP 25 il ərzində heç bir siyasi avantüraya uymadan ölkədə milli dövlətçiliyin qorunub saxlanılması, sivil mübarizə ənənələrinin formalaşması, torpaqlarımızın işğaldan azad edilməsi niyyəti ilə vətəndaşların birgə mübarizə cəbhəsinin yaradılması yolunu davam etdirmişdir. Bölgədə gedən mürəkkəb ictimai-siyasi proseslər vətəndaş həmrəyliyinin Azərbaycan cəmiyyəti üçün ən düzgün və gələcəyimizə yönəli ideologiya olduğunu sübut etmişdir.
    Bu gün 80-ə yaxın bölgə təşkilatında VHP-nin iyirmi minə yaxın üzvü vardır. Partiya təşkilatlarında və rəhbərliyində ölkə vətəndaşı olan bütün etnik və azsaylı xalqların nümayəndələri təmsil olunurlar. Partiyanın əsas nüvəsini gənclər təşkil edir. Təsis olunduğu ildən parlamentdə təmsil olunan VHP hazırda demokratik qüvvələr düşərgəsində ön sırada dayanan partiyalardan biridir. Azərbaycanın işğaldan azad edilməsi, qaçqın və köçkünlərin öz torpaqlarına qayıtması, ölkəmizdə insan haqqlarına, söz azadlığına dəyər verilən demokratik bir cəmiyyətin qurulması VHP-nin əsas hədəfi olaraq qalır. 25 il öncə irəli sürdüyümüz şüar bu gün də qüvvədədir:
    Nicatımız- Vətəndaş Həmrəyliyindədir!
    Pariyanın 25 illiyi münasibəti ilə bütün təşkilatlarımızı, partiya üzvlərini və əqidə dostlarımızı ürəkdən təbrik edir, hamısına uğurlar arzulayırıq.

    Vətəndaş Həmrəyliyi Partiyası
    25. 09. 2017

  • VHP-nin qurultayının vaxtı məlum olub

    Vətəndaş Həmrəyliyi Partiyasının (VHP) növbəti qurultayının vaxtı məlum olub.

    VHP-nin Mərkəzi İcra Aparatının rəhbəri Samir Əsədli APA-ya açıqlamasında bildirib ki, partiyanın Siyasi Şurasının toplantısında VHP-nin qurultayının noyabrın 24-nə təyin edilməsi haqqında qərar verilib. Bununla bağlı Ali Məclisin sessiyası çağırılıb.

    S. Əsədli qeyd edib ki, sentyabrın 26-da isə partiyanın yaranmasın 25 illiyi qeyd ediləcək.

  • VHP Türk Şəhidliyini ziyarət etdilər

    Bu gün Vətəndaş Həmrəyliyi Partiyasının (VHP) bir qrup üzvü ziyalılarla birgə Şəhidllər Xiyabanında türk əsgərlərin xatirəsinə ucaldılan abidəni ziyarət ediblər.
    Mərasimdə VHP Mərkəzi İcra Aparatının rəhbəri Samir Əsədli, “Borçalı” Cəmiyyətinin sədri Zəlimxan Məmmədli, elmlər doktoru Yadigar Türkel, ziyalı Xaliq Bahadır, AMEA-nın əməkdaşı Yasəmən Qaraqoyunlu və jurnalist Sərdar Əlibəyli çıxış ediblər və bu günün önəmindən, Türk dünyası və Azərbaycan tarixində yerindən danışıblar.
    Bu günün “Qardaşlıq günü” kimi qeyd olunmasının zəruriyi bildirilib və Nuru Paşanın Bakıda heykəlinin ucaldılmasının vacibliyi vurğulanıb.

  • Rüstəm Behrudi-60

    38 il bundan öncə Naxçıvandan gəlmiş 22 yaşlı Rüstəm Behrudi, əlində bir dətə şeir, ” Yazıçı” nəşriyyatında mənim qapımı döymüş, şeirləri haqda rəyimi öyrənmək istəmişdi. Oxudugum ilk şerindən onun şəksiz və parlaq istededını, sözünün kəsərini, ruhunun mənə doğmalıgını, düşüncələrinin genişliyini hiss etmiş və ona xeyir- dua vermişdim. Tezliklə Rüstəm köçüb Bakıya gəldi, iş yoldaşım oldu, yaxın dostuma, sirdaşıma, mübarizə yoldaşıma çevrilda. Qardaşlarımla da dostlaşdı, Yardımlıdakı ocağımıza getdi, bu ocaqda həmişə qonaq kimi yox, övladlardan biri kimi qarşılandı.
    İndi Rüstəm Behrudi şöhrəti Azərbaycanın sərhədlətini adlamış, şeirlərinin, publisistikasının milli ruhu, yüksək poetik ovqatı və üsyankarlığı ilə oxucularən sevgisini qazanmış, görkəmli qələm sahibi, böyük sözün və böyük türk ruhunun daşıyıcısi, milli- mənəvi varlığımızın keşiyində dayanan əsgərlərdən biridir.
    Bu gün Ordubadda, Rüstəmon doğulduğu Behrud kəndində, qardaşlarının, uşaqlıq dostlarının, yaxınlarının iştirakı ilə onun 60 yaşını qutlayacağıq. 60 yaşın hesabatını anası Zəhra xanıma, atası Hidayət müəllimin ruhuna , doğma ocağına verəcək. Tərk edilən, boşalan ocaqlarımızı sevindirməkdən gözəl nə ola bilər?
    “60 yaşlı gənc” dostumu ürəkdən tebrik edirəm. Can sağlığı və yola davam!….

    Sabir Rüstəmxanlı
    10.09.2017

  • VHP Mehman Əliyevə azadlıq tələb etdi

    Vətəndaş Həmrəyliyi Partiyası “Turan” İnformasiya Agentliyin baş direktoru, tanınmış ictimai-siyasi xadim Mehman Əliyevin həbs ilə bağlı bəyanat yayıb.
    Bəyanatda bildirilir: Mehman Əliyev Azərbaycan mətbuat tarixində xüsusi mövqeyi olan, müstəqillik dövründə azad sözün, informasiyanın müdafiəsi və möhkəmlənməsi uğrunda yorulmadan çalışan və təvazökarlığı, düzlüyü, yüksək mədəniyyəti ilə seçilən qələm sahibi, vicdanlı bir ziyalıdır.
    VHP ölkədə demokratik mətbuata qarşı hər cür təzyiqləri pisləyir və Mehman Əliyevin jurnalistikamız qarşısındakı əvəzsiz xidmətlərinin nəzərə alınmasını, onun haqqında həbs qətimkan tədbirinin dayandırılmasını və onun dərhal həbsdən azad edilməsini tələb edir.